×

25 nëntor 1562 - Lope de Vega

· 1 · 334

25 nëntor 1562 - Lope de Vega

· 1 · 334

  • Postime: 22189
  • Gjinia: Mashkull
M A X
ne: 25-11-2011, 23:48:07
Retro/Histori: 25 nëntor 1562 Lope de Vega

Félix Arturo Lope de Vega y Carpio, poet dhe dramaturg spanjoll, u lind më 25 nëntor 1562. Ai ishte një nga figurat kryesore të letërsisë së Shekullit të Artë të Barokut Spanjoll. Për nga reputacioni në botën spanjolle të letrave, ai vjen i dyti vetëm pas Servantesit, ndërkohë që vëllimi i krijimeve të tij letrare është i pakrahasueshëm, duke e bërë atë një nga shkrimtarët më prodhimtarë në historinë e letërsisë. I pagëzuar nga Servantesi si ‘Feniksi i mençurisë’ dhe ‘Monstra e natyrës’ (pikërisht për shkak të veprave të shumta), Lope de Vega rinovoi teatrin spanjoll në një kohë kur ai kish filluar të bëhej një fenomen kulturor masiv. Ai përcaktoi karakteristikat themelore të tij dhe bashkë me Calderon de la Barca-n dhe Tirso de Molina-n e çoi teatrin barok spanjoll në kulm. Ai mbahet si një nga dramaturgët më të mëdhenj të letërsisë Perëndimore dhe pjesët e tij ende luhen në mbarë botën. Atij i atribuohen nja 3 mijë sonete, 3 romane, 4 novela, 9 poema epike dhe rreth 1800 pjesë teatrale. Megjithëse cilësia e të gjithave nuk është e njëjtë, nja 80 prej tyre konsiderohen kryevepra. /mapo.al
  • M'pelqe
    Kot fare
    Super