×

Bursat në ‘rënie të lirë’

Bursat në ‘rënie të lirë’

· 2 · 135

  • Postime: 26403
  • Gjinia: Mashkull
M A X
ne: 09-03-2020, 19:39:40
 

Shkëmbimet europiane të aksioneve, në prag të rënies shumë të fortë në sheshet aziatike, kanë filluar të regjistrojnë një rënie makroskopike gjatë seancës më të fundit të mbushur me tension të lartë, pas zbritjes drastike prej -30% të naftës (në nivelet më të ulëta që nga viti 1991), pas mungesës konkrete të OPEC+ dhe frikës për përhapjen gjithnjë e më të gjerë të Koronavirusit, i cili bëri të domosdoshme masat drastike të nisura nga disa vende, përfshirë dhe vendin tonë.

Të gjitha bursat europiane kanë regjistruar një rënie masive gjatë seancave të fundit si ajo e Milanos me më shumë se 8%, e Londrës (-8%), Madrid (-7%) dhe Frankfurti (-8%).

Spread-i midis BTP dhe Bund vajti deri në 216 pikë përkundrejt 178 javën e kaluar. Duhet të theksohet se rendimenti në Thesarin 10-vjeçar Amerikan ka rënë përkohësisht nën 0.5%, duke regjistruar rënien më të fortë që nga Lufta e parë e Gjirit.

Tregjet e kapitalit janë kthyer nga një javë jashtëzakonisht e paqëndrueshme e cila ka parë indekset ‘peng’ të urdhrave të shitjeve për shkak të frikës për përhapjen globale të Koronavirusit. Infektimet jashtë Kinës vazhdojnë të rriten në mënyrë eksponenciale dhe qeveritë kanë nisur plane emergjente për të përmbajtur përhapjen e sëmundjes.

Shpejtësia me të cilën kjo po ndodh ka befasuar investitorët të cilët, duke çmuar rrezikun e një recesioni global si rezultat i ndaljes së biznesit, kanë shitur masivisht aksione burse duke kërkuar strehim në të ardhura fikse. (ilsole24ore)

E . S / SCAN
http://www.scan-tv.com/bursat-europiane-ne-renie-te-lire-shitje-masive-aksionesh-ne-kembim-te-streheve-te-sigurta/

  • Postime: 26403
  • Gjinia: Mashkull
M A X
#1 ne: 19-03-2020, 10:37:45
Rëniet e vazhdueshme të regjistruara prej katër javësh në bursën amerikane vijuan edhe të mërkurën, duke eliminuar të gjitha fitimet e investitorëve të regjistruara gjatë administratës së Presidentit Trump, ndërkohë që epidemia e koronavirusit kërcënon të paralizojë aktivitetin ekonomik.

Indeksi S&P 500 që ndjek mbarëvajtjen e 500 kompanive të fuqishme, pësoi një humbje prej 7% të vlerës në një moment, duke aktivizuar pezullimin automatik të shkëmbimeve, gjë që ka ndodhur disa herë gjatë dy javëve të fundit në luhatjet e mëdha të çmimit të aksioneve.

Aeroportet dhe hotelet janë boshatisur. Linjat e fluturimit u kanë kërkuar punonjësve të rrinë në shtëpi pa të drejtë rroge. Aksionet e firmave hoteliere Hilton, Marriott dhe Hyatt pësuan rënie nga 20-30%.

Presidenti Trump i ka kërkuar Kongresit të miratojë një paketë prej 500 miliardë dollarësh për t’u ofruar kesh amerikanëve, si dhe 50 miliardë dollarë kredi për linjat e fluturimeve për t’i ndihmuar gjatë kësaj periudhe, por këto masa nuk duket se e kanë qetësuar panikun në treg.
Aksionet e kompanisë Boeing, që ka simbolizuar prej vitesh fuqinë e industrisë dhe teknologjisë amerikane ranë 24.4% në ditët e fundit, duke shënuar një rënie totale prej 60% që nga fillimi i vitit.

Analistët thonë se tregu pret të shohë një paketë stimulimi më të madhe se 1 trilion dollarë për të ndihmuar punonjësit dhe bizneset që nuk do të arrijnë të kryejnë aktivitet për disa javë, si dhe lajme pozitive për ndonjë ilaç të ri që ofron shpresa për kurim të COVID-19.

Top Channel