Reforma ne drejtesi - Nje deshtim kolosal - Aktualiteti

×
Albanian Forums, Zerion Zeri yt Zeri Info, Forumi Shqiptar Al Virtual, Diskutime, Biseda, Chat Njofje, Informatika, Teknologjia, Gazeta Tema, Gazetat Shqiptare, Bota Sot, www Channel Albania, Telegrafi Kosovo, Ballkani Web, Gazeta Lajme shqip, Lajmet e Fundit Shqiperia Kosova, Dita, Panorama, Kryeartikull, Faqja Kryesore, Video Shqip, Muzike Shqipe, Njoftime, Lajmerime, Temat Online, Gazetat, Kosovare, Shtypi Ditor, Sporti Shqiptar, Dashuria, Pyetje Pergjigje, Keshilla, Ndihme, Webmaster Shqiptar, Familja, Shqiptaria, Muzika, Receta Gatimi, Imazhe, Vipat-shqiptar, Aktualiteti
Media Sociale
Mesazhe Private
Shqiptaret duke lexuar tema interesante dhe te ndryshme
Tema re

Reforma ne drejtesi - Nje deshtim kolosal

Reforma ne drejtesi - Nje deshtim kolosal

· 3 · 2190

  • Postime: 27153
  • Gjinia: Mashkull

ne: 01-12-2019, 15:39:04
 

Presidenti Meta sulmoi disa përfaqësuesve të komunitetit ndërkombëtar, duke nisur nga ambasadori i OSBE-së në Tiranë, Berndt Borchardt. Presidenti Meta deklaroi se ambasadori Borschardt nuk do të jetë më i mirëpritur në zyrën e tij.

Në mbremje në emisionin Open të gazetares Eni Vasili, Presidenti Meta sulmoi edhe ambasadorin e BE-së Luigi Soreca dhe të tjerë, duke i akuzuar si “përgjegjës” për dështimin e reformës në drejtësi:

Rama dhe ambasadorët janë përgjegjës për dështimin e reformës në drejtësi. Janë shpenzuar nja 200 milionë euro dhe tani që kanë dështuar ata thonë që kjo është sukses, por e bllokon, Meta, e bllokon ky, e bllokon ai. Janë bashkëpërgjegjës. Ata rinë bashkë, po t’ua shikosh telefonat, rrinë të gjithë bashkë.
Nuk kam forcë korruptuese ndaj ambasadorëve dhe sepse jam President i Republikës. Tani do të jem i drejtpërdrejtë se shumë i kemi përkëdhelur. Unë do të tregohem i drejtpërdrejtë për secilin vagabond ndërkombëtar.

Këto sulme mund të jenë sipërfaqësore, apo edhe të vrazhda, por ato tregojnë një problem thelbësor, përkatësisht dështimin e reformës në drejtësi. Reforma në drejtësi duhej të krijonte një sistem drejtësie të pavarur nga politika dhe të forconte sundimin e ligjit në Shqipëri. Për asnjë nga këto të dyja, ajo nuk ka dhënë asnjë rezultat.

Pavarësisht se kuadri ligjor për të zgjedhur anëtarët e rinj të Gjykatës Kushtetuese është i ndërlikuar, hapat që duhen ndërmarrë janë të qarta.  Me ndihmën e Këshillit të Emërimeve në Drejtësi (KED), në hartimin e listave dhe në renditje, anëtarët e Gjykatës Kushtetuese zgjidhen me rotacion: i pari nga Presidenti, i dyti nga Parlamenti dhe i treti nga Gjykata e Lartë.

As Kushtetuta dhe as interpretimet e Kushtetutës, të paraqitura gjatë seancës parlamentare para miratimit të ndryshimeve kushtetuese në vitin 2016, nuk thonë se mund të anashkalohet Gjykata e Lartë, apo se njëri nga këto institucione mund të zgjedhë disa anëtarë në të njëjtën kohë.

Dhe as nuk ishte e nevojshme të kryehj kjo; KED tashmë ka filluar procesin për ngritjen e Gjykatës së Lartë dhe, pasi të jetë ngritur ajo, me ndihmën e KED mund të zgjidhet me lehtësi një Gjykatë Kushtetuese e mirë-ekuilibruar. Por në vend të kësaj, KED e detyroi Presidentin dhe Parlamentin të shkelnin Kushtetutën, duke u dërguar atyre njëkohësisht listat e kandidatëve dhe me disa kandidatë të njëjtë në lista, duke kufizuar qëllimisht mundësitë e tyre për të zgjedhur. Shënimet nga diskutimet në mbledhjet e KED-së nuk janë botuar në faqen e Gjykatës së Lartë, ndaj nuk mund të kuptohet se pse KED zgjodhi të veprojë në këtë mënyrë.

Arsyeja që anëtarët e Gjykatës Kushtetuese u zgjodhën në shkelje të Kushtetutës nuk ishte sepse ligji ishte i paqartë apo sepse procesi kishte ngecur, por për shkak të presionit dhe ndikimit politik, që janë pikërisht dy pikat kryesore, prej të cilave reforma në drejtësi duhet të kishte mbrojtur gjyqësorin. Pra, thjesht fakti që ky presion nga Komisioni Evropian dhe qeveria dha sukses, tregon se gjyqësori nuk është i pavarur nga politika — dhe se sundimi i ligjit është i dobët. Kështu që reforma në drejtësi tashmë ka dështuar në themel.

Presioni nga ana e qeverisë Rama e ka origjinën në kushtet e vendosura për Shqipërinë nga Bundestagu. Ndërsa delegacioni i BE-së në Tiranë dëshiron të përfundojë pjesën kryesore të reformës para 1 dhjetorit, kur do të formohet edhe Komisioni i ri Evropian. Komisioni i ri, i udhëhequr nga Presidentja Von der Leyen, pa dyshim do të mbajë qëndrime shumë të ndryshme për integrimin në BE, që do të thotë një riorganizim i njerëzve brenda Drejtorisë për Zgjerim dhe brenda Shërbimit Evropian për Veprim të Jashtëm. Kjo me shumë gjasa do të sjellë një qasje  ndaj reformës në drejtësi të ndryshme nga dëshirat e burokratëve aktualë të BE-së. Ndaj edhe ata duan të mbarojnë punë sa më shpejt të jetë e mundur.

Kjo do të thotë se, motivimet e qeverisë shqiptare, të Delegacionit dhe të Komisionit Evropian janë politike dhe nuk kanë lidhje me cilësinë e reformës në drejtësi. Keshtu që qeveria dhe ndërkombëtarët duke përdorur në fushën e lojës, hapir, presionin politik, i kanë dhënë në dorë Presidentit Meta shkopin që i duhej për t’i rrahur.

Fatkeqësisht, ata nuk kanë më asnjë mbrojtje të besueshme, sepse veprimet e tyre treguan shumë qartë përparësinë e vullnetit politik mbi sundimin e ligjit. /exit.al/

VINCENT W.J. VAN GERVEN OEI

  • Postime: 27153
  • Gjinia: Mashkull

#1 ne: 13-08-2020, 19:42:14
Disa javë më parë, Theo Jacobs, anëtar i Operacionit Ndërkombëtar të Monitorimit (ONM) i drejtuar nga Genoveva Ruiz Calavera, e pa të arsyeshme të dilte nga kuadri kushtetues dhe ligjor brenda të cilin ai duhet të veprojë dhe komentoi mbi një proces gjyqësor të nisur nga Gjykata Speciale Kundër Korrupsionit kundër anëtarit të Kolegjit të Posaçme të Apelimit (KPA) Luan Daci.

Daci u akuzua zyrtarisht për falsifikim të dokumenteve—për fshehjen e një shkarkimi të mëparshëm nga detyra, i cili do ta kishte bërë të papërshtatshëm për të qenë anëtar i KPA-së dhe rrjedhimisht ai nuk mund të merrte pjesë në procesin themelor të vetingut të drejtësisë.

Megjithëse Daci fillimisht u pezullua nga detyra nga Gjykata Speciale Kundër Korrupsionit, më pas ai u rikthye në detyrë me vendimi të gjykatës së apelit. Ai ka vazhduar të gjykojë anëtarët e sistemit të drejtësisë pavarësisht procesit gjyqësore të nisur ndaj tij.

Por Theo Jacobs nuk dukej aspak i kënaqur me procesin e nisur kundër Dacit, duke u deklaruar se gjyqtarët në Gjykatën Speciale dhe prokurorët e sapoemëruar në SPAK’ut “nuk duhet të ishin aty”.

Jo vetëm që Jacobs—një “specialist” gjoja apolitik, asnjanës dhe i pavarur—komentoi hapur një proces gjyqësor nga një gjykatë shqiptare, por ai po sulmon haptasi edhe “xhevahirin e kurorës” së Reformës në Drejtësi, SPAK-un.

Këshilli i Lartë i Prokurorisë (KLP) iu kundërpërgjigj deklaratave të Jacobsit këtë javë, duke theksuar—pa ironi—se të gjithë prokurorët e SPAK kishin kaluar vetingun, nën syrin vigjilent të Jacobsit dhe kolegëve të tij.

Kështu, KLP-ja duket se po pyeste, nëse me të vërtetë ata prokurorë “nuk duhet të ishin” pjesë e SPAK-ut, cila palë nuk kishgte arritur ta bënte punën e saj, KPA-ja apo ONM-ja?

Nuk është për t’u habitur që ONM vetë u distancua nga “vëzhguesi i pavarur” i saj.

Por pse Jacobs është kaq armiqësor ndaj hetimit të SPAK-ut për çështjen Daci? Natyrisht, sepse ata, duke patur një interes personal në suksesin e Reformës në Drejtësi, shohin një rrezik të madh me dënimin e Dacit.

Jacobs—i njohur tashmë për stilin e tij të pakuptimtë, të drejtpërdrejtë dhe nganjëherë agresiv—po thotë hapur atë që të tjerët guxojnë vetëm sa ta mendojnë: dënimi i Dacit do të përbënte një kërcënim të drejtpërdrejtë për punën e tij dhe të kolegëve të tij, mund të rrëzonte pjesërisht apo të gjithë procesin e vetingut.

Kjo ka të bëjë e gjitha me çështjet gjyqësore aktuale që janë në pritje në Gjykatën Evropiane të të Drejtave të Njeriut (GJEDNJ), veçanërisht me atë të ngritur nga Antoneta Sevdari.

Çështja thelbësore që GJEDNJ-ja ka marrë në shqyrtim është nëse organet e vetingut përbëjnë një “trupe të pavarur dhe paanshme”.

Dënimi i Dacit do të siguronte prova të forta se ato nuk janë të tilla, që do të kuptonte se është cenuar e drejta themelore për një gjykim të drejtë.

Prandaj, ka nisur ankthi mes ndërkombëtarëve për çështjen Daci. Atyre nuk u intereson nëse ai është fajtor apo jo. Atyre nuk iu intereson shteti i së drejtës. Ata thjesht shqetësohen për karrierën e tyre dhe të drejtën për t’u mburur se kanë “rregulluar” gjyqësorin shqiptar.

Dhe për të shpëtuar lëkurën e tyre, ata janë të gatshëm të sulmojnë një institucion, me anë të të cilit do të rrisnin besimin e publikut: SPAK.

Dhe Daci është vetëm fillimi i problemeve të tyre. Akuza të ngjashme janë ngritur edhe ndaj anëtarëve të tjerë të organeve të vetingut si Alma Faskaj dhe Ardian Hajdari.

Në një kundërshtim paraprak, Ruiz Calavera tashmë ka pohuar se çdo dënim i mundshëm i Dacit, dhe konfirmimi i papranueshmërisë së tij për detyrën në KPA, nuk do t’i bënte të pavlefshme vendimet e marra prej tij në të kaluarën.

Një paragraf nga opinioni i Komisionit Evropian dhënë në kuadër të çështjes së paraqitur nga Besa Nikëhasani në GJEDNJ jep një argument të ngjashëm:

“Është e vërtetë që ky konformitet i përgjithshëm nuk përjashton që, në raste individuale, rregullat e vetting-ut interpretohen ose zbatohen në atë mënyrë që nuk është plotësisht në përputhje me kërkesat për një proces të denjë dhe zbatim të të drejtave themelore të njeriut. Sidoqoftë, Komisioni pohon se nëse do të identifikoheshin mangësi të tilla, ato duhen korrigjuar pa vënë në dyshim elementet thelbësore të Vetting-ut.”

Me fjalë të tjera, Komisioni Evropian argumenton se edhe nëse Daci dhe disa gjyqtarë të tjerë rezultojnë se janë emëruar në mënyrë të paligjshme, dhe madje edhe nëse organet e vettingut rezultojnë të mos jenë as të paanshëm dhe as të pavarur, vettingu duhet të vazhdojë me çdo kusht.

Në vitin 2017, kur pas shumë vonesave u hap ndërtesa ku kanë zyrat institucionet e vetingut, Jacobs mbajti një fjalim, ku ndër të tjera deklaroi:

“Duke përfshirë edhe punën që do të bëhet në këtë ndërtesë, kolegët e mi dhe unë në të ardhmen do të hasim vështirësi në këtë proces të gjatë dhe sfidues. Sidoqoftë, nuk do të na mungojë përkushtimi për të bërë operacionet e nevojshme në sistemin e drejtësisë. […]

Ky operacion… do të sjellë drejtësi në vend. Ne duhet të jemi të qartë për mundësitë që ONM-ja do të na japë për të ndarë përvojën me komisionerët e pavarur për të sjellë drejtësi në Shqipëri.”

Mund të imagjinojmë se Jacobs, ish-Kryeprokurori i EULEX-it në Kosovë, duhrt të ketë mbajtur një fjalim të ngjashëm kur filloi mandatin e tij atje. Por që në fillim, Jacobs u përfshi në polemika rreth çështjes se cili ligj do të duhej të zbatohej në gjykatat e Kosovës, duke çuar, sipas letërkëmbimeve konfidenciale të Ambasadës Amerikane në Kosovë, në “një mish-mash konfuzioni e gabimesh të vendimeve juridike pa konsistencë të brendshme.”

Nuk është për t’u habitur që EULEX-i u provua në fund të ishte një dështim, i cili në 13 vitet e tij të ekzistencës nuk qe në gjendje të krijojë asgjë që mund t’i ngjajë një gjyqësori të pavarur apo shtetit të së drejtës. Pasojat e këtij dështimi janë më se të dukshme tashmë.

Nëse Daci dënohet apo jo, ka pak rëndësi. Sulmi i Jacobsit ndaj zyrtarëve të vetuar shqiptarë, pozicioni i papërcaktuar i Ruiz Calaveras dhe Komisionit Evropian, dhe degjenerimi i përgjithshëm i shtetit të së drejtës në Shqipëri tashmë tregojnë se Reforma në Drejtësi është drejt rrugës për t’u bërë eksperimenti i radhës i dështuar i BE-së në Ballkan.

Nga VINCENT W.J. VAN GERVEN OEI

  • Postime: 27153
  • Gjinia: Mashkull

#2 ne: 12-11-2020, 16:27:05
Vendimi i Kolegjit të Posaçëm të Apelimit, për të përjashtuar përfundimisht me 15 vjet nga drejtësia ish-anëtaren e Gjykatës së Lartë, Arjana Fullani, është përcaktues edhe për fatin e dosjeve të tjera të ngjashme në shkallën e dytë të Vetingut me të njëjtin objekt. Ashtu si Fullani, deri më sot janë shtatë gjyqtarë të njohur, të cilët kanë dhënë dorëheqjen nga drejtësia nga frika e Vetingut, por që kundërshtojnë përjashtimin nga detyra, me shpresën për tu kthyer një ditë në sistem. Fatin e Arjana Fullanit pritet të kenë edh dy ish-anëtarët e Gjykatës së Lartë, Evelina Qirjako dhe Aleksandër Muskaj.



Edhe Astrit Haxhialushi, gjyqtar në Gjykatën e Apelit Tiranë, Petraq Dhimitri, gjyqtar në Gjykatën e Apelit Durrësl, Eneida Civici, gjyqtare në Tiranë, Agim Bendo, i Apelit Tiranë dhe Arjana Liço, gjyqtare në Gjykatën e Tiranës kanë dhënë dorëheqjen nga drejtësia, për t’u shpëtuar përballjes me procesin e Vetingut, por kundërshtojnë përjashtimin me 15 vite nga drejtësia./lapsi.al

Temat e fundit