Ina Rama, kryeprokurorja e re e RSH - Tema Aktuale

×
Albanian Forums, Zerion Zeri yt Zeri Info, Forumi Shqiptar Al Virtual, Diskutime, Biseda, Chat Njofje, Informatika, Teknologjia, Gazeta Tema, Gazetat Shqiptare, Bota Sot, www Channel Albania, Telegrafi Kosovo, Ballkani Web, Gazeta Lajme shqip, Lajmet e Fundit Shqiperia Kosova, Dita, Panorama, Kryeartikull, Faqja Kryesore, Video Shqip, Muzike Shqipe, Njoftime, Lajmerime, Temat Online, Gazetat, Kosovare, Shtypi Ditor, Sporti Shqiptar, Dashuria, Pyetje Pergjigje, Keshilla, Ndihme, Webmaster Shqiptar, Familja, Shqiptaria, Muzika, Receta Gatimi, Imazhe, Vipat-shqiptar, Aktualiteti
Media Sociale
Mesazhe Private
Shqiptaret duke lexuar tema interesante dhe te ndryshme
Tema re

Ina Rama, kryeprokurorja e re e RSH

Ina Rama, kryeprokurorja e re e RSH

· 16 · 3619

  • Postime: 27311
  • Karma: +48/-5
  • Gjinia: Mashkull

ne: 22-11-2007, 15:55:30
Presidenti Bamir Topi ka propozuar për këtë post një gjyqtare te Durresit. Ina Rama është kandidatura e Presidentit në vend te Theodhori Sollakut



Ora 16:10 Ina Rama është prokurorja e re e pergjitshme e Shqipërisë. Kuvendi votoi me 83 vota pro, 33 kundër dhe 5 abstenim dekretin e presidentit Topi për kryeprokuroren e re te vendit. Të pranishem ne sale ishin 121 depuete. Votimi është bërë me kuti ku gjithesecili prej deputeteve te pranishem dha votën e tij te fshehte.

Presidenti Bamir Topi firmos shkarkimin e kryeprokurorit Thedhori Sollaku dhe zgjedh emrin e ri për këtë detyrë. Dekretimi i shkarkimit këtë paradite erdhi menjehere pas një takimi qe pati mengjesin e sotëm Presidenti me kryeministrin Sali Berisha. Pasi një diskutimi kokë me kokë për emrin e Prokurorit te Pergjithshem, Presidenti Bamir Topi ka propozuar për këtë post një gjyqtare te Krimeve te Renda ne qytetin e Durresit. Ina Rama është kandidatura e Presidentit në vend te Theodhori Sollakut. Propozimi u be i ditur nga keshilltari i kreut te shtetit, Artur Metani. Dekreti për shkarkim dhe propozimi do të kalojnee për votim ne parlament dhe në rast se ligjvenesit e votojne, Ina Rama do të jetë kryeprokuroja e pare femër ne Shqipëri. Dekretimi për shkarkimin e Prokurorit te Pergjithshem dhe propozimi i ri u bene  pak para se Presidenti te nisej për një vizite zyrtare ne Kroaci.

Citim
“Sot ne votojme për te vendosur institucionin e akuzes ne kuroren e institucioneve te se drejtes. Sot Presidenti i Republikës sjell për here të parë një personalitet tek e cila ka pasur besimin e plotë te te gjithë spektrit parlamentar”, tha ne hyrje te fjalës se tij Berisha. Kreu i qeverisë ka mohuar ta njohe personalisht zonjen Ina Rama dhe ka theksuar se ajo është zgjedhur nga Keshilli i Larte i Drejtesise. “Nuk e kam takuar ndonjëherë kandidaten e zgjedhur për Prokurore te Përgjithshme nga Presidenti. Zonja i përket atyre gjykatesve te këtij vendi qe kanë patur meriten te meritoje emerimin ne Gjykaten e Apelit te Krimeve te Renda. Nuk e ka emeruar Bamir Topi, as Sali Berisha, e ka emeruar zoti Ilir Panda dhe një Keshill i Larte i Drejtesise”, tha Berisha.

  • Postime: 27109
  • Karma: +11/-5
  • Gjinia: Mashkull

#1 ne: 22-11-2007, 16:25:15
Kuvendi i shqiperise miratoi Kandidaturen e Presidentit Topi per Kryeprokuroren e re te vendit Ina Rama.Per zonjen Rama votuan pro 83 deputet 33 kunder 5 apstenim.Ina Rama eshte gruaja e pare shqiptare qe drejton instuticionin me te rendesishem te vendit sic eshte Prokuroria.Pas Zonjes Topalli si kryetare e Kuvendit te Shqiperise,Vjen nje tjeter Grua ne drejtim te shtetit Shqiptar.
Pune te mbare ne detyren e re dhe me sa me shume arrestime per te frenuar korrupsionin e madh qe ka ne shqiperi.

  • Postime: 7085
  • Karma: +35/-6
  • Gjinia: Femer

#2 ne: 22-11-2007, 22:07:22
Punofsh ne te mire te Shqiperise moj Ina e mos lejo te behesh timon i drejtuar nga te tjeret.

  • Postime: 27109
  • Karma: +11/-5
  • Gjinia: Mashkull

#3 ne: 23-11-2007, 09:44:39
Jeteshkrimi



Emri : Ina

Mbiemri : Rama

Atësina : Haxhi

Amësia : Violeta

Datëlindja : 21.11.1972

Vendlindja : Tiranë

Vendbanimi : Rruga "Prokop Meksi", Lagja nr; P4, Durrës

Statusi civil: E martuar
 

ARSIMI

987- 1991 Kam kryer Shkollën e Mesme të Përgjithshme "Naim Frashëri"

 Durrës, me rezultate të larta (nota mesatare për katër vitet 9.8)

1991-1995Kam kryer Fakultetin Juridik pranë Universitetit të Tiranës me

rezultate të larta ( nota mesatare 9.4)

ARSIMI PAS UNIVERSIT AR

1999-2002 Kam kryer Shkollën e Magjistraturës në të cilën jam klasifikuar e

para ndër kandidatët e tjerë (si në konkursin e pranimit ashtu edhe

në përfundim të studimeve).


EKSPERIENCA NË PUNË

1996-1999 Kam punuar si Ndihmës Gjyqtare pranë Gjykatës së Shkallës së

Parë Durrës

2001-2001 Kam punuar si Gjyqtare në periudhën e stazhit të Shkollës së

Magjistraturës pranë Gjykatës së Shkallës së Parë Durrës.

2002-2004 Kam punuar si Gjyqtare në Gjykatën e Shkallës së Parë Lushnje

Janar 2005  Punoj si Gjyqtare në Gjykatën e Apelit për Krime të Rënda Tiranë.

Prill 2005 Kam kryer dhe vazhdoj të kryej funksionet e anëtarit të Kolegjit

Zgjedhor.

Janar 2007 Gëzoj statusin e „ekspertes“ në programin e trajnimit vazhdues për

gjyqtarët, të realizuar nga Shkolla e Magjistraturës

Shkurt 2007 Pedagoge e jashtme në Universitetin "Aleksandër Moisiu" Durrës.

  • Postime: 1826
  • Karma: +3/-3
  • Gjinia: Mashkull

#4 ne: 23-11-2007, 10:13:36
Shpresoj te beje ndonje lloj pune edhe kjo, por sinqerisht nuk besoj se do te ndodhe ndonje ndryshim, i madh ne sistemin e drejtesise.

  • Postime: 27109
  • Karma: +11/-5
  • Gjinia: Mashkull

#5 ne: 23-11-2007, 10:14:07
Babai: Takimet me Topin që e bënë Inën kryeprokurore

Regjisori Haxhi Rama rrëfen sesi mundi e bija të zgjidhet kryeprokurore. "Inën e kanë përkrahur edhe deputetët"


DURRËS-Asnjëherë më shumë sesa dje, regjisori i njohur durrsak nuk ka marë më shumë përgëzime, megjithëse profesioni i ka dhuruar kënaqësinë e të qënit në qendër tëvëmendjes në Durrës. Gjatë gjithë pasdites, pak pasi ka mbaruar votimi në Kuvend, Haxhi Ramën nuk e zinte më shtëpia. Ka dalë në pijcën e qytetit, për të takuar miqtë e tij. E gjen në sheshin kryesor të qytetit dhe aty përshëndet jo vetëm të njohurit, por edhe kalimtarët të cilët e urojnë për të bijën. Haxhiu nuk kursen asnjë fjalë për të treguar se cila është vajza e tij, madje duket sikur e ndjen për detyrë të sqarojë se kush është kryeprokurorja e re e Shqipërisë. Në një intervistë për "Shekullin", Haxhi Rama rrëfen sesi në familjen e tij ështëdiskutuar çështja e kryeprokurorit dhe se kush kanë qenë personat që kanë ndikuar në përzgjedhjen e së bijës.

Z. Haxhi, kur ka qenë momenti që keni mësuar se vajza juaj është një nga kandidaturat e përzgjedhura për postin eProkurorit të Përgjithshme?

Në fakt, kjo histori ka mëse një muajqë është diskutuar në shtëpinë tonë. Në fakt, duke qenë se Ina, bashkëshortin e ka me punë në Itali, çështjet më të rëndësishme i diskutonim midis nesh. Fillimisht kjo histori na u duk me shaka. Ne e besonim që Ina ishte prezantuar si kandidate për të qenë kryeprokurore, po për ca kohë nuk e morëm seriozisht këtë punë.

Por kush ju tha ju se është bërë një prezantim i tillë?

Kanë qenë disa kolegë dhe miq të Inës, që kanë bërë një propozim të tillë, por siç ju thashë, ne fillimisht nuk e morëm seriozisht.

Por kurështë besuar në shtëpinë tuaj se Ina do të bëhej kryeprokurorja e parë femër?

Duhet të ketë qenë dy javë më parë. Ina është telefonuar nga presidenca, ku është njoftuar për një takim me Presidentin Bamir Topi. Që nga ky moment,menduam se fjalët ishin paksa të vërteta. Kur vajza u kthye në shtëpi më thase Presidenti Bamir Topi e kishte njoftuar se ishte një nga kandidaturat e propozuara për të qenë kryeprokurore, ndërkohë qëpërveç këtij fakti, nuk i ishte premtuar asgjë tjetër. Krahas kësaj, Ina ishte paralajmëruar që këtë çështje ta mbante sekret. Në fakt, kanë qenë shumë pak njerëz që e dinin këtë histori.Nga ajo çfarë ishte thënë nga Presidenti, ishte fakti që e tërë biografia dheeksperienca në punë e Inësdo të shqyrtohej dhe më pas do të vendosej. Kaq u tha dhe për disa ditë, askush nuk u bë i gjallë.

Ju jeni në dijeni se kush e ka propozuarvajzën tuajsi kandidate tek presidenti?

Kanë qenë miqtë dhe kolegët e saj që kanë propozuar emrin e Inës dhe pse ishte kandidatura e vetme femër. Me thënë të drejtën, kur u tha media se krahas një kandidature shumë të përfolur ishte dhe emri i një gruaje aty besuam se kjo çështje po merrte disi rrugë. Por deri në momentin që Ina më ka telefonuar që të ndiqja votimet, nuk e kam besuar këtë histori.

Mos kanë ndikuar njohjet personale, për propozimin e vajzës suajkandidaturë duke patur parasysh që ministra apo edhe zëvëndëskryeministr iështë me origjinë nga Durrësi?

Në fakt është e vërtetë se me ministrin Olldashi, vajza ka qenë shoqe klase.Po kështu, ne jemiqytetarë të vjetërnë Durrës dhe jemi familje e njohur. Ajo që unë besoj është se ata kanë dhënëmiratimin e tyre ndërsa për propozimin, besoj se ka ardhur nga kolegët e Inës, duke patur parasysh edhe karrierën e saj. Unë mendoj se çështjet që ka mbuluar në Kolegjin Zgjedhor i kanë dhënë një ndihmesë të madhe për tu afirmuar në profesionin e saj për të ardhur deri këtu, që vërtet është arritja më e madhe e vajzës sime. Jam shumë i lumtur për këtë fakt.

Kur mësuat se presidenti do të propozonte vajzën tuaj?

Duke qënë se në media flitej për një emër tjetër, ne menduam se kjo histori ishte e mbyllur. Madje, Ina sot ështënisur në punë normalisht, pasi kishte hequr çdo shpresë që emri i saj do të përzgjidhej nga Presidenti i Republikës. Por gjatë rrugës, mund të ishte ora9, më telefonoi dhe më tha se ishte thirrur sërish në Presidencë për çështjen e kryeprokurorit. Më vonëmësoj nga shokët e bashkëshortit të Inës se Presidenti i kishte propozuar Kuvendit emrin e saj. Hera e fundit qëkam folur me Inën ka qenë momenti kur po votohej në telefon, ku më njoftoi të ndiqja seancën parlamentare.

Z. Haxhi, si do ta vlerësonit emërimin e vajzës suaj si kryeprokurore?

Në fakt, kjo është dita ime më e lumtur. Vajza ime ka arritur majat e suksesit, por më shumë sesa lumturi apo krenari mendoj se kjo është një përgjegjësi shumë e madhe, të cilën kam besim se vajza ime do ta kryejë me sukses. Unë jam i bindur për këtë. Deri më tani, Ina ia ka dalë mbanë. Besoj se edhe në këtë rast, do të dijë të realizojë me sukses këtë mision.

Shekulli

  • Postime: 1826
  • Karma: +3/-3
  • Gjinia: Mashkull

#6 ne: 23-11-2007, 10:46:48
Mungese kurajo ne nje kohe te frikshme


Mentor Nazarko

Largimi i zotit Theodhori Sollaku nga kreu i prokurorisë është nga ato ngjarje që do kujtohen gjatë në historinë e institucioneve shqiptare. Ai ishte epilogu i një beteje të gjatë për pavarësinë e tyre. Ishte një betejë e gjatë, prej rezistencës së Sollakut dhe vendimit të drejtë të një Presidenti, që i akuzuar për favorizim ekonomik për nipërit e vet, pa sesi qeveria e sotme ja shkatërroi bizneset e tyre, ndërsa zgjodhi të mbronte këtë pavarësi. Ishte një betejë e gjatë prej mbrojtjes që një pjesë e medias i bëri kësaj pavarësie dhe nuk mbaron këtu lista e arsyeve pse ky episod i luftës për pavarësi të institucioneve vazhdoi. Ishte një rezistencë relativisht e gjatë, megjithëse nën heshtjen e institucioneve të tjera që janë strukur nën peshën e mëkateve të krerëve të tyre, apo janë homologuar me qeverinë, anipse radha do t‘i vijë dhe atyre.

Po pse rezistoi gjatë Sollaku, që vjen nga një zonë që në mitologjinë popullore nuk mbahet për trimëri? Theodhori Sollaku që megjithatë bëri trimëri, guxoi pasi njihte shtetin, - kishte punuar me dy presidentë; njihte ata që e sulmonin, madje shumë mirë, në kohëra të mira dhe të këqija. Ai mund të mos ishte zyrtar model i shtetit në shumë aspekte, por megjithatë guxoi në emër të pavarësisë së institucionit që drejtonte, t‘i kundërvihej njerëzve që i njihte mirë, madje dhe nga afër, madje dhe nga festa familjare që kishte kaluar me ta. Guxoi pasi më parë kishte depolitizuar prokurorinë, për të cilën zoti Berisha harroi sakaq sesa akuza kishte bërë në drejtim të paraardhësit të tij. Sollaku u rezistoi sulmeve dyvjeçare, pasi guxoi bashkë me një ekip të pajisur dhe të paguar keq, të përgatiste akuzat për grupe që ishin konsideruar si mjaft të rrezikshëm dhe me suport politik; guxoi aq sa mundej të guxonte në kushtet e mungesës së bashkëpunimit me ekzekutivë që nuk e durojnë këtë formulë kushtetuese funksionimi që e sheh prokurorinë si të pavarur. Sollaku mbase nuk guxoi të godiste manjatët e mëdhenj të biznesit që korruptonin zyrtarë, bashkë me zyrtarët e korruptuar, si në Rusi, por Presidenti apo më saktë kryeministrat që e shoqëruan nuk ishin Putinë. Sollaku ishte i fortë edhe pse e ruajti veten mirë nga gabime banale, që mund t‘i ishin provuar lehtësisht nga ushtria e inspektorëve të policisë, të Ministrisë së Drejtësisë, apo të ndonjë institucioni tjetër që u lëshuan kundër tij në rastin e komisionit të parë hetimor. Sollaku nuk gaboi as të sulmonte atë që ishte ideator i sulmeve ndaj tij, ministrit të Drejtësisë, megjithëse ai dha dorëheqjen nën akuza për korrupsion. E gjithë vepra e Sollakut ishte përgjithësisht një vepër e mirë përballë një Kryeministri, që megjithëse vjen nga mjekësia, nuk ka arritur të reformojë as sallën e urgjencës së spitalit më të madh të Shqipërisë, pale sistemin shëndetësor që funksionon në pikëpamje organizative si në komunizëm.

Gabimi i Presidentit

Me vendosjen e firmës mbi shkarkimin e prokurorit, zoti Topi bëri ndoshta në një plan, diçka të drejtë. Nën presionin e shumicës, premtimeve për kryeprokurorë te disa prokurorë, që madje filluan të vetshpalleshin, mungesës së bashkëpunimit të policisë, etj., institucioni i akuzës po shkërmoqej. Duket se me këtë veprim mori fund, mosfunksionimi i një institucioni të rëndësishëm. Por bëri një gabim të madh, që minimalisht ka për t‘i kushtuar shumë po atij. Kishte rastin të bënte një veprim që do ta vendoste në një start të drejtë përballë opozitës që i dha një shans, duke mos e sulmuar. Të paktën kreu i saj, Rama, apo liderët e tjerë të opozitës pas akuzave të para, vendosën ta pranonin si President. Zoti Topi mund t‘i kërkonte dorëheqjen Sollakut dhe t‘i ruante dinjitetin një zyrtari veteran të shtetit, duke e propozuar në një institucion tjetër dhe duke sfiduar pjesërisht shumicën nga erdhi vetë, anipse nuk do t‘ja votonin dekretin. Por zoti Topi nuk guxoi ta bënte një gjë të tillë.

Në një kuptim, ky veprim mund të duket si një akt autoriteti i Presidentit të Republikës, për shkak se ai mund të ketë imponuar një kandidaturë të vetën, pas luhatjeve të para për ta zgjedhur emrin e Prokurorit të Përgjithshëm nga një listë partish, apo atë që do t‘i propozonte Berisha. Akt autoriteti, bashkë me imponimin për të shkarkuar ministrin Rusmali që realisht u shkarkua prej zotit Berisha, që po të donte mund ta kthente mbrapsht. Por e vërteta nuk është vetëm kaq.

Zoti Topi e kreu këtë veprim me një ndjenjë faji, ashtu siç u duk me kohën e zgjedhur për ta bërë këtë. Ndërsa para Solanës, që e kishte ftuar pikërisht për t‘i rritur protagonizmin institucional, për ta shkëputur nga hija e Kryeministrit që e zgjodhi, zoti Topi nuk guxoi ta përmendte vendimin që kishte marrë, dje në pak orë, arriti të lexonte raportin e specialistëve proshkarkimit, të studionte kandidaturën e pasardhëses dhe të firmoste dekretet respektivë. A thua sikur Bashkimi Europian nuk ka njerëz për të raportuar se ç‘ndodh këtu!

Veprimi i zotit Topi ishte nën një ngut të madh për të mos koinciduar me vendimin e Gjykatës Kushtetuese që mund t‘ia zhvlerësonte atë. Por kjo nuk e bën atë më pak antikushtetues. Koha nuk i heq karakterin veprimeve.

Veprimi i djeshëm i Presidentit dhe miratimi i kandidaturës së zonjës Rama me aq ngut, ishte demonstrim i hapur i mungesës së kurajës së atyre që sot drejtojnë institucionet, nga pasja në krye të akuzës të një njeriu jokomod për shumicën, frikë nga vendosja si zëvendësues i Sollakut të një njeriu të afishuar qartazi me shumicën ashtu siç u përfol. Filluan të qarkullonin emra që njiheshin për lidhjet e veta me kreun e shumicës, por mesa duket nuk u guxua të shkohej deri aty. Nuk u guxua, madje u mashtrua se do të zgjidhej një kandidaturë që të vinte prej opozitës, mjaft që të ikte Sollaku. Paradoksalisht kjo mungesë trimërie e institucioneve, e Presidentit për t‘i rezistuar Kryeministrit, e Kryeministrit për ta vijuar traditën e vet të kontrollit të paturpshëm të institucioneve, e peshës së historisë negative të tij në krye të shtetit, u përqendrua në kandidaturën e një femre. Një individ i tillë do ta ketë shumë të vështirë të punojë pas sulmeve të frikshme që u organizuan ndaj paraardhësit të vet. Do ta ketë të vështirë të funksionojë pa eksperiencë, pa ditur ato që dinte paraardhësi i saj mbi krerët e institucioneve që kishte përreth apo mbi të, dituri prej së cilës vinte dhe trimëria e nevojshme. Qenia femër mund ta mbrojë para sulmeve të opozitës, që mund të përmbahen prej tyre, por kaq është fare pak për të qenë Silvia Konti e Shqipërisë, e prezantuar duke qeshur në mënyrë cinike nga kryeministri i radhës.

Veprimi i djeshëm i Presidentit i hap rrugë kontrollit të institucioneve të pavarura nga ana e shumicës. Me firmën e parë të Presidentit Topi, kur duhet vërtet të merrte ndoshta për herë të parë në jetën e tij si politikan, një vendim të vërtetë dhe të rëndësishëm. Kjo është vërtet e frikshme.

marre nga gazeta shqip.


  • Postime: 187
  • Karma: +0/-0
  • Gjinia: Mashkull

#7 ne: 23-11-2007, 11:27:15
Historia e Sollakut te kujton torollaken Helenen e Trojes. puffff
Me kembe te mbar Ina te populli yt i shumevuajtur.

  • Postime: 22
  • Karma: +0/-0
  • Gjinia: Mashkull

#8 ne: 24-11-2007, 03:39:39
Kjo ka qene nje here e paralajmeruar nga Min, Drejtesise sepse ka liruar nje te burgosur ne Lushnje ne menyre te paqarte, çudi qe nuk permendet ky fakt.

  • Postime: 7085
  • Karma: +35/-6
  • Gjinia: Femer

#9 ne: 01-12-2007, 22:38:02
Topi ja kishte borxh kete nder, Ines.

  • Postime: 1826
  • Karma: +3/-3
  • Gjinia: Mashkull

#10 ne: 04-12-2007, 11:36:41
Nuk besoj se eshte pune nderi, por peruljeje e Presidentit te vendit ndaj ish shefit te tij qe sic dket e paska akoma shef. Nje president qe nuk pret vendimine gjykates klushtetuese, eshte thjesht nje president frikacak dhe burracak.

  • Postime: 7497
  • Karma: +88/-62
  • Gjinia: Mashkull

#11 ne: 04-12-2007, 12:28:53
I uroj pune te mbare kryeprokurores se re, dhe ndoshta sjell nje transformim rrenjesor dhe imazh te ri ne organin e kalbur te akuzes (Prokurorine).

  • Postime: 1826
  • Karma: +3/-3
  • Gjinia: Mashkull

#12 ne: 05-12-2007, 09:26:52
Nuk besoj se znj. Rama do te beje ndonjendryshim themelor ne organin e prokurorise dhe perkundrai mendoj se edhe ajo, megjithese ne moshe relativisht te re vuan rende nga mendesite mesjetare dhe konfliktuale qe ka klasa drejtuese e ketij vendi. e them kete pasi sot pashe rastesisht faqen zyrtare te prokurorise dhe pashe qe prej andej eshte hequ cdo njoftim per shtyp dhe cdo foto aktivitetesh te organizuara nga prokurori i meparshem.
kjo zonje nuk arrin ta kuptoje se kreret ndryshojne por insititucioni mbetet, ai ka nje te kaluar, nje histori te vjeter dhe te re qe nuk mund te fshehen me nje delete nga faqja zyrtare, pasi kjo nuk eshte faqja personale e Ina Rames, por e prokurorise se shtetit shqiptar.

  • Postime: 195
  • Karma: +1/-0
  • Gjinia: Mashkull

#13 ne: 06-12-2007, 17:39:29
Nuk besoj se është pune nderi, por peruljeje e Presidentit te vendit ndaj ish shefit te tij qe siç dket e paska akoma shef. Një president qe nuk pret vendimine gjykates klushtetuese, është thjesht një president frikacak dhe burracak.

Pse cfare zgjedhje te mire ka bere Sala ne keto 17 vjet te mbreterimit te tij?
Ai nuk ka nevoje per burra te mire e te afte,per president,prokurore,ministra te afte e autoritare.Truri eshte vete ai,te tjeret duhen te jene qorra e eunuke,qe bejne sic thote ai.Kush ngre zerin del jashte loje si eshte zakon ne shqiperi nga 60 vjet.Sado i mire e i afte te jete ndokush po u zgjodh nga Sala (o Nano)do thote qe ka pranuar te jete hije e jo me vetevetja.

  • Postime: 737
  • Karma: +0/-1

#14 ne: 18-04-2008, 22:58:52
« Editimi i fundit: 19-04-2008, 17:13:41 nga Dalber »

  • Postime: 7085
  • Karma: +35/-6
  • Gjinia: Femer

#15 ne: 26-10-2012, 21:47:40
Për më pak se një muaj, presidenti i Republikës, Bujar Nishani do të nxjerrë dy dekrete të rëndësishme. I pari ka të bëjë me dekretimin e datës së zgjedhjeve, për të cilën po kryen konsultime me partitë politike.

Dekreti i dytë do të jetë pak më vonë, por shumë më delikat dhe, në ndryshim nga i pari, pritet të ngjallë debate në skenën politike shqiptare. Bëhet fjalë për dekretin që emëron prokurorin e përgjithshëm.

Burime zyrtare bëjnë të ditur për Top Channel se presidenti Nishani ka krijuar ndërkohë bindjen se mandati i kryeprokurores Ina Rama nuk mund të zgjatet përtej 22 nëntorit, data kur 5 vjet më parë Ina Rama u votua nga Parlamenti




Debati nëse Ina Ramës i skadon mandati në nëntor 2012 apo në maj të 2013-ës u soll në qendër të vëmendjes, në mënyrë publike, nga ambasadori i OSBE-së, Eugen Wolfarth. Pak kohë më parë, pas një takimi me prokuroren e përgjithshme, ai mbrojti tezën se:

"Kjo nuk është një çështje javësh, por një çështje muajsh dhe se deri në majin e 2013-ës, autoritetet duhet të shqetësoheshin për të gjetur një person me integritet që të përballojë siç duhet përgjegjësitë e kryeprokurorit, duke ruajtur pavarësinë e insitucionit”.

Debatet për mandatin e prokurorit të përgjithshëm lidhen me faktin se Ina Rama u emërua në këtë detyrë disa muaj përpara ndryshimeve kushtetuese, ku me konsnesus, demokratet dhe socialistët, përcaktuan një mandat 5-vjeçar për kreun e organit qendror të akuzës.

Deri në kohën e emërimit të Ina Ramës, kryeprokurori kishte mandat të pakufizuar dhe mund të largohej ose me dorëheqje, ose me firmën e presidentit, pas një komisioni hetimor parlamentar.

Deri tani, as Partia Demokratike, as Partia Socialiste nuk kanë deklaruar ndonjë pozicion zyrtar mbi debatin se kur i mbaron mandati prokurores së përgjithshme, Ina Rama.

I pyetur për këtë çështje, kryeministri Sali Berisha ka deklaruar vetëm se: “ka besim tek presidenti Nishani që me emërimin e prokurorit të ri të përgjithshëm do të respektojë Kushtetutën”.

Dhe, mesa duket, presidenti Bujar Nishani nuk do ta zhgënjejë besimin e kryeministrit, duke konsideruar të skaduar mandatin e Ina Ramës më 22 nëntor dhe duke dekretuar emërimin e prokurorit të përgjithshëm, identikiti i të cilit është ende i panjohur!

Temat e fundit