Zbulohet në Fier fustani i viteve ‘30 me shqiponjën me 7 pendë ! - Folklori Shqiptar

×
Albanian Forums, Zerion Zeri yt Zeri Info, Forumi Shqiptar Al Virtual, Diskutime, Biseda, Chat Njofje, Informatika, Teknologjia, Gazeta Tema, Gazetat Shqiptare, Bota Sot, www Channel Albania, Telegrafi Kosovo, Ballkani Web, Gazeta Lajme shqip, Lajmet e Fundit Shqiperia Kosova, Dita, Panorama, Kryeartikull, Faqja Kryesore, Video Shqip, Muzike Shqipe, Njoftime, Lajmerime, Temat Online, Gazetat, Kosovare, Shtypi Ditor, Sporti Shqiptar, Dashuria, Pyetje Pergjigje, Keshilla, Ndihme, Webmaster Shqiptar, Familja, Shqiptaria, Muzika, Receta Gatimi, Imazhe, Vipat-shqiptar, Aktualiteti
Media Sociale
Mesazhe Private
Shqiptaret duke lexuar tema interesante dhe te ndryshme
Tema re

 Zbulohet në Fier fustani i viteve ‘30 me shqiponjën me 7 pendë !

     Zbulohet në Fier fustani i viteve ‘30 me shqiponjën me 7 pendë !

    · 1 · 3640

    • Postime: 27098
    • Karma: +11/-5
    • Gjinia: Mashkull

    ne: 04-10-2007, 18:09:48
    FIER - Për herë të parë, kulti i simbolit tonë kombëtar, shqiponja, gjendet e qëndisur në një fustan të trevës së Myzeqesë. Fustani i rrallë, që i përket viteve ’30, është ekspozuar për herë të parë për artdashësit ditën e trashëgimisë kulturore në hollin e teatrit “Bylis” të Fierit. Ajo që e bën të veçantë këtë shqiponjë është numri shtatë i pendëve të saj. Në të dy krahët e shqiponjës së qëndisur me fije ari gjenden nga shtatë pendë e po kështu edhe në bisht. Ata janë të hapur. Sipas specialistit të Muzeut Historik të Fierit, Nuri Plaku, numri shtatë i pendëve përkon me shtatën hyjnore. Prof. Mark Tirta në veprën e tij është shprehur se kjo lloj shqiponje e ka zanafillën rreth 4100 vjet para dhe në të ndodhet e mishëruar ideja sa e lashtë aq dhe befasuese e transmetimit shekullor të vlerës së paganizmit në simbolikën e veshjeve popullore, njësoj si transmetimi në etnografi i yllit të Davidit. Dihet se gjatë viteve ’30, periudha kur është bërë ky fustan, Fieri ka pasur një zhvillim tepër intensiv dhe është njohur si qendër e rëndësishme tregtare dhe zejtarie. Këtë e dëshmon edhe ky fustan ku shqiponja e veçantë është qëndisur në mantelin e tij dhe në krah. Veshja ka ardhur si një pasuri e familjeve të fisme të qytetit, si një pjesë e veshjeve luksoze. Krahas ornamenteve të punuara me motive floreale me zogj, degë e lule, apo dhe tufëza të çelura, vendin më të rëndësishëm këtu e ka shqiponja. Simboli i saj shtatëpendësh është skalitur edhe në rripin mbajtës, pjesë e stolisë së fustanit. Nuri Plaku pohon se kjo është një gjetje e rrallë në krahinën e Myzeqesë. - Është rasti i parë, - thotë ai, - që në një veshje etnografike përcillet simboli i shqiponjës me shtatë pendë”. Kulti i shqiponjës, simbolit tonë kombëtar, gjendet i gdhendur në shumë objekte të kulturës material-kulturore në trevën fierake, si në punimet e skalitjes, objekte zbukurimi, unaza, vathë, byzylykë, në armët e luftimit, shpata, përkrenare, skulptura, gurët, në pllakat e mermerit, dru etj. Një tjetër fakt interesant është se numri i pendëve të shqiponjës tonë ka ardhur duke u ndryshuar në vite. Kështu, në epokën mesjetare shqiponja ka pasur deri në nëntë pendë dhe kjo vihet re sidomos në epokën e Skënderbeut. Më pas ajo është bërë me pesë pendë dhe gjendet sidomos në objektet e kultit dhe foltoret shqiptare. Por kemi dhe një rast tjetër, kur në shqiponjën e përdorur në prag të shpalljes së pavarësisë janë përdorur 14 pendë. Në atë kohë ajo ka patur pozicion aktiv fluturues ndryshe nga ai i tashmi i stemës kombëtare. Gjithsesi, shqiponja me shtatë pendë është rasti i parë që haset në një veshje popullore dhe kjo përbën një dëshmi të vlerave të qarta autentike të popullit tonë të shprehura në gjuhën e stolive.

    A. Velaj

    Temat e fundit