Sëmundjet që kuron limoni dhe efektet që sjell ai në organizëm - Jeta

×
Albanian Forums, Zerion Zeri yt Zeri Info, Forumi Shqiptar Al Virtual, Diskutime, Biseda, Chat Njofje, Informatika, Teknologjia, Gazeta Tema, Gazetat Shqiptare, Bota Sot, www Channel Albania, Telegrafi Kosovo, Ballkani Web, Gazeta Lajme shqip, Lajmet e Fundit Shqiperia Kosova, Dita, Panorama, Kryeartikull, Faqja Kryesore, Video Shqip, Muzike Shqipe, Njoftime, Lajmerime, Temat Online, Gazetat, Kosovare, Shtypi Ditor, Sporti Shqiptar, Dashuria, Pyetje Pergjigje, Keshilla, Ndihme, Webmaster Shqiptar, Familja, Shqiptaria, Muzika, Receta Gatimi, Imazhe, Vipat-shqiptar, Aktualiteti
Media Sociale
Mesazhe Private
Shqiptaret duke lexuar tema interesante dhe te ndryshme
Tema re

Sëmundjet që kuron limoni dhe efektet që sjell ai në organizëm

Sëmundjet që kuron limoni dhe efektet që sjell ai në organizëm

· 1 · 5133

  • Postime: 27109
  • Karma: +11/-5
  • Gjinia: Mashkull

ne: 11-02-2008, 10:12:10
Ndiqni këshillat e specialistëve për sëmundjet që kuron limoni dhe mënyrat e përdorimit

E përdorim si ilaç, si “rezervuar“ vitaminash, si bazë për pijet dhe koktejlet, për t‘u dhënë freski ushqimeve, ose për t‘i gatuar pa nxehtësi, për të bërë ëmbëlsira dhe akullore. Limoni është një “thesar”. Le të flasë dikush që njeh një tjetër frut që është në gjendje të shërojë sëmundjet, t‘u japë shkëlqim flokëve, të transformohet në liker, të freskojë ushqimet, të dezinfektojë plagët, të rregullojë fytin, t‘u japë shije ushqimeve, të përforcojë ëmbëlsirat, marmelatat, akulloret. Të pafundme janë edhe përdorimet e tij në lidhje me shëndetin dhe ushqimet. Një filxhan me ujë të ngrohtë me lëng limoni dhe një lugë mjaltë ndihmon organizmin, sepse ka funksion tretës shumë të mirë dhe lehtëson gjumin. Limoni mund të përdoret edhe për të shmangur aromat e pakëndshme të ushqimeve si lulelakra, lakra etj. Gjithashtu, redukton edhe më shumë sasinë e alkoolit në trup, ndalon nxirjen enzimatike të frutave. Një fetë limoni është në gjendje të përmbledhë njëherazi bimën, gjethet, lulet, frutat e papjekura në periudhën mes tetorit dhe pranverës, madje edhe ato që kanë ngjyrë të verdhë të shndritshme. Është mëkat që në pjesën më të madhe të rasteve limonët shfaqen vetëm në etiketa, ndërkohë që në të gjitha likernat ato triumfojnë me aromat kimike. Një limon i mirë, ashtu si majdanozi, mund të gjendet kudo. Në shumë raste përdoret te të skuqurat, si te peshku dhe te gatimet milaneze, ku zinku i limonit të shtrydhur zhvlerëson të gjithë lodhjen, për të realizuar një pjekje sa më të thekur. Kuzhinierët i “tremben” limonit, por dinë edhe të përshtaten me tekat e klientëve të tyre. Nëse ju shërbehet ndonjë fetë në pjatë, vendoseni anash saj, sepse do t‘ju duhet për të bërë një limonadë.
Vlerat kurative
Limoni është vlerësuar shumë edhe në farmakologji. Përdorimi i tij si ilaç u konsolidua kur vitaminat e tij nuk njiheshin ende. Veçanërisht ai vlerësohej më shumë nga lëngu që kishte si veti dezinfektuese dhe kundër hemorragjisë. Për qëllime mjekësore përdoren lëvozhga dhe lëngu i frutit të limonit. Lëvozhgat, pasi qërohen nga pjesa e bardhë sfungjerore e brendshme, thahen me kujdes në stufa, në temperaturë të ulët deri në 40°C. Në temperaturën e zakonshme nuk thahen, pasi myken nga lagështia e mjedisit. Gjithashtu, kanë gjetur përdorim praktik farat, gjethet dhe lulet e limonit. Për t’i ruajtur limonat nëpër shtëpi për një kohë më të gjatë se gjashtë muaj, është mirë të mblidhen limona ende jeshilë, pa u zverdhur ose në fillim të pjekjes, aty nga muaji nëntor-dhjetor. Mbahen në arka me rërë të imtë, në tallash etj. Gjithashtu, mund të ruhet edhe lëngu i limonit, i cili përfitohet nga shtrydhja e kokrrave, kullohet dhe vendoset në shishe, duke shtuar pak vaj dhe pastaj mbyllet mirë.
Freskues
Lëngu i limonit ka gjetur përdorim si freskues në prodhimin e limonadës, në përgatitjen e ëmbëlsirave dhe të kuzhinës shtëpiake. Limoni përdoret për përgatitjen e limonatave, sikurse portokalli e mandarina. Vaji eterik i lëvozhgës përdoret për prodhimin e ujit të kolonjës. Nga lëngu i limonëve prodhohet acid citrik (limontoz). Nga frutat e prera ose vetëm nga lëvozhgat e limonit prodhohet reçel aromatik i cilësisë së mirë, por reçeli mund të përgatitet edhe nga lulet e tij etj. Frutat e limonit përmbajnë acid askorbinik (vitaminë C), vitamina P, B dhe karotinë, acid citric, sheqer dhe në lëvozhga ka vaj eterik.
Gripi
Vetitë mjekësore të limonit kushtëzohen nga prania në të e një sasie të madhe vitaminash, kryesisht të vitaminave C dhe P. Nga të gjitha agrumet, frutat e limonit kanë efekt shërues më të theksuar. Ato përdoren kundër sëmundjeve që shoqërohen me ethe, janë freskuese dhe ulin temperaturën. Efekt të dukshëm ato japin në hipovitaminozat dhe avitaminozat. Limonat konsiderohen si ilaçi më i mirë antiskorbutik dhe duhet të përdoren nga të gjithë. Në gjendje gripale dhe me temperaturë, personat e rritur mund të përdorin këshillën praktike që vijon. Merret një kokërr limon dhe shtrydhet lëngu i tij në një gotë. Aty shtohet edhe një filxhan me raki rrushi të ngrohur më parë dhe përzihen. Thërmohen dhe hidhen në gotë 1-2 kokrra aspirinë. Lëngu i përgatitur pihet njëherësh i ngrohtë, 2-3 orë para ose pas buke.
Tretës
Limoni ka veti të mira tretëse në stomak, është freskues i këndshëm dhe nxit oreksin që mund të jetë prerë nga sëmundje të ndryshme. Në këto raste përdoret lëngu i limonit në trajtë limonade ose i shtuar në çaj apo në gjellë. Në sajë të vetive rrudhëse dhe antitoksike, lëngu i limonit përdoret me efekt kundër barkut dhe diarresë, me pak ose pa sheqer. Rezultate të mira ka dhënë lëngu i limonit gjatë përdorimit kundër acarimeve të mukozës së gojës dhe të grykës, duke bërë larjen dezinfektuese në formë gargarash.
Bajamet
Limoni ka gjetur përdorim të gjerë kundër acarimit ose qelbëzimit të bajameve. Në këto raste këshillohet të përgatitet kjo kurë. Merret një kokërr limoni me madhësi mesatare, pritet në mes në drejtim të gjerësisë dhe të dyja gjysmat vendosen në një pjatë mbi zjarr derisa të ngrohet lëngu që përmbajnë. Pastaj, nga pjesa e prerë, të dyja gjysmat, të ngrohta, vihen në të dyja anët e qafës, në vendet mbi bajamet, lidhen me garzë dhe lihen aty derisa të ftohen. Ky veprim përsëritet për 2-3 ditë, në darkë para gjumit.
Mëlçia
Limoni përdoret edhe për shërimin e sëmundjeve të mëlçisë. Më tepër rezultat ka dhënë kombinimi që vijon. Për 20-30 ditë rresht, çdo ditë në mëngjes, një orë para buke, pihet lëngu i një kokrre limoni së bashku me një lugë gjelle vaj ulliri dhe një lugë gjelle mjaltë. Kjo këshillë përdoret edhe nga organizmat e dobësuar, ata që kanë kaluar ndonjë sëmundje, për rivendosjen e oreksit dhe të shëndetit të tyre. Këshilla e përmendur jep rezultate të mira kundër sëmundjes së verdhëzës.
Reumatizma
Lëngu i limonit është i dobishëm edhe për artritikët. Por nuk duhet ta përdorin ata që kanë stomak delikat e të ndjeshëm, pasi shton aciditetin dhe dëmton stomakun. Kundër reumatizmës përdoret me efekt këshilla e mëposhtme: Merren 1-2 kokrra limon dhe pasi lahen mirë, pa hequr lëvozhgën, grihen në rende. Brumi i fituar, pasi i shtohet 1-2 lugë kafeje sheqer, hahet esëll në mëngjes ose në orët e pasdites. Ky veprim përsëritet çdo ditë për 20-30 ditë. Reumatikët dhe artritikët mund ta përdorin me rezultate shumë të mira mjekimin me limona (limonoterapia).
Temperatura
Limoni bën mirë edhe për uljen e temperaturës. Limonoterapia ndikon në ripërtëritjen dhe vetëpastrimin e përgjithshëm të organizmit nga kripërat e kristalizuara. Ai zgjat jetën dhe gjallëron mendimin. Limoni ka veti të mira diuretike. Lëngu i tij përdoret me efekt në luftimin e gurëve të veshkave dhe të fshikëzës urinare. Për këtë qëllim duhen konsumuar 2-4 kokrra limoni çdo ditë për një periudhë prej 1-3 muaj. Edhe lëvozhga e frutave (lëkura) ka gjetur mjaft përdorime. Ajo përmban vaj esencial, alkoole të ndryshme, vitaminë A, B1 etj. Vaji esencial ka aftësi për të vrarë bakteret, si dhe për të ndaluar veprimtarinë e tyre.


Përgatiti: JONIDA TASHI G.ALBANIA

Temat e fundit