×

Post reply

Emri:
Email:
Titulli:
Ikona e mesazhit:

Verifikimi:
Cfare gjuhe flasin shqiptaret?:

shtyp alt+s per te postuar ose alt+p per ta kontrolluar


Permbledhje

Postuar nga: M A X
« ne: 01-12-2019, 15:12:55 »

 

A ju ka ndodhur ndonjëherë që të keni takuar një person, dhe ju është dukur sikur ta kishit njohur përgjithmonë? Dhe a keni ndier ndonjëherë se ndjeheni kaq pranë me personin tjetër, sa të kuptoni se nuk mund të jetë thjesht rastësi?

Në të kaluarën ishte shumë më e lehtë të njiheshim me njëri-tjetrin. Të gjitha këto aplikacione smartphone dhe faqet e takimeve nuk e lehtësojnë procesin e takimit, por e komplikojnë vetë procesin. Dhe programet dhe filmat televizivë na kujtojnë vazhdimisht se nëse nuk duam të mashtrohemi, është më mirë të mos i hapim zemrat.

E gjitha tingëllon shumë e lodhshme, por mos u shqetësoni. Ka edhe një lajm të mirë! Ju mund ta njihni këtë person në shenjat e mëposhtme:

Pranë tij do të ndjeheni të mbrojtura.

Pavarësisht asaj që keni përjetuar në jetë, ky person do t’ju ndihmojë të harroni të gjitha dhimbjet që keni pësuar, duke i zëvendësuar me një ndjenjë dashurie.

Marrëdhëniet me të do t’ju bëjnë të ndiheni se keni takuar mikun tuaj më të mirë, dhe madje edhe më shumë: keni gjetur një anëtar të familjes.

Ky person do të sjellë kuptime të reja në jetën tuaj dhe do t’ju ndihmojë të bëheni një version më i mirë i vetvetes.

Eshtë e mundur që pak para se ta gjeni, do të filloni të ëndërroni, një ëndërr e cila me një saktësi të jashtëzakonshme do të parashikojë momentin e takimit tuaj.

Ju do të vetëdijësoheni se sa e plotë është jeta juaj.

Ky person do t’ju bëjë të ndiheni më të sigurta, më të fuqishme dhe tërheqëse.

Për më tepër, do t’ju bëjë të ndiheni më energjike dhe më “të gjalla” sesa keni qenë më parë.

Kur të shikoni në sytë e tij, do të ndjeni një lidhje të thellë midis shpirtrave tuaj. Menjëherë do të kuptoni diçka shumë të rëndësishme për ju.

Do të ndani tërë gëzimin tuaj dhe gjithë dhimbjen tuaj.

Do të përjetoni lumturi jo vetëm në një nivel fizik dhe emocional, por edhe në një nivel shpirtëror.

Ky person do t’ju bëjë të ndiheni vërtet të veçanta – do t’ju japë ndjenjën e të qenit të dëshiruara, të vlerësuara.

Do të keni synime të ngjashme në jetë.

Kontakti fizik me të do të krijojë një ndjenjë të “fluturave në stomak” dhe do të dëshironi prekjen e tij të rradhës.

Do të harroni të ndjerit vetëm. Do të duket se keni kaluar tërë jetën tuaj me këtë person.

Do të ndjeni se tashmë e keni takuar atë në një jetë të mëparshme dhe më në fund jeta ju ka bërë të takoheni përsëri. / meb.al
Postuar nga: Berni
« ne: 07-07-2008, 21:19:49 »

Nga ekspertët e filozofisë orientale vijnë edhe gjashtë këshilla për të gjetur rrugën e duhur në kërkim të shpirtit binjak. Në përfundim të ditës keni menduar ndonjëherë për mënyrën se si zhvisheni? Se si i vendosni këpucët apo rrobat? Sipas principeve të filozofisë orientale Zen çdo gjë lidhet me mënyrën e thjesht se si silleni çdo çast të ditës, këto gjëra reflektojnë mbi veten tonë. Jeni të lodhur nga situata jote prej beqari apo nuk doni më të përballoni të njëjtat çështje të jetës suaj sentimentale? Ndoshta është koha të mësoni artin e të rënit në dashuri dhe sekretet e tij.
1. Keni parë me vëmendje rreth vetes
Është i njohur fakti se pjesën më të madhe të ditës harxhojnë kohën duke kërkuar personin e zemrës kudo. Vështroni përreth dhe personat që të qëndrojnë afër në jetën e përditshme. Një shok, një koleg mund të jetë një nga adhuruesit e tu dhe ti e ke përjashtuar nga të qenit partner. Duhet t'i shihni gjërat me një këndvështrim tjetër dhe të dashurin mund ta gjeni shumë afër vetes.
2. Në dashuri duhet të jeni vetvetja
Shumë persona ankohen se nuk i do njeri. Arsyeja është e thjeshtë, janë të zëna duke recituar një rol, aq sa të tjerët nuk arrijnë t'i njohin në të vërtetë. Duhet të jeni të lirshëm dhe vetvetja në marrëdhënien që doni të nisni. Pos merrni një rol që nuk është juaji. Lëreni veten të lirshme pasi autenticiteti ju bën të çmuar.
3. Partnerin lëreni të jetë "beqar"
Një nga pengesat kryesore në dashuri është tendenca për të
"mbajtur" partnerin. Partnerët prangosen me njëri-tjetrin duke mos e lënë dashurinë e tyre të rritet lirshëm dhe natyrshëm. Nëse dikur bëhet pjesë e jetës tënde, jepi hapësirë dhe lëre të lirë. Duhet të jeni të lumtur për çdo gjë që të dhuron, edhe nëse është pak. Nëse preferon të dalë për një kohë jashtë skene jepi mundësinë ta bëjë, pa qenë shumë posesiv.
4. Eliminoni mendjen
Ka njerëz që mendojnë se dashuria është e pamundur të kënaqë të gjitha aspektet. E keni pyetur veten se cilat janë "gjërat e duhura" për dashurinë. Bëni një listë të tillë dhe, pasi ta lexoni do të vëreni se jeni kthyer në një njeri që vetëm kërkon të marrë. Ndaj mundohuni ta lëshoni veten. Të paktën një ditë provoni të hiqni dorë nga kërkesat e tua dhe shikoni se sa mirë jeni pa to. Duke vepruar në të njëjtën mënyrë për disa ditë me radhë do të vini re se gjërat që i keni konsideruar si shumë të rëndësishme nuk janë aspak ashtu dhe se mund të jetoni shumë mirë pa të. Kështu do t'i jepni më shumë hapësirë vetes dhe partnerit tuaj, pa qenë shumë tendencioz.
5. Zbulo zemërgjerësinë tënde
Të japësh dhe të marrësh është një pikë e fortë e çdo lidhjeje. Kur bie në dashuri, kjo nuk është aspak problem. Jemi të lumtur kur dhurojmë spontanisht dhe çdo gjë. Mundohuni t'i dhuroni diçka që ta ndryshojë rrjedhën e ditës suaj të zakonshme, për ta kthyer atë në një ditë të veçantë. Përdorni fantazinë tuaj për të bërë çdo ditë unike dhe të vetme. Edhe nëse nuk merrni ndonjë gjë në shkëmbim. Do të ndjeheni të lumtur qoftë edhe nëse merrni një buzëqeshje apo një puthje të ngrohtë si shkëmbim të dhuratës suaj. Por ju duhet të jeni të ndërgjegjësuar se, kur jepni diçka të mos merrni asgjë në këmbim, qoftë edhe buzëqeshjen apo një faleminderit. Jepni thjesht për kënaqësi, pa kërkuar gjë në këmbim.
6. Mëso të jesh shoqe
Shumë gra ankohen se janë vetëm, edhe kur kanë në krah një partner. Kjo ndodh për faktin e thjeshtë se nuk janë shoqe të vetes së tyre. Kushtojini kohë vëzhgimit të vetes tënde. Prano gjithçka të personalitetit tënd dhe mos e gjyko më veten. Mundohu të shohësh çfarë ndodh brenda teje. Duke mos qenë të rreptë me veten, arrijmë të kuptojmë se të tjerët të duan për faktin e thjeshtë se si jeni realisht. Duke vlerësuar veten, do të arrini të vlerësoni edhe të tjerët.

TiranaObserver