×

Xhelozia në Miqësi

Xhelozia në Miqësi

· 32 · 1235

  • Postime: 27120
  • Gjinia: Mashkull
Berni
ne: 23-11-2011, 08:50:39
Miqësia është një nga gjërat më të bukura që kemi në jetë. Biseda me një shok ose shoqe na ndihmon për t’u shprehur e për të ndarë diçka. Është si të shkosh te një psikolog. Por rëndom ndodh që marrëdhëniet tona me miqtë tanë prishen nëse xhelozia zë rrënjë. Si duhet ta parballojmë atë? Pse xhelozia është negative dhe duhet luftuar me çdo kusht.

Xhelozia është një emocion që lind që në fëmijëri. Që të vegjël ndiejmë xhelozi ndërsa vëllai apo motra jonë merr më tepër vëmendje, dashuri apo përkushtim nga prindërit. Edhe pse të vegjël, fëmijët kuptohen dhe dinë të shprehin pastër këtë ndjenjë.

Duan gjithmonë që të jenë në qendër të vëmendjes, t’u plotësohet çdo dëshirë, dhe fillojnë të ndihen keq nëse të tjerët përreth kanë marrë në shkollë dhuratën më të bukur.

E ndërsa rritemi ndjenja në fjalë, e cila ndryshe do të përshkruhej si ndjesia negative e inferioritetit, bëhet më masive dhe ndonjëherë na pengon në krijimin e një raporti apo kur ndajmë një shoqëri me miqtë dhe të afërmit tanë. 

E kur bëhet fjalë për këtë të fundit shpesh xhelozia edhe ka shkatërruar shoqëri të forta të krijuara prej vitesh. Ndoshta mes shoqesh të ngushta, shokësh për arsye të forta xhelozie por që në fakt janë veçse arsye palogjike.

Është një situatë acaruese. Të ndodh që shoqja jote e ngushtë është kaq e bukur dhe duket se gjithmonë del me djalin që do dëshiroje të kishe. Është e suksesshme në dashuri dhe kjo të bën të ndihesh keq apo ta urresh atë, në mënyrë të padrejtë.

Apo fillon të urresh shokun tënd pasi ai fitoi një kualifikim që ty nuk t’u dha asnjëherë mundësia. Kjo është xhelozia, ndjenja e dobësisë që na lind për shkak të suksesit të tjetrit. Por nëse ndihemi xhelozë për miqtë tanë më të mrë a është normale kjo? A u ndodh të gjithëve?

Pse situata është më e komplikuar kur bëhet fjalë për një xhelozi kundrejt mikut tënd më të ngushtë?

Miqësia është gjithçka që na bën të gjejmë të gjithë mbështetjen dhe forcat e duhura kur familjarët tanë nuk gjenden pranë nesh, ose kanë dështuar në këtë aspekt.

Të gjithë shpenzojmë kohën tonë të lirë me miq të tanë më të mirë, për të ndarë me ta momentet më të bukura por dhe ato më të hidhura. Me ta ndihemi të  lirë dhe shpesh ata zëvendësojnë edhe psikologun. Nëse flasim dhe qëndrojmë me miqtë tanë jemi më rehat pasi kemi konsumuar atë nevojë që kemi më imediate.

Nevoja shpirtërore për t’u çliruar psikologjikisht është shumë e rëndësishme dhe askush përveçse një shoku apo shoqeje mund ta bëjë më mirë këtë. Miqtë e vërtetë mësojnë të falin, tolerojnë dhe duan përsëri edhe atëherë kur kanë gabuar. Por ndonjëherë jemi aq egoistë sa e duam të gjithë vëmendjen për vete. Kjo na bën të distancohemi dhe të fillojmë të shprehim zilinë, xhelozinë, ndjenjat e para që e shkatërrojnë një miqësi.

Ja se si mund ta luftojmë atë, Forco besimin në vetvete

Është e lehtë të ndihesh xhelozë e ziliqarë për njerëzit përreth teje nëse nuk je e lumtur me veten. Fenomeni është psikologjik dhe nuk ndodh rëndom nëse nuk vendos të ndihmosh veten. Gjëja e parë që duhet të bësh është të pranosh realitetin tënd, të pranosh gabimet dhe të metat e tua, ashtu sikurse duhet të duash dhe  vlerësosh cilësitë që ke.

Të menduarit automatikisht se je e shëmtuar dhe e pafat është një nga mendimet absolutisht më të gabuara, të cilat duhen evituar menjëherë. Stërvit mendjen duke e ushqyer veten me frymë optimizmi, mbi një moto të thjeshtë, atë të të pasurit e një jetë shumë të mirë e të suksesshme. Nëse ndiheni keq rreth diçkaje, atëherë veproni dhe bëni dçka. Nëse mendoni se nuk jeni të aftë në sporte, atëherë filloni të strëviteni për t’u përmirësuar.

Ose nëse ndiheni nervozë për faktin se e keni të vështirë të mbani ligjërata apo fjalime përpara të tjerëve, praktikojeni veten përpara familjarëve, miqve ose dhe pasqyrës. Për të rritur besimin në vetvete ka disa mënyra, duke zbuluar dobësitë tuaja dhe punuar për t’u përmirësuar. Një njeri me besim në vetvete e ka shumë të vështirë të provojë xhelozi apo zili, ndjenja aspak për t’u respektuar e menduar kaq shumë!

Vepro nëse kërkon diçka specifike

Ndoshta je xheloze sepse shoqja jote ka çantën firmato apo modelin e flokëve që ke pasur gjithmonë dëshirë të kesh? Ose ndoshta je kështu pasi shoku yt është i pari në vrap, në futboll dhe ka makinën sportive më të bukur, pikërisht atë që do doje dhe ti?

Nëse gjen arsyet e vërteta, apo rrënjën e këtij fenomeni, atëherë mund të bësh diçka rreth saj. Mund të veprosh si të duash, ose të fillosh diçka që të tjerët nuk e kanë ose të punosh për të pasur çantën apo makinën e bukur sportive. Gjithçka është në dorën tënde, e rëndësishme është të veprosh.

Ndryshimi fillon nga ty

Në një bisedë mes dy shoqesh të cilat ishin mamatë e dy djemve, viheshin në dukje ndjenjat pozitive të të pasurit e fëmijëve djem. Njëra prej tyre thotë, “Nuk më pëlqejnë fare vajzat, ato janë shumë xheloze, ziliqare dhe meskine. Ndonjëherë edhe mizore, madje nuk më pëlqejnë as gratë. Do të preferoja të rrija me tepër me meshkuj sesa me femra”,- përfundon ajo.

Nga ana tjetër është mirë të kuptosh vlerën dhe rëndësinë e personit me të cilin po shoqërohesh. Kjo që dy gratë po shprehin ishte në favor të të gjithë djemve dhe burrave. Por dukshëm asnjëra prej tyre, nuk po e kuptonte ironinë e asaj që po shprehnin, pasi ishin vetë femra. 

Një shprehje e thënë prej Ghandit është, “Ji ndryshimi që do doje të shihje në këtë botë. Nëse e ke dalluar, e ke kuptur ndaj ke në dorë të bësh diçka. Të ndërmarrësh një ndryshim që ka vlerë jo vetëm personale por akoma më tepër. Nëse je e rrethuar nga gra, nga xhelozi, negativitet, nëse vajzat e tua janë të ashpra, gjëja e parë më e mirë që mund të bësh është të shohësh përbrenda. I vetmi vend që duhet filluar revolucioni është brenda teje. Mos mendo më se gjithçka duhet filluar nga jashtë. Fillo të bëhesh ndryshimi!

Mos kërkoni për arsyet

Nëse përpiqeni me veten për të zbuluar arsyet se pse ndiheni kështu mund t’ju mbajë më shumë të lidhur me ndjesinë e keqe. “Pse jam kaq xheloz? “Pse ndihem kaq ziliqar?”. Këto pyetje asnjëherë nuk i shërbejnë situatës. Janë pyetje që reflektojnë vetëm egon tuaj.

Egoja juaj mbi të gjitha nuk do donte që ju të përballeni me këtë ndjenjë, sepse është në mënyrë të ndjeshme kaq e parehtashme. Rrjedhimisht krijohet një ekran i tymtë duke ngritur vazhdimisht të njëjtën pyetje “Pse?”. E duke përsëritur vazhdimisht këtë pyetje do të bëhemi akoma më keq, por të paktën nuk ju duhet ta përjetoni e provoni më tepër ndjenjën. Të ndjerit keq është ndonjëherë më e lehtë se sa të ndjerit në siklet.

Bëhuni krijues!

Ilaçi më i mirë për të shëruar këtë ndjenjë apatike është të punosh më fort me aftësitë e tua krijuese. Ndaj filloni të bëni gjërat që preferoni më tepër. Zhvilloni imagjinatën tuaj dhe filloni të praktikoni gjithçka që do donit. Shkruani në kompjutër, hidh idetë e para që të vijnë ndërmend, luaj në kitarë, kompozo çfarë ty të pëlqen.

Duke nxjerrë më në pah talentin tënd fillon të ndihesh më mirë me veten dhe kështu reduktohen ndjenjat e xhelozisë. Në fund të fundit mos e merrni aq negativisht suksesin apo fitoret e tjetrit, mikut tuaj më të ngushtë. Pas tyre do të gjeni rrugë të reja për t’u zhvilluar dhe për të gjetur veten tuaj. Suksesi i tjetrit duhet të vlejë edhe për ju, përfitoni prej tij. Krijoni ambiciet tuaja dhe shuani zilinë.

Çfarë dëshironi vërtet?

Por mos e harroni asnjëherë pushtetin e qëllimit tuaj të vërtetë. Mjafton të kujtoni që kjo nuk është gjëja që do donit të bënit, apo vendi që do donit të ishit. Qëndro larg dhe mbaj distancë edhe nëse ndien xhelozi, përpiqu të gëzosh për të tjerët.

Mund të bashkohesh me lumturinë dhe arritjen e të tjerëve. Duhet të ndihesh i sigurt dhe i qetë me veten. Edhe nëse nuk je vërtetë kështu, në mënyrë psikologjike do të kuptosh që ndjenjat negative të xhelozisë do të largohen edhe nëse nuk jeni gati ende.

Revista Shqip

  • Postime: 12325
  • Gjinia: Femer
Shej
#1 ne: 14-02-2012, 19:54:39
Une skisha nerva me e lexu gjthe artikullin por kam problem te madh me nja 2 shoqe qe behen xheloze kur takoj njeren apo tjetren . Me vjen mire qe me duan kaq shume por ndonjehere eshte carje koke me manaxhu situaten qe krjohet  me qejfmbetje te kota
RootlessTree
#2 ne: 10-03-2012, 22:13:14
Ky i joti eshte problem. Uria ne afrike, fiset zulu lakuriqe e te zbathura, ngrohja globale, jane thjesht grimca te vogla te sikletshme qe si hyjne ne pune askujt. :D

  • Postime: 12325
  • Gjinia: Femer
Shej
#3 ne: 10-03-2012, 22:16:58
Harrove luften e trete boterore qe ska nis akoma, asteroidet qe i kanosen tokes si dhe mberritja e alieneve dhe shartimi me racen njerezore.
RootlessTree
#4 ne: 10-03-2012, 22:34:35
E dija qe me gjemon ne cdo teme, e te lashe ca pika ty. Po gjithsesi, xhelozia ne miqesi eshte e shendetshme. Te mban te forte, e me deshire me vazhdu me u krujt here pas here tip:

Pse s'shkru ti e para, kush o filania, nga e njef, cin do me shume, pse ma shkrujte emrin me tvogla, pse sve pike nfun tfjalise, pse sme sha mo hale? etj etj gjera te bukura si kto

  • Postime: 12738
Mishel...............
#5 ne: 16-05-2012, 11:00:10
E dija qe me gjemon ne cdo teme, e te lashe ca pika ty. Po gjithsesi, xhelozia ne miqesi eshte e shendetshme. Te mban te forte, e me deshire me vazhdu me u krujt here pas here tip:

Pse s'shkru ti e para, kush o filania, nga e njef, cin do me shume, pse ma shkrujte emrin me tvogla, pse sve pike nfun tfjalise, pse sme sha mo hale? etj etj gjera te bukura si kto


LOL LOL LOL

gjithe ide je

  • Postime: 525
erionmuca
#6 ne: 16-05-2012, 16:24:29
Ka te ardhme per gazetar ky pemthymi.

  • Postime: 12738
Mishel...............
#7 ne: 16-05-2012, 16:25:51
Ka te ardhme per gazetar ky pemthymi.

une them ta shikosh i here si variant per me i gjet nai ven pune.... :P

  • Postime: 525
erionmuca
#8 ne: 16-05-2012, 16:26:53
une them ta shikosh i here si variant per me i gjet nai ven pune.... :P

Patjeter. Do i jap nji rrog te mir se ka talent.

  • Postime: 12738
Mishel...............
#9 ne: 16-05-2012, 16:28:15
Patjeter. Do i jap nji rrog te mir se ka talent.

rrogen kaloja nga llogaria ime se ia jap une...pa merak  :P

  • Postime: 525
erionmuca
#10 ne: 16-05-2012, 16:30:15
:) Pa merak e? E kom prej teje ket apo jo?

  • Postime: 12738
Mishel...............
#11 ne: 16-05-2012, 16:31:39
:) Pa merak e? E kom prej teje ket apo jo?



pa merak LOL

  • Postime: 219
  • Gjinia: Femer
cafuné
#12 ne: 06-09-2012, 00:35:52
Është një situatë acaruese. Të ndodh që shoqja jote e ngushtë është kaq e bukur dhe duket se gjithmonë del me djalin që do dëshiroje të kishe. Është e suksesshme në dashuri dhe kjo të bën të ndihesh keq apo ta urresh atë, në mënyrë të padrejtë.

Apo fillon të urresh shokun tënd pasi ai fitoi një kualifikim që ty nuk t’u dha asnjëherë mundësia. Kjo është xhelozia, ndjenja e dobësisë që na lind për shkak të suksesit të tjetrit. Por nëse ndihemi xhelozë për miqtë tanë më të mrë a është normale kjo? A u ndodh të gjithëve?

Per kete xhelozi e paska patur artikullshkruesi? ^o)
Kjo eshte smire, ambicie negative dhe dashakeqe. Nuk eshte xhelozi.

Une mendova se behej fjale per xhelozine "ke ke me shume shoqe ti", gje qe po ashtu eshte negative, por edhe normale. Cdo njeri kalon faza pasigurie dhe justifikohen me kontekstin kur ndodhin. Njekohesisht, sa me shume ta duash nje shoqe/shok, aq me shume do kerkosh vemendjen e saj/tij. Ne thelb, cdo sjellje "xhelozie" karshi miqve, eshte nje thirrje dashurie dhe deshire per te qene prane tyre, mendoj.

  • Postime: 3767
  • Gjinia: Femer
Misss
#13 ne: 06-09-2012, 00:46:37
Per kete xhelozi e paska patur artikullshkruesi? ^o)
Kjo eshte smire, ambicie negative dhe dashakeqe. Nuk eshte xhelozi.

Une mendova se behej fjale per xhelozine "ke ke me shume shoqe ti", gje qe po ashtu eshte negative, por edhe normale. Cdo njeri kalon faza pasigurie dhe justifikohen me kontekstin kur ndodhin. Njekohesisht, sa me shume ta duash nje shoqe/shok, aq me shume do kerkosh vemendjen e saj/tij. Ne thelb, cdo sjellje "xhelozie" karshi miqve, eshte nje thirrje dashurie dhe deshire per te qene prane tyre, mendoj.

E degjova, e degjova....100 here ma the mo!  :-[  ( LOL )

  • Postime: 566
  • Gjinia: Mashkull
ciarli
#14 ne: 29-12-2013, 17:12:17
xhelozia eshte kripa e shoqerise

  • Postime: 12325
  • Gjinia: Femer
Shej
#15 ne: 09-01-2014, 22:07:50
me qene kripe xhelozia dashuria I bi te jete piper ne shoqni

  • Postime: 12738
Mishel...............
#16 ne: 09-01-2014, 22:54:00
Ja ku u bo majam ballajdia

  • Postime: 260
Monique
#17 ne: 25-03-2019, 10:42:20
Ju duket e shendetshme xhelozia ne shoqeri?

  • Postime: 7276
  • Gjinia: Mashkull
SteriOtipi B
#18 ne: 25-03-2019, 11:40:38
Plot shnet eshte, Ja shikon xhelozia jote per mu me ka bo plot 89 kill.😁😎

  • Postime: 260
Monique
#19 ne: 25-03-2019, 11:41:47
E di , prandaj duhet te fillosh dieten se nuk o gjo kjo pune :P

  • Postime: 7276
  • Gjinia: Mashkull
SteriOtipi B
#20 ne: 25-03-2019, 19:43:58
Do e filloj qe cke me te. :D

  • Postime: 260
Monique
#21 ne: 25-03-2019, 20:04:23
Nuk kam provuar te jem xheloze ne shoqeri, une sdi me qene ne dashni jo shoqni LOL

  • Postime: 6715
  • Gjinia: Femer
erlehta
#22 ne: 25-03-2019, 21:53:55
Larg xhelozisë, vetem tersllik sjell....thote nena jaja, komshija ime 😂

  • Postime: 260
Monique
#23 ne: 25-03-2019, 21:54:49
Edhe ti komshijen nigjo eeeee me keq se Tipi lol

  • Postime: 6715
  • Gjinia: Femer
erlehta
#24 ne: 25-03-2019, 21:57:32
Tipi cun flori por mos e zgjo se do jete ne gjume 😂😂