"Uragani" Elhaida Dani përfshin "The voice" në Itali - Zëri Muzikor

Ka mahnitur jurinë e “The voice” në Itali dhe publikun, këngëtarja shqiptare, 19 vjeçarja Elhaida Dani.

Me interpretimin e këngës “Mama knows best” Elhaida ngriti në këmbë jo vetëm publikun italian, por edhe anëtarët e jurisë së “The Voice”.

Të mahnitur e të ekzaltuar nga fuqia dhe bukuria e zërit të këngëtares shqiptare, të mëdhenjtë e muzikës italiane, Raffaella Carra, Ricardo Cocciante dhe anëtarët e tjerë të jurisë nuk i kursyen fjalët për 19 vjeçaren nga Shqipëria duke e cilësuar atë një “uragan”, “shkatërruese”, "të madhe", “fantastike”, “një fuqi të natyrës” dhe më pas “luftuan” me njëri-tjetrin për ta marrë atë nën “kujdestarinë” e tyre.

Tepër e emocionuar dhe shumë modeste, Elhaida zgjodhi Ricardo Coccianten, për të vazhduar rrugën e bukur në këtë spektakël, të pëlqyer shumë tashmë edhe në Shqipëri. Raffaella, pas zgjedhjes së trajnerit nga Elhaida, tha: Mister Cocciante, keni marrë në skuadër një bombë!

Elhada na bëri krenarë të gjithëve, jo vetëm me interpretimin e mahnitshëm, por edhe kur shqiptoi me zë të brishtë “Jam Elhaida dhe vij nga Shqipëria”.

I urojmë sukses në rrugën e saj këngëtares sonë Elhaida Dani, e cila është tashmë shumë e njohur në Shqipëri nga interpretimi i këngës, me të cilën mori çmimin e parë në "Top Fest 9".

(an.jo/Balkanweb)

Me pelqen kjo vajze...bravo

The Voice of Italy, Elhaida Dani një hap larg gjysmëfinales

ROME – Mbrëmjen e sotme në The Voice of Italy do të ngjiten në skenë 3 konkurrues të grupit të çdo anëtari të jurisë, e nga këta do të shkojnë në gjysmëfinale vetëm 2: një do të shpëtohet nga publiku e një nga profesori i grupit.

Këngëtarja e talentuar shqiptare, Elhaida Dani deri tani ka kaluar me sukses fazat e garës. Falë zërit të saj të bukur ka bërë për vete të gjithë, anëtarët e jurisë e publikun. Që ajo të shkojë në gjysmëfinale, sot kjo varet edhe prej publikut televiziv.

Për Elhaidën mund të votohet vetëm ndërsa janë në skenë konkurrentët e grupit të Cocciantes, ku bën pjesë edhe ajo, dhe jo gjatë gjithë kohëzgjatjes së programit. Praktikisht, votohet nga çasti kur nis të këndojë i pari nga konkurrentët gjatë gjithë kohëzgjatjes së programit, deri kur përfundon performanca e të fundit të grupit.

Duke uruar që Elhaida të jetë një ndër 8 gjysmëfinalistët e ardhshëm, kujtojmë që emisioni i sotëm nis në orën 21:05 në RAI2.

12 këngëtarët akoma në garë:
Skuadra Cocciante: Elhaida Dani; Mattia Lever e Lorenzo Campani.
Skuadra Carrà: Veronica De Simone; Emanuele Lucas e Manuel Foresta.
Skuadra Noemi: Giuseppe Scianna; Diana Ëinter e Silvia Capasso.
Skuadra Pelù: Francesco Guasti; Cristina Balestriere e Timothy Cavicchini.

(er.nu/BalkanWeb)

Kaloi ne finale

Elhaida fitoi "The Voice of Italy" 

i lumte