Pse duhet te jemi ne sot me Arian Canin? - Tema Aktuale

Elida Bucpapaj

Per absurd, ne prag te Dites te Shtypit te Lire, te henen mbrema na pane syte dicka qe eshte antiteza e Lirise se Shtypit dhe shprehjes te lire te mendimit. Ne debatin e Rudina Xhunges me teme zgjedhjet e 8 Majit ishin ftuar Henri Cili, Arjan Cani, Saimir Tahiri, Erion Veliaj, pra dy gazetare dhe dy njerez nga rrethi vicioz i kryetarit te PS, Ed Rames, i cili garon per here te katert per Bashkine e Tiranes. Them nga rrethi vicioz sepse, per shembull, Rudina Xhunga nuk kishte ftuar as Kastriot Islamin, as Andis Harasanin, as Pandeli Majkon, emra perfaqesues te PS. Nejse.

Arajn Cani tek ABC pas kercenimit.mp4

Debati u nxeh, sepse u mor vesh se kishte plasur nje bombe prane Tendes Elektorale te liderit te opozites, ku ishte lenduar edhe nje kalimtar. Kaq mjaftoi qe Saimir Tahiri te niste tiradat sulmeve arrogante kunder kryeministrit dhe kandidatit te PD-se, duke e akuzuar se bomben e kishte vene "Saliu" me nje xhestikulacion qe te kujtonte vec shefin e tij, i cili e punesoi Saimirin ne fillim ne Bashki e pastaj e beri deputet te PS.

Nuk me intereson fare, pasi eshte pune e demokracise se brendshme te PS karriera e Saimir Tahirit apo te Erion Veliajt, i cili pa bere nje gram pune, duke u katapultuar nga nje OJQ, qe nga emri do te thote organizate jo qeveritare dhe jofitimprurese, doli prej saj i pasur e me xhepat plot me pare, sepse kjo eshte puna e Ed Rames, e shijeve dhe interesave te tij. Mua me intereson ajo qe ngjau tek Xhunga.

Ndersa Saimir Tahiri akuzonte "Saliun" si bombvenes, Arjan Cani reagoi duke shprehur mendimin e tij, se njeriu qe ishte me pak i interesuar per bomba ne fushate elektorale ishte pikerisht kryeministri, i cili nuk ka asnje arsye se perse te vendose nje bombe ne tenden elektorale te kundershtarit te tij.

Te njejtin mendim me Arjan Canin e ndaj edhe une. Cdo kryeminister, perfshi edhe Ed Ramen sikur te kishte qene ai ne vend te Sali Berishes, do te ishte i interesuar qe fushata zgjedhore te shkonte sa me mbare dhe sa me qete. E perse Sali Berisha po dashka te demtoka veten e tij, duke e ditur se cdo incident demton imazhin e fushates dhe te qeverise qe ai vete e drejton? Po pse ky Sali Berisha qenka me pak inteligjent se koka e Erion Veliajt apo e Saimir Tahirit ? Po ky Erion Veliaj dhe ky Saimir Tahiri qenkan budalle qe t'i marrin shqiptaret per budallenj, ndersa ata kane marre rolin e shplarjes te truve te shqiptareve ne shekullin XXI, kur diktaturen shqiptaret e kane cuar ne theqafje prej 20 vitesh ?

Por ndersa Arjan Cani ishte duke shprehur mendimin e tij, si nje te drejte te patjetersushme, nga shtepia merr mesazh me sms se familja e tij kishte marre kercenime se do t'i vinin bombe. Ne keto kushte ai largohet nga emisioni i Xhungles dhe me vone del ne telefon tek Shqip dhe tek ABCNEWS duke deklaruar se PS eshte marre peng nga nje bande e rrezikshme.

Natyrisht ne gazetari ne nje shoqeri demokratike nuk perjashtohen simpatite e gazetareve. Sic dihet ka massmediume te qendres, te majta te djathta, ama ne shoqerite demokratike nuk ka massmediume qe abuzojne me te verteten per hir te bindjeve politike, apo gazetare qe nuk mund te shprehin mendimet e tyre sepse kjo i ve ne rrezik jeten e tij apo te familjes, sic ngjau me Arjan Canin, pasi ky shprehu mendimin e tij se bomben prane tendes elektorale te Ed Rames nuk mund ta kishte vene Sali Berisha.

Arjan Cani telefonon tek SHQIP pasi eshte larguar nga emisioni....

Trazira, demonstrata, permbysje regjimit, Liban, Egjypt, Tunizi, Ben Ali, Kadaf, Mubarak, opinion mbare shqiptar i njeh mire perdoruesit e tyre.

Mbare opinioni shqiptar dhe organizmat nderkombetare ne Shqiperi e dine mire se kush eshte i interesuar qe fushata zgjedhore te jete me incidente, problematike, natyrisht jo shefi i ekzekutivit, sepse cdo incident do t'i kthehej atij te parit boomerang. Opinioni shqiptar dhe organizmat nderkombetare e dine shume mire se kush donte t'i bojkotonte keto zgjedhje, ashtu si kishte orientuar bojkotimin e parlamentit te Shqiperise, me pretendimet nga me absurdet.

Opinioni shqiptar po ashtu e di shume mire se ata qe kercenuan me bombe familjen e Arjan Canit, ndersa ky ishte duke thene se kete bombe nuk e ka vene Sali Berisha, nuk ishte kryeministri i Shqiperise. Arjan Cani e tha shkoqur se kush ishte, e tha shqip, edhe tek emisioni i Xhungles edhe tek ABCNEWS.

Dhe une sot jam me Arjan Canin. Per te drejten qe ai ka, per te shprehur mendimin pa pasur frike se ky mendim do t'i rrezikoje jeten familjes apo atij vete nga banda qe kerkojne t'i vene bomben lirise te fjales. Une jam sot me Arjan Canin, sepse duke u solidarizuar me te, une mbroj te drejten time, si gazetare, te drejten tone si gazetare per te thene te verteten pa pasur frike nga hijet e zeza te se shkuares.

Kjo bandë e ndyrë që ka kapur PS-në

Arian Cani

Një person pa shtyllë kurrizore dhe me inteligjencë të mangët, që quhet Erjon Veliaj e që njihet nga publiku si ai që luan rolin e pordhës nëpër brekët e shefit të vet, në një "intervistë" të improvizuar me ngut e të botuar në gazeta vasale shefash, ka sulmuar, ndër të tjera, me argumente të një naiviteti qesharak edhe personin tim, duke kujtuar se në këtë mënyrë do arrijë të përbaltë figurën time dhe të shpëlajë të tijën. Ky thotë se Arian Çani drejton një emision ku promovohen videoklipe, balerina serbe dhe opozita e opozitës.

Mirëpo, publikut i kujtohet fare mirë se, jo shumë kohë më parë, vetë ky Erjoni është promovuar pikërisht në këtë emision. Për këtë promovim më vjen keq tani, por jo atëherë, sepse atëherë Erjonit nuk i ishte çjerrë akoma maska e tij e kalbur dhe akoma nuk ia njihnim fytyrën e vërtetë. Ja ç'thotë një personazh nga publiku, në një nga komentet që pasojnë "intervistën" e Erjonit: "Si nuk i vjen zor PS-së që mban në gjirin e saj njerëz si Veliaj dhe disa elementë të tjerë që kanë treguar se janë të paaftë në përballje dhe debate politike. Erioni gjasme kur krijoi "Mjaftin", na deklaronte se ishte në shërbim të qytetarëve dhe që s'do ishte pjesë e politikës dhe më vonë na krijon parti, ku nuk merr votat e duhura për deputet dhe ndërkohë Rama shet votat e tij dhe ia jep Erionit si skllav që e ka. Po përse nuk thotë Erioni që falë Çanit është aty ku është? Po ky është një ordiner mosmirënjohës, që mori në telefon familjen e Çanit dhe e kërcënoi me bombë..." (Gazeta "Tema online", 4 Maj, 2011 më 1:21 pm, postuar nga ajaks.)

Natyrisht Erjoni nuk ka promovuar videoklipe, nuk është as balerinë serbe (ndonëse kam përshtypjen se nuk do t'i kish ardhur keq sikur të ishte një e tillë). Por në cilën nga këto tri kategori të emisionit e fut ky veten? Mbetet vetëm të përfshihet tek opozita e opozitës. Apo jo? Dhe kjo nuk është e pavërtetë. Ja një rast kur pavetëdija të tradhton. Erjoni, që tani është në PS dhe që pretendon t'i zërë vendin Gramoz Ruçit, me ndihmën financiare të disa dallavereve të huaja (duke e devijuar qëllimin e këtyre fondeve), si dhe i mbështetur nga një demagogji false, që zë fill nga shefi i vet aktual, nuk la gjë pa bërë kundër Partisë Socialiste, atëherë kur shefi i tij aktual ishte gjithmonë shef i tij, por ende jo shef i kësaj partie. Askush nuk mund ta harrojë zellin e tij të tepruar, që e bëri Erjonin një nga fytyrat më të urryera në gjirin e Partisë Socialiste dhe të simpatizantëve të saj e më gjerë.

Zelli i tij i tepruar u fashit pas dështimit spektakolar në zgjedhjet e përgjithshme të vitit 2009, përkundër pompave zhurmuese që mëtonin ta paraqitnin atë dhe partinë e tij fantazmë G99 si e ardhmja e politikës shqiptare. I mbetur pa asgjë dhe duke patur nevojë jetike për një trup ku të hidhte helmin e tij prej mashtruesi ordiner, Erjon u katapultua nga shefi i tij i përhershëm drejt e në gjirin e PS-së, pa patur asnjë meritë reale në këtë parti, përveç rolit të pordhës që përmendëm më sipër. Sot, në prag të zgjedhjeve vendore, me të njëjtin zell, por kësaj here të qindfishuar, kjo pordhë mediatike na shfaqet nëpër ekrane dhe gazeta sa herë që shefit të tij nuk i intereson më të flasë me gojë por me bythë dhe sa herë që dikush nuk mendon dhe nuk dëshiron të mendojë si shefi i tij.

Kështu bën ky hipokrit i regjur edhe kur akuzon të tjerët për kidnapim dhe gjobvënie, duke bërë sikur harron se së bashku me sërën dhe shefin e tij (ai i gjobave të ndërtimit) kanë kidnapuar lidershipin e Partisë Socialiste, dhe duke mos e kuptuar se gjobvënia më e dëmshme është përpjekja e pandërprerë për manipulimin e mendjes së njerëzve me retorikën boshe e të molepsur që përdorin prej vitesh.

Në mënyrë njëherazi qesharake dhe të paturp, në fund të "intervistës", duke folur për njerëzit e medias, Erjoni i akuzon këta të fundit se s'do mund të jetonin dot pa kordën umbilike që i lidh me politikën. Dhe këtë e thotë një tip si ky, që ekziston vetëm në sajë të medias, vetëm në sajë të lidhjes me politikën, shkurt një sajesë artificiale mediatiko-politike, në dallim të qartë nga njerëzit e medias që jetojnë me penën, idetë dhe zërin e tyre.

Sot, në kushtet e mungesës së një shoqërie civile aktive, të pamundësisë së dëgjimit të atyre pak zërave të vlefshëm e racionalë në këtë qytet, në kushtet e mosekzistencës brenda të majtës të asnjë ideologjie, nuk është aspak e vështirë që sharlatanë të tillë si Erjon Veliaj të marrin flamurin e luftëtarit për drejtësi dhe pozën e shtirur dhe të neveritshme të atyre që u dhimbsen shqiptarët dhe Shqipëria…