Turbekulozi - Semundja e turbekulozit - Jeta

×
Hyrja
Profili

Turbekulozi - Semundja e turbekulozit

Turbekulozi - Semundja e turbekulozit

· 2 · 304

  • Postime: 26710
  • Gjinia: Mashkull

ne: 02-02-2020, 20:09:29
Rreth një e katërta e popullsisë në botë është e infektuar me baktere të tuberkulozit (TB).  Vetëm një pjesë e vogël e të infektuarve do të sëmuren me TB.
Njerëzit me sistem imunitar të dobësuar kanë një rrezik shumë më të madh të sëmundjes nga TB. Një person që jeton me HIV ka rreth 20-30 herë më shumë të ngjarë të zhvillojë TB aktiv.

Strategjia e OBSH-së për TB, e miratuar nga Organizata Botërore e Shëndetit në maj të 2014, është një plan për vendet e botës që t'i japin fund epidemisë së TB-së duke ulur vdekjet nga TB, incidencën dhe duke eliminuar kostot katastrofike.  Kjo strategji përshkruan objektivat globale të ndikimit për të zvogëluar vdekjen e TB me 90% dhe për të zvoglëuar raste të reja me 80% ndërmjet 2015 dhe 2030, dhe për të siguruar që asnjë familje të mos ngarkohet me shpenzime katastrofike për shkak të TB.

Fakti 1:

Në vitin 2017, kishte rreth 10 milion njerëz që u sëmurën nga tuberkulozi (TB) në të gjithë botën.  5.8 milion burra, 3.2 milion gra dhe 1 milion fëmijë.  Kishte raste në të gjitha vendet dhe grupmoshat.  Por TB është i shërueshëm dhe i parandalueshëm.

Fakti 2:

Një total prej 1.6 milion njerëz vdiqën nga TB në 2017 (përfshirë 0.3 milion njerëz me HIV).  Në të gjithë botën, TB është një nga 10 shkaqet kryesore të vdekjes dhe shkaku kryesor nga një agjent i vetëm infektiv (mbi HIV / AIDS).

Fakti 3

Në vitin 2017, 1 milion fëmijë u sëmurën me TB globalisht, dhe 230 000 fëmijë vdiqën nga TB (përfshirë fëmijë me TB të lidhur me HIV).  TB i fëmijërisë shpesh anashkalohet nga ofruesit e shëndetit dhe mund të jetë i vështirë për t'u diagnostikuar dhe trajtuar.

Fakti 4

TB është vrasësi kryesor i njerëzve që jetojnë me HIV.  Në vitin 2017, përqindja e personave me TB që vdiqën nga sëmundja ishte 16%, nga 23% në vitin 2000. Kishte 464 633 raste të raportuara nga TB në mesin e njerëzve që jetonin me HIV në 2017, nga të cilët 84% ishin në terapi antiretrovirale.  Shumica e boshllëqeve në zbulimin dhe trajtimin ishin në Rajonin Afrikan të OBSH-së, ku rastet e TB-së të lidhur me HIV është më e larta.

Fakti 5

Në nivel global, incidenca e TB është duke rënë në rreth 2% në vit.  Kjo duhet të përshpejtohet në një rënie vjetore 4–5% për të arritur qëllimet e strategjisë së OBSH-së deri në 2020 për TB.

             

Fakti 6

Në vitin 2017, 30 vendet me paraqitje të lartë të TB llogaritnin 87% të rasteve të reja me TB.  Tetë vende përbëjnë dy të tretat, me Indinë në krye, e ndjekur nga Kina, Indonezia, Filipinet, Pakistani, Nigeria, Bangladeshi dhe Afrika e Jugut.

Fakti 7

TB me rezistencë ndaj shumë medikamenteve (MDR-TB) mbetet një krizë e shëndetit publik dhe një kërcënim për sigurinë shëndetësore.  Në vitin 2017, u vlerësuan 558 000 raste të reja me rezistencë ndaj rifampicinës (ilaçi më i efektshëm i linjës së parë), nga të cilat 82% kishin MDR-TB.  Në disa raste, një formë edhe më e rëndë e TB rezistente ndaj shumë ilaçeve mund të zhvillohet me trajtim të keq.  TB gjerësisht rezistent ndaj ilaçeve (XDR-TB) është një formë e TB që i përgjigjet madje edhe më pak ilaçeve në dispozicion.

Fakti 8

Trajtimi nga TB shpëtoi rreth 54 milion jetë njerëzore në nivel global ndërmjet viteve 2000 dhe 2017, por boshllëqet e rëndësishme të diagnostikimit dhe trajtimit vazhdojnë.  Shkalla e suksesit të trajtimit për njerëzit me TB ishte 83% në 2016.

Fakti 9

Nga rreth 10 milion raste të reja të TB, vetëm 6.4 milion janë zbuluar dhe njoftuar në 2017, duke çuar në një hendek prej 3.6 milion rastesh.  Përfundimi i epidemisë së TB deri në vitin 2030 është ndër objektivat shëndetësorë të "Synimeve të Zhvillimit të Qëndrueshëm".

Fakti 10

Për kujdesin dhe parandalimin e TB-së, investimet në vendet me të ardhura të ulëta dhe të mesme janë rreth 3.5 miliardë dollarë amerikanë më pak se 10.4 miliardë dollarë amerikanë të nevojshëm në 2017. Pa një rritje të fondeve, hendeku vjetor do të zgjerohet në 5.4 miliardë dollarë amerikanë në vitin 2020 dhe të paktën 6.1 miliardë dollarë amerikanë në 2022.

https://papirusi.com/10-fakte-mbi-tuberkulozin

  • Postime: 26710
  • Gjinia: Mashkull

#1 ne: 30-03-2020, 18:19:56
 

Studiues në 4 vende të botës do të fillojnë së shpejti një provë klinike jo dhe aq të zakonshme ndaj koronavirusit të ri. Revista shkencore “Science Mag” shkruan se ata do të testojnë nëse vaksina tashmë shekullore kundër tuberkulozit (TB), mund të rigjallërojë sistemin imunitar të njeriut në një mënyrë të tillë që të luftojë koronavirusin dhe ndoshta të parandalojë infeksionin.

Sipas të njëjtit burim, studimet do të bëhen në mjekë dhe infermierë, të cilët kanë më shumë rrezik të infektohen nga sëmundja sesa popullata e përgjithshme. Një ekip në Holandë do të nisë i pari me analizat këtë javë.

Ata do të rekrutojnë 1000 punonjës të kujdesit shëndetësor në 8 spitale holandeze të cilët ose do të marrin vaksinën, të quajtur Bacillus Calmette-Guérin (BCG). Kjo vaksinë u jepet fëmijëve në vitin e tyre të parë të jetës në shumicën e vendeve të botës.

Vaksina është e sigurt dhe e lirë, por larg nga përsosmëria. Ajo parandalon rreth 60% të rasteve me tuberkuloz edhe pse ka dallime të mëdha midis vendeve të ndryshme.

Edhe Universiteti i Athinës, Netea ka filluar një studim për të parë nëse vaksina BCG mund të rrisë rezistencën ndaj infeksioneve në përgjithësi te njerëzit e moshuar. Ai po planifikon të fillojë së shpejti një studim të ngjashëm me atë në Holandë. Testimi ishte menduar para se të shfaqej koronavirusi, por pandemia mund të zbulojë efektet e gjera të BCG më qartë.

Një grup hulumtuesish në Universitetin e Melbourne gjithashtu po përdor gjithashtu vaksinën BCG tek punonjësit e kujdesit shëndetësor duke përdorur të njëjtin protokoll. Një tjetër grup studimi në Universitetin e Exeter do të bëjë një studim të ngjashëm tek të moshuarit.
Eleanor Fish, një imunolog në Universitetin e Torontos, thotë se vaksina me siguri nuk do të eliminojë plotësisht infeksionet me koronavirusin e ri, por ka të ngjarë të zvogëlojë ndikimin e tij tek individët.

Ka edhe një teori se përhapja e koronavirusit në Europë është më e madhe në ato vende që e kanë hequr vaksinën kundër tuberkulozit pasi sëmundja u zhduk prej vitesh.

Një analizë e botuar nga Research Gate tregon se vendet ku vaksina kundër turbekulozit është ende e detyruar, përfshi edhe vetë Kinën, koronavirusi nuk ka pasur forcë kundër fëmijëve dhe të rinjve. Kjo mund të shpjegojë se pse në Kinë të rinjtë nuk kanë pasur problemet që po shihen në Itali, Europë e SHBA. Sipas kësaj analize edhe përhapja në vendet ku vaksina është ende është e detyrueshme ka qenë shumë më e ngadalshme se në vende si Italia, SHBA, Franca, Britania dhe Spanja ku koronavirusi po përhapet shumë më shpejt.

Sipas kësaj logjike, kjo është edhe arsyeja pse edhe në Shqipëri përhapja e covid-19 ka qenë shumë me e ngadalshme se në Itali. Shqipëria ka ende vaksinimin universal kundër tuberkulozit, të trashëguar si praktikë që nga koha e komunizmit. Në Gjermaninë Lindore ka më pak raste me koronavirus se në atë Perëndimore. Edhe Organizata Botërore e Shëndetësisë ka përmendur se vaksina BCG ka ulur shumë vdekshmërinë mes fëmijëve, por edne duhen më shumë prova duhet për të vërtetuar këtë supozim. ©Përshtati LAPSI.al

Temat e fundit