×

Euthanasia - Cilat jane mendimet tuaja ne lidhje me kete fenomen?

Euthanasia - Cilat jane mendimet tuaja ne lidhje me kete fenomen?

· 25 · 3581

  • Postime: 2213
  • Gjinia: Femer
Vogelushja Korcare
ne: 06-07-2007, 23:45:52
Euthanasia eshte nje fenomen i cili eshte diskutuar shume ne shoqerine e sotme,dhe sidomos ne ate perendimore. Euthanasia eshte  vrasja paqesore e dikujt qe eshte teper i semure, duke e vene nen efektin e ilaceve vdekjeprurese apo ne menyra te tjera.Disa mendojne se euthanasia eshte nje krim njesoj si vrasja,disa te tjere mendojne se euthanasia eshte e nevojshme per ata njerez qe jane ne dhimbje te padurueshme dhe nuk kane sherim. Ky term vjen nga greqishtja e vjeter qe do te thote Easy Death (vdekje e lehte). Cdo njeri meriton te drejten te kontrolloje jeten e tij. Ka dy lloje euthanasiash 1 eshte vullnetare (kur personin i semure kerkon vdekjen e tij) dhe jo vullentare (kur personi i semure nuk kerkon vdekjen e tij,ndoshta sepse nuk mund te flase apo te kuptoje per shkak te semundjes qe ka)

Ju personalisht mendoni se euthanasia eshte dicka e drejte,mendoni se nje nene femija e se siles vuan nga nje semundje e pasherueshme me dhimbje te thella,ka te drejten ti jape fund jetes te atij femije ne nje menyre paqesore,me qellim mbarimin e vuajtjes dhe dhimbjeve,apo mendoni se ajo nene duhet ta shohe femijen e saj duke vuajtur nen kthetrat e dhimbjes cdo dite dhe ta lejoje te vuaje derisa vdekja te vije vete?

Mendoni se euthanasia duhet trajtuar si nje krim me vete,apo duhet legalizuar,duke qene se sot ne bote vuajne shume njerez nga semundje te padurueshme.

Pres mendimet tuaja. :)

« Editimi i fundit: 22-11-2009, 00:33:11 nga M A X »

  • Postime: 3080
  • Gjinia: Femer
Aida
#1 ne: 02-10-2007, 14:15:08
Këtë teme e pash qe një ditë por nuk kisha kohe te pergjegjem. Si punim për një seminar mua me ra tema e Euthanasise. E plasa koken 2 jave me këtë pyetje, ne rradhë të parë duke zëvendësuar vehten ne pozite të atyre qe vuajne, apo duke imagjinuar një anëtar te familjes ne pozite te tillë dhe mua te me mbetet te marr vendim për jetën e tij/saj etj etj. Është teme shumë delikate e cila duhet metevertete me kujdes te trajtohet.

Ke dhënë ca sqarime po vazhdoj edhe unë me ca tjera.
Euthanasia ndahet ne atë Aktive dhe Pasive.
Euthanasia Aktive d.t.th qe ne mënyrë aktive të ndihmosh ne vdekjen e dikujt. Me këtë mënyrë nuk lejon qe jeta e pacientit te perfundoje ne mënyrë natyrale po përkundrazi, me ndërhyrjen tënde (p.sh. me medikamenta vdekjeprurese) je vrasës i personit.
Euthaniasia Pasive- kur e lesh pacientin te vdese, nuk nderhysh ne jetën e tij, por e perkrahish ne periudhën e fundit te jetës, ia lehtesosh castet e fundit, perkujdesesh mos ndjeje dhimbje (me anë te terapive adekuate)etj. Kjo e dyta me ligj është e lejuar dhe këtë tretman e ofrojnë Hospizet e ndryshme.
Tek kjo e dyta, mjeket nuk nderhyne duke dhënë ndihmën e pare (P.sh. dhënia e o2, intubimi dhe ngjitja e aparateve qe mbajnë pacientin ne jetë etj) e as i ofrojnë medikamenta qe mund te ja zgjasin jetën pacientit. E vetmja terapi qe ofrohet është ajo kundër dhimbjeve qe atë pak kohe qe i mbetet personi mos vuaje shumë. Kjo njihet edhe si "Palliative Care".

Eutanazia siç thash me lartë është një çështje shumë delikate e cila duhet te trajtohet me kujdes të madh.
Legalizimi i saj mendoj se nuk duhet te bëhet.
Këtë e them për shkak te abuzimeve qe mund te ndodhin.
Kujtoni kohën e luftës se dytë botërore kur Nacional Socialistat ne krye me Hitlerin kanë likuiduar me mijëra te sëmurë, madje edhe fëmijë, me pretekstin se "mbajnë racen e pastër nga sëmundjet dhe anomalite fizike dhe psiqike"
Për këtë ka shumë të shkruhet, ekzistojne materiale dhe statistika qe te ngjallin tmerr ne shpirt. Simbas disave, ne disa klinika janë lënë këta te sëmurë te vdesin nga uria, ndërsa tek të tjerat janë perdor si objekt experimentimesh para se te helmoheshin apo likuidoheshin ne ndonjë mënyrë tjetër te tmerrshme. Dhe gjith këtë tmerr Nacional Socialistat e paketuan se e bëjnë për "ti cliruar te semuret nga vuajtjet" dhe "për ta mbajte racen e pastër", sepse sipas tyre këta njerëz ishin njerëz pavlere, "barre e shoqerise" dhe "ngrenes te pavlere te ushqimit". Këtë "dhurate" për shoqërinë e athershme e quajtën "Eutanasie"

Poashtu imagjinoni rastet kur një pacient nuk është ne gjendje te komunikoje ne mënyrë verbale nevojat dhe dëshirat e tij, e vendimin për jetën e tij ta merr dikush tjetër. Nëse ai/ajo ka akoma dëshirë te jetoje e këtë nuk mund ta thotë?

Ose rastet kur gjatë një semundje te rëndë pacienti bie ne depresione te renda dhe nuk ka dëshirë te jetoje me. Po nëse vjen një periudhe tjetër ne jetën e tij e cila i sjell lumturi dhe kenaqesi? Ose papritmas sherohet? Cudira ndodhin ne jetë!

Dhe rastet kur anetaret e familjes për interesa personale (çështje trashigimie) kërkojnë aplikimin e eutanazise.

Jam kundër legalizimit, Zoti na fal jetën po le të mbetet ne dorë te tij kur do të vdesim.
Ska pse njeriu ti perzije duart aty ku nuk duhet.
Eutanazia Pasive është diçka qe e kisha preferuar për vehten time, mos më malltretojne me aparate dhe gjëra qe te me mbajnë me dhunë ne jetë, po le të me lënë te vdes ngadal ashtu siç është rrjedha e natyres.

Mjeksia bashkekohore ofron terapia të ndryshme për zvoglimin e dhimbjeve dhe për te ja lehtesuar cdokujt fazen e fundit te jetës.

  • Postime: 1209
  • Gjinia: Mashkull
chekevara
#2 ne: 02-10-2007, 14:58:31
ne kete rast jam plotesisht dakord me mendimin tend Aida...
nuk do ti ndryshoja asnje presje atij....

fatkeqesisht ka vende si psh, hollanda qe e kane legalizuar nje gje te tille, edhe pse ligji ne fjale "mbrohet" me pretekstin e aplikimit pasiv, nuk mungojne rastet ku aplikohet ai, aktiv.......

  • Postime: 9
Rezart Palluqi
#3 ne: 05-04-2008, 13:14:32
Euthanasia është një fenomen i cili është diskutuar shumë ne shoqërinë e sotme,dhe sidomos ne atë perendimore. Euthanasia është  vrasja paqesore e dikujt qe është tepër i sëmurë, duke e vënë nën efektin e ilaceve vdekjeprurese apo ne mënyra te tjera.Disa mendojnë se euthanasia është një krim njësoj si vrasja,disa te tjerë mendojnë se euthanasia është e nevojshme për ata njerëz qe janë ne dhimbje te padurueshme dhe nuk kanë sherim. Ky term vjen nga greqishtja e vjetër qe do të thotë Easy Death (vdekje e lehtë). Çdo njeri meriton te drejtën te kontrolloje jetën e tij. Ka dy lloje euthanasiash 1 është vullnetare (kur personin i sëmurë kërkon vdekjen e tij) dhe jo
vullentare (kur personi i sëmurë nuk kërkon vdekjen e tij,ndoshta sepse nuk mund të flasë apo te kuptoje për shkak te semundjes qe ka)

Ju personalisht mendoni se euthanasia është diçka e drejtë,mendoni se një nene femija e se siles vuan nga një semundje e pasherueshme me dhimbje te thella,ka te drejtën ti jape fund jetës të atij fëmijë ne një mënyrë paqesore,me qëllim mbarimin e vuajtjes dhe dhimbjeve,apo mendoni se ajo nene duhet ta shohe femijen e saj duke vuajtur nën kthetrat e dhimbjes çdo ditë dhe ta lejoje te vuaje derisa vdekja të vijë vete?

Mendoni se euthanasia duhet trajtuar si një krim me vete,apo duhet legalizuar,duke qenë se sot ne botë vuajne shumë njerëz nga semundje te padurueshme.

Pres mendimet tuaja. :)



Euthanasia nuk eshte krim nese njeriu vuan shpirterisht e truperisht per nje kohe te gjate.
Do ta gjykoja si nje krim nese do ta shihja nen kendveshtrimin fetar. Sepse sipas fese, vetem zoti mund te marre jete njerezish. I bukur nocioni, vetem se zoti duhet ose ta sheroje njeriun ose t'ia marre jeten sa me shpejt nese semundja eshte e pasherueshme.

 

  • Postime: 162
  • Gjinia: Femer
hurma
#4 ne: 23-04-2008, 11:31:45
Nuk e di ne e ndoqet kohet e fundit per nje grua ne France qe kishte nje semundje shume te rende, kancer (ne fytyre me duket), e cila e kishte shperfytyruar komplet dhe ajo vete e familjaret vuanin shume. Ajo nuk donte te jetonte me dhe kerkoi qe mjeket t'ia lehtesonin vdekjen. Mjeket nuk pranuan, pasi ne France nuk eshte ligjeruar eutanazia. Atehere ajo kerkoi nga shteti nje perjashtim per rastin e saj, mirepo perseri u morr vendimi "JO". Atehere ajo i dha fund jetes vetem.

Kjo eshte nje teme shume delikate dhe e veshtire te marresh nje vendim e te jesh pro apo kunder. Varet nga rasti do te thoja une. Kam qene gjithmone kunder, por kohet e fundit nuk di c'mendim te kem.

Eshtë më mirë t'i lehtësohen kushtet e vdekjes një të pashpresi, që ai të ikë shpejt, apo të mbahet edhe ca kohë në jetë, duke paguar faturën e shkatërrimit të jetëve të të gjallëve që duan të jetojnë? Pra, është më mirë të mbahet në jetë një i vdekur apo të vdesin disa të gjallë?

  • Postime: 691
Anesti
#5 ne: 24-04-2008, 22:52:45
Para disa muajve RAI 1 tregonper tragjedine ne nje familje Italiane.Djali i vetem i nje cifti per shkak te nje aksidenti kishte 15 vjet ne koma.I ati ishte mjek.Diten qe doli ne pension ai sebashku ma gruan i dhane  fund jetes sebashku me djalin psi nuk mund ta duronin me ate gjendje.Euthanasia ne Itali nuk lejohet por mendoj se raste qe mund te sjallin tragjedi te yilla duhet te kene nje zgjidhje te kujdeseshme.

  • Postime: 195
  • Gjinia: Mashkull
miri14
#6 ne: 25-04-2008, 14:21:32
Kur vijme ne jete e vendosin te tjeret,te pakten per te ikur ta vendosim vete.E rendesishme eshte te vlersohet jeta,te mos ngaterrohet me vdekjen ose gjysemvdekjen.Ne se nuk jeton jeten por dergjesh per ti shpetuar vdekjes eshte me mire per te gjithe ti dorzohesh vdekjes.Eshte nje fund i pashmangeshem per te gjithe.
eri25
#7 ne: 09-05-2008, 19:42:45
Eutanazi esht krim cdo njeri te mendoj si per veten e tij e jo si per me te miren e tij njesoj sikur jam ne gjum dhe ne endrra ju them njerzve mos me zgjoni ne te tilla kushte ne gjendje kome do tu ulerisja mos me vrisni. asnje prind nuk mund tja lehtesoj dhimbjen femijes por te pakten qendron me te pak me gjate.  nuk mund te zgjedhim fytyrat shtepit e asgje tjeter per femijet tan por duhet ti duam pa kushte edhe kur jan ne dhimbje te padururshme.te duam njeri tjetrin pa vendosur per kushtet tona esht nje menyr me pak egoiste dashurie. resp eri

  • Postime: 5459
  • Gjinia: Mashkull
ibraim
#8 ne: 13-05-2008, 10:32:48
nuk me duket si zgjidhje e mire dhe e duhur... por c'te besh, mendja e njeriut pjell gjithcka,, e pse jo edhe eutanazine.

  • Postime: 12325
  • Gjinia: Femer
Shej
#9 ne: 12-09-2009, 22:25:07
Mendoj qe duhet te perdoret vetem ne rastin kur vete i semuri e kerkon nje gje te tille, jo ne raste te tjera.

  • Postime: 1530
  • Gjinia: Mashkull
i huaj
#10 ne: 21-09-2009, 10:46:37
Jam kundër legalizimit, Zoti na fal jetën po le të mbetet ne dorë te tij kur do të vdesim.
Ska pse njeriu ti perzije duart aty ku nuk duhet.
Eutanazia Pasive është diçka qe e kisha preferuar për vehten time, mos më malltretojne me aparate dhe gjëra qe te me mbajnë me dhunë ne jetë, po le të me lënë te vdes ngadal ashtu siç është rrjedha e natyres.

Pajtoj plotesishte me kete qe thot Aida !

  • Postime: 275
  • Gjinia: Mashkull
alfeko sukaraku
#11 ne: 21-09-2009, 20:45:45
Ti moj korcarke!

Nuk ka kaluar akoma mesonjtorja nga fshati yte moj?

Ceshte kjo "efthanasia"?

Po ne kemi fjalet e bukura te shqipes"vrasje e vetdijshme".

  • Postime: 720
  • Gjinia: Mashkull
h75
#12 ne: 19-11-2009, 19:46:35
Duhet te lejohet dhe te rregullohet me ligj, nga kerkesa e deri tek shqyrtimi gjygjsor  dhe marrja e vendimit  nga gjykata.
Vendimet per qeshtje te tilla nuk merren ad hoc dhe pa shqyrtim gjygjsor dhe ate vetem per raste te vecanta e te parashikuara me ligj
mendoj qe ligji per eutanazine do te ishte i dobishem per disa njerez, gjithashtu i kontrollueshem nga shteti i cili ne raste te caktuara edhe mund te refuzoj kerkesen.
« Editimi i fundit: 22-11-2009, 00:35:09 nga M A X »

  • Postime: 22599
  • Gjinia: Mashkull
M A X
#13 ne: 12-02-2012, 21:26:18
Do të hapet në mars, në Holandë, klinika e parë mjekësore e specializuar në “artin” e eutanazisë.

Lajmin e ka bërë të ditur filali holandez i shoqatës Right to Die, E Drejta për të Vdekur, sipas të cilit klinika do të ofrojë edhe shërbime shtëpiake.

Gjashtë grupe të lëvizshme, secili me nga një mjek dhe një infermier, do të shkojnë në shtëpinë e kujt dëshiron t’i japë fund ditëve të tij.

Por, shton burimi, personat që do të kërkojnë këtë shërbim duhet të plotësojnë kriteret e caktuara nga ligji holandez për asistencën. /top channel

  • Postime: 22599
  • Gjinia: Mashkull
M A X
#14 ne: 05-06-2019, 21:30:42
Dje lexoja qe ne Hollande i ishte lejuar nje 17 vjecareje te bente vetevrajse te kontrolluar (eutanazi). Kjo vajza ishte abuzuar seksualisht ne moshen 11 vjecare dhe qe prej koha kishte mbetur me pasoja te renda psiqike. Tani nuk e di te them se keshtu nga larg eshte e lehte te gjykosh, por me duket gjithesesi shume e tepruar dicka e tille, tek dikush qe eshte praktikisht ende femi. Kjo vajza paska botuar dhe nje liber, besoj mbi ate cfare i ka ndodhur. Edhe ne Instagram paska qene shume aktive e vetem pak dite para vdekjes kishte bere nje postim te fundit lamtumire. https://www.euronews.com/2019/06/04/girl-17-dies-after-struggles-with-sexual-assault-and-depression

  • Postime: 1577
  • Gjinia: Femer
Parloté
#15 ne: 06-06-2019, 07:19:09
Gjatë 10 viteve të punës në institucione shëndetësore kam hasur në raste që as mund të paramendohen. Megjithatë jetën e askuj nuk do e përfundoja. Si është shkruar edhe nga të tjerët, nuk egziston një ligj ultimativ që do ishte I përshtatur për secilin individ pa u shkelur me qindra paragrafe etike.

  • Postime: 22599
  • Gjinia: Mashkull
M A X
#16 ne: 06-06-2019, 14:29:22
Po lexoja tani qe ne fakt kesaj vajzes nuk i qenka pranuar eutanazia. Vdekja i ka ardhur sepse nuk ka pranuar me te haje e te pije dhe prinderit paskan pas vendosur te mos e ushqejne me detyrim.

  • Postime: 134
Passion
#17 ne: 06-06-2019, 14:53:21
Me ngjason shume e frikshme kjo,e madje me e frikshme se vrasja me nje plumb.   :(

  • Postime: 7276
  • Gjinia: Mashkull
SteriOtipi B
#18 ne: 06-06-2019, 21:04:50
Nqs nuk ka shpresa dhe njeriu eshte i predispozuar drejt vuajtjes dhe fundit pas nje fare kohe per mua eshte e pranueshme qe te perdoret, nuk ka pse te vuaje personi dhe familja e tij kur dihet fundi dhe dhimbjet.

  • Postime: 12738
Mishel...............
#19 ne: 07-06-2019, 11:32:40
Jam dakort, per nje arsye te thjeshte .....Egoizmi yne sduhet te tejkaloj mbi dhimbjen e te semurit!
Eshte e vertete qe nuk do jemi parimisht dakort qe i afermi yne te iki ne kete menyre...por valle e dime se cfare dhimbje ka pacienti?



  • Postime: 1577
  • Gjinia: Femer
Parloté
#20 ne: 07-06-2019, 11:48:42
Perspektivë interesante Mishel. hmmmmm:
Unë do të thoja se është e kundërta e egoizmit. Është respekti për jetën dhe betimi mjekësor që nuk të lejon ta përfundosh atë, pa marë parasysh rethanat. Egoizmi i takon personit që nuk e don më jetën ( e cila është vetëm e tija) dhe kërkon të tjerët ta praktikojnë.

Sa i përket dhimbjes, egzistojnë analgjetikë të ndryshëm që ti heqin plotësisht.
Unë mendoj se në shumicën e rasteve janë familjarët ata që gjenden në situate jashtëzakonisht të rëndë dhe kërkojnë zgjidhjen më të shpejtë.
Pra do të ndryshoja pyetjen në: A do e praktikonit personalisht Eutanasinë?

  • Postime: 12738
Mishel...............
#21 ne: 07-06-2019, 12:58:46
Parlote dhimbja na ben egoist , duke menduar se na dhemb edhe me shume se atij qe eshte duke vuajtur.
Kjo teme me sjell ne kujtese shume momente jo te mira, dhe deshiren e pacientes per te marre doza qetesuesish ,ne kete menyre nuk do ishte ne gjendje te mendonte se fundin do e prekte per pak kohe. Kujtoj moralin tone mbi mos marrjen e qetesuesve.....e gjitha kjo behej sepse e dinim qe do ishte e per pak kohe dhe donim te kalonim sa me shume kohe me te ....
A nuk eshte ky egoizem?

Personalisht do e praktikoja nese semundja do ishte e pasherueshme dhe per mos i dhene familjarve te mi nje agoni te zgjatur ....gjithashtu sepse do doja te me kujtonin veten perpara semundjes....

  • Postime: 1577
  • Gjinia: Femer
Parloté
#22 ne: 07-06-2019, 13:23:46
Mishel e dashur. Jam dakord me të gjitha që ke postuar. Unë shumicën e mendimeve i kam dhëne "e veshur me petkun profesional" ku e ke patjetër të respektosh ligjin/paragrafet. Pastaj në aspektin personal, nëna ime e ndjerë 4 muajt e fundit i pati të nivelit ku do ishte mbase më mirë të praktikohej eutanasia (jetonte në Zvicër ku është e lejuar), por fakti se do duhej të jetosh me ndjenjën që "TI ja more jetën" ishte i paparamendueshëm për mua. Prej 2015-2017 kam luftuar kancerin e qafës së mitrës dhe edhe në momentet kur doja të jap lamtumirën, në asnjë sekond nuk e kam menduar këtë barrë t´ja lë dikuj tjetër. Sot kam të mbushur testament shëndetësor ku refuzoj të gjitha trajtimet jetëzgjatëse në rast të nevojshëm. Këtu është qëllimi im - nuk duhet të bëhet "vrasës" askush për asnjë qëllim, sado i vështirë të jetë.

Mbase dola nga tema. Kërkoj ndjesë. :-[

  • Postime: 12738
Mishel...............
#23 ne: 07-06-2019, 13:44:03
Ohh Parlote :( Uroj te jete e kaluar si gje....

Edhe nese kisha dicka per te thene , tani e qepa!

  • Postime: 1577
  • Gjinia: Femer
Parloté
#24 ne: 07-06-2019, 14:15:35
E kaluar e haruar ;)

Vazhdo me mendimet dhe shprehjet e dashur se janë me vlerë dhe unike. :perqafim