Doni te humbni peshë? Si të dobësoheni pa dietë dhe pa shkuar në palestër - E Bukura

×
Hyrja
Profili

Doni te humbni peshë? Si të dobësoheni pa dietë dhe pa shkuar në palestër

Doni te humbni peshë? Si të dobësoheni pa dietë dhe pa shkuar në palestër

· 3 · 554

  • Postime: 18280
  • Gjinia: Femer

ne: 20-09-2011, 14:43:21
A të dobëson domatja?

Specialistët besojnë se njerëzit mund të dobësohen më shumë duke ngrënë domate, sesa të mbajnë dieta vrasëse apo të zhvillojnë ushtrime të shpeshta aerobike.

Duke iu referuar studiuesve të universitetit “Reading”, The Daily Express thekson se konsumimi i frutave mundëson ngopjen, dhe për këtë arsye zhduk dhe kurthet e nxitjes për të ngrënë tek njerëzit që  duan të dobësohen.

Mendohet se tek domatja ka përbërës të shumtë që ndryshojnë nivelin e hormoneve të oreksit. Kjo pengon dhe gërryerjen e stomakut nga uria. Kërkuesit i  dhanë për të ngrënë 17 grave sanduiçë të bërë me bukë të bardhë, domate dhe karota. Në fund arritën në përfundimin se buka me domate  mundëson më shumë ndjenjën e  ngopjes.

Udhëheqësi i studimit theksoi se akoma nuk mund të flitet për përmbajtjen e studimit, por rezultatet e arritura janë të rëndësishme dhe të kuptueshme nga ana statistikore.
« Editimi i fundit: 23-12-2019, 00:17:57 nga M A X »

  • Postime: 26703
  • Gjinia: Mashkull

#1 ne: 23-12-2019, 00:18:48
 

Humbja e peshës pa bërë domosdoshmërisht dietë është e mundur! Kjo teori mbështetet nga Michael Greger, autor dhe themelues i NutritionFacts.org, sipas të cilit humbja e peshës është absolutisht e mundshme falë shkencës.

Ai e rithekson këtë në librin e tij të botuar më 10 dhjetor, me titullin: Shkenca themelore e shëndetit dhe humbja e përhershme e peshës! Pesë prej këtyre strategjive të dobësimit që kanë baza shkencore, autori i detajon brenda librit të tij.

1. Pini ujë para se të hani
Uji i pijshëm është një forcues natyror metabolik dhe funksionon më së miri!
“Pirja e një gote ujë katër herë në ditë ndihmon në eliminimin e pothuajse 100 kalorive shtesë.

Edhe më mirë nëse është ujë i ftohtë, i cili më tej rrit metabolizmin pasi trupi duhet të punojë për ta sjellë lëngun në temperaturën e trupit”, thotë Greger. Për më tepër, të mos harrojmë se uji ka një efekt mbushës natyral në stomak.

2. Zgjidhni një antipastë ‘inteligjente’
Të ulesh në tryezë dhe të fillosh me një mollë, një sallatë jo të ngarkuar me erëza ose një supë të lëngshme me bazë perimesh është një pikënisje e shkëlqyeshme për të kontrolluar kaloritë.

Kjo strategji funksionin gjithmonë nëse ju e kufizoni veten në sasi apo në preferencat tuaja! Sepse një ekip studiuesish kanë kryer një studim për ta konfirmuar këtë! Një grup njerëzisht konsumuan makarona dhe një grup tjetër sallatë si start.

Grupi i parë e nisi me 900 kalori, ndërsa ata të dytët me 200 kalori. E në fund të studimit, ata që hëngrën sallatën dhe mollën para vaktit, kishin konsumuar 300 kalori më pak në total, se ata që të kishin ngrënë makarona apo ushqime më të ngarkuara.

3. Përdorni uthull molle
Dihet, se substancat acidike ndihmojnë në stabilizimin e niveleve të sheqerit në gjak. “Uthulla është përdorur në mjekësi që nga kohërat e lashta”, shkruan Greger në librin e tij.
Në fakt, para ardhjes së ilaçeve të glikemisë, ka shërbyer si ilaç popullor për diabetin.

Për qëllime të humbjes së peshës, kjo është e rëndësishme sepse niveli i sheqerit që luhatet në gjak është arsyeja që, gjatë një dite, mund të na bëjë që të braktisim zakonet e shëndetshme për të hyrë në ushqimin e bollshëm apo të pa shëndetshëm.

4. Mos hani kurrë para një ekrani
Një gjest i thjeshtë: eliminoni çdo lloj ekrani gjatë vakteve. “Mos hani ndërsa shikoni TV ose përdorni telefonin sepse shpërqendrimi jua shtyn të hani më shumë”, thekson autori i librit.

Një nga këto studime provoi se burrat dhe gratë që hëngrën teksa shikonin TV konsumuan mesatarisht një copë picë më shumë në krahasim me homologët e tyre pa ekran.

Një studim i ngjashëm analizoi edhe darkën e subjekteve që dëgjonin radion. Rezultati: hëngrën deri në 77% më shumë ushqime të ëmbla sesa ato që hanin në heshtje.

5. Hani ngadalë
Ne të gjithë jemi në luftë të vazhdueshme me kohën, me ritmin, me thuajse gjithçka ka të bëjë me jetën tonë! Por, mos harroni diçka! Duhen plot 20 minuta të plota që të konsumoni një vakt dhe kjo është kaq thelbësore.

Studimet kanë treguar që pavarësisht se sa kohë përtypim ushqim, të kesh kohë shtesë për të ngrënë mund të çojë në konsum të ulur kalorik”, shkruan Greger.

Përkushtimi 20 minuta për çdo vakt ju lejon të arrini natyrshëm ndjenjën e ngopjes, duke u ngritur nga tryeza më të ngopur, por që në fakt ju keni ngrënë më pak. rd

  • Postime: 611
  • Gjinia: Mashkull

#2 ne: 24-12-2019, 22:42:38
Keshilla shume me vlere, Vecanerisht pikat 4 dhe 5.

Temat e fundit