Viti 2011: Një résumé - Tema Aktuale

×
Albanian Forums, Zerion Zeri yt Zeri Info, Forumi Shqiptar Al Virtual, Diskutime, Biseda, Chat Njofje, Informatika, Teknologjia, Gazeta Tema, Gazetat Shqiptare, Bota Sot, www Channel Albania, Telegrafi Kosovo, Ballkani Web, Gazeta Lajme shqip, Lajmet e Fundit Shqiperia Kosova, Dita, Panorama, Kryeartikull, Faqja Kryesore, Video Shqip, Muzike Shqipe, Njoftime, Lajmerime, Temat Online, Gazetat, Kosovare, Shtypi Ditor, Sporti Shqiptar, Dashuria, Pyetje Pergjigje, Keshilla, Ndihme, Webmaster Shqiptar, Familja, Shqiptaria, Muzika, Receta Gatimi, Imazhe, Vipat-shqiptar, Aktualiteti
Media Sociale
Mesazhe Private
Shqiptaret duke lexuar tema interesante dhe te ndryshme
Tema re

Viti 2011: Një résumé

Viti 2011: Një résumé

· 2 · 494

  • Postime: 28589
  • Karma: +48/-5
  • Gjinia: Mashkull

ne: 23-12-2011, 16:03:59
Mustafa Nano - Çdo herë, në prag të momentit të ndërrimit të viteve, gazeta e gazetarë bëjnë ndonjë résumé. Unë po bëj timen:

Libri më i mirë: “Kohë e Pamjaftueshme” i Helena Kadaresë.

Ngjarja më surreale: Panairi i Librit, në të cilin star-ët ishin politikanët-autorë.

Fraza më e guximshme: I përket Ilir Metës, kur tha, pas aktivizimit të Prokurorisë lidhur me video-përgjimin e bisedës mes tij e Priftit, se “do ta çmontoj korrupsionin në sistemin e drejtësisë”.

Kampion i opozitarizmit: Ambasadori danez Karsten Ankjaer Jensen.

Show më i mirë televiziv: Voice of Albania.

Ngjarja më dramatike: Ekzekutimi nga ana e forcave të sigurisë e të Gardës i katër qytetarëve të pafajshëm më 21 janar.

Fraza që la pa gojë dynjanë: I përket ambasadorit amerikan, Alexander Arvizu, kur tha, i befasuar për mirë nga sjellja e Berishës që anuloi tubimin e paqes që e kish lajmëruar pasi vrau katër opozitarë në bulevard, se “Berisha është burrë shteti”.

Dështaku më i madh: Edi Rama, që i humbi të gjitha betejat.

Prozeliti më i bujshëm: Arjan Çani.

Ngjarja më e çuditshme: Nderet republikane postume për pretendentin e fronit monarkik, Leka Zogu.

Personazhi absolut i vitit: Si gjithmonë, Sali Berisha.

Gazetari më i përmendur gjatë vitit: Blendi Fevziu.

Ngjarja më vulgare: Promovimi i librit të Blendi Fevziut, ku u mblodh i gjithë establishmenti politiko-kulturor-ekonomik i gjithë botës shqiptare (dhe i diasporës).

Personazhi televiziv flop: Agron Llakaj në TV Klan.

Institucioni më partizan: Televizioni publik Shqiptar.

Rrena më e pafajshme: U përket të gjithë atyre, që janë përmendur në librin Kurban, dhe të pyetur nga gazetarët, kanë deklaruar njëzëri: nuk e kemi lexuar librin.

Personazhi më protagonist në jetën televizive (përveç politikanëve, moderatorëve e speaker-ave): Artan Hoxha.

Sendërgjia e vitit: Puçi i 21 janarit, tok me puçistët Topi, Rama & Rama, Baze, Balla, Çakuli e Bushati, makinat me armë, stilolapsat-pistoletë, çadrat-pistoletë.

Fraza më absurde: I përket Fatos Lubonjës, kur tha se “ne e kemi e zgjedhur Ben Blushin deputet, ndërsa ai na bëka libra”.

Gjesti publik më qesharak: Padia e ngritur nga fëmijët e Berishës në adresë të deputetëve të opozitës, të cilët “me fyerjet e shpifjet e tyre u kanë trazuar gjendjen shpirtërore”.

Deklarata më e pabesueshme për publikun: Deklarata e pasurisë së Edi Ramës.

Urrejtja e vitit: Është ajo midis Lulzim Bashës e Jozefina Topallit.

Mburravecëria ‘akademike’ më e palezetshme: Intervista e Fatos Nanos për Top Channel-in në London School of Economics për të thënë se ‘po i bie këmbës për t’u bërë President’.

Gjesti më fashion metropolitan: thileja (sythi) në xhaketën e Fullanit, ku ai, në stil parvenu-je, nxjerr prore cepin e një shamize.

Qoka e vitit: I përket Nikollë Lesit që u fut mik publikisht te Berisha, në mënyrë që ky i fundit të bindej e të caktonte të bijën si trashëgimtare të tij në postin e kreut të PD-së.

Kulmi i luajalitetit politik: I takon Enkelejd Alibeajt, i cili, kur u pyet se cili është në botë politikani nga i cili frymëzohet, nuk u hapërda fare gjeografikisht, dhe tha gojëbrisk: Sali Berisha.

Shpërthimi i vitit (duke përjashtuar ndonjë shpërthim timin): Ishte ai i Arben Imamit, i cili, dy a tri ditë pas plojës që u bë në bulevard, iu drejtua deputetëve të opozitës: Ju jeni të gjithë Ziverë (Ziveri është nga qyqarët që gjeti vdekjen nga plumbat e regjimit).

Minimumi i reagimit politik: I përket Bamir Topit me shprehjen “unë jam mesfushor”, që ai e tha qetë-qetë pas sulmeve në adresë të tij të bëra nga Kryeministri.

Divorci i vitit: Është ai mes Top Channel-it e Adi Krastës.

Shqiptarja më e suksesshme jashtë vendit: Ermonela Jaho, sopranoja që po ecën në gjurmët e Inva Mulës.

Shqiptari më i suksesshëm jashtë vendit: Igli Tare, që ka kontribuar si Team Manager në rilindjen e skuadrës italiane të futbollit, Lazio-s.

I huaji i vitit: Francezi Joseph Daul, miku i Berishës, që tha në një forum të partive popullore se “Edi Rama është pak i çmendur”.

Këshilla e vitit: Ajo që ambasadori amerikan i dha publikisht Erion Braçes, teksa ky i fundit kish hapur thesin e akuzave për krime elektorale në adresë të mazhorancës: He should take a break (ai duhet të qetësohet pak).

Gjesti më i përunjur i vitit: Ai i Ina Ramës që u ngrit më këmbë dhe i dha dorën Sali Berishës, pasi ky i fundit e kish etiketuar faqe botës si ‘Putana e bulevardit’.

Kacafytja televizive e vitit: Ajo mes Andi Bushatit e Andi Bejtjes në TV Klan.

Ngjarja më e hareshme mediatike: Wikileaks-i.

Gallata e vitit: Është ajo e Fondacionit ‘Gani Bobi’, që me exit poll-in e vet e nxori Lul Bashën mbi 15 pikë përpara në garën me Edi Ramën.

Institucioni i vitit: Gjykata Kushtetuese, që rrëzoi marrëveshjen mes qeverisë shqiptare e asaj greke lidhur me kufirin detar mes dy vendeve.

Sofizmi i vitit (tepër brutal): I përket Sokol Olldashit me shprehjen “dakord, dikush i vrau ata katër vetë më 21 janar, por është edhe dikush që i çoi atje për t’u vrarë”.

Reagimi më i belbët: Është ai i Ismail Kadaresë, i cili pas 21 janarit u mjaftua të thosh as më shumë, as më pak se “tani hyri vdekja në mes.

Gazeta "Shqip"

  • Postime: 12100
  • Karma: +185/-20
  • Gjinia: Femer

#1 ne: 24-12-2011, 14:50:15
Fakte interesante, megjithese disa nga keto figurat e mesiperme nuk i njikam.

Temat e fundit