×

Rona Nishliu ngjall debatin evropian

· 10 · 1588

Rona Nishliu ngjall debatin evropian

· 10 · 1588

  • Postime: 22189
  • Gjinia: Mashkull
M A X
ne: 06-01-2012, 17:02:38
 Pesë nga shtatë anëtarët e jurisë i dhanë pikët maksimale, derisa e renditën fituesen absolute të Festivalit të 50-të të RTSH-së, duke i dhënë vizën për në Festivalin Evropian të Këngës, i cili këtë vit mbahet në Baku të Azerbajxhanit. Rona Nishliu, kosovarja e vetme pjesëmarrëse, la pas 20 këngë të tjera, duke rrëmbyer trofeun me këngën "Suus", me tekst nga vetë ajo dhe kompozim të Florent Boshnjakut. "Suus", me më shumë se 100 mijë klikime në internet, pas marrjes së çmimit ka trazuar diskutime të ndryshme në gjithë Evropën. Disa nga eurovizionistët e quajnë si "këngë funerali me britma që vrasin veshin", ndërsa të tjerët kanë shkruar edhe editoriale për këngën, që sipas tyre është ndër më të realizuarat artistikisht që Festivali Evropian mund të sjellë brenda tij.
Lufta e portaleve dhe adhuruesve e të kundërtve, ka vënë këngën shqiptare në qendër të vëmendjes së Festivalit të Eurovizionit. Vetë Boshnjaku thotë se kënga nuk është krijuar për t'i pëlqyer gustos së tërë botës.
"Asnjë këngë nuk i përmbush të gjitha stilet. Ne jemi munduar që kënga para së gjithash të dalë profesionale dhe nuk e ka pasur që nga fillimi si destinacion festivalin", - ka thënë kompozitori Florent Boshnjaku për gazetën kosovare "Zëri". Në diskutimet rreth këngës ai thotë se nëse publiku është ai që vlerëson, atëherë kënga ka marrë miratimin e padiskutuar.
"Rrallë ndodh që publiku ta dojë vendimin e jurisë dhe kur Rona e këndoi këngën për herë të fundit salla nuk u zbraz. Nëse janë thyer apo jo tabutë e ankesat se kosovarët s`mund ta fitojnë këtë festival nuk ka rëndësi, ajo ka ndodhur dhe një komplet ekip kosovar fitoi", - ka shtuar Boshnjaku.
Për kompozitorin Andin Randobrava, kënga mund edhe të mos jetë stil i Eurovizionit, por është e punuar artistikisht. "Kënga është punuar në mënyrë profesionale dhe çdo aspekt muzikor ka pëlqimin tim. Përderisa qëndron e tillë, gjithçka mund të ketë sukses për Ronën, së cilës i dëshiroj suksese", - është shprehur Randobrava.
Këngëtarja Rosela Gjylbegu flet në superlativa për këngën që shteti shqiptar e dërgoi këtë vit në Baku. Sipas saj, nuk ka "britma" brenda këngës. "Një këngë kryevepër e cila më ka rrëqethur mishin. Muzika, fjalët, interpretimi dhe vokali i jashtëzakonshëm i Ronës. Jam pa fjalë nga niveli i lartë i këngës", ka deklaruar këngëtarja shqiptare Rosela Gjylbegu.
Dy prej portaleve serbe, performimin e "Suus" e kanë vlerësuar si ideal për Eurovizion, duke vijuar me cilësimet e tyre të larta për performancën shqiptare në Eurovizion, pas asaj të Aurela Gaçes të cilën, gazeta serbe "Danas" e kishte radhitur në mesin e pesë favoriteve.
Vetë Rona, krenare që është kosovarja e parë që shkon në Eurovizion dhe pretendente qysh në konkurrimet e para në festivalin shqiptar, shtoi se fitorja në këtë festival prestigjioz është sukses.
"Suus' është rezultat i një gjendje shpirtërorë, habisë së akumuluar nga tjetërsimi i qenies njëri dhe jo nacionalitetit të ambicieve të çuditshme të po këtij njeriu në raport me potencialin e tij. Problemi nuk është antivlera, problemi jemi ne, që nuk arritëm ta parandalojmë dhe krijuam kushte optimale për zhvillimin e saj. Uroj që njerëzit të kuptojnë mesazhin e tekstit të 'Suus', optimizmin", - ka thënë vetë Nishliu.
Kur pyetet për mendimin e njerëzve rreth këngës, ajo rri shumë e qetë. "Kënga pati sukses dhe u vlerësua pozitivisht nga publiku i gjerë dhe fitoi besimin e jurisë duke u kualifikuar për Eurovision. Unë do të jap maksimumin tim për një prezantim sa më dinjitoz", - përfundoi ajo - e para kosovare që fiton Festivalin e RTSH-së dhe shkon në Eurosong Contest 2012.
Marrë nga gazeta "Zëri", Prishtinë
(er.nu/Balkanweb)
  • M'pelqe
    Kot fare
    Super

  • Postime: 12163
  • Gjinia: Femer
dreamm
#1 ne: 11-01-2012, 12:08:29
  • M'pelqe
    Kot fare
    Super

  • Postime: 12163
  • Gjinia: Femer
dreamm
#2 ne: 11-01-2012, 12:09:48
Titulli i kenges pse jo shqip??
Edhe kjo veshja sh.e cuditshme.. :-[ ama kenga me pelqeu shhhh. :)
  • M'pelqe
    Kot fare
    Super

  • Postime: 22189
  • Gjinia: Mashkull
M A X
#3 ne: 12-01-2012, 21:25:29
Debat në “Eurosong” për zërin dhe origjinën e Rona Nishliut
SHKRUAN: Aida Tuci  11-01-2012 14:44
Kënga “Suus” e Rona Nishliut ka ngritur debate të shumta jo vetëm në Kosovë dhe Shqipëri, por edhe në faqen zyrtare të ‘Eurosong’-ut. Diskutimi nëse skena europiane kërkon më shumë këngë ritmike sesa balada e ka ndarë publikun në dy pjesë. Pas fitores në Festivalin e 50-të të Këngës në Radio-Televizionin Shqiptar me këngën “Suus” (“Personal” nga latinishtja), hyrja e Rona Nishliut në “Eurosong” hapi shumë debate në faqen online. Për këngën shqiptare pëlqimet dhe mospëlqimet janë thuajse të njëjta në numër, duke sugjeruar se publiku europian mbart mendime të ndryshme për këngën shqiptare. “Bazuar në opinionet e shikuesve duket se këndvështrimet për këngën kanë dy anë: pozitive dhe negative. Duket se një nga arsyet kryesore për ata që nuk e pëlqejnë këngën është për shkak të “ulërimave të herëpashershme”, ndërsa arsyeja që pjesa tjetër e pëlqen ka të bëjë me zërin mahnitës të këngëtares shqiptare”,- shkruhet në faqen zyrtare të “Eurosong”-ut (ESCDaily.com). Diskutimi tjetër në të cilin është përfshirë publiku europian ka të bëjë me vendin e origjinës së Rona Nishliut, pasi ajo është këngëtarja e parë kosovare që ngjitet në skenën e Festivalit Europian. Pikërisht ky fakt ka ngjallur reagime negative për shkak të situatës politike mes Kosovës dhe disa vendeve europiane që kanë përfaqësuesit e tyre në “Eurosong” të cilat ende nuk e njohin Kosovën shtet. Për më tepër duket se Rona Nishliu ka një histori interesante lidhur më këtë. Rona u lind dhe rrit në Mitrovicë (zona e nxehtë mes Kosovës dhe Serbisë), por ajo dhe familja e saj u dëbuan që aty me fillimin e bombardimeve nga NATO ndaj Serbisë. Shtoi kësaj faktin se Azerbajxhani ku mbahet këtë vit Festivali Europian i këngës dhe Serbia janë aleatë të ngushtë, sepse ashtu si Serbia kundërshton pavarësinë e Kosovës, edhe Azerbajxhani ka të njëjtin problem me zonën e Nagorni-Karabakut që ka armenë etnike. “Por, a duhet marrë parasysh në një festival këngës se nga vjen artisti?” - ngrihet pyetja në forumin e hapur të ‘Eurosong’-ut. Gjatë disa intervistave me muzikantë profesionistë propozimi i Shqipërisë u klasifikua si këngë unike, pikërisht një këngë për të cilën ‘Eurovizioni’ ka nevojë. Nga ana tjetër, publiku i gjerë i Festivalit Europian ka shfaqur tjetër mendim, por nëse marrim disa shembuj nga e kaluara, ka disa këngë që kanë qenë po aq unike sa “Suus”, si kënga e Lituanisë vitin e kaluar, e cila u klasifikua se nuk ishte një këngë e përkryer për publikun, por pavarësisht kësaj kënga arriti deri në finale të festivalit për shkak të vokalit mahnitës të këngëtares lituaneze, Evelina Sasenko. Kënga u rendit e 11-ta nga votimi publik dhe e para nga pikët e jurisë, duke e renditur këngën në fund në vendin e 5-të. Edhe pse Rona Nishliu ende nuk ka konfirmuar nëse kënga do të këndohet në shqip apo ajo do të ndryshojë në anglisht, një gjë është e sigurt, që suksesi apo mossuksesi i Ronës me “Suus” do të jetë në dorë të jurisë dhe publikut.

Përfaqësuesja e Spanjës: Këngëtarja shqiptare ka zë mahnitës

Ndërkohë që shumë vende pjesëmarrëse ende nuk kanë vendosur për përfaqësuesit e tyre në “Eurovizion”, këngëtarja spanjolle, Pastora Soler ka qenë ndër të parat që e fitoi biletën europiane. Ajo tashmë ka planifikuar turnetë në vende të ndryshme të Europës për të promovuar këngën spanjolle në “Eurosong”. Në intervistën e saj dhënë për faqen zyrtare të Festivalit, ajo ka shprehur vlerësimet e saj për këngën shqiptare, duke e konsideruar si një nga konkurrentet e forta të këtij kompeticioni. “Për mua është shumë e rëndësishme që publiku të vlerësojë këngën dhe vokalin tim, ashtu siç unë vlerësoj se këngëtarja shqiptare Rona Nishliu ka një zë mahnitës”, - shprehet Pastora Solar, e cila shumë shpejt do të ndërmarrë turne në vende të ndryshme europiane. Deri tani shtetet që kanë zgjedhur përfaqësuesit e tyre në “Eurovizion” janë Shqipëria, Spanja, Belgjika, Bosnje-Hercegovina, Qiproja, Maqedonia, Mali i Zi, Serbia, Zvicra, ndërkohë që shumë vende të tjera pritet që deri në shkurt të kenë bërë përzgjedhjet e tyre.
  • M'pelqe
    Kot fare
    Super

  • Postime: 22189
  • Gjinia: Mashkull
M A X
#4 ne: 19-02-2012, 21:18:11
Këngëtarja nga Kosova, Rona Nishliu do të këndojë shqip në skenën e “Eurovizionit” në Baku të Azerbajxhanit.

“Kënga që do të përfaqësojë Shqipërinë në Eurovizion 2012 do të këndohet në gjuhën shqipe”, shkruhet në faqen zyrtare të Festivalit Europian. Që prej dy javësh, ajo ndodhet në SHBA për të realizuar versionin final të këngës “Suus” që do të jetë tre minuta duke i'u përmbajtur rregullave të “Eurovizionit”.

Kënga është regjistruar në studiot e Ocean Way Recording dhe Capitol Records në Los Anxheles, ndërsa përpunimi i saj është bërë në studion muzikore Sterling, në Nju-Jork. Këngëtarja nga Kosova do të performojë në natën e parë të festivalit, 22 maj, së bashku me shtetet si Rumania, Greqia, Rusia, Belgjika, Hungaria, etj.
(ma.ar/BalkanWeb)
  • M'pelqe
    Kot fare
    Super

  • Postime: 72
besi2009ever
#5 ne: 28-02-2012, 20:25:46
I lumte Rones!!
  • M'pelqe
    Kot fare
    Super

  • Postime: 12163
  • Gjinia: Femer
dreamm
#6 ne: 11-04-2012, 22:06:42
Rona Nishliu promovon “Suus” para Eurovizionit

TIRANË- Rona Nishliu, këngëtarja që do të përfaqësojë Shqipërinë në garën më të madhe të këngës evropiane, do të promovojë përmes një turi këngën e saj “Suus”.

Promovimi i këngës së shkruar nga vetë Nishliu dhe e kompozuar nga Florent Boshnjaku, ka nisur me prezantimin e Nishliut në disa emisione televizive për kanalet e Radiotelevizionit të Malit të Zi dhe do të zgjasë deri në ditët e para të majit.

Promovimi do të bëhet në shtetet e tjera që konkurojnë në Eurovizion, ndërkohë që Nishliu ka realizuar edhe videoklipin e këngës së saj, e cila është hedhur tashmë në faqen zyrtare të festivalit europian.

Këngëtarja nga Kosova, Rona Nishliu, do të këndojë shqip në skenën e “Eurovizionit” në Baku të Azerbajxhanit dhe do të paraqitet në gjysmëfinalen e parë, më 22 maj, ku do të këndojë e pesta në rradhë.

Nishliu udhëtoi sëbashku me ekipin e saj drejt SHBA-së, për të realizuar versionin final të këngës “Suus”. Versioni i ri i këngës duhet t’i përmbahej rregullave të “Eurovizionit", ndaj u përpunua dhe incizua në disa studio prestigjioze në Los Angeles.

Këtë vit në Eurovizion do të konkurrojnë 37 këngë në dy netë gjysmë finale, 22 dhe 24 maj, ndërsa finalja e madhe do të jetë mbrëmjen e 26 majit. Shqipëria do të garojë natën e parë sëbashku me shtetet si Rumania, Greqia, Rusia, Belgjika, Hungaria, etj.

(ma.ar/BalkanWeb)
  • M'pelqe
    Kot fare
    Super

  • Postime: 6664
  • Gjinia: Femer
erlehta
#7 ne: 23-05-2012, 23:19:05
Rona Nishliu si Aretha Franklin. Mediat e huaja kanë nisur të flasin sot për fenomenin Rona Nishliu. “Nga Ballkani vjen një vajzë e re, shumë premtuese, këngëtarja e rrymës pop Rona Nishliu, e lindur në vitin 1986. Kënga e saj titullohet "Suus”, titull në latinisht, tekstin në gjuhën shqipe. Rona përfaqeson Shqipërinë, pavarësisht se është nga Kosova. Këngëtarja e parë kosovare që shkel në Eurovision. Për energjinë që përcolli, ajo është një Chaka Khan ose më mirë një Aretha Franklin e dytë që janë mbretëreshat e "Queen of Funk" dhe "Queen of Soul". Kjo është një mega perandore që vjen nga Shqipëria”, shkruan sot Corriere.

Vlerësimet për Ronën nuk kanë të mbaruar. Pak minuta pas debutimit në skenën e Eurovision, këngëtarja mori direkt stafetën për në finale së bashku me 9 vende të tjera.

Kënga mban firmën e kompozitorit Florent Boshnjaku, ndërsa teksti është shkruar nga vetë këngëtarja. Në një intervistë dhënë pak ditë më parë për uebsajtin e Eurosong, "Esctoday.com", Nishliu tha se 'Suus' ka prekur njerëzit me ndjenja, shpirtin njerëzor dhe kjo është dhimbje. "Kur njerëzit ndjejnë dhe e kuptojnë dhimbjen e njëri-tjetrit, atëherë ata kuptojnë se kanë nevojë për mbështetje në ato momente trishtimi dhe dobësie".

(d.b/BalkanWeb)
  • M'pelqe
    Kot fare
    Super

  • Postime: 6664
  • Gjinia: Femer
erlehta
#8 ne: 23-05-2012, 23:23:25
  • M'pelqe
    Kot fare
    Super

  • Postime: 18290
  • Gjinia: Femer
ßåßy ღ
#9 ne: 27-05-2012, 08:44:29
Eurovision, Rona Nishliu e pesta me kengen "Suus". Fiton Suedia

TIRANE- Shpërthyese dhe emocionuese. Kjo ishte Rona Nishliu në natën e finale të Eurovisionit, e cila u shoqërua nga duartrokitjet e publikut gjatë gjithë performancës së saj.
Përfaqësuesja e Shqipërisë në Eurovision, këngëtarja kosovare Rona Nishliu, këndoi e treta në skenën e Eurovizionit. Pas mbledhjes se pikeve, Rona u rendit e pesta me 146 pike duke i siguruar Shqiperise direkt vitin tjeter hyrjen e Shqiperise ne finale.Eurovision u fituat nga Suedia me shumicen e pikeve.

Televizioni Publik Shqiptar transmetoi live natën finale, ku përfaqësuesja e Shqipërisë, këngëtarja kosovare falenderoi në shqip pas përfundimit të këngës. Ne fund te spektaklit, kënga “Suus” grumbulloi 146 pikë, dhe kështu u rendit si kënga me pozicionin më të mirë të Shqipërisë në këtë eveniment evropian. E dyta qe ka pozicionuar Shqiperine denjesisht ne Eurovision ka qene Anjeza Shahini ne vitin 2004 qe u pozicionua ne vendin e 7 ne finale me 106 pike.
  • M'pelqe
    Kot fare
    Super