Gjumi - Jeta

×
Hyrja
Profili

Gjumi

Gjumi

· 25 · 2623

  • Postime: 26710
  • Gjinia: Mashkull

ne: 06-09-2011, 13:20:12
Gjumi, ja cili është pozicioni më i mirë për të fjetur
 

Gjumi është i domosdoshëm për trupin dhe mendjen, por po kaq i rëndësishëm është edhe pozicioni në të cilin flemë. Këtë theksojnë ekspertët amerikanë, të cilët kanë analizuar pozicionet kryesore të gjumit dhe kanë dalë në përfundimin se ai më i miri është pozicioni shtrirë në shpinë.

Sipas ekspertëve të Convenant Health System, fjetja në shpinë ndihmon në parandalimin e dhimbjeve të shpinës e qafës, pakëson refluksin e acideve gastrike dhe favorizon mosshfaqjen e rrudhave. Shtrirja në shpinë redukton në maksimum kontraktimet dhe rezulton një pozicion i përshtatshëm për shtyllën kurrizore. Ana negative e këtij pozicioni? Favorizon gërhitjen, sidomos tek ata që janë të predispozuar.

Një tjetër pozicion i mirë për trupin është shtrirja në krah. Edhe ky pozicion parandalon dhimbjet e shpinës dhe qafës. Ai u rekomandohet sidomos grave shtatzëna, pasi favorizon lëvizjen e gjakut në fetus. Ekspertët nuk ua këshillojnë këtë pozicion atyre që duan të parandalojnë rrudhat.

Pozicioni më i keq? Ai shtrirë në bark, pasi shtyp stomakun, lehtëson refluksin e acideve gastrike dhe favorizon tendencën për të gërhitur. Gjithashtu, në këtë pozicion shtylla kurrizore nuk ka mundësinë të çlodhet dhe presioni mbi muskujt dhe kyçet është kaq i fortë saqë mund të shkaktojë edhe inflamacionin e nervave apo ndjesi shpimi në gjymtyrë.
« Editimi i fundit: 05-02-2020, 20:33:51 nga M A X »

  • Postime: 26710
  • Gjinia: Mashkull

#1 ne: 11-09-2011, 14:00:46
Gjumi, shtyrja e alarmit, mënyra më e keqe

 Trupi para zgjimit përgatitet për ditë të re, por shtyrja e zgjimit mund t’ju kthejë përsëri në fazën e gjumit të thellë dhe të shkaktojë shok pas tingëllimës së re të alarmit. Meshkujt rrallë flenë në gjumë të thellë dhe zgjohen disa herë në natë ç’ka rrit rrezikun nga tensioni i rritur i gjakut dhe problemet me zemër, sipas një zstudimi të Universitetit të Harvardit.

“Edhe pse femrat nuk ishin të përfshira në këtë studim, ka shumë mundësi që ato që kanë gjumë më të lehtë mund të kenë rrezik më të lartë nga tensioni i lartë i gjakut”, pohon udhëheqësja e studimit, Susan Redline. Gjumi është i domosdoshëm për ruajtjen e shëndetit. Me rëndësi është që gjumi të na bëhet prioritet dhe të tentojmë të flemë së paku gjashtë deri tetë orë në ditë, thekson Natasha Steëart nga Fondacioni britanik për zemër.

Pse fshiheni nën mbulesë?
Trupi e do ritmin dhe parashikueshmërinë. Shumica ndiejnë lodhje sepse nuk i janë përmbajtur ritmit të zakonshëm të gjumit. Një orë para së të fillojë zgjimi trupi përgatitet. Gjumi bëhet më i lehtë, temperatura trupore fillon të rritet dhe fillon lirimi i kortizolit, hormonit të stresit, çka jep energji për zgjim, thekson eksperti për fjetje, doktor Neil Stanley.Nëse trupi juaj nuk ka ritëm dhe nuk e di që është koha për t’u zgjuar pasi që cingëron alarmi, do të përjetojë shok. Pikërisht kjo është arsyeja pse pas ziles së alarmit do të ndiheni të lodhur, thekson Stanley.

Mos e shtyni zgjimin
Shumë e shtyjnë zgjimin duke e shtyrë alarmin për dhjetë ose 20 minuta për të kompensuar gjumin. Por, kjo është më e keqja që mund të bëni, pohojnë ekspertët. Trupi para zgjimit përgatitet për këtë dhe shtyrja e tij mund t’ju kthejë në fazën e gjumit të thellë dhe të shkaktojë shok pasi që alarmi të bjerë përsëri.



Përdoreni diellin
Ndryshimi prej gjumit në zgjim është shok i madh për organizmin, thotë Leon Kreitzman, autor i librit “Seasons of life”.“Derisa flini, temperatura trupore si dhe tensioni i gjakut bien, prandaj gjatë zgjimit zemrës por edhe tërë organizmit i duhet pak më shumë kohë për të lëvizur”, thekson Kreitzman. Kjo shpjegon pse shumica e sulmeve në zemër ndodh në orët e mëngjesit. Njerëzit janë më aktivë gjatë ditës, ndërsa flenë gjatë natës dhe kanë mekanizëm natyror i cili kontrollon ndjenjën e përgjumësisë dhe zgjimit. Mekanizmi është i sinkronizuar me lindjen dhe perëndimin e diellit. Nëse keni probleme me fjetjen apo me zgjimin, e rëndësishme është që të kaloni shumë kohë në vend të hapur, këshillon Kreitzman. Derisa është në vend të hapur trupi ngadalë mbushet me energji dhe i përshtatet kohës.

Nervozizmi i mëngjesit është në gjene
Disa njerëz thjesht nuk janë tipa të mëngjesit sepse vuajnë nga e ashtuquajtura inerci e gjumit, ndjenja e ngadalësisë dhe irritimit, madje edhe deri dy orë pas zgjimit, derisa të tjerët pa problem zgjohen nga shtrati dhe fillojnë ditën, pohon Stanley. Rreth 12 gjene janë të lidhura me sistemin e brendshëm të trupit, i cili rregullon fjetjen dhe zgjimin. Gjenet punojnë së bashku për të krijuar proteinat dhe nxitur hormonet për shkak të të cilave flemë gjatë natës, ndërsa jemi aktivë gjatë ditës. Tek ata që zgjohen herët organizmi punon më shpejt, kështu që ata më herët lodhen dhe shkojnë në shtrat për të fjetur, ndërsa tek “zogjtë e natës” është e kundërta, shpjegon neurologu Russell Foster nga Universiteti i Oxfordit.

Adoleshentët janë botë më vete
Adoleshentët kanë nevojë për më shumë gjumë sesa njerëzit tjerë, sepse duhet të përballen me shumë ndryshime emocionale dhe fizike nëpër të cilat kalon trupi i tyre, thekson Kreitzman.“Hormonet seksuale, si testosteronet dhe progjesteronet, niveli i të cilave rritet në pubertet, mund të çrregullojnë ritmin e gjumit, prandaj nuk është çudi që adoleshentët zgjohen vonë”, thotë Foster.
(m.a/kohaditore/BalkanWeb)

  • Postime: 26710
  • Gjinia: Mashkull

#2 ne: 18-11-2011, 16:20:01
Gjumi i ëmbli gjumë, si t’ia bëjmë që të flemë më mirë!

Në vendet e industrializuara, një person në tre në moshë madhore vuan nga shqetësimet e lidhura me ritmet kardiake. Një c’ekulibër delikat i cili lidhet edhe me mënyrën e fjetjes tek të rriturit. Specialistët rekomandojnë se rregulli i artë është që zgjimi i mëngjesit duhet repektuar gjithmonë edhe nëse nata ka qenë e tmerrshme.

Mjekët thonë se nga vitet 80 e në vijim, njerëzit në të gjtihë globin e kanë prishur gjumin e natës, duke i marrë një mesatare prej 1 ore e gjysëm. Më shumë se një sasi, gjumi është frut i një ekulibri shumë delikat të organizmit.

Për mjekët ekziston një rregull i artë: “kurrë mos e prishni gjumin e mëngjesit, pasi ai nuk zëvendësoet me atë të orëve gjatë ditës, ose sic e quajmë gjumi i drekës, pasi pas orës 8:00 të mëngjesit gjumi nuk është një pushim sipas mjekëve, por një shqetësim fiziologjik i trupit të njeriut.

Ndërkohë, për personat që rrinë zgjuar deri në orët e vona të mbrëmjes, mjekët rekomandojnë që të rrinë zgjuar deri në orët e drekës dhe vetëm pastaj të flihet gjumë.
(el.me/BalkanWeb)

  • Postime: 26710
  • Gjinia: Mashkull

#4 ne: 02-03-2012, 23:05:03
 Në ndryshim me atë që besohet shpesh, cilësia e gjumit rritet me kalimin e viteve. Ky është konkluzioni në të cilin kanë arritur studiuesit e Universitetit të Pensilvanisë, i publikuar së fundmi edhe në revistën Sleep.

Sipas këtij studimi në moshën 70 vjeçare e bën gjumin më cilësor se më parë, por është edhe kulmi. Në studim janë përfshirë 155,877 burra dhe gra dhe është arritur në konkluzionin se gjumi përmirësohet me moshën.

Studiuesit kanë thënë gjithashtu se përjashtohen nga ky studim personat që vuajnë nga depresioni, apo nga ndonjë sëmundje e rëndë.

Krahasuar me meshkujt, femrat janë ato që janë ankuar më shumë për probleme me gjumin dhe lodhjen gjatë ditës. Në mënyrë të ngjashme, mosha që në përgjithësi paraqet probleme të mëdha është mosha e mesme, thonë studiuesit më tej.
(ma.ar/BalkanWeb)

  • Postime: 7065
  • Gjinia: Femer

#5 ne: 02-05-2012, 01:04:34
Harrojini orët e zgjatura në palestër dhe llogaritjen e pafund të kalorive, pasi ka një mënyrë shumë më të thjeshtë për të humbur në peshë.

Një dietë “gjumi” është përgjigja më e mirë për të humbur kile, pretendojnë disa shkencëtarë pas një studimi.

Fjetja e më pak se shtatë orëve gjatë natës duket se “inkurajon” gjenet që shkaktojnë fitimin e peshës, ndërsa më shumë se nëntë orë gjumë është në gjendje të prodhojë efektin e kundërt.

Studimi u fokusua në më shumë se një mijë çifte binjakësh identikë, të cilët kanë trashëguar të njëjtat gjene që komandojnë peshën, në mënyrë që të përjashtohej faktori gjenetik në shëndetin e tyre, duke u fokusuar vetëm tek faktorët e jashtëm.

Studimi tregoi se për ata që flinin rregullisht më pak se shtatë orë në natë, 70% e mbipeshës së tyre i detyrohej faktorit gjenetik, ndërsa për ata që flinin mbi nëntë orë, kjo statistikë reduktohej në mënyrë drastike në 32%.

Kjo u tregoi shkencëtarëve se në persona me të njëjtin gjen, mënyra se si ai funksionon është e ndryshme dhe se gjumi ndikon në mënyrë të drejtëpërdrejtë në këtë aktivitet.

  • Postime: 26710
  • Gjinia: Mashkull

#6 ne: 21-05-2019, 12:13:19
Ja kush është çelësi për një gjumë të qetë 

Ne shpenzojmë një të tretën e jetës tonë, në gjumë dhe nuk mund të jetojmë pa atë. Është një proces shumë i rëndësishëm që ndikon në shëndetin tonë

Kur ne jemi në gjumë, truri jonë fillon të memorizojë dhe të përpunojë informacion. Trupi jonë çlirohet nga toksinat dhe relaksohet, në mënyrë që të jemi të freskët kur të zgjohemi.

Një studim sugjeron që pas 17-19 orësh zgjuar, performanca e detyrave të zakonshme mund të jetë e njëjtë si të keni konsumuar shumë alkool.

Periudha më e gjatë pa gjumë, e dokumentuar, më tepër se 11 ditë sjell ndryshime serioze të njohjes dhe të sjelljes. Këto janë disa mënyra si të bëni një gjumë të qetë:

  • Postime: 12743

#7 ne: 21-05-2019, 15:44:50
Une qe fle 3-4 ore , i bie te behem 300 kg :P , do thyej rekordin gines :P

  • Postime: 3258
  • Gjinia: Mashkull

#8 ne: 24-05-2019, 07:29:51
kam shumë të shkruaj për gjumin. por sdo arri se do me zë gjumi.

  • Postime: 7065
  • Gjinia: Femer

#9 ne: 24-05-2019, 07:56:29
Une qe fle 3-4 ore , i bie te behem 300 kg :P , do thyej rekordin gines :P
Ne kete periudhë une fle  4 ore, me shume sben vaki 😁.
Ndihesh ndonjehere si e humbur po kalon shpejt 😂

  • Postime: 7065
  • Gjinia: Femer

#10 ne: 24-05-2019, 07:58:14
kam shumë të shkruaj për gjumin. por sdo arri se do me zë gjumi.

Eh kush mund te flas me bukur per gjumin se ti o Gjumasho 😂

  • Postime: 2173

#11 ne: 26-05-2019, 14:25:41
Une qe fle 3-4 ore , i bie te behem 300 kg :P , do thyej rekordin gines :P
Une qe fle 3-4 ore , i bie te behem 300 kg :P , do thyej rekordin gines :P
...Do plasin armiqte..

  • Postime: 26710
  • Gjinia: Mashkull

#12 ne: 02-07-2019, 19:17:02
 

Shumë njerëz nuk bëjnë gjumë të mjaftueshëm, e një studim i kohëve të fundit po pretendon se mesatarja është vetëm gjashtë orë gjumë në Britani.
Arsyet për netët pa gjumë ndryshojnë dhe shpesh janë të lidhura më çështjet psikologjike, por studimi pohon se mund të jetë mungesa e ujit gjatë ditës për mungesën e gjumit gjatë natës, transmeton Klan Kosova.

Sipas hulumtimit të bërë nga akademikët në Penn State University, Pennsylvania, njerëzit që flinin për gjashtë orë në natë kishin urinën dukshëm më të koncentruar dhe ishin më të dehidratuar krahasuar me ata që rregullisht flinin tetë orë në natë, që është koha e rekomanduar.

Studimi përfshinte më shumë se 20 mijë të rritur në SHBA dhe Kinë, autorët konkluduan se lidhjet midis cilësisë së gjumit dhe hidratimit janë në harmoni për gjumë të mirë.

“Ky studim sugjeron që nëse nuk jeni duke fjetur mjaftueshëm, dhe të ndjeheni keq ose të lodhur ditën tjetër, pini ujë shtesë” tha autori kryesor Asher Rosinger, profesor asistent në Penn State.

Dehidrimi mund të ketë një numër efektesh të padëshirueshme në trup, të tilla si marramendje, ndjesi të përgjumur dhe që kanë urinë me ngjyrë të errët, me erë të fortë.

Mënyra më e dukshme për të qëndruar e hidratuar është të pini shumë lëngje gjatë gjithë ditës dhe të shmangni ose kufizoni pije të tilla si kafeina, çaji dhe alkooli, të cilat mund të dehidrojnë trupin.

Por kur bëhet fjalë për sa ujë duhet të pijë çdo ditë, këshilla është kontradiktore, me disa ekspertë që sugjerojnë deri në katër litra ndërsa të tjerët thonë dy. https://www.koha.mk/kjo-eshte-arsyeja-pse-nuk-beni-gjume-te-mjaftueshem/

  • Postime: 7065
  • Gjinia: Femer

#13 ne: 06-07-2019, 06:40:50
Mungesa e ujit🤔.
Ndoshta e vertete

  • Postime: 1751
  • Gjinia: Femer

#14 ne: 10-07-2019, 06:57:48
Duhet patur kujdes mos të pihet ujë aq shumë pas orës 18:00 se përndryshe gjumi do të zëvendësohet me vizita të tualetit. :D
Katër litra ujë preferohet për persona të lëvizshëm, ndërsa mesatarja është dy litra.

  • Postime: 7065
  • Gjinia: Femer

#15 ne: 13-07-2019, 04:56:46
Duhet patur kujdes mos të pihet ujë aq shumë pas orës 18:00 se përndryshe gjumi do të zëvendësohet me vizita të tualetit. :D


Kjo, e vlefshme vetëm per stinen e dimrit. Ne periudhën e veres eshte e pamundur 😁

  • Postime: 26710
  • Gjinia: Mashkull

#16 ne: 25-09-2019, 00:07:34

 

Pse gjumi në anën tuaj të djathtë është i rrezikshëm për ju…
Ne e dimë se sa i rëndësishëm është një pushim i mirë gjatë natës për kryer aktivitetet tona të përditshme dhe për të pasur energji. Prandaj, ne kemi përpiluar një listë të 6 përfitimeve potenciale që mund të vijnë nga pozicioni i gjumit në krahun e majtë.

Përmirëson funksionin e sistemit tuaj limfatik


Sistemi limfatik luan një rol jetësor në trupin tonë duke hequr mbeturinat dhe toksinat nga sistemet tona. Ekspertët thonë se kanali torakal (që është është ena më e madhe limfatike e sistemit limfatik) gjendet në anën tonë të majtë.

Kjo është arsyeja pse fjetja në anën tuaj të majtë mund të ndihmojë trupin të përpunojë materialet e mbetura në mënyrë më efektive.

Meqenëse sistemi limfatik siguron gjithashtu transportin e yndyrnave, proteinave dhe substancave të tjera të rëndësishme në indet tuaja, shtrirja në anën tuaj të majtë lejon që qelizat tuaja t’i marrin këto ushqyes shumë më shpejt. Kjo lejon shpretkën tuaj të bëjë punën e saj edhe më mirë.



Shpretka është organi më i madh në sistemin limfatik dhe gjendet gjithashtu në anën e majtë të trupit tuaj. Kur flini në anën e majtë, shpretka juaj punon në mënyrë më efikase. Arsyeja kryesore për këtë është graviteti. Promovon rrjedhjen e gjakut në shpretkë, duke lejuar që ajo të filtrojë papastërtitë më shpejt.

Promovon eliminimin e duhur të produkteve të mbetura


Kryqëzimi midis zorrës së hollë dhe zorrës së trashë ndodhet në anën e majtë të trupit tuaj, në zonën e quajtur valvula ileocecale. Kur flini në anën tuaj të majtë, forcat gravitacionale e bëjnë më të lehtë që produktet e mbeturinave të lëvizin nga zorra e hollë në zorrën e trashë. Kjo i lejon zorrës së trashë për të eliminuar mbeturinat nga trupi juaj më shpejt.

Mund të zvogëlojë djegien e stomakut gjatë natës


Nëse vuani nga urthi i shpeshtë, atëherë është mirë të shtriheni për të fjetur në anën tuaj të majtë. Në këtë pozicion, stomaku juaj do të vendoset nën sfungjerin kardiak që lidh ezofagun me stomakun tuaj. Pozicioni i gjumit në të majtë parandalon që përmbajtja e stomakut të kthehet në ezofag.

Kursen mëlçinë tuaj nga mbingarkimi


Meqë mëlçia është në anën e djathtë të trupit, duke u shtrirë në anën tuaj të djathtë mund të vendosë një tendosje në këtë organ. Pozicioni i gjumit i majtë nuk do të lejojë që toksinat dhe substancat e tjera të dëmshme të mbingarkojnë mëlçinë.

Është mirë për zemrën tuaj


Ana e majtë e zemrës merr gjak nga mushkëritë dhe e shpërndan atë në trup. Prandaj, një pozicion gjumi në anën e majtë mund të ndihmojë zemrën tuaj të bëjë punën e saj më lehtë dhe më me efikasitet.

Kur flini në anën tuaj të majtë, graviteti lehtëson funksionin e sistemit tuaj të qarkullimit të gjakut, sidomos aortën tuaj dhe venën inferiore cava, një venë të madhe që mbart gjakun e oksigjenuar nga pjesa e poshtme e trupit në zemër dhe shtrihet në anën e djathtë të shtyllës kurrizore. /supershendeti.com

  • Postime: 26710
  • Gjinia: Mashkull

#17 ne: 22-12-2019, 23:10:00
 

Njeriu rri zgjuar mesatarisht për afro 16 orë e 10 minuta përpara se të bjerë sërish në gjumë. Ata që rrinë zgjuar shumë më tepër dhe si pasojë marrin më pak gjumë, konsiderohen persona me mungesë gjumi në kuptimin mjekësor – dhe kjo ka pasoja. TË rrish 24 orë pa gjumë zvogëlon aftësinë e trurit për të marrë informacione me 40%, dhe simptomat që shfaqen pas 48 orësh i ngjajnë atyre të një sasie alkooli në gjak, prej 0.15%. Mungesa e gjumit mund të jetë edhe fatale – pas 10 deri 14 ditësh.

A është i mundur përmirësimi?

Mungesa e gjumit pranohet nga ushtarët e skuadrave elitë si gjë normale. Me stërvitjen e duhur, mund të mësojnë trupat e tyre që të qëndrojnë më gjatë zgjuar. Por edhe në këtë rast është vetëm një ndryshim i shtirur e i sipërfaqshëm i limitit të trupit. Edhe ushtarët e skuadrave speciale pësojnë lodhje të dukshme, me gjithë pasojat në performancën e tyre. Studime të ndryshme kanë treguar se trupi nuk mund të “akumulojë” pushim gjumi. Gjumi është një proces rigjenerues – ai nuk ndihmon trupin të përgatitet për ushtrime të së ardhmes, por e ndihmon të marrë veten nga lodhje të së shkuarës. / bota.al

  • Postime: 7065
  • Gjinia: Femer

#18 ne: 20-01-2020, 21:19:54
Kur ishim të vegjël e urrenim gjumin, ndërsa tani e duam extrem shumë saqë e pozicionet nuk kanë fare rëndësi  :D

  • Postime: 26710
  • Gjinia: Mashkull

#19 ne: 21-01-2020, 21:40:31
 

Për sportistët cilësorë, një gjumë i mjaftueshëm renditet ndër faktorët më të rëndësishëm për të arritur rezultatet e dëshiruara. Por edhe për njerëzit normalë, mosfjetja mund të sjellë pasoja të rënda. E njëjta gjë ndodh edhe kur e tejkaloni me gjumin.

Gjumi i rregullt dhe i thellë për procesin mësimor të trurit njerëzor është një element i tepër i rëndësishëm.

“Gjumi është për njeriun si zembereku për orën“, thoshte dikur filozofi i famshëm gjerman, Arthur Schopenhauer. Kush fle jo mjaftueshëm redukton energjinë e vet dhe rendimentin për një kohë të gjatë.

Mungesa e gjumit shkakton deformim të përqendrimit, sjell një gjendje të keqe humori dhe në terma afatgjatë, mund të sjellë madje edhe një rrezik të shtuar për kancerin.

Në kundërshtim me mendimin që ka mbizotëruar prej kohësh, gjumi është shumë më tepër sesa thjesht një fenomen pasiv, pra jo i rëndësishëm.

Gjumi është një proces shumë intensiv

Gjatë gjumit, shumë organe dhe biosisteme, të cilat gjatë ditës punojnë “me kohë të plotë”, rigjenerohen dhe rivendosin ritmin në përgjithësi. Në gjumë, sistemi imunitar aktivizohet, luftohen infeksione dhe shkaktarët e sëmundjeve bien në letargji. Dhe jo më pak përgjatë gjumit përpunohen edhe eksperiencat e ditës së mëparshme, ruhen informacionet dhe kujtimet përforcohen.

Pasojat një gjumi të mangët

Në kuadër të procesit biologjik të gjumit, bëhet e kuptueshme, se përse mungesa e gjumit mund të sjellë pasoja kaq të rënda për gjendjen tonë fizike e mendore. Mungesa e gjumit, së pari çon në humbjen e shpejtësisë së mendimit, e më pas në një pakësim apo reduktim të përqendrimit. Në fund vijnë edhe boshllëqet ose mungesat në mendime e kujtesë, pasuar me dobësi fizike.

Mungesa e gjumit të sëmurë

Vetëm me këto dijeni bazike na bëhet më se e qartë se përse mungesa e gjumit na shkakton ulje të aftësisë për rigjenerim fizik e mendor dhe se përse ne rrezikohemi seriozisht të sëmuremi. Mungesa e gjumit ndikon në sistemin tonë imunitar dhe kësisoj sjell me vete një rrezik të shtuar për sëmundjet që lidhen me të ftohurën e gripin, kjo merret me mend. Pak më komplekse megjithatë duket se është puna kur flasim për lindjen e një rreziku të shtuar për sëmundjet që lidhen me qarkullimin e gjakut në zemër, – ndryshimin e mineraleve- dhe ato psikike. Në studime të ndryshme është zbuluar se në rastet e mungesës së gjumit, përkeqësohet ndryshimi i karbohidrateve, rritet niveli i sheqerit në gjak, si dhe humbet balancën edhe prodhimi i tiroideve – të gjitha këto, mesazherë klasikë të afrimit të sëmundjeve të zemrës dhe diabetit.

Sa orë gjumë na nevojiten?

Nëse deri më tani u panë efektet e mungesës së gjumit, çfarë mund të thoshim për të kundërtën? Studime të ndryshme kanë treguar se për të bërë një jetë të shëndetshme dhe të ekuilibruar, një njeriu i duhen 4-10 orë gjumë, në varësi të faktorëve gjenetikë. Kjo kohë për të rriturit është 6-8 orë. Nga ana tjetër, ka studime që pohojnë se 8 orë gjumë nuk janë të domosdoshme, por 6, 5 ose 4 orë gjumë mund të jenë të mjaftueshme. Sidoqoftë, si “vijë e kuqe” konsiderohet tetorëshi.

Gjumi i tepërt, si ai i mangëti

Ata që flenë më shumë ose më pak se mesatarja, herët a vonë do të përballen paradoksalisht me probleme shëndetësore krahasuar me ata që flenë mjaftueshëm dhe në mënyrë të rregullt. Në një studim të gjatë kohor, u morën në observim më shumë se 71 000 gra gjatë 10 viteve dhe u vërejtën dy pika të rëndësishme. E para, gjumi i tepërt rriste rrezikun për sëmundje të zemrës; e dyta, ata që flinin shumë përballeshin me të njëjtat probleme shëndetësore si ata që flinin pak. Gjumi i tepërt mund të shkaktojë obezitet, diabet, rritje të presionit të gjakut, ulje të vëllimit muskulor, dobësim të sistemit imunitar dhe depresion. https://faktoman.com/2018/08/07/pasojat-e-gjumit-te-paket-dhe-atij-te-tepert/

  • Postime: 1751
  • Gjinia: Femer

#20 ne: 22-01-2020, 12:17:24
Kohës fundit më mjafton 4 orëshi. Mbi 6 orë më ikën jeta në gjum 😂

  • Postime: 26710
  • Gjinia: Mashkull

#21 ne: 22-01-2020, 13:27:37
4 ore une jam si zombi  :D
6 ore minimumi mundshem
8 ore jane optimale

  • Postime: 26710
  • Gjinia: Mashkull

#22 ne: 05-02-2020, 20:33:06
Të gjithë jemi të vetëdijshëm se sa i rëndësishëm është një gjumë i mirë dhe i rehatshëm. Ai n shpëton nga rrathët e errët dhe qeset e fryera poshtë syve, si dhe na sjell freski dhe ngjyrë rozë në faqet tona.

1. Si të fleni më mirë
Dhe, kjo nuk është e gjitha, jo aspak! Nj natë e mirë me gjumë mund t’ju transformojë nga një person i lodhur dhe i rraskapitur në personin më të lumtur dhe energjik në dhomë. Por, ndonjëherë, pa marrë parasysh se sa shumë përpiqemi, thjeshtë nuk mund të arrijmë deri në botën e ëndërrave dhe të bërit gjumë të rehatshëm.

Është shumë bezdisëse!

Por, lexues të faqës sonë, nuk ka arsye për tu frikësuar, pasi kemi marr disa rekomandime nga Dr. Sarah Brewer ku jepen këshilla për një gjumë sa më të rehatshëm. Ajo na dha disa këshilla mjaft interesante (a e dinit se fjetja me çorape mund të ndimojë…?). ajo gjithashtu theksoi se si duhet realizuar këto këshilla, që ndoshta edhe mund t’i keni dëgjuar veçmë, që me të vërtetë të funksionojnë!

2. Përgatiteni dhomën tuaj
Sarah sugjeron disa këshilla të mrekullueshme për atë se si dhoma juaj mund t’ju ndihmojë për ta arritur misionin e gjumit.

Së pari, ajo sugjeron ta mbani dhomën në ajër ta pastërt dhe ta ajrosni duke hapur dritaret rregullisht.

Pastaj, mbuloni çdo lloj pasqyre që mund të hasni afër dyshekut tuaj, në këtë mënyrë nëse eventualisht, gjatë natës hapni sytë dhe zgjoheni pjesërisht, atëherë nuk do të trembeni nga reflektimi juaj në pasqyrë – thotë ajo.

Sigurohuni që dhoma juaj e gjumit nuk është e zënë me ndojnë pjesë punuese si laptop, TV, sepse ata mbajnë trurin tuaj të stimuluar.

Së fundmi, kur të vishni pizhamet, trajtoni dhomën me ndonjë ndriçim të zbehtë. “Në këtë mënyrë do t’i dërgoni sinjale trupit tuaj se është koha për të përmbyllur natën dhe për të fjetur”, thekson Sarah.

3. Bëni stërvitjet mirë
Po, të gjithë e dijmë se nëse dëshirojmë të flejmë, atëherë duhet që të jemi të lodhur. Kjo është e qartë. Por, një nga mënyrat më të mira që mund t’i bëni vetes është të bëni pak ushtrime.

Ekspertët shpesh thonë se nuk duhet të bëni ushtrime natën vonë, meqenëse nuk duhet që të stimuloheni vonë gjatë mbrëmjes. Por, Sarah thotë se të përfundosh ditën me disa ushtrime të lehta, në të vërtetë mund të jetë një ndihmë shumë e mirë për të fjetur. “Disa ushtrime të yoga-s do të mbanin larg shqetësimet tuaja”, pohon ajo.

Ajo thekson se, gjatë ditës duhet të jeni sa më aktiv që është e mundur. Madje edhe ushtrimi më i lehtë si ecja apo shetitja, Tai Chi, notimi ju ndihmojnë të ndiheni mirë gjatë ditës, ndërsa qetësojnë mendjen tuaj dhe ju ndihmojnë për të fjetur më mire natën.

4. Çfarë duhet të hani
E pra, e dijmë se konsumi idjathit ju sjell ëndërra të këqija apo makthe gjatë natës, ose të pakten kështu thonë mitet (por, me të vërtetë ngjan ashtu!). Pra, çfarë mund të hani që t’ju zë gjumi më shpejtë dhe të bëni gjumë të rehatshëm?

Sarah rekomandon ushqime me shumë vitamina B në to. “Mungesa e gjumit mund të jetë si rezultat i stresit. Në këto kohë të vështira apo stresue, vitamina B është qasja më e mirë”, thotë Sarah.

Vitamina B6 në veçanti është shumë e mirë, pasi është e nevojshme për të bërë melatoninë, e cila është hormone që ndikon për rritjen apo shaktimin e gjumit. Llojet e peshkut, si salmoni dhe tuna, ashtu si edhe bizelet dhe bananet, përmbajnë shumë vitamina B6.

Gjithashtu edhe ushqimet me përmbajtje të magnezit janë shumë të mira, pasi kanë një efekt qetësues natyror si dhe balancojnë nivelet e sheqerit në gjak. Drithërat kanë një dozë të mirë të magnezit, kështuqë konsumoni bukë gruri dhe llojet e pastave.

5. Mbani një rutinë
Mbajtja e një rutine të caktuar është mënyra më e mirë për t’ju ndihmuar për fjetje sa më të shpejtë. Krijmi I një rituali para kohës së gjumit, mund të jetë po aq qetësues sa edhe I dobishëm për ju, ashtu siç është edhe për fëmijët e vegjël.

Kjo rutinë nënkupton, ngrënjen, çkyçjen e TV-së, banjë relaksuese çdo natë në të njejtën kohë dhe në të njejtën mënyrë (sigurisht, ka edhe përjashtime pasi keni nevojë edhe të dilni në mbrëmje dhe party deri vonë!).

Gjatë bërjes së një dushi relaksues, Sarah sugjeron të shtoni disa aromatizues që ta bëni edhe më qetësuese atmosferën si: livando, bergamot, jasemin, trëndafil.

6. Përgatiteni shtratin tuaj
Përveç që të siguroheni që dhoma është në gjendje për të fjetur, Sarah sugjeron edhe disa këshilla për shtratin tuaj.

“Zgjidhni pëlhura natyrore si pambuku për të ndihmuar lëkurën tuaj që të marrë frymë dhe të qëndrojë e rehatshme” – thotë ajo.

Një këshillë tjetër është të flini me çorape, funksionon tek shumica e njerëzve, sinqerisht! Ajo sugjeron që ta provoni këtë dhe të shihni rezultatet.

7. Kushtoni vëmendje frymëmarrjes suaj
Sapo keni rregulluar dhomën tuaj, keni ngrënë ushqim për nxitje gjumi, keni bërë një banjë të gjatë relaksuese. Dhe, tani jeni në shtrat dhe gati për të fjetur. Por, thjeshtë ende nuk mund të flini!

Nëse, ashtu si të gjithë ne, keni me mijëra mendime që sillen në kokën tuaj dhe nuk largohen fare, atëherë mënyra më e drejtë e të menduarit është të mendoni për gjërat që do ndodhin nesër dhe të imagjinoni se gjithçka do të shkojë pa probleme. “Kjo është një antidotë e madhe e ankthit”, thotë Sarah.

Nëse kjo mënyrë nuk funksionon, dhe akoma jeni zgjuar, atëherë Sarah supozon edhe një tjetër trik nga ana e saj. Dhe kjo, nuk ka të bëjë me numërimin e deleve!

“Kushtoni vëmendje frymëmarrjes suaj, respektoni çdo frymë që merrni dhe nxjerrni nga vetja juaj”, thotë Sarah. Hapi i ardhshëm mund të tingëllojë çuditshëm por besoni se mund të funksionojë. “ Imagjinoni veten duke marrë frymë lirshëm dhe qetë me paramendimin e një nate me gjumë të mirë. Pastaj imagjinoni duke nxjerrë frymëmarrjen dhe bashkë me të, të largoni gjithë stresin, ankthin, pagjumësinë dhe gjithçka që ju pengon”, pohon ajo.

Uh, e tërë kjo bisedë në lidhje me gjumin, si duket edhe neve na ngacmoi për të fjetur! /kosovarja.ch/

  • Postime: 21592

#23 ne: 03-07-2020, 12:10:50
Gjumi i mirë është shumë i rëndësishëm për shëndetin. Mund të reduktojë riskun për të zhvilluar sëmundje të caktuara kronike, e mban trurin dhe sistemin tretës të shëndetshëm dhe ndihmon në përmirësimin e sitemit imunitar.

Çaji bimor
Çajrat bimorë, në veçanti kamomili, janë shumë të mirë për qetësimin e nervave para gjumit. GJithashtu bashkë me çajin e xhinxherit janë shumë hidratues dhe qetësues për stomakun.

Bananja
Magnezi dhe kaliumi në banane shërbejnë si relaksues për muskujt dhe nervat. Gjithashtu vitamina B6 që gjendet në këtë frut e kthen triptofanin në serotoninë, duke rritur kështu edhe më shumë relaksimin.

Çokollata e zezë
Çokollata e zezë përmban serotoninë, që qetëson trupin dhe trurin tuaj, pa përmendur përfitimet e tjera të shëndetit.

Bajamet
Bajamet përmbajnë triptofan dhe magnez, të cilët ndihmojnë në reduktimin natyral të funksionit të muskujve dhe nervave, duke stabilizuar rrahjet e zemrës në të njëjtën kohë.

Shalqiri
Gjysma e përbërjes së shalqirit është ujë, prandaj konumimi i tij do ju hidratojë para gjumi dhe do të eleminojë urinë pas darke për shkak të volumit dhe fibrës që përmban./rd.al

  • Postime: 21592

#24 ne: 10-09-2020, 00:13:30
Pavarësisht se çfarë bëjnë gjatë ditës, disa persona thjesht pëlqejnë të bëjnë një gjumë të shkurtër pasdite.

Ky pushim i vogël gjatë ditës është një mënyrë e thjeshtë për t’u çlodhur dhe përtërirë dhe i jep trupit forcimin e nevojshëm në mënyrë që të mund të merret me gjithçka që ka ndodhur gjatë ditës, të rregullojë vetë dhe të jetë gati për nesër.

Pengimi kronik i gjumit mund të çojë në probleme serioze shëndetësore, pasi gjumi është thelbësor për funksionimin e trurit. Kjo, nga ana tjetër, shkakton stres kronik që ndikon në metabolizëm dhe çon në inflamacion kronik sistematik.

Kjo mund të jetë arsyeja prapa depresionit dhe ankthit tuaj, diabeti dhe sëmundjeve kardiovaskulare, artriti, shtimit të peshës, dhimbja e përgjithshme e trupit, çekuilibrit hormonal dhe infeksioneve.

Mungesa e gjumit gjithashtu mund të shkaktojë çrregullime të humorit dhe probleme me kujtesën.

Këto janë disa nga momentet kur një sy gjumë i mesditës mund të ndihmojë shumë:

Një studim tregoi se rreziku i sëmundjeve kardiovaskulare ishte më i ulët te njerëzit që fjetën edhe vetëm dy herë në javë. Shkencëtarë të shumtë pohojnë se 60 deri 90 minuta gjumë gjatë pasdites mund të jenë po aq të dobishme për trurin sa një gjumë i plotë i natës.

Një studim i Universitetit të Harvardit i vitit 2010 tregoi se madje edhe fjetjet e shkurtra rrisin aftësitë e kujtesës dhe të mësimit

Bill Anthony, një psikolog amerikan dhe drejtor i qendrës së rehabilitimit psikiatrik të Universitetit të Harvardit pohon se synon të ulë në mënyrë drastike nivelet e kortizolit në trup.

Në ditët e sotme, stili i jetës tonë i stresuar e mban sistemin nervor simpatik vazhdimisht aktiv, gjë që shkakton lëshimin adrenalinës në rrjedhën tuaj të gjakut, dhe nivelet e kortizolit rriten.

Edhe një sy gjumë i shkurtër pasdite rrit gatishmërinë dhe kohën e reagimit dhe na ndihmon të bëhemi më pak impulsivë dhe më tolerant ndaj zhgënjimit.

Një sy gjumë është zbuluar të jetë edhe më efikas se kafeina në drejtim të përmirësimit të mësimit perceptues dhe konsolidimit të kujtesës.

Megjithatë, megjithëse mund të dini të gjitha përfitimet e gjumit, mund të mos keni kohë të mjaftueshme për të shijuar një sy gjumë 90-minutësh në mes të ditës. Shumica e ekspertëve shpjegojnë se nëse nuk flini gjumë të plotë, të pushoni për 20-30 minuta është e mjaftueshme për t’ju freskuar.

Ja çfarë mund të prisni nga pushimi:
20-minuta në gjumë: Përmirëson gatishmërinë mendore, kujtesën dhe aftësitë e të mësuarit motorik.

20 deri në 30 minuta në gjumë: Nxit kujtesën dhe krijimtarinë

30 – 60 minuta në gjumë: Përmirëson aftësitë dhe kujtesën tuaj në vendimmarrje

60 deri 90 minuta në gjumë: Ky është sy gjumë më i dobishëm, pasi siguron gjumin REM, rifillon trurin dhe përmirëson aftësitë tuaja për zgjidhjen e problemeve.

Zgjidhni një dhomë të errët dhe të qetë, me një temperaturë të rehatshme. Disa studime sugjerojnë që thjesht të kalosh kohë në shtrat mund të jetë e dobishme, por është më mirë të provosh dhe të flemë./rd.al

Temat e fundit