Liqeni që u merr jetën çdo vit 5 mijë njerëzve - Gjeografi

×
Albanian Forums, Zerion Zeri yt Zeri Info, Forumi Shqiptar Al Virtual, Diskutime, Biseda, Chat Njofje, Informatika, Teknologjia, Gazeta Tema, Gazetat Shqiptare, Bota Sot, www Channel Albania, Telegrafi Kosovo, Ballkani Web, Gazeta Lajme shqip, Lajmet e Fundit Shqiperia Kosova, Dita, Panorama, Kryeartikull, Faqja Kryesore, Video Shqip, Muzike Shqipe, Njoftime, Lajmerime, Temat Online, Gazetat, Kosovare, Shtypi Ditor, Sporti Shqiptar, Dashuria, Pyetje Pergjigje, Keshilla, Ndihme, Webmaster Shqiptar, Familja, Shqiptaria, Muzika, Receta Gatimi, Imazhe, Vipat-shqiptar, Aktualiteti
Media Sociale
Mesazhe Private
Shqiptaret duke lexuar tema interesante dhe te ndryshme
Tema re

Liqeni që u merr jetën çdo vit 5 mijë njerëzve

Liqeni që u merr jetën çdo vit 5 mijë njerëzve

· 1 · 820

  • Postime: 27104
  • Gjinia: Mashkull

ne: 25-01-2013, 07:39:48
Nuk është liqeni Viktoria, të cilin të gjithë e kanë parë në filmin “Piranja”, por është një tjetër liqen Viktoria, i cili shtrihet në Afrikë. Një vend i çuditshëm ku natyra gërshetohet me misterin.

Liqeni Viktoria shtrihet në 70.000 kilometra katrorë ndërmjet Ugandës, Tanzanisë dhe Kenias, paraqet burimin e dytë më të madh të ujit të freskët të pijshëm në botë dhe është më i madhi i këtij lloji në Afrikë, ndërkohë që njëkohësisht është edhe rezervuari kryesor i lumit Nil. Në kuadër të liqenit me pamje jashtëzakonisht të bukura gjendet edhe një arkipelag me mbi 80 ishuj. Mirëpo, ai paraqet edhe risk të madh, pasi sipas zyrtarëve lokalë brenda një viti në të humbin jetën rreth 5 000 persona, qoftë si pasojë e rrethanave të çuditshme klimatike, qoftë rrugëve të këqija.



“Është shumë i rrezikshëm. Gjendeni në sipërfaqe e nuk e dini thellësinë e vendit mbi të cilin gjendeni. Madje edhe nëse dini mirë not, kjo nuk mund t’ju ndihmojë shumë”, – thotë Sem Kabonga, një peshkatar nga vendi Bugala. Ai shton se secili peshkatar nuk ka mundësi të pajiset me rrip apo jelek adekuat për shpëtim, kurse barkat e vogla mund të zhduken lehtë në valët që formohen në liqe shkaku i mikroklimës së tij të çuditshme.

“Ka raste që kur hyni në liqe koha është e mirë, por kur arrini në mes të liqenit përnjëherë fillon era e fuqishme, shiu, retë e dendura”, – sqaron Kabonga.
Meteorologu nga Uganda, Kalid Muëembe flet për arsyet për shkak të të cilave ky liqen është aq i rreshkshim.

“Për arsye se liqeni është kryesisht i ngrohtë dhe ka mjaft lagështi, prodhohet një sasi e madhe e energjisë potenciale konvektive, që prodhon re shiu dhe stuhi të bubullimave dhe vetëtimave, që mund të paraqesin rrezik shumë të madh”, – thotë ky meteorolog.

Me qëllim të mbrojtjes së njerëzve, para pak kohësh këtu ka filluar aksioni provues për informimin me SMS të popullatës lokale të paktën një herë në ditë lidhur me kushtet për kushtet e motit, që iu dërgohen në telefonat e tyre celularë.

Avioni që u rrëzua mbi liqen

Një aeroplan në të cilin ndodheshin shtatë vetë u rrëzua në liqenin Viktoria menjëherë pas fluturimit nga aeroporti Entebe në afërsi të Kampalës, kryeqendra e Ugandës.

Sipas autoriteteve lokale nuk pati të mbijetuar në këtë aksident. Zëdhënësi i armatës së Ugandës deklaroi se midis viktimave ka shtetas të Burundit, Ugandës dhe Afrikës Jugore. Kombësitë e katër anëtarëve të ekuipazhit tani për tani janë të panjohur. Dëshmitarët okularë konfirmuan se aeroplani ka shpërthyer në ajër, dhe më pas është rrëzuar në liqen dhe është fundosur. Aeroplani ka transportuar dërgesa për forcat paqeruajtëse në Ugandë, që janë stacionuar në Somali.

Mbytja e çuditshme

Të paktën 30 persona kanë humbur jetën kur një anije është përmbytur në liqenin e Viktorias në Ugandë. Anija ishte fundosur, rreth 6 km larg destinacionit të saj, ishullit Kjata në liqenin Viktoria. Sipas dëshmitarëve okularë, anija është mbytur në mënyrë krejt të çuditshme. Fillimisht i janë fikur motorët dhe më pas ka filluar animi në krahun e djathtë. Autoritet lokale ende e kësaj dite nuk i kanë shpjeguar arsyet se përse u mbyt anija.  Standard

Temat e fundit