Kush e përhapi koronavirusin: Kina apo SHBA? - Bota

×
Hyrja
Profili

Kush e përhapi koronavirusin: Kina apo SHBA?

Kush e përhapi koronavirusin: Kina apo SHBA?

· 6 · 410

  • Postime: 26710
  • Gjinia: Mashkull

ne: 31-03-2020, 15:56:35
 

Përhapja e koronavirusit në të gjithë botën nuk i qetësoi aspak tensionet gjeopolitike midis Shteteve të Bashkuara dhe Kinës, të cilat, tashmë po rishfaqen më të forta se më parë.

Nëse ndjek të dhënat zyrtare të të dy vendeve, duket se çështja e koronavirusit, më shumë se sa një emergjencë globale shëndetësore shihet si historia më e madhe e spiunazhit të shekullit. Të dy vendet janë të sigurt për fajin dhe qëllimin në lidhje me përhapjen e virusit nga njëra prej dy shteteve. Pekini akuzon Uashingtonin dhe anasjelltas.

Akuzat e kinezëve kundër Uashingtonit

Zëdhënësi i Ministrit të Jashtëm kinez, Zhao Lijian filloi që në 13 mars dhe përmes faqes së tij në Twitter kur publikoi videon e një seance të mbajtur në Dhomën e Përfaqësuesve të SHBA, gjatë së cilës drejtori i Qendrës për Parandalimin dhe Kontrollin e Sëmundjeve pranoi se disa pacientë amerikanë që vdiqën nga gripi para shpërthimit të pandemisë kishin rezultuar pozitive për Covid-19. Me publikimin e kësaj videoje, zëdhënësi kinez akuzoi Shtetet e Bashkuara se kishin fshehur me qëllim këto të dhëna, duke kontribuar në përhapjen e virusit.

Një sistem i tërë akuzues është bërë pjesë e narracionit normal në Kinë ku, midis zërave të brendshëm dhe lajmeve që rrjedhin nga gazetat, virusi u soll në Kinë nga ushtarakët amerikanë që morën pjesë në lojërat ushtarake botërore në Wuhan në nëntor 2019. Mund t’ju duken normale teza të tilla nga një qeveri si ajo e Kinës që shpesh akuzon për komplote botërore, por nuk janë më pak surprizuese edhe akuzat që vijnë nga SHBA.

Trump e quan “virus kinez”

Javët e fundit ka pasur një ndryshim rrënjësor në fjalorin gjuhësor amerikan, veçanërisht në institucionet e tij më të larta. Jo vetëm Sekretari i Përgjithshëm Mike Pompeo, por edhe Presidenti Donald Trump, kanë filluar ta quajnë “koronavirusin”, si “virusi kinez”, ose “virusi nga Wuhani”. Kjo nuk është e paqëllimtë pasi synon të lidhë jo vetëm origjinën gjeografike të virusit, por edhe “fajin” e përhapjes së tij.

“Kina ka shkaktuar këtë plagë në botë dhe duhet të ketë pasoja,” – tha Trump gjatë një interviste të dhënë për Fox News.

Ky ndryshim i fjalorit duket se është shoqëruar me një seri masash kufizuese ndaj kinezëve. Sipas raportimeve nga New York Times , administrata Trump po konsideron seriozisht dëbimin e një grupi të madh të diplomatëve dhe gazetarëve kinezë. Arsyeja? Shtetet e Bashkuara synojnë t’i përgjigjen kështu një lëvizjeje të ngjashme të ndërmarrë nga Pekini, i cili tashmë do të dëbojë rreth 13 gazetarë amerikanë nga vendi.

Ajo që ishte një luftë e thjesht tregtare duket se ka kaluar në një nivel tjetër, duke u shndërruar në një luftë spiunazhi midis dy vendeve që akuzojnë njëri-tjetrin.

Për përgjegjësitë, nëse ato ekzistojnë me të vërtetë, në lidhje me përhapjen e koronavirusit, askush nuk do të dijë kurrë asgjë, duke marrë parasysh sistemin akuzues dhe të dobët të të dy vendeve. E sigurt është se konflikti i deritanishëm tregtar midis Shteteve të Bashkuara dhe Kinës, i cili para përhapjes së pandemisë ishte gati të arrinte pikën e tij të zgjidhjes, mund të shpërthejë më i fortë se më parë, pasi të mbarojë pandemia. ©LAPSI.al

  • Postime: 12347
  • Gjinia: Femer

#1 ne: 31-03-2020, 22:15:48
Dhe pse shkenca thote qe eshte natyral krijimi i ketij virusi, me aq sa kam lexuar mendoj se ka lindur neper laboratore te financuara nga qeveri qe kane interesa te fuqishme ekonomike.
Nuk mund te them se kush shtet por ama kam frike se kjo gje po behet molle sherri per te nisur 1 lufte me e madhe se kjo qe po kalojme me virusin.

  • Postime: 4261

#2 ne: 01-04-2020, 10:59:38
Une mendoj qe SHBA-te jane akteri kryesor. Lufta tregtare me Kinen por edhe lufta me Iranin ne anen tjeter, i ka shty SHBA-te qe t'i luftoje keto shtete me nje dimenzion dhe strategji tjeter. Sic po shifet e gjithe kjo iu kthye mbrapshte.

  • Postime: 7474
  • Gjinia: Mashkull

#3 ne: 01-04-2020, 15:45:39
E Pse duhet te vepronte keshtu USA kur kishte alternativa te tjera qe i zbatoi dhe i dhane fryte ne luften tregetare me Kinen.
Amerika gjate Trump e rriti ekonomine ne nivele Te kenaqshme dhe tregu I saj ska nevoje per mallra kineze dhe e detyroi Kinen me ane Te tatimeve qe I vuri Te ulet dhe Te beje marreveshje te re.
Keshtuqe nuk i interesonte fare kjo Puna e virusit amerikes Mgjth i ka te tera resorset e mundshme.
Kush perfitoi nga bursa? Kina
Sic po perfiton edhe nga gjera Te tjera qe jane efekti i virusit was ata nxorren ne treg.
Sic tha edhe Trump: China will be accountable in front of the rest of the world about coronavirus.

#4 ne: 06-04-2020, 21:14:38
Mendoj se korona virusi eshte prodhuar ne laboratoret kineze në Wuhan. Por mesa duket situata doli jashte kontrollit dhe tashme po vuan gjithe njerezimi. Dhe keto pasoja jane jo vetem ne humbje njerezore, por edhe ekonomia eshte ne krize. 

  • Postime: 7474
  • Gjinia: Mashkull

#5 ne: 06-04-2020, 22:17:33
Dale se skemi pare gje akoma, mbas 3 muajsh do ja shohim lezetin..:)

Temat e fundit