Shkëlzen Abdullah Berisha konsiderohet "djali i kryeministrit"! - Tema Aktuale

Degradimi i opozitës së Ramës dhe mediave rreth tij me akuza false dhe të fabrikuara

Ministri i Transporteve, Sokol Olldashi, ka përgënjeshtruar lajmin e publikuar vetëm një ditë më parë nga "Gazeta Shqiptare", se djali i Kryeministrit Berisha, Shkëlzen Berisha, ka përfituar në tenderat e Ujësjellësit. Gjatë një konference për shtyp, kreu i Transporteve, Olldashi, ka theksuar se, kryetari i PS-së, Edi Rama, po përhap gënjeshtra në shtyp për djalin e Kryeministrit Berisha. Olldashi ka paraqitur para mediave dokumenta që vërtetojnë se aksioneri i kompanisë "CMC EKO KOM", i cili ka 23 përqind të aksioneve nuk është djali i Kryeministrit, por një person tjerër, i cili quhet Shkëlzen Abdullah Berisha. Sipas tij, publikimi i këtij lajmi nga gazeta e Ramës është një spekulim i përhapur nga vetë kryetari i PS-së. "Duke prishur 'Muajin e mjaltit', kryetari i Partisë Socialiste ka shpërndarë dje nëpër gazeta një histori krejt të pavërtetë, për gjoja tendera, në prokurimet publike të fituara nga Shkëlzen Berisha në institucionet që janë në varësi të Ministrisë së Punëve Publike dhe Transportit. Shumica e gazetave kanë refuzuar ta botojnë, e vetmja gazetë që e ka botuar atë, që është shpërndarë nga z.Rama është "Gazeta Shqiptare", e cila në titullin e saj thekson: "Shkëlzen Berisha fiton tenderat e ujësjellësit". Më tej, kjo gazetë vë një foto të Shkëlzen Berishës, dhe pastaj kemi dy faqe të brendshme që i dedikohen këtij gjoja skandali me fondet publike, është shprehur ministri Olldashi. Sipas tij, në po të njëjtin shkrim, gazeta është e interesuar të pyesë nëse bëhet fjalë për të njëjtin Shkëlzen. Në lidhje me këtë, ministri Olldashi ka reaguar, duke e quajtur një spekullim të qartë, të pastër, një shkrim tërësisht të pavërtetë apo të përhapur nga kryetari në "muaj mjalti". Por kjo sipas Olldashit, zotit Rama i ka shkuar huq, pasi spekulimet kanë qenë tërësisht të verifikueshme dhe lehtësisht të zbulueshme, mbi faktin se cili është në fakt Shkëlzen Berisha, i cili është dhe aksioneri i CMC-EKOCON. Duke e publikuar dhe me foto pamjet e skanuara, Olldashi është shprehur se, Shkëlzen Berisha është 23% aksioner i shoqërisë CMC-EKOCON. "Sikurse e shikoni nuk është Shkëlzen Berisha, që është në foton e "Gazetës Shqiptare", sikurse e shikoni nuk ka moshën e Shkëlzen Berishës, që është shfaqur në foton e "Gazetës Shqiptare", si dhe nuk ka emrin e babait Sali, por e ka Abdulla", nënvizoi më tej ministri Olldashi.

Të dhënat që janë lehtësisht të verifikueshme

Në faqen e Qendrës Kombëtare të Regjistrimit (www.qkr.gov.al) nëse do të kërkohej ekstrakti i kompanisë CMC-EKOCON, në një dokumentacion prej 110 faqesh, të saponxjerra nga interneti, çdo kush mund t'i nxjerrë ato, si dhe të vërtetojë se z. Shkëlzen Abdulla Berisha është 23% aksioner në këtë kompani. "Për më tepër, ka qenë tërësisht e mundshme që vetëm me një klikim të verifikohej që bëhej fjalë jo për Shkëlzen Sali Berisha, por për Shkëlzen Abdulla Berishën, i datëlindjes Maj 1951, që është zotëria në krahun tim", u shpreh ministri Olldashi. Sipas tij, nuk është vetëm një dokument që e provon këtë, por janë disa. Në këtë mënyrë, ministri ka përmendur vërtetimet noteriale, si dhe bashkëngjitur në mënyrë të pangatërrueshme ka qenë edhe një fotokopje e pasaportës së z. Shkëlzen Abdulla Berisha. Edhe kjo fotokopje ka qenë përsëri e verifikueshme vetëm me një klikim. "Ka qenë lehtësisht e verifikueshme në bazë të ligjit për të drejtën e informimit publik, që zotërinjtë që kanë shpërndarë falcitete të tilla, të marrin nga tatimet çertifikatën e regjistrimit, ku verifikohet se cili është personi në fjalë. Por ka qenë po kaq e thjeshtë që të marrin dhe këtë dokument, përsëri nga tatimet, si dhe të shikojnë se zotëria nuk është Shkëlzen Sali Berisha, por është Shkëlzen Berisha, një person me të njëjtin emër, por një person tjetër.

Të dhënat nga regjistri i shtetasve të Republikës

Në regjistrin e shtetasve të Republikës së Shqipërisë janë 14 Shkëlzen Berisha, nga të cilët vetëm njëri është djali i Kryeministrit, 13 të tjerët nuk kanë lidhje me Kryeministrin. "Nuk është hera e parë, që spekullime të tilla nga partia e zotit Rama bëhen në adresë të gabuar, por bëhen në mënyrë të qëllishme. Unë kam këtu kopje të një shkrimi të botuar përsëri nga gazeta zyrtare e Partisë Socialiste "Zëri i Popullit", ku akuzohet Sali Berisha se ka katër shtëpi, dhe i referohet shtëpive të zotit Shkëlzen Berisha, por jo të Shkëlzen Sali Berisha, pra, Shkëlzen Abdulla Berishës", u shpreh ministri Olldashi. Ndërkohë, ministri Olldashi e ka ftuar edhe një herë kryetarin e Partisë Socialiste të shijojë muajin e mjaltit. "T'i vejë mbarë martesa, por të lërë rehat edhe Shkëlzen Sali Berishën edhe Shkëlzen Abdulla Berishën. Ti lërë rehat në punë të tyre, këta janë punë të tyre, ai është në punë të vet, në muajin e mjaltit. Po kështu, të lërë edhe ministrinë që të punojë e qetë në programin që ka", vlerësoi më tej kreu i Transporteve shqiptare.

Pse mos e kane per here te pare ato te Gazetes Shqiptare qe mashtrojn, e kane bere dhe shume here te tjera mashtrimin qe bejn ne gazete, dje ai shkrim paradite ka qene dhe te faqa e Balkanweb, po nga dreka e kane hequr fare, e zhduken sekur i nxorren te verteten ne shesh keto te PD, atyre i ka ikur menja po mashtronin dhe shume bukur.

Ja shkrimet qe ka bere dje Gazeta Shqiptare



Shkëlzen Berisha fiton tenderat e Ujësjellësit

Tedi Blushi

Djali i kryeministrit ka përfituar brenda vitit 2010 tre tendera publikë, në vlerë totale 80.429.916 lekë të vjetra. Kompania “CMC-EKOCON”, në të cilën Shkëlzen Berisha është njëherësh përfaqësues ligjor dhe aksioner me 23 për qind, është shpallur fituese e tenderave të çelur nga Ujësjellës-Kanalizime Tiranë, Ujësjellës-Kanalizime Shkodër, si dhe Ujësjellës-Kanalizime Durrës. Gazeta është interesuar të pyesë nëse bëhet fjalë për të njëjtin Shkëlzen Berisha dhe burimet kanë konfirmuar se bëhet fjalë për djalin e kryeministrit. Qysh kur Sali Berisha u mandatua për herë të parë kryeministër në 3 korrik 2005, kjo është e para herë që faktohet se djali i tij, Shkëlzeni është përfitues i fondeve publike. Në një intervistë televizive të dhënë rreth një vit më parë, shefi i qeverisë pretendoi në mënyrë kategorike se i ka ndaluar dy fëmijët e tij, Shkëlzen dhe Argita Berisha, të përfitojnë nga fondet e taksapaguesve shqiptarë. “Në mënyrë absolute kategorike, të dy fëmijët e mi do të kishin një aktivitet më intensiv, nëse i ati i tyre nuk do të ishte kryeministër. Atyre u janë ndaluar për këtë fakt fusha të tëra angazhimesh. Ata asnjëherë nuk mund të trajtojnë çështje të taksave dhe tatimeve me klientët. Nëse ka një rast, le ta nxjerrin. Ata nuk mund të përfitojnë, kur babai i ndalon për shumë gjëra, ndërsa kolegët e tyre përfitojnë”, - është shprehur kryeministri Berisha në datën 3 dhjetor 2009. “CMC EKOCON” është themeluar në 28 mars 2006 dhe objekt i veprimtarisë së saj është “studim, projektim, ndërtim, prodhim, instalim të sistemeve të ujësjellës-kanalizimeve etj”.
Tre tenderat
Agjencia e Prokurimit Publik bën të ditur se në datën 19 mars 2010, “Ujësjellës-Kanalizime Tiranë” dhe kompania “CMC EKOCON” kanë nënshkruar kontratën me vlerë 69.480.000 lekë. Objekti i saj është “Blerje karbon aktiv pluhur për nevoja të shoqërisë”. Ky është tenderi i parë i fituar për këtë vit nga kompania ku Shkëlzen Berisha ka 23 për qind të aksioneve. APP sqaron mandej se vetëm pak ditë më vonë, konkretisht në 31 mars 2010, “CMC EKOCON” është shpallur fitues i një tjetër prokurimi publik, që kësaj here ka një vlerë më të vogël. Bëhet fjalë për tenderin me objekt “Blerje materiale hidraulike”, të shpallur nga Ujësjellës-Kanalizime Shkodër. Prokurimi i tretë publik i fituar nga kompania e Shkëlzen Berishës, është ai i shpallur nga Ujësjellës-Kanalizime Durrës, me objekt “Kontrolli dhe menaxhimi on line i pikave kryesore të shpërndarjes të rrjetit kryesor”. Vlera e këtij tenderi rezulton 8.950.000 lekë. Shkëlzen Berisha është fëmija i dytë i kryeministrit shqiptar. Ai ka lindur më 27 shkurt 1980, dhe pas ardhjes në pushtet të Partisë Demokratike është angazhuar në biznes privat. Fusha ku djali i kryeministrit e ushtron aktivitetin e tij privat është ajo e konsulencës ligjore. Opozita ka pretenduar vazhdimisht se djali i shefit të qeverisë është përfshirë direkt në afera të mëdha korruptive, sikundër kanë qenë çështja e tregtisë së armëve dhe tragjedia e Gërdecit. Por, këto akuza të Partisë Socialiste nuk janë vërtetuar asnjëherë nga organet e drejtësisë shqiptare.



Berisha: Nuk fiton tendera publike

Kryeministri Sali Berisha ka deklaruar në mënyrë kategorike se fëmijët e tij, Shkëlzen dhe Argita Berisha nuk kanë përfituar dhe nuk do të përfitojnë asnjëherë fonde publike gjatë ushtrimit të aktiviteteve të tyre private në fushën e konsulencës juridike. Në një intervistë televizive të dhënë në datën 3 dhjetor 2009, shefi i qeverisë bëri të ditur se ai personalisht ua ka ndaluar këtë të drejtë dy fëmijëve të tij. “Në mënyrë absolute kategorike, të dy fëmijët e mi do të kishin një aktivitet më intensiv nëse i ati i tyre nuk do të ishte kryeministër. Atyre u janë ndaluar për këtë fakt fusha të tëra angazhimesh. Ata asnjëherë nuk mund të trajtojnë çështje të taksave dhe tatimeve me klientët. Nëse ka një rast, le ta nxjerrin. Ata nuk mund të përfitojnë, kur babai i ndalon për shumë gjëra, ndërsa kolegët e tyre përfitojnë”, - është shprehur kryeministri.