×

Bananet - Banania

Bananet - Banania

· 10 · 3902

  • Postime: 27104
  • Gjinia: Mashkull
Berni
ne: 14-07-2008, 07:42:06
Bananet, thesari tropikal që "ushqen" botën



Thënia e vjetër se një mollë në ditë mban mjekun larg, mund të modifikohet, duke vendosur bananen në vend të saj. Duke bërë një krahasim të thjeshtë, të dyja përmbajnë karbohidrate, fosfor, proteina, dhe hekur, përveçse të pasura me vitamina dhe minerale. Sheqernat që ato përmbajnë i japin trupit një dozë energjie që harxhohet me kalimin e kohës. Kërkimet kanë treguar që konsumimi i dy bananeve mund ta furnizojë trupin me dozën e duhur të energjisë për të përballuar një stërvitje prej 90 minutash. Të shijshme, të freskëta dhe plot energji, bananet janë të domosdoshme për të kuruar shqetësime të ndryshme të organizmit:

Aneminë

Bananet përmbajnë shumë hekur, i cili stimulon prodhimin e hemoglobinës në gjak, ndaj rezulton e domosdoshme në rastet e anemisë.

Tensioni i gjakut

Duke qenë shumë e pasur me kalium, banania është një mbrojtëse e mirë për të gjithë ata që vuajnë nga tensioni i lartë i gjakut. Kohët e fundit, në SHBA i është dhënë leja një industrie që tregton banane të shkruajë në etiketa se ky frut redukton rrezikun e infarktit.

Energji për mendjen

Kërkimet kanë treguar se marrja e rregullt e kaliumit përmes ushqimeve shërben si një energjizues i mirë ndaj në një shkollë angleze këshillohej konsumi i bananeve gjatë periudhës para provimeve.

Kapsllëk

Mund t‘u thoni lamtumirë laksativëve. Bananet kanë një sasi të madhe fibrash, që kontribuojnë për të stabilizuar aktivitetin normal të zorrëve.

Depresioni

Ato përmbajnë një lloj aminoacidi të quajtur triptofano, që trupi e konverton në serotoninë, në gjendje të qetësojë trupin dhe të favorizojë mirëqenien tonë.

Përzieja magjike

Përzierja me bazë bananen është një mrekulli e vërtetë. Banane, qumësht, akull, mjaltë. Bananet qetësojnë stomakun, ndërsa mjalti riaktivizon sheqernat, qumështi rihidraton dhe i jep trupit një ndjenjë të veçantë.

Qetësuesi i gastritit

Bananet i dhurojnë trupit një efekt natyror antiaciditet dhe këshillohen për ata që vuajnë nga acidi i tepërt në stomak. Duke ngrënë një banane arrihet menjëherë të qetësohet një stomak me probleme.

Qetëson lëkurën

Lëkura e bananes redukton ënjtjen dhe irritimin e lëkurës. Nëse keni probleme të tilla, lëkura e brendshme e bananes mund të jetë "ilaçi" i menjëhershëm. Sipas specialistëve, pickimet e mushkonjave, skuqja, kruarja dhe enjtja largohen me banane. Para se të shikoni pjesën ku ju ka pickuar mushkonja, mjekët këshillojnë që të fërkoni pjesën e infektuar të vendit me pjesën e brendshme të lëkurës së bananes. Sipas mjekeve popullorë, përdorimi i lëkurës së bananes në këtë mënyrë zvogëlon efektin e ënjtjes dhe të të kruarit.

Shqetësime nervore

Vitamina B, që ajo përmban në sasi të madhe, ndihmon për ta mbajtur të qetë sistemin nervor. Ato përmbajnë vitaminën B6, që rregullon nivelin e glukozës në gjak, e cila shpesh ndikon në ngritjen humorit.

Kontrolli i temperaturës

Në shumë anë të botës i atribuojnë merita të ndryshme, ku më kryesorja është ajo e uljes së temperaturës së lartë të trupit. Në fakt, në Tajlandë gratë shtatzëna hanë banane për t‘u siguruar se fëmijët e tyre do të lindin me temperaturë trupi jo të lartë.

Varësia nga duhani

Po përpiqesh të heqësh dorë nga duhani, por nuk po mundesh dot? Provoje njëherë me banane. Banania përmban vitaminat

B6, B12, kalium dhe magnez, që ndihmojnë të shërohesh nga efektet e shkaktuara prej nikotinës.

Kultivimi

Është folur për herë të parë në vitet 600, para Krishtit në disa shkrime budiste, ndërsa Aleksandri i Madh e ka përmendur në vitin 327 para Krishtit. Ka shumë mundësi që kinezët ta kenë kultivuar për herë të parë në vitin 200 pas Krishtit. Në Evropë u përhapën vetëm në periudhën e Rilindjes, kur në vitin 1502 kolonizatorët portugezë nisën të kultivonin plantacionet e para të bananeve në Karaibe dhe Amerikën Qendrore. Bananet janë frutat më të konsumuara në botë dhe shumë të rëndësishme nga pikëpamja tregtare, meqenëse së bashku me kafenë janë produkti më i rëndësishëm për shtetet e Amerikës Qendrore. Vendet që vareshin më shumë nga tregtia e saj u quajtën "banana republic". Prodhuesi më i madh në botë i tyre është India, me rreth 23 për qind të prodhimit botëror, ndërsa pas renditen Brazili, Ekuadori, Kina dhe Filipinet, ndërsa vendet më të mëdha eksportuese janë Ekuadori, Kosta Rika, Filipine dhe Kolumbia.

Të freskëta, të shijshme dhe të domosdoshme, nga dhjetori në janar

Fjala banane vjen nga arabishtja, që do të thotë gisht. Në Evropë, kur nuk kishte mbërritur dhe zbuluar ende në vitin 1600, e quanin si frutin që vjen era trëndafil. Ndërsa sot e hamë banane ashtu siç e blejmë, ose ndryshe të "gjallë", në mjaft vende të botës përdoren shumë edhe bananet e thata, me ngjyrë kafe, me shije të theksuar dhe karakteristike. Përftohen nga pjekja në zgarë, ose furrë dhe lihen të thahen. Përveç frutave, në kuzhinën e Bengalas apo Keralas në Indi përdoren edhe lulet e bananes, të pjekura ose të gjalla. Ajo përdoret gjithashtu për gatimin e shumë ëmbëlsirave

Çdo vit prodhohen rreth 68 milionë tonelatë banane, nga të cilat 12 milionë tonelata u përdorën për tregti në të gjithë botën. Në bazë të të dhënave të FAO-s tregtia botërore kryesohet nga Ekuadori, i cili së bashku me Kosta Rikën, Filipinet dhe Kolumbinë përbëjnë 2/3 e totalit botëror të eksportit të bananeve. Importuesit më të mëdhenj janë SHBA-ja dhe Bashkimi Evropian, ku kjo e fundit thith rreth 34 për qind të të gjithë importit botëror. Vendet latino-amerikane furnizojnë Amerikën dhe Evropën, ndërsa Filipinet janë furnizuesit kryesorë të Japonisë. Bananes i atribuohet edhe përcaktimi republika e bananes, që është një shprehje që përdoret për të treguar një shtet të vogël, shpesh latino-amerikan ose karaibik, me situatë politike jo të qëndrueshme, që varet vetëm nga një sektor i vetëm agrikulturor në duar të shoqërive shumëkombëshe dhe qeverisur nga një oligarki e pasur dhe e korruptuar. Fjala u përdor për herë të parë nga shkrimtari amerikan O.Henry, duke iu referuar Hondurasit. Republika e bananeve në satirë shpesh prezantohet si e udhëhequr nga junta ushtarake, që mbivlerëson pushtetin e saj dhe ekzagjeron simbolet dhe procedurat e vendit. Aktualisht, termi ka hyrë në fjalorin e përditshëm për të treguar regjimet diktatoriale dhe të paqëndrueshëm, ku gjërat janë të manipuluara dhe korrupsioni lulëzon.

Studimet

Kërkimet kanë treguar që konsumimi i dy bananeve mund ta furnizojë trupin me dozën e duhur të energjisë për të përballuar një stërvitje prej 90 minutash. Të shijshme, të freskëta dhe plot energji, bananet janë të domosdoshme për të kuruar shqetësime të ndryshme të organizmit

Kultivimi

Ka shumë mundësi që kinezët ta kenë kultivuar për herë të parë në vitin 200 pas Krishtit. Në Evropë u përhapën vetëm në periudhën e Rilindjes, kur në vitin 1502 kolonizatorët portugezë nisën të kultivonin plantacionet e para të bananeve në Karaibe dhe Amerikën Qendrore

Importi

Importuesit më të mëdhenj janë SHBA-ja dhe Bashkimi Evropian, ku kjo e fundit thith rreth 34 për qind të të gjithë importit botëror. Vendet latino-amerikane furnizojnë Amerikën dhe Evropën, ndërsa Filipinet janë furnizuesit kryesorë të Japonisë

Konsumi

Bananet janë frutat më të konsumuara në botë dhe shumë të rëndësishme nga pikëpamja tregtare, meqenëse së bashku me kafenë janë produkti më i rëndësishëm për shtetet e Amerikës Qendrore. Vendet që vareshin më shumë nga tregtia e saj u quajtën "banana republic"

Prodhimi

Prodhuesi më i madh në botë i tyre është India, me rreth 23 për qind të prodhimit botëror, ndërsa pas renditen Brazili, Ekuadori, Kina dhe Filipinet, ndërsa vendet më të mëdha eksportuese janë Ekuadori, Kosta Rika, Filipine dhe Kolumbia

Republika e bananes

Republika e bananes është një shprehje që përdoret për të treguar një shtet të vogël, shpesh latino-amerikan ose karaibik, me situatë politike jo të qëndrueshme, që varet vetëm nga një sektor i vetëm agrikulturor në duar të shoqërive shumëkombëshe dhe qeverisur nga një oligarki e pasur dhe e korruptuar

Ilaçi

Pickimet e mushkonjave, skuqja, kruarja dhe enjtja largohen me banane. Para se të shikoni pjesën ku ju ka pickuar mushkonja, mjekët këshillojnë që të fërkoni pjesën e infektuar të vendit me pjesën e brendshme të lëkurës së bananes

Qetësuese

Vitamina B, që ajo përmban në sasi të madhe, ndihmon për ta mbajtur të qetë sistemin nervor. Ato përmbajnë vitaminën B6, që rregullon nivelin e glukozës në gjak, e cila shpesh ndikon në ngritjen humorit

Gazeta Shqip
« Editimi i fundit: 22-12-2011, 18:29:11 nga M A X »

  • Postime: 18285
  • Gjinia: Femer
ßåßy ღ
#1 ne: 14-07-2008, 08:19:48
Me plqejne bananet shume,,, :),,nuk kam ditur qe kane kaq gjera positive ne to,,,,sigurisht di vazhdoj ti ha me shume,,,, :D

  • Postime: 27104
  • Gjinia: Mashkull
Berni
#2 ne: 14-07-2008, 08:35:12
Mua sme pelqejn fare, nuk mbaj mend se sa vjet kam pa hanger banane hahaha nje gje qe sme pelqen se fus ne goje, jam shume nazali per disa gjera :D

  • Postime: 18285
  • Gjinia: Femer
ßåßy ღ
#3 ne: 14-07-2008, 08:40:39
 :D :D...nese je nazeli do te thote qe nuk ke nevoje per vitamina ti,,,duhet te hash frute te tjera si kajsia apo dardha,,,e te tjera,,, :D
p,s Mjesi,, :)

  • Postime: 3096
  • Gjinia: Femer
Belinaa
#4 ne: 16-07-2008, 17:09:03
Edhe mua me pëlqejnë shumë bananet kur nuk mundem te ha buke pra nuk kam kohe te ha,marr një banane dhe tërë ditën me mban kjo,me pëlqen edhe pse nuk e kam ditur se sa vlerë te mëdha paska!

  • Postime: 2416
  • Gjinia: Femer
eurogina
#5 ne: 16-07-2008, 17:15:27
uhhhh un vdes per banane

  • Postime: 26403
  • Gjinia: Mashkull
M A X
#6 ne: 22-12-2011, 18:29:27
Me një tul të butë dhe të ëmbël, e paketuar në lëkurën e saj të verdhë, banania është një nga frutat më të mrekullueshëm dhe më të gjindshëm gjatë gjithë vitit.
Bananet rriten deri në 10m lartësi dhe i përkasin familjes së lilit dhe orkidesë.
Ky frutë kremoz, i ëmbël dhe i pasur është një nga të preferuarit për të gjitha grupmoshat, nga bebet deri të moshuarit. Dietologia, Blerina Bombaj bën të ditur benefitet e këtij fruti ekzotik.

Ofron mbrojtje për sistemin kardiovaskular nga fibrat dhe kaliumi
Bananet janë shumë të pasura me kalium, një mineral ky nga më të rëndësishmit për të mbajtur presionin e gjakut në nivele optimale dhe për mbarëvajtjen e funksionit të zemrës. Duke qenë se përmban rreth 460mg kalium, një banane në ditë mund të parandalojë hipertensionin dhe të mbrojë në këtë mënyrë nga arterioskleroza.

Bananet mbrojnë kundër ulcerës
Bananet njihen që herët për vetinë e tyre për të ulur aciditetin e stomakut, dhe si rezultat të mbron kundër ulcerës dhe dëmeve që ajo shkakton. Në një studim, një përzierje e qumështit me banane, uli në mënyrë të konsiderueshme aciditetin e stomakut. Në një tjetër studim në kafshë, shkencëtarët vunë re se banania e freskët e mbronte stomakun nga plagët.

Banania e luan rolin e saj mbrojtës në 2 mënyra: së pari, disa substanca që ndodhen te bananet ndihmojnë aktivizimin e disa qelizave, që përbëjnë shtresën e jashtme të stomakut, atë që vjen në kontakt me ushqimin, e cila prodhon dhe mukozën që e ruan stomakun nga aciditeti. Së dyti, disa përbërës të tjerë, që quhen inhibitorë të proteasave ndihmojnë në eliminimin e disa baktereve në stomak, të cilët janë akuzuar si kryesorë në shkaktimin e ulcerës në stomak.

Ndihmojnë në periudhat e eliminimit
Në rastet e diarresë së shpeshtë, për shkaqe të ndryshme, na duhet të eliminojmë ushqime që mund të agravojnë situatën. Një episod diarreje mund të zbrazë depozitat tona në elektrolite shumë të rëndësishëm. Bananet mund të na plotësojnë mangësitë në kalium, një nga elektrolitet më të rëndësishëm, i cili ndihmon në rregullimin e funksionit të zemrës dhe në balancën e lëngjeve në trup.

Gjithashtu, bananet përmbajnë pektinë, një lloj fibre e tretshme, e cila ndihmon shumë në normalizimin e aparatit tretës dhe lehtëson konstipacionin. Ëmbëlsia dhe përmbajtja në sheqer e bananeve varion në saje të pjekjes së tyre. Kur ato janë pak të pjekura (me ngjyrën e verdhë gati jeshile) kanë një indeks glicemik më të ulët. Kjo i bën bananet një nga frutat më të rekomandueshëm, në të kundërt të famës që ato kanë.

Bananet mbrojnë shikimin tonë
Mamaja juaj mund t’ju ketë thënë se karotat ju ndihmojnë për shikim më të qartë të syve kur ishit fëmijë, por për adutët duket se konsumimi i frutave është më i rëndësishëm për këtë. Në një botim të Archives of Ophthalmology, përmendet se konsumi i të paktën 3 frutave në ditë, ndihmon shumë në parandalimin e përkeqësimit të shikimit me kalimin e moshës.

Banania është një nga frutat që, nëse e konsumojmë përditë, në kombinim me fruta të ngjyrave të kuqe dhe jeshile, do të ndihmonte shumë për të pasur shikim më të mirë me kalimin e moshës.

Forconi kockat me banane
Po, është e vërtetë, nëse vendosni bananet rregullisht në menynë tuaj, ndihmon në absorbimin e kalciumit, elementit më të rëndësishëm në ndërtimin e kockave tona.

Bananet përmbajnë një prebiotik, i cili ushqen bakteret miqësore të kolonit. Këto baktere prodhojnë vitamina dhe enzima, të cilat ndihmojnë shumë aftësitë tona për të absorbuar nutrientë shumë të rëndësishëm, siç është dhe kalciumi.

Gjithashtu, koha e kalimit të ushqimit në zorrë zgjatet dhe, në këtë mënyrë, ulet rreziku i kancerit të zorrës së trashë.

Bananet jeshile përmbajnë acide lyrore të shkurtra, të cilët janë më të preferuarit për qelizat që përbëjnë shtresën e parë të zorrës. Kur këto qeliza ushqehen mirë, ato janë shumë më të afta për të absorbuar kalciumin dhe nutrientë të tjerë të vlefshëm.

Disa banane janë burim i pasur edhe i karotenoideve të ndryshëm. Ato me ngjyrë sa më të artë kanë dhe përmbajtjen më të lartë.

Bananet ndihmojnë shëndetin e veshkave tona kur konsumohen rregullisht, por me masë
Rreth 190.000 raste kanceri të veshkave identifikohen çdo vit në Amerikë. Faktorët e riskut përfshijnë duhanpirjen, obezitetin, hipertensionin dhe ekspozimin në disa substanca toksike, si asbestos dhe kadmiumi. Faktorë dietetikë janë vënë re si parandalues. Konsumi i rregullt dhe i përditshëm i fruta-zarzavateve të pasura me fibra bimore, por kryesisht konsumi i bananeve është lidhur me mbrojtjen e veshkave nga kanceri.

Sa shpesh të konsumojmë banane
Një banane të vogël mund ta konsumojmë edhe përditë, duke e kombinuar atë me 2-3 fruta të tjerë, të llojeve dhe ngjyrave të ndryshme.
Banania mund të përfshihet në ëmbëlsira, në kos me fruta dhe pak mjaltë, si dhe në lëng të freskët frutash.

(d.b/BalkanWeb)

  • Postime: 1439
  • Gjinia: Mashkull
DiniL
#7 ne: 22-12-2011, 18:40:05
Bananet, thesari tropikal që "ushqen" botën

Varësia nga duhani
Po përpiqesh të heqësh dorë nga duhani, por nuk po mundesh dot? Provoje njëherë me banane. Banania përmban vitaminat

B6, B12, kalium dhe magnez, që ndihmojnë të shërohesh nga efektet e shkaktuara prej nikotinës

Ja zgjidhja e duhanpirsve :D,

 kush tjeter e ha bananen vec ketyre lart :P :P?

  • Postime: 26403
  • Gjinia: Mashkull
M A X
#8 ne: 30-04-2020, 17:42:17
 

Bananet janë fruta ushqyese që marrin pjesë në rolin e kujdestarit të shëndetit tonë. Të pasura me vitamine, minerale dhe fibra, ky frut i verdhë tropikal përveç shijes së ëmbël sjell edhe shumë përfitime.

Ushqim i shijshëm me vetëm 100 kalori, mënyrë natyrale për zbukurim të lëkurës, ilaç kundër të vjellave dhe konstipacionit, si dhe janë një burim energjie. Bananet janë fruta në dispozicion, të cilat mund t’i merrni gjithkund sepse janë të lehta për t’i konsumuar.

Por, a e dini se edhe lëvorja e bananes nuk është për ta hedhur, sepse fsheh anët e saj pozitive? Ja disa nga përfitimet më të popullarizuara nga bananet ekzotike:

Aleat kundër akneve

Bananja e shtypur, por edhe vetë lëvorja e brendëshme e bananes, mund të ndikojnë si antibiotik natyral, por edhe lufton kundër inflamacioneve. Që t’i shfrytëzoni bananet në luftë kundër akneve, në mbrëmje, pasi të keni pastruar lëkurën e fytyrës, butësisht lyeni aknet me lëvoren e brendëshme të bananes. Të nesërmen, në mëngjes pastroni fytyrën me ujë të vakët.

Ilaç kundër fryerjes të shkaktuar nga sindromi paramenstrual

Kaliumi i cili gjendet në banane ndalon mbajtjen e lëngjeve në trup, që është paraqitje për sindromin paramenstrual. Përveç kësaj, bananja do të ju jape energji dhe do të ju mbajë për kohë më të gjatë, andaj do të harroni në dëshirën që të “mbusheni” me ushqim jo të shëndetshëm.

Zvogëlim i kruarjes nga pickimi i mushkonjave

Mos e hedhni lëvoren e bananes gjatë verës, sepse mund të ju ndihmojë për ta zvogëluar kruarjen irituese të shkaktuar nga pickimi i mushkonjave. Thjesht, me lëvoren e brendëshme të bananes lyeni vendin e pickimit. Kështu do ta zvogëloni skuqjen, por edhe nevoja për kruerje do të largohet.

Banane + Ujë = Ilaç kundër dehjes

E keni tepruar me alkool? Para se të bëheni gati për gjum, hani të paktën një banane dhe pini 1-2 gota ujë. Dehja është rezultat i dehidrimit, kurse duke kombinuar banane + ujë do të arrini të luftoni kundër saj. Gjatë kohës së dehjes njerëzit urinojnë më shumë nga normalja dhe humbin shumë lëngje dhe kalium, kurse bananja është e pasur me kalium. Ky frut e rregullon edhe balansin e elektrolitëve në trup, i cili mund të çrregullohet për shkak të vjelljes dhe urinimit të shpeshtë.

Parandalim i sindromit të udhëtarit

Udhëtimi është njëri nga aktivitetet që urreni më së shumti për shkak të neveritjes së padurueshme? Para se të niseni në rrugë, hani një banane. Bananet janë burim i shkëlqyeshëm i energjisë, por gjithashtu e zvogëlojnë intenzitetin e vjelljes. Rrezik i zvogëluar nga sulmi në tru. Konsumimi i tre bananeve gjatë ditës, zvogëlon rrezikun nga ataku në tru me 21%, ka treguar hulumtimi i bërë në 250 000 persona në periudhë 30 vjeçare. “Fajtori” kryesorë për këtë është kaliumi, i cili zvogëlon shtypjen e gjakut, e cila nga ana e saj është shkaktari kryesorë për sulmin në tru.

“Karburant” para ushtrimeve

Planifikoni të djersiteni mirë në fitnes hallën? Hani një banane. Ajo do të ndikojë si “karburant” për muskujt tuaj, por edhe do të ju japë energji për ta rritur qendrueshmërinë. Kombinoni bananen me puter nga kikirikat për të marrë një ushqim ideal të pasur me karbohidrate dhe proteina.

Sistem digjestiv i shëndoshë

Bananet janë mik i juaj edhe gjatë kapsllëkut dhe diaresë. Fibrat natyrale që gjenden në banane ndihmojnë në mirëmbajtjen e shëndetshme të sistemit tretës. / bota.al

  • Postime: 7049
  • Gjinia: Femer
erlehta
#9 ne: 30-04-2020, 17:45:45
Interesant por tre banane ne dite jane shume  :D
 

Perimet, kaliumi, bananet luftojnë hipertensionin dhe goditjet kardiake

Nisur nga M A XRubrika Jeta

Postimi i fundit 19-05-2011, 16:24:22
nga M A X
Bananet mbajnë urinë mënjanë

Nisur nga BerniRubrika Tryeza

Postimi i fundit 26-03-2011, 09:58:43
nga ßåßy ღ
Bananet mbrojnë stomakun

Nisur nga BerniRubrika Jeta

Postimi i fundit 16-08-2010, 16:40:29
nga Berni