Një moment për t'u vendosur në kornizë, një goditje e lirë nga pothuajse 80 metra dhe topi ka përfunduar në rrjetë.
Shënuesi? Pol Robinson, portieri i Totenhemit, i cili në sfidën ndaj Uatfordit të fituar 3 1, ka realizuar golin e dytë.
Një goditje që ka mposhtur Fosterin, rivali i tij kryesor në portën e përfaqësueses angleze.
Në sfidën e Premier Ligës mes Totenhemit dhe Uatfordit, Pol Robinson ka shënuar nga distanca e 80 metrave.
Një goditje e lirë nga zona e rreptësisë së Totenhemit ka shkaktuar hutimin e tifozëve të pranishëm në "White Hart Lejn".
Ndeshja ishte 1-0 për Totenhemin dhe goli i tij ka ulur disi vrullin e Uatfordit në një ndeshje të përfunduar në 3-1 në favor të vendësve.
Duhet të pranojmë se Fosteri ka kryer një gafë, pasi topi ka kërcyer para tij dhe ky nuk ka mundur pta nxjerrë nga trajektorja.
