×

"Jam homoseksual" nga Fatos Lubonja

Vizitor · 56 · 7377

"Jam homoseksual" nga Fatos Lubonja

Vizitor · 56 · 7377
ωιη∂σω ιη тнє ѕкιєѕ
ne: 20-03-2010, 00:16:53

Është e dyta herë që se në qytetin e  Lezhës një grup jo i vogël personash, kryesisht të rinj, por jo vetëm, - sipas disa mediave deri në 400 vetë,  -demostrojnë kundër një personi të vetëm, Klodit, i cili në emisionin Big Brother të Top Channel paska guxuar të deklarojë se është homoseksual. "Klodi ka njollosur qytetarinë lezhjane dhe kombin shqiptar", "Lezha nuk e meriton njollën e homoseksualitetit", "Klodi nuk është lezhjan", " Klodi nuk duhet të shkelë më në Lezhë dhe as në Shqipëri, por andej nga e ka marrë këtë eksperiencë, në Itali, sepse nuk duam që ky fenomen të ndikojë tek fëmijët tanë" - janë disa nga deklaratat që lëshojnë, si pa të keq, nëpër media. (Shekulli 12 mars 2010).

Kërkojnë pra që Klodi të zhduket jo vetëm nga skena e televizionit, por edhe nga qyteti i Lezhës dhe Shqipëria dhe s'do të rreshtin së protestuari derisa ta arrrijnë këtë.

Duken të sigurt, pa pikën e dyshimit se mund të jenë duke bërë ndonjë punë të keqe. Pamjet dhe fotot e tyre të kujtojnë ngazëllimin e fanatikëve në Mesjetë që galdonin duke parë të digjeshin në turrën e druve heretikët. Mund t'i përfytyrosh me lehtësi se do të shkonin me krenari të shtonin ndonjë dorë lëndë që flaka të bëhej edhe më tmerronjëse nën këmbët e një homoseksuali të djegur nën turrën e druve.

Në vështrimin e parë mund të të kapë inati dhe ndjenja e përçmimit ndaj tyre, duke parë se me çfarë paturpësie, arrogance dhe lehtësie nxitojnë t'ia bëjnë ferrr jetën një njeriu që s'u ka bërë asgjë përveçse ka guxuar të deklarojë prirjen e tij seksuale. Por problemi nuk janë ata. Problemi është se këtyre të rinjve dhe jo vetëm as nuk u shkon ndërmend se janë pamja e mjerimit të shoqërisë shqiptare të shekullit XXI. Problemi i vërtetë është bash ky mjerim dhe pavetëdija për të. Ata njerëz, me ragimin e tyre, tregojnë se sa e izoluar nga bota e qytetëruar ka mbetur Shqipëria, se çfarë niveli edukimi kanë të rinjtë tanë, e jo vetëm, por edhe se çfarë  pune është bërë nga të rriturit, për të futur në këtë shoqërinë tonë kulturën e respektimit të të drejtave të njeriut njëzet vjet pas daljes nga regjimi i dhunimit "par exellence" të këtyre të drejtave. Nuk e di nëse i ka instrumentalizuar kush këta protestues - jam i sigurt që dikush qëndron prapa tyre - por, ashtu siç e ka provuar tashmë historia e çdo diskriminimi, sjellja e tyre e dhunshme është gjithashtu shenjë se këta njerëz jetojnë në një shoqëri  me frustracione të thella. Zgjedhja e një viktime për ta dhunuar kësisoj  është shenjë e dhunës, brutalitetit dhe injorancës që ushtrohet mbi ta. Dikush ka ngritur me të drejtë pyetjen: pse këta bandillë nuk protestojnë për varfërinë që po i mbyt, pse nuk protestojnë për shkatërrimin ekologjik që po i bëhet rrethit të tyre e me rradhë. Po pikërisht pse nuk protestojnë dot për këto, ngase nuk dinë dhe nuk mundin, protestojnë kundër homoseksualit Klodi.

Shkaqet e kësaj homofobia janë deri diku të kuptueshme po të kemi parasysh se vijmë nga një regjim totalitar që i mbajti shqiptarët për gjysëm shekulli të izoluar nga çdo gjë që ishte e ndryshme nga modelet që predikonte ideologjia nacional - komuniste e Enver Hoxhës madje që erdhi duke u barbarizuar nga dekada në dekadë. Të gjithë e kujtojmë se si na është kallur në ndërgjegje homofobia në atë kohë edhe nëpërmjet kulturës e vetë gjuhës edhe nëpërmjet faktit se dënohej me burgim të rëndë. Dihet po ashtu se homofobia ka rrënjë edhe më të thella sesa komunizmi. Por jam i bindur se edhe para diktaturës edhe në kohën e diktaturës shqiptarët do të tregoheshin shumë më të kujdesëshëm në manifestimin e ndjenjave të tilla kaq linçuese ndaj një homoseksuali. Kjo që pamë në Lezhë është diçka që flet për një barbarizim dhe analfabetizim dramatik të shoqërisë. Të duket sikur në Lezhë të mos ketë më shkolla e mësues, as shoqëri civile as kisha e xhamia e priftërinj e hoxhallarë dhe as politikanë. Ose që këta janë në një nivel të mjeruar. Prandaj gjykoj se edhe nëse është e kuptueshme kjo sjellje, kur ke parasysh të kaluarën, ajo është skandaloze po të kesh parasysh se tash njëzet vjet aspirojmë të bëhemi pjesë e një bote ku sjellje të tilla ndaj një individi homoseksual as nuk imagjinohet se mund të kryhen edhe nga grupet më fashistoide.

Gjykoj se sjellja e këtyre të rinjve dhe parrullat e tyre publike ndaj Klodit dhe familjes së tij janë akte linçimi, ndaj të cilit duhet të reagojë jo vetëm moralisht shoqëria, por edhe ligjërisht shteti i së drejtës. Ato janë shkelje e parimeve bazë kushtetues, të të drejtave të njeriut.

Personalisht nuk kam ndonjë ndjeshmëri ndaj atij që quhet "imazh" apo  "përmirësim i imazhit të Shqipërisë" pasi jam kundër kulturës së aparencës që është aq e përhapur në shoqërinë tonë, ku njerëzit ndryshe shfaqen me të huajt e ndryshe me njëri tjetrin, por në këtë rast është mirë që elita shqiptare, ajo politike kryesisht, që flet aq shumë për hyrjen në Evropë, për rezultatet që ka arritur në procesin e integrimit, të reagojë ndaj demostrimesh të tilla që e dëmtojnë imazhin e Shqipërinë ndoshta edhe më shumë se sa dhuna e konflktaliteti politik apo mungesa e drejtësisë. Ajo që po ndodh në Lezhë tregon se nuk mjafton të bësh një ligj për heqjen e dënimit të hmoseksualitetit apo që lejon martesat e homoseksualëve për t'u bërë pjesë e familjes evropiane të shekullit XXI. Për këtë duhet investim në shkollim e edukim, për t'i nxjerrë njerëzit nga injoranca dhe mjerimi shpirtëror dhe kulturor ku janë zhytur. Në këtë kontekst organizatorët e protestave në Lezhë, që kujtojnë se po mbrojnë nderin e qytetit e të Shqiprisë duhet të ndërgjegjësohen se i kanë dhënë qytetit të tyre imazhin e një qyteti barbarësh e injorantësh ku nesër e mbrapa do t'i zërë frika të shkelin edhe shqiptarët e qytetëruar e jo më evropianët. "Lezhë , I will never visit again! A German tourist in Albania from Munich. Shame on you" (Lezhë nuk do të të vizitoj kurrë më. Një turist gjerman në Shqipëri. Turp të keni!) Ky ishte një nga shënimet që gjeta në internet si koment të lajmit mbi protestat në Lezhë.

Prandaj gjykoj se gjithkujt që kërkon të mbrojë ato vlera të cilat na u dhunuan aq egërsisht në diktuaturë, siç janë liria për të qenë vetja jonë, për të shprehur mendimin ndryshme duhet t'i dalë në mbrojtje Klodit. Gjithkush duhet të thotë me zë të lartë "jam homoseksual" për t'i bërë ballë kësaj vale barbare sa nuk është vonë. Dhe, kush mendon se kjo barabari kërcënon vetëm homoseksualët, me të cilët ai s'ka të bëjë, gabohet shumë. Ajo është një kërcënim për lirinë e kujtdo.


Korrieri
  • M'pelqe
    Kot fare
    Super

  • Postime: 720
  • Gjinia: Mashkull
h75
#1 ne: 20-03-2010, 06:28:56
argumente shume naive per nje njeri te kenduar si Lubonja, do thoshin te paret..   ta paraqesesh homoseksualizmin si vlere, si standard qe duhet plotsuar per t iu afruar evropes, e ti etiketosh si barbar ata qe kundershtojne kete eshte me shume se naivitet.  eshte mjerim i nje intelektuali qe nuk e ka guximin qe per qeshtje te caktuara te kete mendim te vetin.  kjo eshte kurveri, pispillosje per t'i pelqyer ndonje ambasadori te huaj.    homoseksualet nuk duhet diskriminuar ,por perse u dashka respektuar.  eshte e drejta e secilit te mos respektoj tjetrin, ne kete rast homoseksualin, a te thote , une urrej homoseksualin.  respekti ndaj dikujt nuk mund te sanksionohet me ligj , kjo do te ishte diktature... . njerezit sot dalin e flasin edhe kunder Skenderbeut e ti na thua te mos flasim kunder klodit..   ik o pirdhu
  • M'pelqe
    Kot fare
    Super

  • Postime: 1503
  • Gjinia: Femer
TATU
#2 ne: 20-03-2010, 10:45:08
argumente shume naive per nje njeri te kenduar si Lubonja, do thoshin te paret..   ta paraqesesh homoseksualizmin si vlere, si standard qe duhet plotsuar per t iu afruar evropes, e ti etiketosh si barbar ata qe kundershtojne kete eshte me shume se naivitet.  eshte mjerim i nje intelektuali qe nuk e ka guximin qe per qeshtje te caktuara te kete mendim te vetin.  kjo eshte kurveri, pispillosje per t'i pelqyer ndonje ambasadori te huaj.    homoseksualet nuk duhet diskriminuar ,por perse u dashka respektuar.  eshte e drejta e secilit te mos respektoj tjetrin, ne kete rast homoseksualin, a te thote , une urrej homoseksualin.  respekti ndaj dikujt nuk mund te sanksionohet me ligj , kjo do te ishte diktature... . njerezit sot dalin e flasin edhe kunder Skenderbeut e ti na thua te mos flasim kunder klodit..   ik o pirdhu


megjithate i nderuar antar. ty dhe gjithekujt tjeter nuk ju hiqet e drejta per te mos respektuar bindjet seksuale te klodit apo cilidoqofte tjeter,por askush nuk ju jep te drejten ju apo lezhjaneve te vendosin se ku duhet apo ku sduhet te jetoje klodi.eshte e drejta e gjithekujt te tregoje respektin atje ku ndjen por jo te vendose per jeten dhe bindjet e dikujt tjeter.....me fal sepse nuk ishte aspak personale kundrejt jush i nderuar antar,por thjesht si vazhdimesi e asaj cka ju kishit komentuar....flm
  • M'pelqe
    Kot fare
    Super
ωιη∂σω ιη тнє ѕкιєѕ
#3 ne: 20-03-2010, 13:54:59
argumente shume naive per nje njeri te kenduar si Lubonja, do thoshin te paret..   ta paraqesesh homoseksualizmin si vlere, si standard qe duhet plotsuar per t iu afruar evropes, e ti etiketosh si barbar ata qe kundershtojne kete eshte me shume se naivitet.  eshte mjerim i nje intelektuali qe nuk e ka guximin qe per qeshtje te caktuara te kete mendim te vetin.  kjo eshte kurveri, pispillosje per t'i pelqyer ndonje ambasadori te huaj.    homoseksualet nuk duhet diskriminuar ,por perse u dashka respektuar.  eshte e drejta e secilit te mos respektoj tjetrin, ne kete rast homoseksualin, a te thote , une urrej homoseksualin.  respekti ndaj dikujt nuk mund te sanksionohet me ligj , kjo do te ishte diktature... . njerezit sot dalin e flasin edhe kunder Skenderbeut e ti na thua te mos flasim kunder klodit..   ik o pirdhu

h75, ke te drejte kur thua qe gjithsecili ka te drejte te respektoje apo mos respektoje cilindo, por ne momentin qe kalohet ne deklarata te tipit "nxirreni nga bigu, do e djegim te gjalle" kam pershtypjen se eshte dicka me teper se thjeshte mos-respektim. Shprehjen e mesiperme me djegje e prerje s'e thane as me pak e as me shume, se dy 20 vjecare lezhjane qe na studjokan shkenca politike te UET, mbreme te Zone e lire e Arjan Canit.
Personalisht e konsideroj te frikshme menyren e te menduarit e 20 vjecareve qe presupozohet se jane e ardhmja, aq me teper qe po shkollohen ne nje institucion totalisht me ndikime perendimore. Kur i mungon mendja e hapur rinise, menyra e te menduarit te brezave me te vjeter kalon cdo perceptim e perfytyrim timin.

Une nuk mendoj se Shqiperise do i vije e keqja nga prapanica klodit...
Namuzi i shqiptarit e dashka qe te "perdhunohet" moralisht per 20 vjet, t'i neperkembet dinjiteti nga pseudo-politikanet dhe te mos toleroje se cben njeri apo tjetri ne dhomen e vet te gjumit!!! Turp!
  • M'pelqe
    Kot fare
    Super

  • Postime: 1010
  • Gjinia: Femer
endrrimtare
#4 ne: 20-03-2010, 14:26:41
Po me mire te kete 100 Kloda se sa nje tufe injorantesh qe dalin ne rruge e protestojne gjera te cilat as homosexuali si ka ne dore vete.Ai eshte i lindur si i tille...Mua s'me pelqejne ata burra lezhjane qe protestojne per nje Klod,(dhe qe s'i prish asnje pune atyre)dhe cuditerisht s'i ben pershtypje qe mbajne per dashnore kunata e komshije e ku ta di une, dhe sikur te mos mjaftoj vetem tradhetia por bejne edhe femije me kunatat apo njerez rreth tyre...Ja kto gjera te shofi lezha dhe jo Klodin...Mendimi im ky.
  • M'pelqe
    Kot fare
    Super

  • Postime: 293
  • Gjinia: Mashkull
M.SHKODRANI
#5 ne: 20-03-2010, 23:08:32
Sa tragjike nuk arrij ta kuptoj!!!
Ndoshta meshkuj injorant mund te kene qe kane humbur dinjitetin e tyre e nuk arrijne ta kuptojne se kush eshte gjinia e tyre ose puna e tyre. Por femrat çfare kane qe perkrahin njerez te tille apo edhe ato femra kane ndjenja mashkulli e i shikojne keto lloj njerezish si mundesi per te shuar ndjenjat e tyre. Sa bukur duhet te shnjerezohemi qe te hyjme ne Europe, sepse ndryshe nuk mund te hyjme. Lezhjanet thoni ju qe kane bere gabim, ata jo gabim por kane bere punen me te mire.
Nuk eshte per tu çuditur me mendimin e Lubonjes sepse nuk mund te thoje qe Homoseksualizmi eshte diçka e flliqur sepse sipas tij nuk mund te eci drejte europes e drejte integrimit. Se çfare integrimi eshte ky per to as kete nuk e kuptoj por nejse. 
  • M'pelqe
    Kot fare
    Super

  • Postime: 1010
  • Gjinia: Femer
endrrimtare
#6 ne: 20-03-2010, 23:15:50
Po me thuaj ti o njeri i mire diçka...Ju beheni dot pede? (ne gjuhen popullore)

Si mund te thoni qe ai e ka nga deshira e tij...pse mos ulemi e te kuptojme keta njerez te cilet kane lindur si te tille?!!

Per mendimin tim ato lezhjanet harxhojne kohen (mgjth do me thuash s'kane c'bejne gjithe diten) duke dale neper mitingje dhe me alarmantja eshte se ne mitingje dalin vetem meshkuj e cuna te vegjel...aman se kur e kujtoj me hypin nervat vella...tung
  • M'pelqe
    Kot fare
    Super

  • Postime: 2287
  • Gjinia: Mashkull
Kijameti
#7 ne: 21-03-2010, 00:55:43
Sa tragjike nuk arrij ta kuptoj!!!
Ndoshta meshkuj injorant mund te kene qe kane humbur dinjitetin e tyre e nuk arrijne ta kuptojne se kush eshte gjinia e tyre ose puna e tyre. Por femrat çfare kane qe perkrahin njerez te tille apo edhe ato femra kane ndjenja mashkulli e i shikojne keto lloj njerezish si mundesi per te shuar ndjenjat e tyre. Sa bukur duhet te shnjerezohemi qe te hyjme ne Europe, sepse ndryshe nuk mund te hyjme. Lezhjanet thoni ju qe kane bere gabim, ata jo gabim por kane bere punen me te mire.
Nuk eshte per tu çuditur me mendimin e Lubonjes sepse nuk mund te thoje qe Homoseksualizmi eshte diçka e flliqur sepse sipas tij nuk mund te eci drejte europes e drejte integrimit. Se çfare integrimi eshte ky per to as kete nuk e kuptoj por nejse.  

Njeriu i mencur dhe i matur e sidomos i shkolluar sikur ju! duhet dhene ndonje zgjidhje apo te jep nje mendim me urtesi ashtu si i ka hije nje besimtari e jo te hudhe benzin ne flake dhe te flakeroje ate vend plotesisht,,,mos u prezantoni si i pameshirshem ndaj klodit, kjo nuk eshte zgjidhje edhe aq e thjesht per ta gjykuar kaq shpejt sepse mund te ndodhe qe nje dite te deshperoheni nga padurimi i juaj...Njeriu i qmuar matet dhe vleresohet ne rastet me te veshtira...paqe
  • M'pelqe
    Kot fare
    Super

  • Postime: 12163
  • Gjinia: Femer
dreamm
#8 ne: 21-03-2010, 12:38:06
Po me thuaj ti o njeri i mire diçka...Ju beheni dot pede? (ne gjuhen popullore)

Si mund te thoni qe ai e ka nga deshira e tij...pse mos ulemi e te kuptojme keta njerez te cilet kane lindur si te tille?!!


Njejte mendoj.
  • M'pelqe
    Kot fare
    Super

  • Postime: 720
  • Gjinia: Mashkull
h75
#9 ne: 21-03-2010, 16:21:25
ok, u permend ketu edhe Lezha, protesten e se ciles une e shoh si shume te pavend, sepse lezhjanet nuk duhet te ofendohen pse njeri prej tyre u deklarua homoseksual.  Por nuk eshte ketu puna, ketu kemi veprime te orkestruara per te promovuar homoseksualizmin nder shqiptar. mbase edhe protestat ishin te organizuara ne qellim te kesaj, qe kjo kategori te paraqitej mese e viktimizuar, qe pastaj tu hapej dera disave qe ta mbronin kete kauz.  kjo eshte nje levizje qe po manipulon me shqiptaret, dhe une kunder kesaj jam e jo kunder klodit, per te cilin megjithese nuk kam kurrfar simpatie do t i vihesha ne mbrojtje nese dikush do t i bente keq, per kete qe eshte.  njerezit po manipulohen ne emer te modernitetit.  bile disa ne emer te kesaj po behen qeshahrak siq eshte puna e ketij lubonjes qe ka mendje te moderuar por jo te veten.
per fund, njeriu eshte pjese e natyres dhe duhet jetuar ne harmoni me natyren. te tillet si klodi nuk duhet diskriminuar por duhet ndihmuar qe ata ta rigjejne veten.     

ju pershendes,
  • M'pelqe
    Kot fare
    Super

  • Postime: 1397
  • Gjinia: Mashkull
CTS
#10 ne: 21-03-2010, 16:32:42
O popull, nuk ju vjen e keqja nga Klodi, por shikoni se e keqja ju vjen nga Berisha dhe homoseksuali Lul Basha.
  • M'pelqe
    Kot fare
    Super

  • Postime: 2642
  • Gjinia: Mashkull
Oqeani
#11 ne: 22-03-2010, 13:26:03
Nuk dua ti mrboje protestuesit e Lezhes e as vepruesit e tjere te llojit te tille se me te vertet jane pa vend, dhe ska nevoj te diskutohet, por me irrition fakti qe disa "mendjendritur" e marrin homoseksualizmin si "standard" per tu inkuadruar ne bashkimin eurpian apo edhe si kulture dhe vlere perendimire. Cili shtet krenohet per numrin e homoseksualeve qe ka ?  Cili shtet i civilizua ne bote e quan vlere ket,ashtu siq  pretendojne ta quajne nder shqipater.? Asnje, se nuk eshte vlere por eshte anomali e kesja shoqerie,(per te mos thene gamim i natyres se natyra nuk ben gabime por ka qellime) qe shumica bijen pre e sja.  Ne perkundtazi duhet te krenihemi me numrin e vogel qe kemi, (apo ndoshta m vetem shifet i tille),  kete duhet marre si vlere,e rastet e tilla si kjo e  fundit nuk duhen te mirren si promovim per homoseksualizem, por si nje vetdijesim per ta parandaluar ate.
  • M'pelqe
    Kot fare
    Super

  • Postime: 12325
  • Gjinia: Femer
Shej
#12 ne: 22-03-2010, 17:45:41
shkrim shume interesant i Lubonjes!
  • M'pelqe
    Kot fare
    Super
ωιη∂σω ιη тнє ѕкιєѕ
#13 ne: 22-03-2010, 17:55:27
...por me irrition fakti qe disa "mendjendritur" e marrin homoseksualizmin si "standard" per tu inkuadruar ne bashkimin eurpian apo edhe si kulture dhe vlere perendimire. Cili shtet krenohet per numrin e homoseksualeve qe ka ?  Cili shtet i civilizua ne bote e quan vlere ket,ashtu siq  pretendojne ta quajne nder shqipater.? Asnje, se nuk eshte vlere por eshte anomali e kesja shoqerie,(per te mos thene gamim i natyres se natyra nuk ben gabime por ka qellime) qe shumica bijen pre e sja.  Ne perkundtazi duhet te krenihemi me numrin e vogel qe kemi...

Oqean, vendet europjane nuk krenohen me nurmin e larte te homoseksualeve, por me faktin qe kane arritur te mposhtin racizmin dhe te bejne te mundur bashkejetesen e heterove me homot. Ky eshte standarti - respektimi i lirive te tjetrit! jo sa me shume homo aq me mire. Kur i krijon kushtet e jeteses normale dikujt, mer guximin te shfaqet hapur duke pranuar ai vetveten ne radhe te pare, pastaj duke u pranuar nga te tjeret = pra behet i dobishem dhe produktiv per shoqerine ku jeton. Une nuk di statistika per numrin e gay-ve ne Shqiperi, por jam e bindur se jane shume me shume se sa mund ta mendojme ne. Ne Shqiperi nuk thua dot hapur qe ke nje te dashur, jo me te jesh homo qe te varin per llape...
Respekt.
  • M'pelqe
    Kot fare
    Super

  • Postime: 2642
  • Gjinia: Mashkull
Oqeani
#14 ne: 22-03-2010, 23:18:41
Sky,  e kuptoj konceptin tuaj dhe keni plotesisht te drejte, nuk mohohet kjo. Une nuk jam kunder personave qe jane homoseksual, se ata tashme jane, ndoshta disa edhe nuk kane ndeshire te jene por  varesisht prej rethanave jane bere . Une jam kunder homoseksualizmit si fenomen (te zvogelohen rastet), te mos i ipet perkrahje, askush ne bote nuk e sheh kete shume normale,se nuk eshte normale,normale eshte dicka tjeter, ajo e cial te shumon dhe ta siguron vazhdimesin e jetes. Por nuk eshte puna vetem tek homoseksualizmi qe shihet si koncept perendimor, por ketu u kap tema, rinia shqiptare eshte e prirur ti kopjoj  vetem anet negative te shoqerive perendimore (ndoshta edhe pse eshte meleht), duke vene pircing, duke u droguar e bere krejt tatuazhe. Per hire te se vertetet une personalisht nuk i paragjykoj shume me qe eshte e drejte personale, por frustohem pse nuk tentojne ti vjelin pjeset e mira nga perendimi e qe me te vertet ka cka te vilet, por imitohen siperfaqesiht duke u bere nje kopje e mejre e tyre, e qe me te vertet qon ne nje degjenerim regersiv te shoqeris. Ne rinine  e kemi te paster, te zgjuar dhe eurpiane,nuk duhet lejuar te degradohet nga veset e keqiaj.
  • M'pelqe
    Kot fare
    Super
ωιη∂σω ιη тнє ѕкιєѕ
#15 ne: 24-03-2010, 20:36:35
Une jam kunder homoseksualizmit si fenomen (te zvogelohen rastet), te mos i ipet perkrahje, askush ne bote nuk e sheh kete shume normale,se nuk eshte normale,normale eshte dicka tjeter, ajo e cial te shumon dhe ta siguron vazhdimesin e jetes.

Oqean, jam dakort qe s'eshte aspak fenomen normal, e s'ka pse trajtohet si i tille, por nuk e percakton askush pervec Zotit se si luan me kombinimet kromozomike te dikujt kur e sjell ne jete. Ata qe behen homoseksuale nga qejfi, per mua duhet te trajtohen ne ndonje spital psikiatrik, sepse kush eshte ai qe do donte te jetonte nen presionin e paragjykimit e tortures shoqerore... Perkrahja duhet t'u jepet atyre qe me se fundmi kane arritur te pranojne vetveten me te mirat dhe te keqijat e tyre dhe i shperfaqen shoqerise pa maska e shtirje te tepruara.
  • M'pelqe
    Kot fare
    Super

  • Postime: 720
  • Gjinia: Mashkull
h75
#16 ne: 24-03-2010, 20:52:10
ti mendon se homosksualet lindin? ku e ke degjuar kete dhe a ka kjo baze shkencore.
pastaj nese kjo eshte e lindur, raste te tilla duhet te kete edhe tek kafshet.  a di dikush a ekzistojne kafshet homoseksuale , gjegjesisht a ka vrojtuar shkenca kafshe qe jane te prirura drejt homoseksualitetit?
  • M'pelqe
    Kot fare
    Super
ωιη∂σω ιη тнє ѕкιєѕ
#17 ne: 24-03-2010, 21:00:13
ti mendon se homosksualet lindin? ku e ke degjuar kete dhe a ka kjo baze shkencore.
Kete e kam degjuar nga ata qe jane vete dhe qe pranojne se do ishte me mire te mos kishin lindur kurre se te jetojne ferrin qe jetojne. Ne kete pike s'me nevojitet asnje prove shkencore (gjurmet), perderisa kam ujkun.

Citoje
pastaj nese kjo eshte e lindur, raste te tilla duhet te kete edhe tek kafshet.  a di dikush a ekzistojne kafshet homoseksuale , gjegjesisht a ka vrojtuar shkenca kafshe qe jane te prirura drejt homoseksualitetit?
Cituar nga informacioni i videos se meposhtme: "Homoseksualiteti nuk eshte i kufizuar vetem tek njerezit. Eshte nje sjellje natyrore e dokumentuar te me shume se 400 specie."

Homosexuality in Animals
  • M'pelqe
    Kot fare
    Super

  • Postime: 2287
  • Gjinia: Mashkull
Kijameti
#18 ne: 24-03-2010, 22:41:49
Po qe se i le kafshet pa qifte per nje kohe te shkurter qe te gjithe do behen homoseksual...ne kete ska dyshim... nje mik i imi mbante pellumba dhe ai i ndante qiftet ne kafaz kur vinin muajt sezonale...kur per nje kohe fillonin te qiftezohen nga gjinia e njejte...por kjo nuk eshte pse lindin por pse nuk i kan qiftet e tyre ndersa epshi i tyre kerkon ashtu sikur tek ne...
Ndersa sa i perket lindjes as njerezit e as kafshet nuk lindin ne ate gjendje por behen me vone...p.s tek njerezit kjo veti pas nje kohe shendrohet ne nje lloje semundjeje pra behet varshmeri...kjo mund te sherohet nese kerkon ndihme tek mjeku...
  • M'pelqe
    Kot fare
    Super

  • Postime: 1215
* AηesSa *
#19 ne: 25-03-2010, 08:33:38
une nuk mendoj se eshte semundje...por nje homoseksual mund te lindi ose behet i till...
  • M'pelqe
    Kot fare
    Super

  • Postime: 27121
  • Gjinia: Mashkull
Berni
#20 ne: 01-04-2010, 20:32:01
Homoseksualët në media

Javët e fundit, krahas ngjarjeve të tjera të rëndësishme, ka pasur edhe zhvillime, të cilat duken se janë tërheqëse, të mediatizuara, por edhe disi jashtë shqetësimeve të përditshme dhe halleve të vogla dhe të mëdha të shqiptarit të sotëm.
Javët e fundit, krahas ngjarjeve të tjera të rëndësishme, ka pasur edhe zhvillime, të cilat duken se janë tërheqëse, të mediatizuara, por edhe disi jashtë shqetësimeve të përditshme dhe halleve të vogla dhe të mëdha të shqiptarit të sotëm. Është fjala për atë se si në emisionin “Big Brother”, njëri prej pjesëmarrësve deklaroi homoseksualitetin e tij dhe kjo gjë u pasua nga disa reagime nga Lezha, vendi i tij i origjinës, ku të rinj të ndryshëm e ‘ekskomunikuan’, pra e përjashtuan atë simbolikisht nga qyteti i tyre. E konsideruan si një turp që rëndonte edhe mbi ta dhe qytetin e tyre. Nuk jam në gjendje të them se si u organizuan manifestimet e protestës kundër atij të gjorit që në një emision televiziv deklaroi homoseksualitetin e tij. Ndofta vërtet disa të rinj u prekën në sedër, ndofta vërtet një pjesë prej tyre gjykuan se të pasurit në forma mediatike të një apo disa homoseksualëve në qytetin e tyre, mund të ndikonte rrjedhat normale të jetës së tyre apo të të afërmve të tyre. Në kushtet e sotme nuk ka gjë më të lehtë sesa të organizosh manifestime, sepse gjithandej ka edhe njerëz që nuk është se janë të zënë me ndonjë punë tjetër. Mbi të gjitha, përbën një ngjarje në qytet. Është e qartë se mbi të gjitha kemi dukurinë e tautologjisë që krijon media dhe më së pari vetë televizioni. Nuk jam duke thënë aspak se kanali televiziv cilësor që transmeton emisionin “Big Brother” ishte i interesuar që këto manifestime të bëheshin ne Lezhë, ndonëse vetë reality show e ka në natyrën e vet që jo vetëm të rikrijojë në studio jetën e përditshme të njerëzve, kinse pa regji, por edhe përse jo, të prodhojë ngjarje reale. Fundja, në teoritë bashkëkohore të komunikimit a nuk thuhet se mediat janë shumë më tepër sesa pasqyra të jetës shoqërore, por e krijojnë këtë jetë? Kështu thuhet sigurisht. Por, përse tautologji mediatike? Arsyeja është e thjeshtë. Media shpeshherë pasqyron ngjarje që vetë ajo si media ka ndikuar qoftë edhe pa dashje që ato të ndodhin. Kështu ndodh edhe me një manifestim çfarëdo. Në darkë ideologët ftojnë njerëzit për manifestim. Njerëzit që dëshirojnë, i ndjekin këta ideologë dhe paraqiten të nesërmen në manifestim. I besojnë atyre që janë thënë në media. Pastaj media pasqyron manifestimin në fjalë dhe flet për përmasat e tij. Në fakt, nuk mat kështu prirjen manifestuese të qytetarëve, por ndikimin e vet si media mbi këta qytetarë. Edhe kur media përcakton njeriun e vitit po kështu. Nuk mat në fakt vlerat e këtij individi, por vetëm shkallën e mediatizimit të tij nga ana e vetë këtyre mediave përballë publikut. Kështu edhe në këtë rast, homoseksualiteti i shfaqur i pjesëmarrësit në emisionin “Big Brother”, mediatizimi i tij solli si pasojë manifestimet e Lezhës, pasqyrimi i këtyre të fundit nga media hapi debate në studiot televizive, këto debate u rimorën pastaj nga manifestuesit dhe rrota e medias nisi të bluante ashtu sikurse e ka zakonin mekanizmin e vet tautologjik. Nuk i shpëton asnjë medie kësaj, as te ne dhe as në vende të tjera. Është vështirë të raportosh në media një lajm bruto për një ngjarje që në thelbin e saj nuk është ndikuar paraprakisht nga vetë media. Tautologjia është atëherë kur pyesim për shembull: Çfarë është një homoseksual? Dhe përgjigjemi me të njëjtën gjë: Një homoseksual është një homoseksual. Pra, kur japim si përgjigje vetë pyetjen e bërë. Tautologjia është një lloj mbarsje me vetveten. Një lloj androginizimi i riprodhimit të vetvetes. Por, këtu e kemi fjalën për homoseksualitetin dhe jo prirjen androgine të riprodhimit seksual të vetvetes. Përtej këtij efekti mediatik, të stisur apo të vërtetë (nuk ka fare rëndësi), hapja e temës mbi homoseksualitetin ndezi përkohësisht debatin mediatik te ne. Kjo ndodhi sipas meje edhe në hapësirat familjare ku shumë debate u bënë mes prindërve dhe fëmijëve apo mes brezave të ndryshëm. Gjithçka nisi sigurisht me aprovimin e ligjit që u jepte homoseksualëve të drejtën e legalizimit në specifikën e sjelljes së tyre seksuale. Kështu është me ligjet dhe pasojat e tyre si edhe me marrëdhëniet midis normës juridike dhe normës morale. Shpesh norma juridike ngre në statusin e së drejtës një normë morale, por mund të ndodhë që edhe për rrethana të caktuara një ligj i ri mund të bjerë në kundërshtim me modele morale të gjithë shoqërisë ose të grupeve të ndryshme njerëzish. Kur reforma në fushën e normave të së drejtës detyrohet të jetë shumë e përshpejtuar, fillimisht krijohen kundërshti mes asaj dhe moralit lokal, e cila shoqërohet pastaj edhe me reagime si këto që pamë në manifestime dhe në media të ndryshme. Plotësimi i standardeve evropiane në fushën e së drejtës, në kushtet kur Shqipëria kërkon të përforcojë kandidaturën e saj drejt proceseve integruese, detyrimisht do të shoqërohet rast pas rasti edhe nga moskuptime dhe rezistenca të natyrave morale, sidomos atje ku modeli moral tradicional bie disi në një lloj mospërputhjeje me normën juridike që sapo ka hyrë në fuqi. Sigurisht që Evropa nuk dëshiron që të gjithë shqiptarët të bëhen homoseksualë. Larg këtij keqkuptimi që krijohet edhe si pasojë e faktit se në këtë moment pati avancime në njohjen e të drejtave të tyre për t’u manifestuar si të tillë. Familja monogame, me partnerë heteroseksualë është një vlerë e shenjtë dhe e rrënjosur mirë e fort në Evropën me tradita fetare jo pak konservatore. Fakti që na duhet t’i njohim të drejtat e qytetarisë të homoseksualëve nuk do të thotë aspak se Evropa privilegjon këtë model sjelljeje seksuale. Është fjala që homoseksualët si qytetarë të lirë të kenë të drejtën e tyre për t’u shfaqur lirisht në identitetin e tyre. Por, po aq të drejtë kanë edhe të tjerët për të shpallur bindjen e tyre në kundërshtim me këtë model. Dhe për së treti, homoseksualët kanë të drejtën, por aspak detyrimin për t’u vetëshpallur hapur si të tillë. Është një e drejtë dhe jo një detyrë apo detyrim. Homoseksuali i “Big Brotherit” është, sipas meje, i ekzaltuar nga liria që i është dhënë si edhe nga loja aktoriale që i kanë dhënë rastin të luajë në mediat kryesore të vendit. Dhe mirë bën. Në ka një gjë interesante, sipas meje, në emisionet e reality show-t është pikërisht fakti se ato krijojnë mundësi që individë pa asnjë njohjeje publike, anonimë, të dinë të tregojnë se çfarë dinë të bëjnë para një publiku të gjerë. Është një kapërcim virtual i të gjitha atyre pengesave që pengojnë promocionin e lirë social të gjithkujt, pra që pengojnë shanset e barabarta në jetë që formalisht mbetet gjithsesi një nga vlerat themeltare të shoqërive që duan të quhen demokratike. Ekzaltim nga liria e menjëhershme. Krejt i përkohshëm po të shohim shoqëritë e tjera, më të regjura sesa ne në këto zanate, ku homoseksualët e zakonshëm nuk kërkojnë mediatizimin, por mosmediatizimin, kërkojnë si kulmim të të drejtave të tyre të drejtën për të mos u përdorur në media, për të mos ua vënë në dukje dallimin që ata kanë nga modeli mbizotërues i marrëdhënieve seksuale. Me një fjalë, nuk kërkojnë aspak vështrimin e të tjerëve, por përkundrazi, dëshirojnë të kalojnë në rrugë pa u venë re. Kjo, sa për të hequr ndonjë frikë homoseksualëve, të cilët mund të mendojnë gabimisht se tani të gjithë duhet të dalin nëpër televizione për të shpallur identitetin e tyre seksual. E kuptoj rëndësinë e një fushate në mbrojtje jo të modelit homo të sjelljes seksuale të këtyre individëve, por të lirisë së tyre për ta ruajtur shijen e tyre seksuale. Mbrohet e drejta edhe për ta “keqpërdorur” trupin dhe shpirtin e vet. Por, megjithatë një fushatë në Internet ku individë që nuk janë homoseksualë deklarohen si të tillë, për provokim, në mbrojtje të lirisë së homoseksualëve si të tillë, nuk më duket fort e gjetur. E them edhe një herë, sepse gjykoj që liria e homoseksualëve është për të mos u shpallur sesa për t’u shpallur, është ajo që quhet “e drejta e indiferencës” të të tjerëve kundrejt tyre. As e persekutimit dhe as e vetëshpalljes, por e kalimit të identitetit të tyre si diçka që nuk meriton më shumë vëmendje sesa në rastin e heteroseksualitetit . Është një liri që e merr kuptimin e vet më të plotë atëherë kur nuk ka nevojë të përdoret. Por, nga ana tjetër, legalizimi i një dukurie, cilado qoftë ajo, nuk sjell një shpeshtësi në hasjen e saj. Kot kanë frikë edhe “burrat e vërtetë”. Ilegalizmi sjell tërheqje më të madhe sidomos në një botë të hapur globale sikurse po bëhet kjo e jona. Legalizimi i një dukurie sjell si pasojë ndofta një fryrje artificiale në statistika sepse dukuria bëhet e dukshme, më e dukshme, por kjo nuk do të thotë se ajo realisht bëhet më e dendur. Është një statistikë artificiale që vjen nga mediatizimi. Jo më kot është qesharake kur sheh shifrat e dhunës ndaj grave dhe nga vendet më të spikatura këtu shfaqet edhe ndonjë vend nordik ku gratë janë më të respektuara se kudo tjetër në Evropë. Kjo statistikë vjen si pasojë e asaj që në vendet nordike dhunë quhet edhe cënimi më i tërthortë dhe i lehtë ndaj gruas, sjellje që në vende të tjera duken sikur janë përkëdheli ndaj grave. Më kujtohet një rast interesant që sjell në vëmendje te “Letrat persiane” Monteskje. Në Paris, shkruante ai në kohën e tij, disa shekuj më parë, rrahja e gruas nga burri i saj quhet turp, kurse këtu në Rusi, shkruante ai që andej, gruan që nuk e rreh pak burri, mikeshat e veta e trajtojnë me keqardhje, sepse e konsiderojnë se ajo nuk paraqet asnjë interes më për burrin e saj. E quanin, po t’i besojmë Monteskjesë së madh, si mungesë dashurie. Të paktën në atë kohë, se kohët tani ka ndryshuar, dhe fatmirësisht.

Artan Fuga
  • M'pelqe
    Kot fare
    Super

  • Postime: 12325
  • Gjinia: Femer
Shej
#21 ne: 02-04-2010, 13:37:20
E morret vesh lajmin e fundit .... familja e Klodit shperngulet nga Lezha vetem prej kercenimeve dhe talljeve qe u eshte bere .....

kur do marri fund injoranca o njerez pfffffffffff
  • M'pelqe
    Kot fare
    Super

  • Postime: 2642
  • Gjinia: Mashkull
Oqeani
#22 ne: 02-04-2010, 14:58:12
E morret vesh lajmin e fundit .... familja e Klodit shperngulet nga Lezha vetem prej kercenimeve dhe talljeve qe u eshte bere .....

kur do marri fund injoranca o njerez pfffffffffff

Kjo nuk duhet te kishte ndodhur.

Gjithsesi i drejt mu duk ai shkrimi siper.

  • M'pelqe
    Kot fare
    Super

  • Postime: 4
Filatelia
#23 ne: 02-04-2010, 23:02:21
sa per homoseksual JAM ANTIHOMO per ate smund te them asgje per kete zotri kshuqe leje per tu ber homo esht then po une nuk e komentoj kete
  • M'pelqe
    Kot fare
    Super

  • Postime: 287
CentauR.
#24 ne: 13-06-2010, 20:04:52
Citoje
"Jam homoseksual" nga Fatos Lubonja


e dija para se ta deklaronte  :P
  • M'pelqe
    Kot fare
    Super