Pushteti i algoritmeve - Diapazon

×
Albanian Forums, Zerion Zeri yt Zeri Info, Forumi Shqiptar Al Virtual, Diskutime, Biseda, Chat Njofje, Informatika, Teknologjia, Gazeta Tema, Gazetat Shqiptare, Bota Sot, www Channel Albania, Telegrafi Kosovo, Ballkani Web, Gazeta Lajme shqip, Lajmet e Fundit Shqiperia Kosova, Dita, Panorama, Kryeartikull, Faqja Kryesore, Video Shqip, Muzike Shqipe, Njoftime, Lajmerime, Temat Online, Gazetat, Kosovare, Shtypi Ditor, Sporti Shqiptar, Dashuria, Pyetje Pergjigje, Keshilla, Ndihme, Webmaster Shqiptar, Familja, Shqiptaria, Muzika, Receta Gatimi, Imazhe, Vipat-shqiptar, Aktualiteti
Media Sociale
Mesazhe Private
Shqiptaret duke lexuar tema interesante dhe te ndryshme
Tema re

Pushteti i algoritmeve

Pushteti i algoritmeve

· 2 · 671

  • Postime: 28589
  • Karma: +48/-5
  • Gjinia: Mashkull

ne: 05-09-2019, 23:43:48
Pushteti i algoritmeve. Dhe na kishte paralajmëruar Gëtja…
Revolucioni i Internetit, të cilin disa studiues amerikanë e konsiderojnë më vendimtar sesa zbarkimi në Hënë, po fillon të krijojë disa probleme, jo vetëm të karakterit teknologjik. Web-i në fakt është bërë një mjedis, në të cilin jetojmë dhe marrim frymë.

Mediat e reja janë të kudogjendura, përbëjnë jetën e përditshme, ofrohen si dimensione sociale, kulturore, politike dhe ekonomike të botës bashkëkohore dhe si të tilla, kontribuojnë në aftësinë tonë për t’i dhënë kuptim botës, për të ndërtuar dhe ndarë domethëniet e saj. Nuk janë vetëm një pasqyrë e realitetit të jashtëm; ato janë vetë realitete.

Algoritmi i motorrëve të kërkimit ndikon në kërkimet tona, algotrading (tregtia e algoritmeve) lëviz miliona dollarë çdo orë, dhe sugjeron zgjedhjet që duhet të bëjmë në jetën e përditshme. Një fuqi e re e padukshme po na dominon, quhet algokraci? Termi u shfaq në vitin 2006 në “Migracioni Virtual”, një libër nga A. Aneesh që përshkruan sistemet e qeverisjes së kompjuterizuar ku kodi (algoritmet) përcakton, organizon dhe kufizon ndërveprimet njerëzore me ato sisteme. Fjala është e formuar nga algo, shkurtim joformal i algoritmit, dhe nga elementi i dytë – kracia, ose pushteti. Pra, pushteti i algoritmeve.

Prej pak kohësh në Shtetet e Bashkuara, ndër pyetjet më urgjente për ata që merren me inteligjencën artificiale, është ajo e etikës së makinave, në mënyrë që algoritmet të mos marrin vendime diskriminuese ose moralisht të papranueshme. Teknologjia nuk është asnjëherë neutrale. Vlera e saj varet kryesisht nga përdorimi që i bëhet asaj, dhe për këtë arsye duket e domosdoshme, si kurrë më parë, nxitja e një debati mbi etikën e teknologjisë, etikën e digjitales.

Presidenti i Microsoft, Brad Smith ka thënë: “Ne kemi qenë gjithmonë të përkushtuar për t’i ndihmuar studentët që të fitojnë aftësitë dixhitale të nevojshme për punët e së ardhmes. Por përgatitja e gjeneratave të reja do të thotë gjithashtu t’i ndihmojmë ata të kuptojnë ndikimin etik, politik dhe shoqëror të tendencave të reja teknologjike”.

Dominimi i algoritmeve? Ka ardhur koha e qeverisjes së parë të Black Mirror? Që në kohën e tij Gëtja, me përrallën e tmerrshme të Mësuesit Magjistar, na kishte mësuar se teknika duhet të mbahet nën kontroll. / bota.al

  • Postime: 3239
  • Karma: +12/-1
  • Gjinia: Mashkull

#1 ne: 09-09-2019, 14:21:16
Kete qe eshte shkruajtur ketu, shume thjeshte eshte sqaruar ne dokumenatarin ne Netflix me Titull. "The Great Hack".

Temat e fundit