×

Shpërthim masiv në diell gjatë përplasjes së një komete

Shpërthim masiv në diell gjatë përplasjes së një komete

· 1 · 413

  • Postime: 26403
  • Gjinia: Mashkull
M A X
ne: 08-10-2011, 10:53:21
Observatori diellor dhe heliosferik (SOHO), një satelit që monitoron diellin, ka arritur të kap një skenë të mahnitshme këtë fundjavë: Një komet që përplaset në diell dhe pak sekonda më pas një shpërthim diellor.

Video, e krijuar nga një sekuencë imazhesh, mund të duket si një prodhim i kinematografisë hollivudiane. Ajo tregon një komet të ndezur në flak që përplaset në sipërfaqen e diellit dhe pak sekonda më pas vëzhgohet një shpërthim i madh nga ana tjetër e diellit.

Video krijon përshtypjen se shpërthimi, i cili quhet “coronal mass ejection” ose CME, mund të ketë ndonjë lidhje me kometën. Por shkencëtarët thonë se dy ngjarjet nuk janë të lidhura me njëra-tjetrën. I vetmi shpjegim i episodit, është koincidenca.

Sipas Dr. Philip Plait, një astronom që shkruan për “Discover Magazine”, shpjegon se këto lloj kometash, të quajtura “sungrazers”, në mënyrë konstante i afrohen diellit dhe ndonjëherë godasin sipërfaqen, ndonjëherë absorbohen. Në të njëjtën kohë mund të ndodhin edhe shpërthime diellore, që është një event shumë i zakonshëm në diell dhe ndodh edhe kur nuk ka kometa që e godasin.

(a.h/BalkanWeb)