Tiranasit duan nuse të virgjër ! - Ndjenja

Vitet ikin me hapa galopante, por mentaliteti ynë duket se e ka shumë të vështirë evoluimin. Nga sondazhi i “GT”së, rezultoi se prindërit “ndershmërinë” e kanë tabu. Por gruaja, a nuk është në fillim një e dashur, e më vonë të bëhet nuse?!
 
Një sondazh i kryer nga Gazeta e Tiranës nxjerr përfundimin se shumica e djemve të kryeqytetit e duan bashkëshorten të virgjër. Jo vetëm prindërit e tyre, por edhe meshkujt preferojnë vajzë për nuse “të paprekur”, ashtu siç e quajnë vetë ata në gjuhën e përditshme, pra të virgjër. “Unë do të doja që të ishte e virgjër. Nuk do më vinte mirë që nëna e fëmijëve të mi të kishte shkuar më parë më meshkuj të tjerë,” jep mendimin e tij Dorian Kolobani, student në Fakultetin Histori- Filologji. Ky i fundit e vazhdon diskutimin, duke thënë shpeshherë se femra është si një gotë kristali, e bukur, por, po u thye njëherë nuk bën më! Edhe djem të tjerë kishin të njëjtit mendim. Këta do të donin të ishin mashkulli i parë për gruan e tyre, por duket se shumica i kanë humbur shpresat se do të ndodhë ashtu siç ata vetë duan. Edhe prindër, të pyetur nga “GT”-ja, thonë se “patjetër që gruan e djalit apo të nipit e duam të virgjër. Në kohën tonë shumë rrallë ndodhte që nusja të ishte “e pandershme”. Për to, nëse femra fejohet dhe për të nuk është mashkulli i pari, atëherë ajo nuk është e ndershme. Vetëm një nënë tha se për të nuk kishte rëndësi, nëse nusja e djalit do të ishte e virgjër apo jo. Ajo do të ishte e lumtur, nëse nusja do ta donte dhe ta respektonte të birin. “Unë jam 27-vjeçar dhe kam dy vjet i lidhur me një vajzë. Së shpejti mendoj të fejohem me të. Ajo nuk ishte e virgjër, por kjo nuk do të thotë asgjë. Është njeri shumë i mirë, ne duhemi dhe mendoj se kjo është e rëndësishme. Por është tjetër gjë mendimi që kam për femrat me shumë partnerë. Unë nuk do ta pranoja të kisha lidhje me të tilla femra,” tregon Idliri Mullai. Edhe për Ervis Myrtën nuk kishte rëndësi të madhe, nëse gruaja e tij nuk do të ishte “e ndershme”. Për të rëndësi të madhe ka t’i kalojë mirë vitet dhe dashuria të jetë sa më e madhe.

“Mëshirë” për paragjykuesit!

Të gjithë ata që thanë se gruan e duan të virgjër ndryshojnë shumë kur bie fjala për të dashurën. Ata thonë se e dashura nuk ka rëndësim nëse është apo jo e virgjër. Por gruaja, a nuk është në fillim një e dashur, e më vonë të bëhet nuse?! Megjithatë, Besmiri tregon rastin e tij personal. “Unë po ju rrëfej historinë time. U lidha me një vajzë para një viti, me mendimin se nuk do të rrija gjatë me të, dhe nuk më interesonte se nuk ishte e virgjër. Unë u dashurova me të dhe mendoj të fejohem. Më parë edhe unë, si shumë të tjerë, thosha se gruaja merret e ndershme, ndërsa e dashura jo. Por tani mendoj ndryshe, dhe më vjen keq për paragjykimet që bëja më parë”.

Femrat, “të kërcënuara”

U fol për femrat, por ato vetë deri tani nuk dhanë një mendim të vetin rreth kësaj teme. Epo kot, nuk thonë që ëmbëlsira lihet për në fund! “Më vjen shumë inat që meshkujt na paragjykojnë. Po pse duan të jenë të parët për ne, kur vetë ne nuk jemi të parat për ta?! Ata gabojnë me nofkat që u venë femrave. Një femër nuk quhet e pandershme, kur nuk është e virgjër, por kur ka shumë partnerë njëkohësisht,” jep mendimin e saj 21-vjeçarja Joniada Pasha.

Mblesëria, jashtë mode

Emigrantët që vijnë në Shqipëri sjellin edhe mentalitete të reja, moderne. Një frazë shumë e përdorur prej tyre është që “vetëm në Shqipëri virgjëria quhet vlerë”. “Para viteve 1990, vajza martohej, por, nëse nuk ishte e ndershme, bashkëshorti kishte të drejtën morale ta linte dhe e kthente te shtëpia e prindërve,” thotë 60 vjeçarja Fatime Sulaj. Megjithëse të paktë ka edhe nga ata që, si kusht të parë për femrën të jetë që ajo ta dojë. “Unë nuk do të pranoja kurrë të martohesha me shkesë; rëndësi ka nëse femra më do, më respekton, si dhe ia kalojmë mirë,” thotë Ervis Myrta. Ky i fundit nuk do të pranonte, për asnjë arsye, që nusen ta njihte me shkesë. Për të nuk ka rëndësi nëse s’është e virgjër. Edhe femrat këtë përgjigje dhanë. Ato ishin kundër martesës me shkesë. Për to rëndësi të madhe ka dashuria. “Dashuria ka rëndësi, e jo të tjerat,” këmbëngul Ajgena.

Kini Kujdes!

Djemtë e kryeqytetit preferojnë më tepër që nusja e tyre të jetë e “paprekur”. Jo vetëm ata, por edhe shumica e prindërve duan që nusja e djemve ose e nipërve të jetë e virgjër.

“Femra është si një gotë kristali. Po u thye, nuk bën më!” Kjo ishte fjalia që, të pyeturit nga Gazeta e Tiranës e kishin refrenin e përditshëm.

Valbona Ndreka
 

Është për te ardhur keq qe djemtë mendojnë kështu. Unë kam njohur një shokun tim qe u fejua me një te ndershme siç thoni ju djemtë  për te virgjerat. Ajo nuk pershtatesh fare me mentalitetin e tij shumë perparimtar.Ajo ishte shumë xheloze dhe  i thoshte se është turp te veshesh pantallona te shkurtra.Ajo thjesht u fejua sepse ishte doktor  jo sepse e deshte. Mbas 6 muajsh shoku im u nda nga fejuara dhe familja e saj e kercenoj se do ta vriste  sepse ishte e ndershme dhe tani i iku nderi dhe do ngelesh pa martuar. Ai qante për te tërë ato vajza qe i kishte njohur  kur kishte qenë student   dhe ishte tallur sepse ato ishin vetëm për te kaluar kohën  dashnore .Ato vërtetë  e kishin dashur dhe kishin qenë 6 vjet në shkollë bashke.Ai me është shprehur hapur qe  ndjehet shumë i lenduar dhe i penduar për ato vajza qe i ka njohur si student dhe qe është tallur me ndjenjat e tyre.Ai është martuar tani por më ka thënë qe nuk ka marrë atë qe   do të deshte ai .Një shoqja ime u martua me një gjerman  20vjeç dhe ai i tha mos ke qenë budallaqe ti qe nuk ke bërë kurrë dashuri qe s'ta varur njeri.Ajo thjesht nuk gjente fjale qe tia shpjegonte  mentalitetin  tonë .Burri im është belg dhe po ti them këtë gjë  do qeshte i shtrire ne dysheme.
FRANCEZI KA THENE NJE FJALE QE TERE BOTA E VLERESON FEMREN NGA TRUTE  VETEM SHQIPETARET E VLERESOJNE NGA VRIMA E SHURRES.Më falni sepse e perktheva siç e ka thënë vërtetë.Megjithatë e di shumë mirë  sepse dhe unë aty jam rritur. Po me bën shumë përshtypje sesi ka mundësi qe burrat kanë një nuse ne shtepi dhe një dashnore dhe nuk janë pak .Thjesht bëni siç them unë mos bëni siç bëj unë.I dashuri im qe vërtetë e kam dashur shumë  dhe ndoshta është nisur për te kaluar  kohën ra vërtetë ne dashuri me mua .Unë e lashe Shqipërinë dhe nuk u bashkuam dot sepse ishte emigrant ne Greqi dhe u lodha mbas 4vjetesh  duke pritur .Ai me  merr prapë ne telefon për Shen Valentine dhe me thotë te ndjej ,te dua akoma dhe po të kem mundësi do ta ktheja kohën mbrapsh dhe pse ka 11 vjet qe e kam lënë Shqipërinë.Thjesht doja te thoja se një njeri kur bie ne dashuri nuk ka ndjenjë me te bukur dhe i mposht çdo gjë.Ata qe  kalojne kohën dhe martohen me një tjetër sepse kjo na qenka e ndershme nuk e gjejne dashurinë prapë.Unë e kam gjetur dashurin por ish i dashuri qe u martua me atë qe i gjeti mamaja jo.Unë mbaj mend kohën e bukur por nuk e dua me ish te dashurin tim sepse më ka lenduar shumë dhe nuk kam mundur te doja njeri për 4 vjet mbasi u ndamë bashke.
Mesazhi im është qe dashuria është shumë e bukur dhe ajo duhet te fitoje  përherë.

me beri pershtypje postimi yt. te them te drejten si ta kete "biografine" ashtu ta pretendoje dhe partnerin. nese nuk ka shkuar me asnje atehere ka te drejte te pretendoje per te virgjeren(ne kete kategori futem dhe une). por ama nese i ka nderru minimalja 10 vajza dhe pastaj eshte fejuar them thjesht me vjen keq per ate vajze qe mori nje qe ska lane njeri pa shkuar dhe ajo eshte ruajtur shume.

une tani jam beqar dhe kuptohet kur te vije puna per tu fejuar kuptohet qe preferoj nje vajze te virgjer. por ama nese me tregohet e sinqerte dhe me thote se ka pasur histori ne te shkuaren patjeter qe e kuptoj dhe normalisht qe dhe ja fal sepse fundja njeri eshte dhe nuk mund ti penalizohet jeta asaj per nje moment qe rreshqiti ne jete. por ama nese me thote se kam kaluar kete dhe ate edhe pse tregohet e sinqerte me mua do i them se kam trokitur ne nje dere te gabuar. virgjeria mendoj qe flet shume per vajzen persa i perket moralit por nje gabim apo nje aksident(mundet te jete perdhunuar, mundet te kete bere dhe operacion) besoj se i falet. por per ata djem qe preferojne vajza te virgjera nderkohe qe ato skane lane vajze pa shkuar... sdi ça te them ky eshte kulmi i hipokrizise.

shume veteve mund tju beje pershtypje mendimi im por gjithsecili duhet te shkruaje mendimin e tij dhe jo per hater se çfare ka fole shumica ketu. pershendetja nga shkodrani27