Profile of stellina

 

Kiara dhe Luizi

 

A mbaruan memet? Tani të merremi me sistemin seksist që është ngjizur në shoqërinë tonë, njëlloj sa edhe korrupsioni!

Pa frikë mund të them se mund të jemi populli më memedashës dhe memebërës i botës. Pavarësisht se çfarë ndodh, qoftë vrasje të përsëritura, qoftë korrupsion, qofte aferat seksuale të ndodhura në zyrat shtetërore, qoftë seksi i kërkuar për vendin e punës, tenderin, etj, ne e kemi gati gallatën. Dhe në vend të reagimit siç duhet, hyjmë në garën se kush të bëj më shumë për të qeshur në FB, insta dhe tik tok. (Ka raste që edhe unë jam bërë pjesë e kësaj).

Por për të mbëtur tek skandali i Safet Gjicit. A e dini se favoret seksuale janë kthyer në sistem në sektorin shtetëror e privat?
A e dini se favoret seksuale janë rrënjosur në institucionet shtetërore, zyrat e shtetit, po aq sa edhe korrupsioni?

A e dini sesa vajza janë të detyruara çdo ditë, të durojnë shefin, drejtorin e tyre seksist, ngacmues, pervers, vetëm e vetëm për të marrë atë rrogën dhe për të ruajtur vendine punës?

A e dini sesa vajza janë të detyruara të kalojnë me të qeshur fjalët, ngacmimet, provokimet seksiste të klientëve të tyre, vetëm e vetëm se se ju duhet ajo rroga në fund të muajit?

A e dini sesa vajza janë të detyruara të lënë punën, vetëm sepse s’mund të përballojnë presionin psikologjik seksual që ushtrojnë titullarët, zyrtarët, duke kërcënuar me vendin e punës?
Është e trishtë që edhe përballë një shfaqjeje si ajo e djeshmja, ne mjaftohemi vetëm më meme në facebook, pasi ky nuk është një rast i izoluar, është një praktikë e përditshme, e vazhdueshme e shefave, drejtorëve, shtetarëve ndaj grave dhe vajzave. (Patjetër që ka shumë përjashtime dhe njerëz të cilët bëjnë siç duhet punën e tyre pa ngacmuar seksualisht punonjëset e tyre. Unë flas për fenomenin.)

Njoh raste të vajzave të cilat janë larguar nga Shqipëria, pasi nuk kanë përballuar këtë fenomen, ka vajza të cilat janë larguar nga puna, kanë mbetur pa punë për një kohë të gjatë, për shkak se kudo ku shkonin, u kërkohej “plaçka”. Njoh vajza të cilat fatin më të madh, konsiderojnë një shefe histerike. Pasi aty të paktën janë të sigurta.

Këta janë një rracë derrash, përfituesish, abuzuesish me pushtetin, të paaftësh, të cilët nuk mund të çojnë një femër në shtrat dhe për këtë përdorin pushtetin që u ka dhënë institucioni publik e privat.

Nuk mjaftojnë vetëm ngacmimet, provokimet e këtyre shefave të publikut e privatit, por edhe shoqëria është fajtore. Po janë ata kolegë të punës, të cilët thashethemnojnë se atë vajzë, atë grua, e ka kap drejtori, këtë zv/drejtori, prandaj ka rrogën më të mirë, etj. Etiketimin “dashnorja e shefit”, ia japin pa të drejtë çdo vajze apo gruaje që punon dhe ecën.

Së paku për këtë fenomen duhet të kishte një reagim të fortë. Reagim, pasi ne nuk mund të jetojmë në një shtet, institucionet dhe shefat e të cilit provokojnë, ngacmojnë motrat tona, gratë tona, nënat tona.

Reagimi, duke mos pasur besim tek denoncimi, të paktën do i frikësonte këta lloj!

Osman Stafa

Urime Kosove ❤️
 

 

Vere 2022