Pyetje drejtuar besimtareve Katolike, ne lidhje me fene e tyre. - Kisha katolike

×
Albanian Forums, Zerion Zeri yt Zeri Info, Forumi Shqiptar Al Virtual, Diskutime, Biseda, Chat Njofje, Informatika, Teknologjia, Gazeta Tema, Gazetat Shqiptare, Bota Sot, www Channel Albania, Telegrafi Kosovo, Ballkani Web, Gazeta Lajme shqip, Lajmet e Fundit Shqiperia Kosova, Dita, Panorama, Kryeartikull, Faqja Kryesore, Video Shqip, Muzike Shqipe, Njoftime, Lajmerime, Temat Online, Gazetat, Kosovare, Shtypi Ditor, Sporti Shqiptar, Dashuria, Pyetje Pergjigje, Keshilla, Ndihme, Webmaster Shqiptar, Familja, Shqiptaria, Muzika, Receta Gatimi, Imazhe, Vipat-shqiptar, Aktualiteti
Media Sociale
Mesazhe Private
Shqiptaret duke lexuar tema interesante dhe te ndryshme
Tema re

Pyetje drejtuar besimtareve Katolike, ne lidhje me fene e tyre.

Pyetje drejtuar besimtareve Katolike, ne lidhje me fene e tyre.

· 21 · 5999

  • Postime: 855
  • Karma: +4/-4
  • Gjinia: Femer

ne: 09-11-2007, 09:54:56
Te nderuar miq,
Po e hap kete teme per te gjithe ata qe deshirojne te dine diçka me shume per fene Katolike. Pra nese keni ndonje pyetje ne lidhje me fene Katolike mund ta beni ketu.
E di qe eshte edhe nje teme tjeter tek forumi i Krishtere per pyetje drejtuar te Krishtereve, por duke qene se secila dege e fese se Krishtere ka pikepamje te ndryshme nga tjetra (pasi ndryshe mund te pergjigjen besimtaret Ortodoks, ndryshe protestantet, apo ndryshe ndonje tjeter) prandaj po e hap ketu rubriken per pyetjet drejtuar Katolikeve.

Ftoj ketu edhe besimtaret e tjere Katolik te forumit qe te japin edhe ata mendimet e tyre, apo te pergjigjen pyetjeve te ndryshme ketu.

Do ju lutesha anetareve te forumit qe i perkasin besimeve te tjera dhe deshirojne te bejne pyetje ketu, qe pyetjet e tyre te jene te qarta dhe te kene lidhje vetem me fene Katolike. Dhe keto pyetje te jene, jo tendencioze, me ironi apo tallje.

Faleminderit paraprakisht per mirekuptimin

Qendrim te kendshem ne Forumin Katolik

  • Postime: 3079
  • Karma: +22/-4
  • Gjinia: Femer

#1 ne: 09-11-2007, 12:44:28
Përshëndetje Ami

E vërtetë ajo qe thua se çdo pyetje trajtohet ndryshe nga Katoliket, e ndryshe nga Protestantet etj, këtë kam vënë re edhe unë kur diskutojmë me te afermit e mi apo koleget e punës.
Të pergezoj për iniciativën e hapjes se kësaj teme e cila simbas mendimit tim është teme shumë e dobishme! Ne një anë edhe vete katoliket te cilët nuk e njohin mirë fenë e tyre mund të mësojnë diçka, po edhe te tjerëve qe i perkasim besimeve të ndryshme na jepet mundësia ta njohim fenë tuaj me mirë.

Tek tema tjetër ka disa pyetje qe kanë mbetur pa pergjegje te cilët simbas mendimit tim janë pyetje interesante.
I sjelli disa prej tyre këtu dhe simbas kohës dhe mundesise i ftoj besimtaret katolike te jenë aktiv ne këtë teme.




Nga Hasani:
Desha te dij pasi tani janë pashket , këto vezet qe ngjyrosen me ngjyra të ndryshme kanë ndonjë baze ne fenë krishtere apo jo?


Nga Ibrahimi:
C'far thot krishterizmi për risite qe futen ne religjion?

Nga Igru:
1- Si trajtohet nga te krishteret historia e Sansonit dhe Deliles, ne Dhiaten e Vjeter, Gjyqtaret 14, 15, 16.
2- Pyetje teknike: Ku mund te gjej shqip 4 librat e Makabenjve, online. Di qe katoliket i quajne apokrife 3 dhe 4, ndërsa protestantet i pranojnë te katert, ne mos gaboj.
3- Kush është mendimi i krishtere mbi fjalët e Saulit dhe kerkesen e tij për vetevrasje nga sherbetori i tij.

Dhe në fund nga Lizi:
C'është riti i "ngernies se Zotit"? dhe çfarë simbolike ka?




I ftoj forumistet qe ta kenë parasysh se tema nuk duhet te banalizohet! Ju lus pyetjet mos jenë provokative, me qëllim te fyejne besimet fetare te dikujt, ose me qëllim perqarjeje!
Konsideroni këtë teme si një -Diskutim miqesor- mes religjioneve dhe perfitoni nga ky diskutim!
Postimet jashtë teme, provokative dhe fyese do të editohen/fshihen nga Stafi pa paralajmerim!


Ju uroj bashkebisedim te kendshem dhe tolerance te ndersjelle!:)


  • Postime: 3079
  • Karma: +22/-4
  • Gjinia: Femer

#2 ne: 09-11-2007, 12:53:32
Ju sjelli edhe nje pyetje qe pata parashtruar une ne nje teme, dhe pergjegjen e Amit.

******


Postimi im:

Citim
Cituar nga: Ami në 07-11-2007, 09:51:53
FIZIONOMIA E JEZUSIT

Mbi fizionomine e Jezusit nuk kemi asgjë te shkruar qe mund ti besohet. Ungjilltaret mbi këtë teme heshtin. Shen Ireneu (fundi i shekullit te dytë), i cili ishte mik i shen Polikarpit (ky i fundit nxënës i apostujve) na thotë: Fizionomia e Jezusit na është krejtësisht e panjohur. Këtë e thotë edhe shen Augustini (shekulli IV-te).

Tani si argument mbi fizionomine e Jezusit kemi "Pelhuren e Torinos" e cila na paraqet një njeri te kohës se Jezusit, i cili ka përjetuar fatin e njëjtë me Jezusin. A ishte ne këtë pelhure i mbeshtjelle trupi i Jezusit apo jo? Shumica besojnë se ky ishte Jezusi nga Nazareti.


Këtë pjesë e citova sepse deshta ta parashtroj një pyetje në lidhje me këtë shkrim.
 
Meqë nuk dihet saktesisht pamja e Jezusit, pse athere gati çdokund është i paraqitur si bjond me sytë e kaltert?

Është një pyetje te cilën shumë veta e parashtrojne sepse kur ta marrësh ne konsideratë se ka jetuar ne Lindjen e Mesme ku njerzit kryesisht nga natyra janë me floke dhe sytë e erret, dhe atë qe ke shkruar ti me sipër, te shtyn te mendojsh se mos valle fshehet diçka pas idesë se paraqitjes se Krishtit si bjond.

Pyetja e dytë: A ekzistojne te dhëna dhe pershkrime rreth pamjes se Marias?


====


Pergjegjja e Ami-t:

Përshëndetje Aida,
Ne shekujt e hershem te artit Kristian Jezusi nuk është paraqitur me një figure te percaktuar. Atë me tepër e paraqitnin me simbole të ndryshme.
Me vonë rreth shekujve 3 dhe 4 ne artin Kristian kanë filluar te shfaqen imazhet e me portretin e Jezusit, te cilat vijnë nga muret e varreve te krishtera ne katakombet (një seri galerishe nentokesore varrezash ne afersi te Shen Sebastianit afër Romes). Ku edhe këtu nuk është se ka patur një fytyre te percaktuar. Është shfaqur here si bariu i mirë, here si njeriu me një shkop ne dorë qe e kthen ujin ne vere, etj.
Pikturat e ndryshme për Jezusin janë krijuar duke u bazuar ne gojedhenat dhe përshkrimet qe i kanë bërë njerëzitë shekull pas shekulli. Jezusin e kanë pikturuar here si zezak, here me fytyre Kineze, here me fizionomi europiane.
Por versioni me zyrtar për figuren e Jezusit i perafrohet figures se shfaqur nga imazhi i shfaqur ne pelhuren e Torines. Nga e cila është marrë forma e fytyres dhe flokeve, por qe sigurisht nuk mund te dallohej ngjyra e syve apo flokeve.
Kështu qe ne disa figura ai paraqitet esmer me sy kaf, ne disa te tjera ashtu siç e përshkruan tia Aida. Unë i kam te dy versionet.
Nejse forma e fytyres mund te këtë qenë pak a shumë si ajo qe është paraqitur ne shumicen e figurave te Jezusit (pra si ajo e imazhit te pelhures, te cilën po e bashkangjis me poshtë).
Po kështu edhe për Marijen, piktura e saj është bërë duke u bazuar nga përshkrimet gojore qe kanë kaluar nga shekulli ne shekull. Ku atë e përshkruajnë një grua te bukur, te pervuajtur, etj.


  • Postime: 855
  • Karma: +4/-4
  • Gjinia: Femer

#3 ne: 10-11-2007, 00:26:05
Pershendetje,
Do mundohem tu jap pergjigje pyetjeve qe keni bere, me aq njohuri sa kam (nga leximi dhe nga katekizmi), por ftoj edhe katoliket e tjere te japin mendimet e tyre ne lidhje me pyetjet qe na behen.


Desha te dij pasi tani janë pashket , këto vezet qe ngjyrosen me ngjyra të ndryshme kanë ndonjë baze ne fenë krishtere apo jo?

Ne fene Katolike per festen e Pashkes jane tradite vezet e ngjyera me te kuqe. Vezet e ngjyera me te tjera ngjyra nuk kane asnje lloj baze ne fene tone. Ato i bejne njerezit thjeshte per qejf te tyre.

  • Postime: 855
  • Karma: +4/-4
  • Gjinia: Femer

#4 ne: 10-11-2007, 00:32:14
Citim nga: Ibrahimilink=topic=39889.msg559827#msg559827 date=1194608668

C'far thot krishterizmi për risite qe futen ne religjion?

Kisha Katolike mirepret çdo gje te re, e cila eshte ne dobi te jetes dhe njeriut, çdo gje qe eshte pro virtytit dhe te mires, e cila nuk bie ndesh (apo eshte ne kundershti) me mesimet dhe rregullat e fese Katolike.

  • Postime: 855
  • Karma: +4/-4
  • Gjinia: Femer

#5 ne: 10-11-2007, 01:16:32

1- Si trajtohet nga te krishteret historia e Sansonit dhe Deliles, ne Dhiaten e Vjeter, Gjyqtaret 14, 15, 16.
2- Pyetje teknike: Ku mund te gjej shqip 4 librat e Makabenjve, online. Di qe katoliket i quajne apokrife 3 dhe 4, ndërsa protestantet i pranojnë te katert, ne mos gaboj.
3- Kush është mendimi i krishtere mbi fjalët e Saulit dhe kerkesen e tij për vetevrasje nga sherbetori i tij.


1. Ne lidhje me pyetjen e pare:
Historia e Samsonit dhe Deliles nga Katoliket trajtohet ne kete menyre: Eshte historia e perhershme e viganit te pathyeshem, te cilin e shkaterron ne menyre te tmerrrshme joshja e gruas. Njekohesisht eshte edhe mbarimi i nazareut, qe nuk i qendron besnik hirrjes se madherishme.

2. Komplet Biblen Katolike ne shqip mund ta gjesh ne adresen:
     www.bibla.net .
3. Pergjigjen time po e filloj me paragrafin siç është ne Bibel:

Samueli i tha Saulit: “Ç’ke bërë”?. “Ke vepruar marrëzisht! Oh, sikur t’u ishe përmbajtur urdhërimeve të Zotit, Hyjit tënd, që t’i dha! Me siguri tani Zoti do ta kishte përforcuar mbretërinë tënde për amshim mbi Izraelin. 14 Por mjerisht mbretëria jote nuk do të qëndrojë assesi! Zoti kërkoi një tjetër njeri sipas zemrës së vet. Zoti atë edhe e vuri prijës mbi popullin e vet. Shkaku është pse ti nuk i kreve ç’të ka urdhëruar Zoti”.
Ligji është shprehje e vullnetit hyjnor, për këtë askush nuk ka te drejtë ta anuloje vleren e tij.

Historia e shelbimit shpall se hiri i Zotit vjen krejtesisht papritmas dhe falas drejtpersedrejti prej Zotit, por qendrimi ne hir varet nga besnikeria e te zgjedhurit. E Sauli nuk i qendroi besnik thirrjes.
Te gjitha arsyet natyrore jane ne anen e Saulit. Por, prej tij kerkohej degjesa. Ndeshkimi eshte i rende: ai perbuzet e trasheimtari nuk do t'i hipte ne fron.
« Editimi i fundit: 10-11-2007, 22:20:10 nga Ami »

  • Postime: 855
  • Karma: +4/-4
  • Gjinia: Femer

#6 ne: 10-11-2007, 01:23:21

C'është riti i "ngernies se Zotit"? dhe çfarë simbolike ka?


Katoliket e quajne "Marrja e Korpit te Krishtit", ose Kungimi.
Kungimin rregullisht e përcaktojmë si një prej shtatë sakramenteve qe i themeloi Jezu Krishti, ne te cilin ne trajten e bukes dhe te veres e marrim Korpin dhe Gjakun e Krishtit ne shpirterat tanë.
Krishti e themeloi kungimin ne Darken e mbrame kur mori buken, e theu dhe ua dha apostujve te vet duke thënë ato fjale qe perseriten ne çdo meshe: “Merrni dhe hani te gjithë prej tij, ky është Korpi im qe do të flijohet për ju”. Poashtu pas darkes mori edhe goten plot me vere dhe tha: “Merrni dhe pini te gjithë prej tij: ky është kelku i Gjakut tim, i Beselidhjes se Re e te amshuar qe do të derdhet për ju dhe për te gjithë njerëzitë”. Dhe vazhdoi: “Beni këtë ne perkujtimin tim”.
Urdheroi pra, qe te hame te gjithë dhe te pimë te githe. E pse duhet te hame dhe te pimë, na tregoi pasi i ushqeu 5000 vete me pesë buke dhe dy peshq (Gjn 6, 1-15). Pas asaj mrekullie ai mesonte popullin: “Unë jam buka e gjallë qe zbriti prej qiellit: nëse ndokush e ha këtë buke, do të jetoje për amshim. E buka qe unë do ta jap është korpi im për jetën e botës... Nëse nuk e hani korpin e Birit te njeriut e nuk e pini gjakun e tij, nuk keni jetë ne vetvete. Kush ushqehet me korpin tim dhe e pi gjakun tim, ka jetën e pasosur. Unë do ta ringjalli ne ditën e fundit” (Gjn 6, 51.53-54). Shumë nxënës thanë se ky mësim është i pakuptueshem dhe u larguan prej tij, por Krishti nuk nderroi vendimin: kush beson ne te, ai edhe do të jetoje prej tij.
Kisha seriozisht e kupton dhe vazhdimisht e zbaton këtë urdher. Çdo besimtar e ka për detyrë qe te kungohet se paku një here ne vit – për Pashke, por jo vetëm një here! Kisha na nxit te kungohemi sa me shpesh: me mundësi çdo ditë. Nëse kemi marrë pjesë ne dy meshe për një ditë, ne te dy meshet mund te kungohemi. Sidomos secili i krishtere ka obligim te kungohet ne rrezik vdekjeje.

  • Postime: 3079
  • Karma: +22/-4
  • Gjinia: Femer

#7 ne: 17-11-2007, 02:02:35
Flm Ami për pergjegjet. :)

Tash shfletova kendej pak dhe pash temën me shkrimet rreth Pagezimit. Deshta te te pyes në lidhje me këtë teme, bëhet fjale për një rast nga jeta reale qe me la pak përshtypje.

Një shoqes sime i lindi një djal dhe ata deshirojne ta pagezojne. Prifti e rrefuzoj pagezimin me argumentin se prindet nuk janë martuar ne Kishe. Prindet nuk kanë mundësi te martohen ne Kishe, meqë babi i vogelushit ka qenë një here i martuar dhe është shkurorezuar.

Pyetja ime:
A ka te drejtë ta rrefuzoje Prifti pagezimin e femijut?
Nëse po, me çka e argumentojne Katoliket rrefuzimin? A ekziston diçka ne shkrimet e Bibles rreth kësaj apo thjeshtë është rregull nga vete Katoliket?


Të falenderoj paraprakisht

p.s.: deri tash 3 Prifter e kanë rrefuzuar!

  • Postime: 855
  • Karma: +4/-4
  • Gjinia: Femer

#8 ne: 17-11-2007, 16:22:46
Pyetja ime:
A ka te drejtë ta rrefuzoje Prifti pagezimin e femijut?
Nëse po, me çka e argumentojne Katoliket rrefuzimin? A ekziston diçka ne shkrimet e Bibles rreth kësaj apo thjeshtë është rregull nga vete Katoliket?



Ne këtë rast ka plotësisht te drejtë. Sepse fëmijët e te krishtereve qe nuk jetojne si te krishtere dhe qe nuk e zbatojne ligjin e Zotit dhe te Kishes, nuk mund te pagezohen. Sepse feja e krishtere nuk e lejon divorcin.
Kush nuk beson ne Krishtin, Zot e Njeri, kush nuk i njeh se paku themelet e fesë se Krishtere, dhe kush vete nuk deshiron te pagezohet, nuk mund te pagezohet. Për këtë arsye ne fillim pagezoheshin vetëm njerëz te rritur. Pra sipas Bibles njerëzitë pagezoheshin vetëm kur ishin te rritur (dhe jo fëmijët) dhe te vetëdijshëm dhe të kishin bindjen e plotë për atë fe qe po e pranojnë.
Kisha filloi te pagezoje fëmijët vetëm kur gati mbarë shoqëria pranoi fenë e Krishtit dhe kur u be e sigurtë se fëmijët do të edukohen si te krishtere. Prandaj edhe sot pagezohen vetëm ata fëmijë, për te cilët prindërit dhe nunat mund te garantojne se do t'i edukojne ne fenë e krishtere.

Pra ky fëmijë mund te pagezohet kur te rritet, kur te jetë vete ne gjendje te kuptoje dhe te pranoje fenë qe ai vet zgjedh.

Edhe unë jam pagezuar kur jam rritur, edhe pse prindërit e mi nuk janë te martuar ne Kishe (sepse ne kohën e partise nuk mund te martoheshe ne Kishe), kur jam bërë e vetedijshme dhe e bindur për atë fe te cilën po e zgjedh dhe ne te cilën besoj.

  • Postime: 3003
  • Karma: +5/-1
  • Gjinia: Mashkull

#9 ne: 17-11-2007, 17:00:05
Cfare thote Bibla ose prifterinjte Katolike per Te Krishteret jo-katolike (dmth te ndonje rryme apo sekti tjeter) dhe per jo te krishteret ne pergjithesi??

  • Postime: 3079
  • Karma: +22/-4
  • Gjinia: Femer

#10 ne: 17-11-2007, 17:10:27
Me duket koxha i padrejte ky vendim. E them sepse edhe pse prindet nuk jane te martuar ne Kishe, perseri jane fetare te devotshem dhe praktikues te fese se tyre.

Citim
Sepse fëmijët e te krishtereve qe nuk jetojne si te krishtere dhe qe nuk e zbatojne ligjin e Zotit dhe te Kishes, nuk mund te pagezohen. Sepse feja e krishtere nuk e lejon divorcin.
Kush nuk beson ne Krishtin, Zot e Njeri, kush nuk i njeh se paku themelet e fesë se Krishtere nuk mund te pagezohet

Tash simbas cfare kriteriumeve gjykohet ajo se sa besimtare jane ata?! Kush mund te garantoje se sa besimtar psh eshte nje i Krishter qe zbaton ne nje ane ligjet e Kishes por kundershton ate te Zotit (ben mekate tjera psh)
Pastaj nese prindet bejne mekat, e pendohen dhe duan femijun ta edukojne me fryme fetare, kush jemi ne njerzit qe i paragjykojme dhe gjykojme te tjeret, kur simbas mendimit tim, Zoti eshte ai i cili duhet te gjykoje mbi mekatet tona?!

Tash fati njeriut qe ashtu qe babai te shkurorezohet, e cfar faji ka femiju ne kete rast?
A nuk duhet te jene te kenaqur qe prindet shprehin deshire dhe gatitshmerine ta edukojne femijun e tyre me fryme krishtere?


E kam pyetur edhe ate gjate bisedave, por ajo nuk dinte cfar pergjegjesh te me jape.
Prandaj me la shume pershtypje kjo gje, sidomos kur e shoh se sa e merzitur eshte ajo vete. Per ate (shoqen time) me rendesi eshte pagezimi meqe voglushi nuk gezon shendet te mire. Ajo nuk ka deshire qe femiju i saj te vdes pa pagezuar (shpresoj se nuk i ndodh por si dihet jetes).


Siq thash, deri tash 3 Prifter e kane rrefuzuar, dhe kjo madje eshte nje nga arsyet qe ajo kohet e fundit mendon ta braktise Kishen Katolike e ti bashkangjitet ndonje fe tjeter e cila lejon pagezimin dhe s'eshte aq e rrepte per keshtu ceshtjesh.


Ke lexuar/ndegjuar se ekziston mundesia te behen perjashtime nga Kisha Katolike per rastet e vecanta? (psh.kur femiju eshte i semure)

Ata para ca kohesh kane derguar ankesen e tyre ne Vatikan por akoma skane marr pergjegje.


Flm per durimin tend! :)



  • Postime: 855
  • Karma: +4/-4
  • Gjinia: Femer

#11 ne: 17-11-2007, 21:10:10
Pershendeje Aida.
E kuptoj fare mire shqetesimin e atyre njerezve, dhe shpesh edhe ne te tjereve na ben vaki te themi se sa strikte jane keto rregullat e fese. Por perderisa pranon ate fe dhe beson ne te duhet ti permbahesh rregullave te caktuara. Por ndodh qe per rrethana qe mbase nuk i ke edhe aq ne dore (si ne rastin konkret) ndonje rregull eshte "thyer", atehere nuk na ngelet tjeter veçse zgjedhja alternative. Dhe qe eshte pagezimi i femijes kur te rritet.
Une i uroj shendet e te arrije jo vetem pagezimin por te kete nje jete sa me te gjate.

Tash simbas çfarë kriteriumeve gjykohet ajo se sa besimtare janë ata?! Kush mund te garantoje se sa besimtar p.sh. është një i Krishter qe zbaton ne një anë ligjet e Kishes por kundershton atë te Zotit (bën mekate tjera p.sh.)
Ligjet e Kishes dhe te Zotit jane te njejta. Kisha nuk ka bere ligje shtese. Madje siç e kam thene me siper, eshte Kisha ajo qe ka vendosur pagezimin per femijet, pasi ne kohet e hershme pagezoheshin vetem te rriturit. Edhe Jezusi eshte pagezuar ne moshe te rritur.

Kriteri ne rastin konkret eshte se babai i femijes eshte divorcuar nje here. Gje qe eshte e ndaluar nga Zoti dhe nga Kisha.

deri tash 3 Prifter e kanë rrefuzuar, dhe kjo madje është një nga arsyet qe ajo kohët e fundit mendon ta braktise Kishen Katolike e ti bashkangjitet ndonjë fe tjetër e cila lejon pagezimin dhe s'është aq e rrepte për kështu ceshtjesh.


Eshte e drejta e saje, por te braktisesh fene vetem sepse te jane prekur interesat nuk me duket dhe aq e devotshme dhe e bindur ne ate fe.


Ke lexuar/ndegjuar se ekziston mundësia te bëhen perjashtime nga Kisha Katolike për rastet e veçanta? (p.sh..kur femiju është i sëmurë)


Nuk kam lexuar as degjuar kund ne lidhje me perjashtime nga Kisha Katolike.
Pjesen e fundit te pyetjes nuk e kuptova, perse te behet perjashtim kur femija eshte i semure?.

Gjithe te mirat

Ami

  • Postime: 855
  • Karma: +4/-4
  • Gjinia: Femer

#12 ne: 17-11-2007, 21:38:23
Çfarë thotë Bibla ose prifterinjte Katolike për Të Krishteret jo-katolike (d.m.th. te ndonjë rrymëë apo sekti tjetër) dhe për jo te krishteret ne përgjithësi??

Pershendetje Bekim,
Te Krishteret jo-katolike i quajme vellezer ne Krishtin. Pasi te gjithe besojme tek Zoti dhe kemi pranuar Jezusin si birin e Hyut qe dha erdhi ne kete bote dhe u kryqezua per shpetimin e njerezimit. Ne te krishteret mes njeri-tjetrit (pra Katolike ose jo) kemi vetem ndryshime ne disa interpretime qe i behen Bibles dhe disa rregullave qe jane percaktuar ne fillim nga Kisha Katolike.
Per fete e tjera jo te krishtera, ne Katolikeve na kerkohet te respektojme fene e tjetrit dhe te jemi tolerante.

  • Postime: 3079
  • Karma: +22/-4
  • Gjinia: Femer

#13 ne: 17-11-2007, 22:00:03
Citim
Nuk kam lexuar as dëgjuar kund në lidhje me perjashtime nga Kisha Katolike.
Pjesen e fundit te pyetjes nuk e kuptova, përse te bëhet perjashtim kur femija është i sëmurë?.

Më fal se se kisha formuluar kjarte pyetjen.
E kam fjalën se a ka ndodh, apo ekziston mundësia të ndodh, qe ne raste te veçanta kur p.sh. femiju është i sëmurë dhe është ne pyetje pagezimi, Kisha ta beje këtë për hirë te femijut duke mos mar parasysh atë se prindet e femijut sjane te kurorezuar? :)

Qe the ALTERNATIVAT, për këtë rast tash rëndë se vjen ne konsideratë ajo te pritet qe femiju te ritet dhe ta beje vete, d.m.th. a do të kishte ekzistuar nga ana e kishes për raste te ngjajshme ALTERNATIVA tjera te cilët ua lehtesojne besimtareve çështjet shpirtërore?

Citim
Është e drejta e saje, por te braktisesh fenë vetëm sepse te janë prekur interesat nuk me duket dhe aq e devotshme dhe e bindur ne atë fe.

Ajo është rit dhe edukuar me fryme krishtere. Takon personin e zemrës i cili ka pas vehtes një lidhje te deshtuar. Tash edhe situata me femijun e sëmurë e ngarkon atë psiqikisht shumë. Deshperimi i saj është mëse normal, prandaj jam e mendimit qe Kisha duhet besimtareve te ua lehtesoje dhe te jetë ne gjendje me ca kompromise ti mbaje me afër vehtes besimtaret, sidomos ne raste te tilla delikate.

Flm për pergjegjet tua.
Përshëndetje

  • Postime: 855
  • Karma: +4/-4
  • Gjinia: Femer

#14 ne: 18-11-2007, 09:25:14
Më fal se se kisha formuluar kjarte pyetjen.
E kam fjalën se a ka ndodh, apo ekziston mundësia të ndodh, qe ne raste te veçanta kur p.sh. femiju është i sëmurë dhe është ne pyetje pagezimi, Kisha ta beje këtë për hirëë te femijut duke mos mar parasysh atë se prindet e femijut sjane te kurorezuar? :)


Ne menyre kategorike nuk ka arsye te behet çkisherimi i ketyre besimtareve. Aq me teper perderisa ata e kerkojne pagezimin e femijes se tyre por per nje rregull te "thyer" nuk mund t'u lejohet kjo.

Gjithsesi ka diçka "ngushelluese" ne kete rast. Femijet duke qene se nga natyra jane te pafajshem dhe nuk jane te vetedijshem apo nuk kane mundesi te bejne vete zgjedhjen e fese dhe jane te papagezuar, nese vdesin shkojne ne Limb në vend ku të drejtit e kohës para Krishtit pritnin Shëlbuesin. Pra nuk gjykohet apo trajtohet njesoj si nje i rritur i papagezuar.

  • Postime: 855
  • Karma: +4/-4
  • Gjinia: Femer

#15 ne: 24-11-2007, 09:25:52
Pershendetje Aida,
Ne lidhje me pagezimin e atij femijes per te cilin me kishe drejtuar nje pyetje, edhe une pyeta nje prift e ai mu pergjigj: Megjithese kisha nuk e lejon divorcin, ne rastin konkret nese nena e femijes te pakten nese eshte vete e pagezuar femija pagezohet patjeter, edhe pse babai i tij eshte divorcuar nje here. Mbase ka rrethana te tjera perse nuk i eshte kryer pagezimi i femijes. Por nese eshte per arsye se njeri nga prinderit eshte divorcuar ai me tha: - mund te supozoj qe Ordinari i vendit (Ipeshkvi), aty ku jeton e banon femija me prinderit e tij, qe te kete marre ndonje vendim qe vlen vetem per Dioqezen e tij, pra per te parandaluar divorcet (ky fenomen eshte i madh ne dioqezen e tij), ka marre vendimin qe te mos pagezohen femijet e te divorcuave!! Edhe pse une vetem mund te supozoj, por s'mund te shprehem me bindje te plote, perderisa rasti nuk me eshte i njohur.
Pra si rregull u pagezokan edhe femijet e prindit te divorcuar, mjaft qe te jene ata te pagezuar, vetem nese Ipeshkvi i zones ka caktuar nje rregull te ri.

  • Postime: 855
  • Karma: +4/-4
  • Gjinia: Femer

#16 ne: 16-12-2007, 12:39:21
Gjate meshes se shenjte, perpara leximit te Ungjillit bejme shenjen e kryqit ne tre vende: ne balle, ne buze dhe ne zemer. Per ndonje mund te linde pyetja perse?

Sepse ne çastin e shpalljes se Ungjillit, deshmojme se Fjalen e Zotit e pranojme me ane te Arsyes (kur bejme shenjen e kryqit ne balle), me zemer (shenja e kryqit ne zemer) dhe qe jemi te gatshem t'ia shpallim te gjitheve fjalen e Zotit (shenja e kryqit ne buze).

Shenja e kryqit tregon pranine e Zotit ne jeten tone, pra duke kujtuar Kryqin (qe do te thote Jezusin), nepermjet kryqit kemi shelbimin dhe Trinine Shenjte (Atin e Birin e Shpirtin Shenjt).

Shenja e Kryqit para Ungjillit do te thote se mendja, goja e zemra jone jane te gatshme per pranine e Hyjit.

Zoti ju bekofte

  • Postime: 243
  • Karma: +0/-0
  • Gjinia: Mashkull

#17 ne: 23-12-2007, 00:31:11
Ami e ke lexuar gje ne Bibel qe Jezui te bente kryqin ose te pakten ndonje varg nga Bibla ku thuhet qe duhet te beni kryqin?

  • Postime: 243
  • Karma: +0/-0
  • Gjinia: Mashkull

#18 ne: 23-12-2007, 00:44:35
Faleminderit Ami per informacionet.
Doja vetem te shtoja 2 gjera.

1) Jezui patjeter qe pranohet me besim por edhe me VEPRAAA
Nje njeri qe beson tek Jezui tregon kujdes qe te ndjeke gjurmet e tij dhe modelin qe ai ka lene (1 Pjetrit 2:21)
P.sh nje aspekt shume i rendesishem eshte qe te tregojme dashuri (Gjoni 13:34,35)

2) Tregohu e kujdeshme kur thua qe Ringjllja behet me Trup Shpirteror apo Trup Frymor. Ka shume shkrime ne Bibel qe tregojne per Token. P.sh Psalmi 37:29 thote: "Te drejtet do te trashegojne TOKEN"

Pra me sa duket kemi te bejme me 2 grupe. Njeri qe ringjallet ne fryme dhe nje grup qe ringjallet per te jetuar ne toke. Te pakten keshtu thone shkrimet.

Te lutem na jep me shume info

CIAO

  • Postime: 855
  • Karma: +4/-4
  • Gjinia: Femer

#19 ne: 24-12-2007, 09:51:35
Faleminderit Ami për informacionet.
Doja vetëm te shtoja 2 gjëra.

1) Jezui patjetër qe pranohet me besim por edhe me VEPRAAA
Një njeri qe beson tek Jezui tregon kujdes qe te ndjeke gjurmet e tij dhe modelin qe ai ka lënë (1 Pjetrit 2:21)
P.sh një aspekt shumë i rëndësishëm është qe te tregojme dashuri (Gjoni 13:34,35)

2) Tregohu e kujdeshme kur thua qe Ringjllja bëhet me Trup Shpirteror apo Trup Frymor. Ka shumë shkrime ne Bibel qe tregojnë për Token. P.sh Psalmi 37:29 thotë: "Të drejtet do të trashegojne TOKEN"

Pra me sa duket kemi te bëjmë me 2 grupe. Njeri qe ringjallet ne fryme dhe një grup qe ringjallet për te jetuar ne toke. Të paktën kështu thonë shkrimet.

Të lutem na jep me shumë info

CIAO

Pershendetje,
A mund te jeni me konkret me pyetjen tuaj ju lutem?

Ne lidhje me informacione te tjera per fene katolike, do i shtoj me kenaqesi por kur te kem kohe dhe mundesi.

Gjithe te mirat

  • Postime: 855
  • Karma: +4/-4
  • Gjinia: Femer

#20 ne: 24-12-2007, 10:00:45
Ami e ke lexuar gjë ne Bibel qe Jezui te bënte kryqin ose te paktën ndonjë varg nga Bibla ku thuhet qe duhet te bëni kryqin?

Duket shume qarte se nuk keni asnje informacion ne lidhje me fene e krishtere.
Kur bejme shenjen e kryqit themi: NE EMER TE ATIT TE BIRIT E TE SHPIRTIT SHENJTE.
Pra levdojme atin, birin dhe shpirtin e shenjte. E si mund te bente shenjen e kryqit Jezusi? Keshtu i bie qe ai te levdonte veten!! (birin)

Po te shtoj dicka ne lidhje me kryqin:
Kryqi eshte shenje e shelbimit, dhe ne shelbim eshte e perbere premtimi i Ringjalljes dhe fillimi i nje jete te re.
Jezu Krishti ne kryq ka shfaqur ne teresi dashurine e Hyjit, qe ka per boten, per njeriun.

Shelbimi i Birit te Hyjit ne kryq, ka burimin e amshueshem te dashurise. Eshte dashuria e Atit qe dergon Birin e tij; ai ofron Birin e tij per shelbimin e botes. Ne te njejten kohe eshte dashuria e Birit qe nuk "gjykon" boten, por flijon vetveten per dashuri ndaj Atit dhe per shelbimin e botes. Duke ia dhuruar vetveten Atit nepermjet sakrifices se kryqit, ai ofron njekohesisht vetveten: çdo njeriu dhe mbare njerezimit.

Kryqi permban ne vetvete misterin e shelbimit, sepse ne kryq dashuria shfaqet.

"Jezu Krishti, edhe pse me natyrë Hyj, barazinë e vet me Të nuk e çmoi si një visar që s’mundet pa të, por ia mohoi vetvetes e mori natyrën e shërbëtorit dhe u bë i ngjashëm me njerëz dhe, për kah pamja e jashtme, dukej vetëm njeri.
E përuli vetveten duke u bërë i dëgjueshëm deri në vdekje, mu deri në vdekjen në kryq. Prandaj edhe Hyji e lartësoi tesve dhe i dha emrin që është mbi çdo emër që në Emër të Jezusit të përkulet çdo gju i atyre që janë në qiell, në tokë e në nëntokë dhe çdo gjuhë të dëshmojë: ‘Jezu Krishti është Zot!’
Në nder të Hyjit Atë. (Fil 2, 6-11).


Ne te adhurojme e te bekojme, o Jezu Krisht, sepse me Kryqin tend ke shelbuar mbare boten.

Te pershendes

Temat e fundit