Halitosis - Stop erës së pakëndshme në gojë! - Jeta

×
Albanian Forums, Zerion Zeri yt Zeri Info, Forumi Shqiptar Al Virtual, Diskutime, Biseda, Chat Njofje, Informatika, Teknologjia, Gazeta Tema, Gazetat Shqiptare, Bota Sot, www Channel Albania, Telegrafi Kosovo, Ballkani Web, Gazeta Lajme shqip, Lajmet e Fundit Shqiperia Kosova, Dita, Panorama, Kryeartikull, Faqja Kryesore, Video Shqip, Muzike Shqipe, Njoftime, Lajmerime, Temat Online, Gazetat, Kosovare, Shtypi Ditor, Sporti Shqiptar, Dashuria, Pyetje Pergjigje, Keshilla, Ndihme, Webmaster Shqiptar, Familja, Shqiptaria, Muzika, Receta Gatimi, Imazhe, Vipat-shqiptar, Aktualiteti
Media Sociale
Mesazhe Private
Shqiptaret duke lexuar tema interesante dhe te ndryshme
Tema re

Halitosis - Stop erës së pakëndshme në gojë!

Halitosis - Stop erës së pakëndshme në gojë!

· 2 · 765

  • Postime: 27066
  • Gjinia: Mashkull

ne: 24-10-2010, 23:09:31
Era e rëndë e gojës është shpesh sinjal i një problemi në organizimin tonë. Për 90 përqind të personave ka lidhje me kequshqyerjen e gabuar dhe higjienën orale, ndërsa për 10 përqind të njerëzve mund të tregojë prezencën e një patologjie të rëndësishme.

Për të zbuluar origjinën duhet të drejtoheni te një specialist ondontostomatolog qe përmes testeve mund të gjejë shkakun e vërtetë të problemit.

Për ata që kanë një shqetësim të lehte duhet vetëm të kontrollojnë ushqimin dhe higjienën e gjuhës dhe dhëmbëve. Në shumë raste era e pakëndshme vjen si pasojë e shtresës që krijohet në gjuhë dhe mungesës së higjienës së gojës. Pas cdo ushqimi duhet përdorur fija dentare dhe duhet larë goja me pastë dhe furcë. Për erën e rëndë përgjegjëse janë proteinat e pranishme te ushqimet. Mishi, djathi pasi depozitohen te dhëmbet transformohen në lëndë të yndyrshme, një substancë me erë të keqe.Djathërat e butë janë përgjegjës për erëra më të këqija.

Ka edhe ushqime të tjera që nuk ndihmojnë në zgjidhjen e problemit që janë:

Qepët e njoma dhe të thata, hudhra, preshi janë armiqtë kryesorë, pasi kur absorbohen në organizem transformohen në substanca sulfuroze, përgjegjëse për erëra të këqija.

Erëzat orientale, nëse përdoren me shumicë, shtojnë problemin e erës së rëndë.

Tymi i duhanit është një prej shkaqeve kryesore të erës së keqe, kështu që ata që kanë probleme akute me erën duhet ta lënë menjëherë.

Mosrespektimi i regjimit ushqimor, ngrënia e rrallë e vakteve mund të përkeqësojë gjendjen, pasi për shkak të mungesës së kripërave, favorizohet zhvillimi i mikrobeve.

Por ka edhe këshilla për të përmirësuar problemin:

Për të eliminuar erën mund të bëni gargar pas cdo ushqimi. Nëse dëshironi gargarën mund ta bëni më lëng dëllinje të zier, më ujë më kripë, gargar me mente apo me lule livandoje.

Pak kafe në gojë neutralizon dhe gazrat me erë të rëndë që vijnë nga stomaku.

Sherbela e fresket është një zgjidhje e mirë, për të ndihmuar higjienën orale dhe për të mbajtur nën kontroll erërat e pakëndshme.

Ushqehuni me dridhëra integrale, zarzavate dhe fruta. Pini shumë ujë për të ndihmuar tretjen e ushqimeve.

Kur jeni jashtë shtëpisë cëmcakëzi me kripëra zinku, esenca të cajit jeshil apo karamele me agrume janë zgjidhja më e mirë.

Nëse pas drekës keni një takim të rëndësishëm, atëherë konsumo një sallatë më karrota të ziera, një mollë apo lëng portokalli. TCH
« Editimi i fundit: 18-10-2020, 14:29:28 nga M A X »

  • Postime: 22241

#1 ne: 18-10-2020, 20:53:46
Nuk ka gjë më të sikletshme se sa të takosh a të bisedosh me dikë ndërsa duke folur kupton se fryma lëshon një aromë të keqe. Është një problem i sikletshëm që prek të gjithë njerëzit. Paralajmërimi i një sëmundjeje apo komplikimi shëndetësor, ushqimet që konsumoni dhe higjiena e varfër e gojës janë tre faktorët kryesorë të aromës së keqe të frymës.

Problemet shëndetësore që lidhen me erën e keqe të gojës
Era e keqe e gojës apo ndjesia e shijes së keqe në shumë raste paralajmëron disa lloj sëmundjesh. Ndër më kryesoret është ajo që ka të bëjë me dhëmbët dhe mishrat e tyre. Quhet Periodontis dhe ndodh në rastet kur indet preken nga inflamacioni. Në këtë rast, arteriet e vogla të indeve të dhëmbit të cilat mbajnë oksigjenin dhe ushqyesit shkatërrohen duke bllokuar funksionin e indeve. Kjo sëmundje shkaktohet nga sëmundje të tjera që mund të jetë i prekur trupi, nga pirja e duhanit, alkoolit si dhe higjiena e dobët orale. Në forma akute kjo sëmundje bëhet kronike.

Problemet e sëmundjes së Periodontis kanë nevojë për ndërhyrjen e dentistit. Simptoma e ndjesisë së gojës së thatë gjithashtu shkakton erën e keqe të frymës. Goja e thatë mund të jetë rezultat i mjekimeve të ndryshme që trupi merr për trajtimin e komplikacioneve shëndetësore. Janë edhe shumë sëmundje të tjera të cilat shkaktojnë sëmundjen e gojës për të cilat duhet të bëni kujdes. Disa prej të cilave janë infeksionet në aparatin e frymëmarrjes siç është pneumonia apo bronshiti, infeksionet kronike të sinuseve, diabeti, niveli i lartë i aciditetit në stomak si dhe problemet e mëlçisë dhe veshkave.

Ushqimet që luftojnë erën e keqe të gojës
Higjiena e gojës dhe pastrimi i saj në mëngjes dhe në darkë është një faktor i rëndësishëm i erës së gojës ashtu si edhe mënyra e të ushqyerit. Më poshtë AgroWeb.org u sugjeron disa prej ushqimet që largojnë erën e keqe të gojës.

Çaji jeshil apo i zi përmban një nivel të lartë antioksidantësh. Sipas studimeve të fundit ka rezultuar se konsumimi i çajit të zi apo jeshil ndihmon në largimin e erës së keqe të gojës kjo për shkak të fuqisë së tyre në shkatërrimin e baktereve që shkaktojnë erën e keqe në gojë.

Kosi është një produkt fantastik për higjienën e gojës. Konsumimi i një gote me kos çdo ditë redukton nivelin e aromës së keqe në gojë. Efektet e mira të kosit vijnë për shkak të probiotikëve që ai përmban.

Uji është ilaçi natyral dhe burimi kryesor i mirëqenies së organizmit përfshirë këtu edhe shëndetin e gojës. Konsumimi i ujit ndihmon në largimin e mbetjeve ushqimore nëpër dhëmbë. Pirja e ujit nxit prodhimin e salivës, element që vepron si agjent pastrues në gojë.

Majdanozi dhe Borziloku, të dy këta përbërës ndihmojnë shumë në largimin erës së keqe së gojës sidomos kur konsumojmë hudhra apo qepë. Ideale në përfitimin edhe e më shumë vlerave është kombinimi i hudhrave apo qepës me këto dy erëza gjatë konsumimit.

Mollët dhe Spinaqi janë dy përbërës fantastik në largimin e erës së keqe të gojës. Mollët mund të konsumohen pas çdo fakti ushqimor, por edhe në mëngjes ndërsa spinaqi rekomandohet të konsiderohet më së shumti i pagatuar dhe sallatë./rd.al
 

Temat e fundit