Republika Shqiptare më 21 janar 1925, sipas modelit presidencial amerikan - Historia

×
Albanian Forums, Zerion Zeri yt Zeri Info, Forumi Shqiptar Al Virtual, Diskutime, Biseda, Chat Njofje, Informatika, Teknologjia, Gazeta Tema, Gazetat Shqiptare, Bota Sot, www Channel Albania, Telegrafi Kosovo, Ballkani Web, Gazeta Lajme shqip, Lajmet e Fundit Shqiperia Kosova, Dita, Panorama, Kryeartikull, Faqja Kryesore, Video Shqip, Muzike Shqipe, Njoftime, Lajmerime, Temat Online, Gazetat, Kosovare, Shtypi Ditor, Sporti Shqiptar, Dashuria, Pyetje Pergjigje, Keshilla, Ndihme, Webmaster Shqiptar, Familja, Shqiptaria, Muzika, Receta Gatimi, Imazhe, Vipat-shqiptar, Aktualiteti
Media Sociale
Mesazhe Private
Shqiptaret duke lexuar tema interesante dhe te ndryshme
Tema re

Republika Shqiptare më 21 janar 1925, sipas modelit presidencial amerikan

Republika Shqiptare më 21 janar 1925, sipas modelit presidencial amerikan

· 1 · 192

  • Postime: 27977
  • Karma: +48/-5
  • Gjinia: Mashkull

ne: 24-01-2021, 21:39:26
Republika Shqiptare u propozua dhe u shpall nga Asambleja Kushtetuese e zgjedhur në dhjetor të vitit 1923. Kjo formë regjimi e vendit erdhi pak kohë pas rrëzimit të qeverisë së drejtuar nga Fan S. Noli dhe rivendosjes së “legalitetit”. Ajo ka hyrë në histori si republika e parë shqiptare, njoftoi Muzeu Historik Kombëtar.

Forma e republikës u legjitimua përmes miratimit nga Asambleja Kushtetuese në mars të vitit 1925, të Statutit të Republikës Shqiptare.

President i Republikës u zgjodh Ahmet Zogu.

Statuti i Republikës Shqiptare sanksionoi dy parime themelore të jetës shtetërore: ruajtjen dhe konsolidimin e pavarësisë dhe vënien në jetë e parimeve demokratike kushtetuese, që respektonin sovranitetin e popullit të miratuara në Kongresin e Lushnjës.

Në Statut u ligjëruan parimet dhe liritë demokratike, si ndarja e pushteteve dhe liritë e të drejtat e njeriut.

Presidenti i Republikës zgjidhej nga parlamenti shqiptar një herë në shtatë vjet. Modeli mbi të cilën u mbështet Republika Shqiptare ishte Republika presidenciale e SHBA.

Shpallja e Republikës dhe miratimi i Statutit republikan përbënin hapa të rëndësishëm për krijimin e institucioneve republikane si dhe për konsolidimin e shtetit shqiptar.

Republika Shqiptare shërbeu si një hallkë e ndërmjetme për kalimin nga drejtimi i brishtë kolegjial i drejtuesve të Këshillit të Lartë në formën e monarkisë. Forma republikane e qeverisjes së Shqipërisë zgjati nga janari i vitit 1925 deri në shtator të vitit 1928.
 

© SYRI.net

Temat e fundit