Profile of M A X

Permbledhja

M A X
Admin
Send PM
Offline Offline
Posts:   28612 (4.242 per day)
Vendndodhja:   Austri
Data e regjistrimit:   16-04-2004, 18:00:00
Last Active:   04-10-2022, 19:30:46

Messages - M A X

1
Muzika / Coolio
« ne: 04-10-2022, 19:17:29 »
Miqtë e Coolio kanë reaguar së fundmi ndaj ndarjes nga jeta të reperit.

Miqtë janë shprehur për Tmz, se ata mendojnë se “astma “mund të ketë kontribuar në vdekjen e tij. Ata shtuan se reperi i i “Gangsta’s Paradise po”luftonte” me gjendjen e mushkërive për shumë vite dhe se hetuesit ishin informuar për këtë. Coolio vdiq më 28 shtator pasi u gjet pa ndjenja në  shtëpinë e një miku në Los Anxhelos. Ai ishte 59 vjeç. Shkaku zyrtar i vdekjes nuk është bërë ende i ditur, por raportet fillestare dyshonin se ai kishte pësuar arrest kardiak.

Pavarësisht gjendjes së tij shëndetësore, Coolio u pa duke performuar disa herë  para vdekjes së tij për grupe që zgjatën rreth 30 deri në 40 minuta.Montell Jordan, i cili ishte në turne me të, gjithashtu i tha Page Six se ai kurrë nuk do e mendonte që vdekja e mikut të tij të vjetër ishte e afërt.
“Kam qenë me të për javë dhe muaj  dhe nuk i dija. Ende nuk i di  rrethanat pas vdekjes së tij, por nuk pashë ndonjë gjë që do të kishte dhënë një tregues se ai ishte i sëmurë ”, tha të enjten këngëtari.

Coolio ka lënë pas gjashtë fëmijët e tij me Josefa Salina. Ai u martua me Josefa  në vitin 1996. Ish-çifti u ndanë katër vjet më vonë./Lapsi.al
 

2
Café Zerion ツ / Vetem tri fjale!
« ne: 28-09-2022, 18:57:14 »
Rrofte Sali Berisha 🤣

4
Edi Rama - Mos u ngopshin duke ngrene kokat e njeri tjetrit!
Erion Veliaj - Çunat shqiptare jane zdromsa!
Belinda Balluku - Lani rrobat me 30 grade!
Bledi Çuçi - Nuk ka zhvillim pa krim.
Niko Peleshi - Varet çfare ka konsumuar lopa.
Taulant Balla - Testet i hodhi poshte OBSH-ja.
Blendi Klosi - Covidi transmetohet nepermjet muzikes.
Erion Braçe - Me sarin laj duart.
Elisa Spiropali - Edi Rama eshte si Skenderbeu.
Milva Ekonomi - Edi Rama eshte brand nderkombetar.
Edona Bilali - Edi Rama nuk eshte bere akoma Zeus por eshte ne rrugen e duhur per t’u bere Zeus.
Pandeli Majko - Nuk fola per Teatrin se kisha operuar gojen.
Delina Ibrahimaj - Me 140 euro ne muaj nuk quhesh i varfer.
Frida Krifca - Do hapim akademine e barinjve.
Sander Lleshaj - Gjate karantines patem zero aksidente rrugore.
Bora Muzhaqi - Une si ministre jam e detyruar te vij ne pune me makine.
Besa Shahini - Te shtunen nuk pati asnje nxenes apo mesues te lenduar nga termeti ne shkolla.
Gent Cakaj - Atje dielli eshte lind i gezuar dhe hena e buzeqeshur.
Besfort Lamallari - Pse duhet te shqetesohet qytetari ne Shkoder per nje vrasje qe behet ne Vlore?
Damian Gjiknuri - Çunat e Londres te legalizojne parate ne Shqiperi.
Saimir Tahiri - Ta kishin bere si burrat, te me kishin denuar per trafik droge.

Mirela Kumbaro - If you go home with somebody and they don’t have books, don’t fuck them.

Jeni te lire te plotesoni listen!

Lolita Albania

5
Nuk rrëzohet Edi Rama me votë...thonë. Gënjejnë. Sa vite u bënë tashmë që e dëgjoni këtë refren? Nëse nuk rrëzohet me votë atëhere me çfarë rrëzohet? Me dhunë? Po pse nuk e kanë rrëzuar? U bënë plot 9 vite.
Në fakt çdo metod tjetër përveç votës e zgjat pushtetin e Ramës dhe kujtdo Kryeministri pavarësisht emrit. Ne jemi një realitet i vogël në hartën e realitetit politik rajonal e atij botëror. Nuk vendosim dot rregulla ne. Rregullat janë përtej nesh. Koha e rrëzimit të qeverive pa votë ka perënduar dekada më parë. Kush e mendon ndryshe le të na e vërtetojë të kundërtën.

Personalisht besoj se qeveria aktuale qëndron në pushtet pa e pasur shumicën e popullit me vete. A blen vota pushteti aktual? Unë besoj që po. A e kanë fryrë administratën me qëllim korruptimin e votuesve? Unë besoj që po. A jep pushteti aktual tendera të fryra për oligarkët me qëllime elektorale? Unë jam i bindur që po. A e përdor pushteti aktual shtetin për të mbajtur pushtetin? Pa asnjë dyshim që po...si çdo qeveri që ka kaluar, por tashmë shumë më shumë (legalizimet, liçensat, subvencionet, lejet e ndërtimit, paratë e rindërtimit pas tërmetit...etj). A bashkëpunon me krimin pushteti për vota? Përgjigjia ime është po. Po...pushteti përdor çdo mënyrë të paligjshme për ta mbajtur pushtetin, por prapë rrëzohet me votë. Pse? Sepse me para nuk e rrëzon dot kush pasi askush nuk ka më shumë para se ata (pastaj çfarë vlere do kishte të ndryshoje ca të korruptuar me modelin e tyre të ngjashëm, pra duke korruptuar). Sepse askush se rrëzon dot me dhunë pasi pushteti ka mjete dhune më të mëdha dhe sigurisht bandat me vete (sa kohë gjithë spektri opizitar thotë se bandat janë me pushtetin). Sepse asnjë kancelari perëndimore nuk do e pranonte kurrë një precedent të tillë pasi kthehej në model që cënonte rendin më gjerë se Shqipëria. Dhe më kryesorja, sepse shumica dërrmuese e popullit tonë janë qytetarë që e duan të mirën, por ndihen të tradhtuar e pashpresë.

Atëhere si i bëhet? Jemi pa shpresë? JO...ka shpresë. Po...këta rrëzohen. Çdo qeveri që keqqeveris rrëzohet. Si? Me VOTË. Me ALTERNATIVË. Me IDE. Me SINQERITET. Me FRYMËZIM. Me GARË brenda llojit. Me EKIP VLERASH. Me MERITOKRACI në përzgjedhjen e kandidatëve. Me HAPJE ndaj energjive të reja. Me SHEMBULL ndryshimi të vetes së pari. Me BINDJE.  Duke vrarë EGOT e njëshave. Me OBJEKTIVITET. Me FRYMË që ngre besmin dhe dallgën që i shumëzon me zero edhe paratë e korrupsionit, edhe bandat, edhe tenderat e oligarkëve.

Populli është i kthjellët tashmë. Nuk e përdor dot më askush mish për top. Nuk mund t'i thuash njerëzve se Rama nuk lejon garën e ndershme dhe nga ana tjetër të mos pranosh garën si koncept kur ajo të kërkohet ty. Po, Rama mundet me garë dhe votë, por votë dhe garë në çdo nivel. Ky standardi që bëni si them unë e mos bëni si bëj unë nuk e rrëzon pushtetin. Përkundrazi! Doni garë? Hajde ta hapim. Opozita ta kërkojë si kusht të panegociueshëm. Hapja e garës do afronte në politikë flukse njerëzish që kanë ideale dhe do krijonin flakën e duhur që do ndizte zemrat dhe shpresën e popullit.

Shqiptarët nuk vazhdojnë më të votojnë për inat. Shqiptarët duan alternativë bindëse. Ramën aty do e kemi sa kohë ne që jemi përballë kemi frikë nga vota dhe gara (unë e sigurtë që jo). Me ligësi nuk e mund dot kush këtë pushtet pasi janë në nivele galaktike. Këta munden me vlera. Doni ta kuptoni mirë...nuk doni...rrini! Këtë e kam për qytetarët...

Adriatik Lapaj

6
Vipat Shqiptare / Bekim Fehmiu
« ne: 15-09-2022, 11:09:09 »
 

Ndrroi jetë në moshën 96 vjeçare aktorja e njohur greke Irene Papas, emri i vërtetë  Irene Leleku. E kemi parë në filmin Odisea, në vitet '70. Aktori i njohur Bekim Fehmiu, ndodhej në Shkodër pas xhirimit të atij filmi. Kur e pyetën për Irenën u shpreh: "U shkepëm duke folë shqip me Irenën." Të njëjtën gjë thanë edhe aktorë të tjerë, pjesëmarrës në atë film: "Bekimi dhe Irena, flisnin mes tyre në një gjuhë që s'e kuptonte askush prej nesh."

Nga Maks Rakipaj

7
Tema Aktuale / TE VOTA NISET, TE VOTA BITISET
« ne: 08-09-2022, 10:30:36 »
Besoj nuk ka më njeri në Shqipëri që nuk e ka kuptuar se vendi është duke xhiruar në vend e ka ngecur në një rreth vicioz nga i cili duket se koha ka ndalur.

Kudo në vend gjen pesimizëm. Bizneset nuk gjejnë punëtorë. Ata që punojnë nuk e përballojnë dot jetesën. Çmimet rriten dita ditës, por jo rrogat dhe pensionet. Dita e punës për shumicën e njerëzve vlen sa 1 kg mish, apo sa 5 litra karburant.

Kreditë e këqija rriten me ritme të frikshme, por gjithësesi jo aq sa interesat bankare që janë lemeri. Aq shumë janë rritur kreditë e këqija nga pamundësia kthyese e qytetarëve sa biznesi i vetëm që po lulëzon në vend duket se janë kompanitë financiare që blejnë borxhet e këqija dhe për një detyrim fillestar prej 5 milion lekësh ta sjellin faturën 25-30 apo më shumë milion lekë. Të futen me dhëmbë e dhëmballë sa dhe çorapet e trupit t'i nxjerrin në ankand. Mbi 160 000 qytetarë janë rrjepur në vitet e fundit.

Të gjithë duan të ikin....Thuajse këdo takon të flet për përpjekjet që ka nisur për të ikur larg. Shprehja që dëgjon më shpesh është: "Nuk bëhet ky vend, po ik shpëto fëmijët". Çdo ditë marrim vesh se dikush nga rrethi të njohurve ka ikur. Prindërit i shkrijnë kursimet e jetës që fëmijët t'i nisin me shkollë jashtë me shpresën që kurrë mos të kthehen më. Sa e trishtë! Prindi që gëzohet kur e nis fëmijën vetëm e vetëm që të iki sa më larg të mundet!

Gjobvënia është kthyer në sistem. Gjoba shteti me taksidarët e vetë. Gjoba krimi ndaj atyre që i'a kanë dalë të ngrenë një ekonomi këtu. Gjoba lukunia e "gazetarëve" që në një rrumpallhanë pa ligj hapin tyta balte e hedhin baltë pa e rruajtur fare nga ligji...në fakt nuk ka fare një ligj për këtë këtu.

Drejtësi që vonon sa jeta....dhe ec e ta marrësh se shpesh korruptohet rrugës. Të nisësh gjyq sot është vendimmarrje e vështirë. Duhet të mendosh se do zgjasë me vite, madje shpesh me dekada. Ka shumë që vdesin pa mbaruar gjyqet me të cilët janë plakur. A i'a vlen?

Arsim mediokër. Vend ku mbahet radhë për libra shkolle. Si mund të ketë radhë për librat e klasës së parë? A mund të shkojë fëmija në shkollë pa libra? JO. Atëhere? Pse mbahet radhë? Shikoni çfarë ndodh në Tiranë në Verë. U lemerisën robt duke ndrruar gjendjen civile e ku di unë se çfarë se duan që fëmijët t'i regjistrojnë në ato pak shkolla ku ende jepet mësim cilësor. Imagjinoni në rrethe dhe periferi nivelin! Njerëz që kanë kryer studime në x apo y shkolla private dhe rrugës kuptojnë se diplomat nuk u vlejnë...se kanë qenë të paakredituar. Po a mund të imagjinohet të ketë shkolla pa leje?!

Nepotizmi në sistem. Futu shikoni rrethet familjare të zyrtarëve të lartë dhe të mesëm. Të gjithë punojnë në shtet. Nga 5, 10, 15 anëtar të një rrethi familjar në punë shteti.

Kalcifikim i çdo sektori të jetës publike. Të njëjtët njerëz prej 30 vitesh që qarkullojnë postet mes tyre. Ata që futen te klubi tyre ose janë zara ose nga bota e krimit me imponim. Garë nuk ka. Kjo është e vërteta. Po je popull mblidh rripat mirë dhe shiko si të rregullosh fëmijët jashtë. Po patën fat e kanë talent nisi me shkollë andej...po nuk patën gomonia mbetet alternativë gjithësesi më e mirë se mjerimi ku jemi.

Do thoni ju i dimë këto. Nuk na the gjë të re. Zgjidhja cila është? Unë e di që i dimë të gjithë, ajo që ende nuk di është si nuk e kupton shumica se ky rreth vicioz prishet vetëm nëse hapim vendin, hapim garën, thyejmë monopolet e kapjes së vendit. VOTAAAAAAAAAAAAAAAA AAAAAAA...aty nis dhe aty mbaron e gjithë historia. Nga ajo dreq vote që si dhamë dot rëndësinë që ka, buron gjithë ky mjerim. Sistemi elektoral i mbyllur që mban peng mbarë vendin dhe shoqërinë.

Unë kam detyrë ta them. Ju si të doni.

Adriatik Lapaj

8
Café Zerion ツ / Vetem tri fjale!
« ne: 08-09-2022, 10:07:05 »
Ardhmëria fillon sot

9
Sporte Ekstreme / Florian Marku (info, foto, video)
« ne: 31-08-2022, 20:25:40 »
Tani nuk është se e kam ndjek ne detaje si është puna, por sapo doli ne krah te Rames iu turren si me bukë në traste dhe filluan ta sulmojnë për gjithçka dhe t'i mohojnë çdo meritë, që për mendimin tim është gabim.

10
Kultura / Game of Thrones - Finalja
« ne: 31-08-2022, 12:02:26 »
A ia vlen? Une duhet te vej abo te Sky qe ta shoh por nuk jam i sigurtë ne ia vlen.

11
Gjuha Shqipe / Për hir të gjuhës shqipe, zoti President
« ne: 28-08-2022, 20:29:41 »
Para pak ditësh u njohëm me një shkresë zyrtare të dalë nga Institucioni i Presidentit të Republikës së Shqipërisë, nëpërmjet së cilës urdhërohej shkarkimi i zotit Edvin Shvarc nga pozicioni i drejtorit të Drejtorisë së Marrëdhënieve me Jashtë dhe Median. Lajmi mori dhenë dhe reagimet qenë të shumta. Madje, kësaj here pati nga ata që, edhe pse të lidhur me pushtetin, arritën të kapërcenin bindjet partiake, duke u shprehur kundër këtij shkarkimi. Kjo gjë duhet përshëndetur, sepse është diçka që nuk ndodh shpesh në nahijen tonë, madje as kur është fjala për raste shumë më të rënda se ky.

Shkarkimi i zotit Shvarc befasoi shumëkënd. Natyrisht, edhe mua. Megjithatë, arsyeja që më shtyu të shkruaj këto radhë lidhet me diçka tjetër, sipas meje, edhe më e rëndësishme, por edhe më shqetësuese se urdhri për largimin e tij nga puna. Është fjala për dhunën që ushtrohet ndaj gjuhës shqipe në shkresat zyrtare.

Përpara se të merremi konkretisht me këtë, dua t’ju jap një shembull, i cili na tregon se sa vlerësohet shkrimi i saktë i gjuhës amtare në vendet perëndimore. Tre vjet më parë, në një njoftim për vende të lira pune që publikonte një gazetë gjermane, kërkoheshin redaktorë dhe korrektorë gjuhësorë, të cilët si punë të tyre do të kishin redaktimin dhe korrektimin e etiketave që vendosen në shishet e ujit apo në shishet e pijeve freskuese.  Ishte fjala për ato letrat/plastikat që u vendosen shisheve rreth e qark, në të cilat shkruhen emri dhe një përshkrim i shkurtër i produktit, përbërësit dhe përmbajtja e tij, si dhe informacione të tjera.

Sigurisht unë nuk pretendoj që kjo gjë të ndodhë edhe në Shqipëri, por është vërtet shqetësuese, kur sheh se, edhe në shkresat zyrtare, që dalin nga institucionet më të larta të Shtetit Shqiptar, gjuha shqipe dhunohet e përçudnohet në mënyrë të frikshme. Le ta shohim më konkretisht këtë te shkresa që urdhëronte largimin nga puna të zotit Shvarc.

Që në titull të saj, fjala “marrëdhënie” është shkruar me ‘r’ dhe jo me ‘rr’, siç e do rregulla. Përveç kësaj, është lënë pa u vendosur edhe një ‘ë’, çka e çon në dy numrin e gabimeve brenda së njëjtës fjalë. Fakti që shkruhet në të njëjtën trajtë edhe dy herë të tjera më poshtë, tregon se nuk kemi të bëjmë me një gabim shpejtësie, por me padije të mirëfilltë. Gabim shpejtësie mund të quanim rastin tjetër, në po të njëjtën shkresë, ku mbiemri ‘e ndryshuar’ është shkruar ‘e nryshuar’.

Përveç sa më sipër, titulli ka edhe mangësi në konceptim. Pra, është i shprehur gabim dhe, në të vërtetë, nuk thotë asgjë. Titulli në fjalë është emërtuar “Për përfundimin e mardhënies në shërbimin civil”. Së pari, për cilën marrëdhënie është fjala? Marrëdhënien shoqërore, marrëdhënien me punën apo marrëdhënien seksuale? Kjo mbetet e papërcaktuar, e paspecifikuar. Më anë tjetër, fjala “marrëdhënie” përbëhet nga dy njësi gjuhësore: marr dhe jap. Kjo do të thotë se përdorimi i saj në fjali nënkupton së paku pjesëmarrjen e dy individëve, dy palëve, ose të një individi me një institucion apo të dy institucioneve të ndryshme, të cilat marrin e japin me njëra-tjetrën ase nga njëra-tjetra. Nëse me njërën palë Institucioni i Presidentit të Republikës nënkupton të shkarkuarin nga puna, ndërsa me palën tjetër shërbimin civil, atëherë gabohet kur përdor parafjalën “në” (në shërbimin civil). Në rastin konkret fjala “marrëdhënie” duhet të pasohet nga parafjala “me” ose “ndërmjet”. Pra, marrëdhënia e njërës palë me palën tjetër, ose marrëdhënia ndërmjet njërës palë dhe palës tjetër, por assesi marrëdhënia e njërës palë në palën tjetër. Megjithëkëtë, unë nuk besoj se këtu është fjala për shërbimin civil si palë. E parë kështu, institucionit në fjalë i lind detyra ose të gjejë palën që mungon, ose të specifikojë/përcaktojë se për ç’mardhënie (sic.) bëhet fjalë. 

Në vijim përballemi me një fjali, gjatësia e së cilës shkon në shtatë rreshta, ose një paragraf i tërë. Kjo nuk do të përbënte problem, nëse do të përdoreshin si duhet shenjat e pikësimit. Po t’u shtojmë këtyre edhe përsëritjen e njëpasnjëshme të strukturave të tilla si “pika kaq e nenit aq të ligjit kaq të datës aq”, kalojmë në një situatë të rëndë keqtingëllimi, e ngjashme me rropamat e këngëve që na ofrojnë të ashtuquajturit rrepistë të muzikës shqipe, të cilave ua dëgjojmë tamtamet, por nuk kuptojmë asgjë.

Jam i ndërgjegjshëm se shkresa të kësaj natyre janë të ngjeshura nga pikëpamja leksikore, të ngarkuara kuptimisht e të ndërlikuara me pika, nene, ligje, data e vite, por pikërisht për këto cilësi që kanë duhen shkruar, strukturuar e menduar me kujdes. Në rastin e fjalisë-paragraf të shkresës në fjalë do të kishte ndihmuar shumë përdorimi i pikëpresjes. Pikëpresja është një shenjë pikësimi që mund të përcaktohet si diçka ndërmjet pikës dhe presjes, ose as pikë, as presje, por me një funksion mjaft të mirë për shkresa të këtij soji. Ajo do ta ndante fjalinë e mësipërme në pesë pjesë më të vogla. Si rezultat do të kishim një strukturë fjalie më të pranueshme, çka do të shmangte keqtingëllimin, për shkak se secili segment/secila pjesë do të mbante mbi vete “përgjegjësitë” dhe peshën që i takon. Pra, do të mbante pikën e vet, nenin e vet, ligjin e vet, datën e vet, vitin e vet, por edhe ngarkesën e vet kuptimore. Një ndarje e tillë do të shmangte çoroditjen e lexuesit dhe do t’ia lehtësonte ndjeshëm perceptimin e kuptimit të fjalisë. Këtu dua të ndalem pak edhe te një standard i dyfishtë që është përdorur në shkrimin e shkurtimit të fjalës “Numër”. Për shembull, në një rast fjala “Numër” është shkruar me shkronjë të vogël (nr.), në një rast tjetër me shkronjë të madhe (Nr.).

Një standard po i dy-e-trefishtë përdoret edhe në vijim, kur renditen pesë pikat e urdhrit të presidentit, secila pikë me “kokë më vete”. Kështu, në pikën 1 zoti President urdhëron "Përfundimin e mardhënies në shërbimin civil..."; në pikën 2 urdhëron "Marrëdhëniet financiare në këtë detyrë..."; në pikën 3 urdhëron "Z. Shvarc të bëj dorëzimin..."; në pikën 4 urdhëron "Njoftimin e Departamentit të Administratës Publike..." dhe në pikën 5 urdhëron "Ngarkohen Drejtoria e Buxhetit dhe Mirëmenaxhimit Financiar...". 

Por nuk ndalen me kaq. Në pikën 1 hasim në një fjali, e cila mund të jetë gjithçka, por vetëm fjali e gjuhës shqipe jo. Po e sjell këtu: “Konstatimit të diplomës të pa njësuar nga Ministria përgjegjëse e Arsimit, sipas procedurës së parashikuar në legjislacion, përpara se të konkurronte në shërbimin civil.” 

Në të njëjtën fjali (le ta quajmë kështu, sa për t’u dhënë drejtim argumenteve) ka edhe dy gabime të tjera, po aq të trasha sa ai që lamë pas. I pari ka të bëjë me përdorimin e nyjës, ku ngatërrohet gjinia femërore me gjininë mashkullore. Shkruhet “... diplomës të pa njësuar”, kur duhej shkruar “diplomës së pa njësuar”, sepse kemi të bëjmë me një mbiemër të nyjshëm të shkallës pohore, i cili vjen pas një emri në trajtën e shquar të gjinisë femërore.

Për më tepër, dhe këtu kalojmë te gabimi i radhës, edhe vetë mbiemri “e pa njësuar” është shkruar gabim, pasi duhej shkruar bashkë (e panjësuar) dhe jo ndaras. Pra, njësoj si i padrejtë, e pabarabartë, e paaftë etj.).

Ndërsa në pikën 3 të Urdhrit, mënyra lidhore e vetës së tretë njëjës të foljes “bëj” shkruhet “të bëj”. Pra, mungon një ‘ë’ në fund. Unë të bëj/ ti të bësh/ ai (zoti Shvarc) të bëjë.

Tani le të kthehemi edhe një herë te zoti Shvarc, zellin e të cilit për gjuhën shqipe e njohin të gjithë ata që kanë lexuar ndonjë vepër të përkthyer prej tij. Nëse shkresën në fjalë do t’ia kishin dhënë për redaktim vetë atij, pra, të shkarkuarit nga puna, jam i bindur se do të pranonte ta bënte me shumë kënaqësi, për një arsye madhore: për hir të gjuhës shqipe, zoti President.

Hysni Ndreu
 

12
Zoologji / Xixellonjat
« ne: 28-08-2022, 00:57:27 »
 

Çdo herë që AgroWeb shkruan për xixëllonjat tërheq gjithmonë interesin e lexuesve të shumtë dhe besnikë, të cilët janë të shqetësuar pse gjithnjë e më pak i ndeshin këto bukuri plot dritë që na sjellin ndërmend momentet më të bukura të fëmijërisë. Është i madh malli për stinët e bukura të kaluara në natyrë, nën mantelin e qiellit plot yje dhe në praninë e xixëllonjave të cilat me shkëlqimin e tyre shpesh e bënin natën ditë. Kur është hera e fundit që ke parë një xixëllonjë? Nëse nuk e mban mend, atëherë ka kaluar shumë kohë dhe nëse i ke parë rrallë problemi mbetet serioz.

Çfarë po ndodh në të vërtetë?

Bletët nuk janë të vetmet specie në zhdukje, pasi edhe fluturat po hasin vështirësi. Por me xixëllonjat situata është mjaft problematike. Prej vitesh, shkencëtarët kanë paralajmëruar shuarjen e 2,000 specieve të ndryshme të xixëllonjave. Nuk është aspak çudi. Dora e njeriut në mjedis është shkatërrimtare. Krijesa të ndryshme ‘janë pa shtëpi.” Xixëllonjat shumohen dhe jetojnë në pyje, pranë liqeneve dhe lumenjve, nëpër kopshte dhe lëndina. Por kur betoni zapton çdo hapësirë të gjelbër, xixëllonjat humbasin habitatin e tyre. Sikur betoni të mos mjaftonte, ekzistenca e tyre ndikohet për keq edhe nga pesticidet dhe ndotjet e shkaktuara nga njeriu. Xixëllonjat rrëfejnë më së miri shëndetin e mjedisit që na rrethon. Sipas Dokumentit Shkencor Mbi Xixëllonjat, ato po shuhen në mbarë botën si rezultat i degradimit dhe humbjes së habitatit të tyre, ndotjes së lumenjve, përdorimit në rritje të pesticideve dhe ndotjes së vazhdueshme të ndriçimit në zonat e banuara nga njerëzit.

Këto insekte fluturuese janë si zanat e përrallave. Ato janë epitoma e mbrëmjeve më të bukura verore dhe dashuria e parë me mrekullitë e natyrës për shumë prej nesh. Nëse humbasim xixëllonjat, do të këpusim njëherë e mirë atë fillin e hollë që na lidh me magjinë e nënës natyrë dhe botës së mrekullueshme të saj. Njeriu nuk mundet ta përballojë një humbje të tillë, sado e parëndësishme në dukje. Ajo që ne mundemi të bëjmë është të krijojmë mundësi nëpër kopshtet tona për xixëllonjat duke: • shmangur përdorimin e kimikateve. • lejuar krimbat dhe kërmijtë të shërbejnë për ushqimin e larvave të xixëllonjave • fikur dritat e verandave apo kopshteve • krijuar bimësi të bollshme për to. Këto hapa mund të duken të rëndomtë, por ruajtja e xixëllonjave ka shumë rëndësi. Habitatet e xixëllonjave shfrytëzohen edhe nga shumë krijesa të tjera të natyrës si zvarranikët, zogjtë, amfibët dhe shumë specie të tjera. Sa më shumë krijesa të natyrës të humbasim aq më pak do të investohemi në aspektin emocional. Xixëllonjat janë të domosdoshme të vazhdojnë misionin e tyre si ambasadorë të magjisë së natyrës./AgroWeb.org

13
 

Kosova dhe Serbia janë pajtuar që të heqin dorë nga lëshimi i dokumentit për hyrje-dalje për shtetasit e të dy vendeve. Kështu bëri të ditur më 27 gusht shefi i diplomacisë së Bashkimit Evropian, Josep Borrell.

“Në kuadër të dialogut të ndërmjetësuar nga BE-ja, Serbia është pajtuar që të heqë dokumentet për hyrje-dalje për qytetarët me letërnjoftime të Kosovës dhe Kosova është pajtuar që të mos lëshojë dokumente të tilla për qytetarët që posedojnë karta të identitetit të Serbisë”, tha ai përmes një postimi në Twitter.

Gjatë kësaj jave, Escobar dhe Lajçak qëndruan në Kosovë dhe Serbi, ku diskutuan me liderët shtetërorë dhe partiakë për çështjen e dokumenteve dhe targave. Ata thanë se palët duhet të zotohen se do të shmangin dhunën më 1 shtator. Vendimi i 26 qershorit i Qeverisë së Kosovës për targat dhe dokumentet serbe rriti tensionet në veri të vendit. Më 31 korrik dhe 1 gusht, serbët lokalë vendosën barrikada në rrugë në shenjë pakënaqësie për këto dy vendime. Kosova më pas shtyu zbatimin e tyre deri më 1 shtator.

Por, bashkësia ndërkombëtare u angazhua për të bindur palët që të arrinin marrëveshje për të shmangur përshkallëzimin e situatës më 1 shtator, kur duhej të hynte në fuqi vendimi për dokumentet serbe, por edhe për targat. Kosova për disa orë më 1 gusht zbatoi vendimin për dokumentin për hyrje-dalje, derisa serbët hoqën barrikadat.

Prishtina ka argumentuar se lëshimi i një dokumenti të tillë u bë duke respektuar një marrëveshje që Kosova dhe Serbia kishin arritur më 2011, në kuadër të dialogut. Serbia që nga ajo kohë kishte lëshuar një dokument të tillë për të gjithë shtetasit e Kosovës.

Kryeministri i Kosovës, Albin Kurti, kishte deklaruar më herët se ishte i gatshëm të hiqte dorë nga lëshimi i dokumentit për hyrje-dalje për shtetasit e Serbisë, nëse edhe Beogradi do të vepronte njësoj.

Ndërkaq, më 27 gusht, presidenti i Serbisë, Aleksandar Vuçiç, deklaroi në Beograd se Serbia do të pranonte dokumentet e Kosovës, vetëm nëse në kufi do të lëshohej një deklaratë ku bëhej e ditur se kjo nuk do të nënkuptojë njohjen e pavarësisë së Kosovës nga Serbia.

Por, sa i përket targave, Vuçiç tha se ky vendim do të nisë së zbatuari më 1 shtator, pasi Kosova dhe Serbia nuk kanë arritur, siç tha ai, një “zgjidhje kompromisi”.

Vendimi për targat serbe konsiston në riregjistirmin e tyre në RKS (Republika e Kosovës). Vlerësohet se 10.000 targa që lëshohen nga Serbia, me akronime të qyteteve të Kosovës, qarkullojnë në veriun e Kosovës të banuar me shumicë serbe.

Targat sikurse KM, PR, PZ, UR e të ngjashme konsiderohen të jashtëligjshme nga Kosova dhe Prishtina kërkon që pronarët e makinave me targa të tilla t’i konvertojnë ato në RKS brenda një periudhe prej 61 ditësh.

Serbia ka kërkuar që këto targa të zëvendësohen me targat e mëhershme KS, që kanë status neutral ndaj shtetësisë së Kosovës, por kjo është kundërshtuar nga kryeministri Kurti./REL

14
Tema Aktuale / Paradat e Edi Ramës
« ne: 26-08-2022, 20:35:47 »
Kur të mbarojnë këto paradat që po bën Kryeministri me kampionët e Shqipërisë në atletikë me shumë gjasë so fillojnë paradet e politikanëve shqiptarë të arrirë. Përshembull të Hënën do jete Arben Ahmetaj si ministri që vodhi më shumë. Të Martën do jetë Saimir Tahiri si njeriu që për 3 vite kanabizoi gjithë vendin. Të Mërkurën do jetë Ilir Beqja si ministri që abuzoi me më shumë tendera në mjekësi. Të Enjten do jetë Belinda Balluku si njeriu që një km rrugë e mbylli me 21 mln euro. Të Premten do jetë Elisa Spiropali, që ndryshoi mënyrën sesi vidhet duke u fshehur mbrapa kompanive të huaja me emër. Të Shtunën do jetë Sandër Lleshaj si njeriu që revolucionarizoi pëdorimin e gazit lotsjellës dhe blerjen e makinave të shtrenjta vetëm për 40 mijë euro. Të Dielën do jetë dita e Edi Ramës pasi edhe ai e meriton një ditë sepciale ku të ketë vëmendjen e të gjithë shqiptarëve. Të Dielën të gjithë këta ministrat që festuan dhe bën xhiro me Cadillac në Tiranë do i bëjnë xhiro Edit si shenjë mirënjohje njeriut që për 10 vite në pushtet ka pasur më shumë skandale se cdo KM më parë dhe si njeriu që arriti ta bënte krimin edhe më keq se ishte në kohën e PD-së. Çdo ditë e javës do ketë një ministër ose deputetë të Rilindjes, ndërsa e Diela e rezervuar vetëm për të gjatin. Rituali do përsëritet deri në vazhdimësi kur të prishet Cadillacu.

Lolita Albania

15
Sporte Ekstreme / Florian Marku (info, foto, video)
« ne: 25-08-2022, 13:30:15 »
Florian Marku dhe ndeshjet 100% te sigurta.

Boksi eshte nje nder sportet qe ka shume kampione. Kjo per shkak te peshave te ndryshme, federatave, agjensive, titujve dhe kontratave te ndryshme.
Mirepo dhe ne boks ka njefare rregulli.
Jane kater federata boterore, WBA, WBC, WBO dhe IBF.
Per cilin titull lufton Florian Marku?
Florian Marku i perket kategorise welterweight, nje kategori qe ka njohur legjenda si Manny Pacquiao apo Floyd Mayweather.
Aktualisht kampion i unifikuar ne tre federata per kete peshe eshte Errol Spence Jr. perveç federates WBO ku kampion eshte Terence Crawford.
Atehere pse Floriani nuk ndeshet per titullin boteror? Dhe nese nuk ndeshet per titullin boteror, per çfare titulli ndeshet?

Florian Marku na ka treguar ne vitet e fundit se eshte shume i zoti te fitoje ndeshje 100% te sigurta me boksiere qe nuk jane as ne top dhjeteshen e peshes se vet, te cilat i mbeshtjell me nje marketing patriotik duke ngritur peshe zemrat e shqipeve.
Kontrata private pa shume lidhje me federatat.
Mirepo shqiptaret nuk jane sot aq te etur per pak fame nderkombetare dhe te paditur.
Kemi patur Luan Krasniqin qe ndeshej me Klitchko. Per mos te folur per sporte te tjera si mundja apo peshengritja ku kemi marre medalje.

Atehere per çfare gjithe kjo gjurulldi?
Ky eshte stili i marketingut te Connor McGregor (ose Dana White). Bej zhurme, ulerit, bej gjeste me kembe e me duar qe te rritet vemendja per disa ndeshje te merzitshme me rezultat te fiksuar.
Jopo ai nuk e njihte shqiptarin, jopo i tregova shqiptarin, jopo kenget e Nojzit dhe shqiponja te gjoksi. Mbush Air Albania dhe bej para te lehta me reklamen e nje ndeshjeje stervitore.

Nese Floriani do admirimin dhe respektin e shqiptareve te organizoje meçe te verteta me kampione, fjala vjen me Canelo Alvarez qe eshte 4 kg me i rende dhe 1 cm me i shkurter se ai.
Deri atehere, te vazhdoje te beje gjoja sikur bokson ne garazhin e shtepise.

Lolita Albania

16
Tema Aktuale / Spiunazhi rus ne Shqipëri
« ne: 24-08-2022, 15:27:20 »
Tani qe kemi nje akuze zyrtare te prokurorise dhe deshmine e vete Zorinit se dikush e ka porositur per te fotografuar objekte (port, ujesjelles) mund te dalim ne perfundime:

1 - Ruset nuk jane supernjerez.
Bejne gabime, dhe shpesh kapen. Jane kapur agjentet e tyre ne Serbi, ne Mal te Zi, ne Kosove dhe tani ne Shqiperi.
Tashme Shqiperia ka ne dore tre “peshq” te cilet mund t’i shese shtrenjte.

2 - Siguria jone eshte ne gjendje te mjerueshme dhe ka nevoje per investime.

Objektet ushtarake rezultuan aq pak te ruajtura sa mund te futet kushdo, te preke me dore armatimin, makinerite dhe te fotografoje ç’te doje. Per me teper keto foto t’i nxjerre online neper website.
SHISH dhe AISM nuk dinin asgje. Nuk kishin bere as nje kerkim ne Google. Svjetllanen as nuk e njihnin.
Vetem pas faktit zbuluam se zorret e barkut te objekteve ushtarake ishin fotografuar dhe analizuar neper bloget e botes.

Niko Peleshi tha se po mendojme t’i rikthejme ne funksion uzinat ushtarake. Do ishte gje e mire nese industria jone ushtarake rivitalizohet.

Ne te njejten kohe, do ishte mire qe ne fushen e sigurise se jashtme faktori shqiptar te ishte i bashkuar perballe kercenimeve te Vuçiçit per lufte ne veriun e Kosoves.

3 - Lufta.
Ne Ukraine po zhvillohet nje lufte e nxehte por ne gjithe frontin lindor te NATO-s po zhvillohet nje lufte hibride.
Cilat jane mjetet e luftes hibride?
Subversion, sabotim, spiunazh, hackerim, dezinformim.
Cilat jane qellimet e propagandes ruse?
Te nxise pakenaqesine dhe urrejtjen per Ukrainen, per NATO-n. Te beje fajtor perendimin per krizen energjitike dhe inflacionin. Te stimuloje revolten deri ne gjendjen sa te behet e paperballueshme per qeverite te mbeshtesin NATO-n.
Te beje qesharake pretendimet e ligjshme per nderhyrjet ruse dhe te fuse diversion me informacione te rreme, gjysem te rreme apo spostim te vemendjes.
Te fuse konspiracione se si po behet nje komplot i madh nga satanistet globaliste dhe Putini po na mbron nga ky komplot.
Te ngjalle friken dhe terrorin se po ruajtem sovranitetin dhe pavaresine do shfarosemi nga ndonje holokaust berthamor, prandaj eshte
me mire t’i nenshtrohemi Rusise.

Çfare mund te bejme ne?
E thjeshte, te ekspozojme mentalitetin imperialist rus, krimet e tyre te luftes, perdorimin e furnizimit me nafte dhe gaz si arme lufte, mbeshtetjen per kriminelet ballkanike serbe, rolin destabilizues dhe antishqiptar ne rajon.
Ne nuk mbeshtesim NATO-n, ne jemi NATO.

Lolita Albania

17
Pyetper / Si luhet loja Zhol?
« ne: 22-08-2022, 20:31:31 »

18
Tema Aktuale / Spiunazhi rus ne Shqipëri
« ne: 21-08-2022, 14:58:17 »
Katër shtetas të huaj janë arrestuar nga policia në Poliçan pasi janë kapur duke fotografuar uzinën e vjetër të armëve. Mësohet se bëhet fjalë për 4 persona me kombësi çeke.

“Rreth orës 08:40 të mëngjesit të sotëm, tek një nga tunelet në Uzinën e Poliçanit, janë konstatuar lëvizje të personave të paidentifikuar.

Menjëherë Policia Ushtarake në bashkëpunim me Policinë e Shtetit kanë izoluar hyrjet e tuneleve të cilët janë pothuaj se të gjithë komunikues me njëri tjetrin dhe pas kërkimeve kanë ndaluar dy persona me kombësi çeke.
Rreth orës 12:30 në distancë 1.5 km larg tuneleve jashtë perimetrit të rrethimit të repartit u konstatuan dhe shoqëruan edhe dy shtetase te kombësisë çeke, bashkëjetuese të dy shtetasve të mësipërm.
Personat e mësipërm janë ndaluar dhe aktualisht vazhdojnë procedurat nga autoritetet e sigurisë në vend”, njofton Ministria e Mbrojtjes.

Arrestimi vjen një ditë pas incidentit të ndodhur në Gramsh ku dy shtetas rusë dhe një ukrainas u arrestuan pasi tentuan të futen në uzinën e armëve./lapsi.al

19
Tema Aktuale / Spiunazhi rus ne Shqipëri
« ne: 21-08-2022, 14:56:22 »
Dy rusët Svetlana Timofeeva dhe Mikhail Zori si dhe shtetasi ukrainas F.A, 25-vjeç po mbahen në komisariat prej mbrëmjes së djeshme pasi u arrestuan për shkak të sulmit ndaj ushtarëve shqiptarë në fabrikën e armëve në Gramsh.

Policia shqiptare dhe autoritetet e tjera kanë njoftuar ambasadën ruse në Tiranë në lidhje me ngjarjen e ndodhur duke kërkuar informacion për këta tre individë.

Por çfarë kanë postuar ata në rrjetet sociale

Në tre profilet e tyre personat e arrestuar prezantohen me emra të tjerë. Shtetasi ukrainas F.A, 25-vjeç mban në instagram emrin Cyanidium ndërsa në të dhënat e mëposhtme e përshkruan veten si fotograf që ka pasion për të eksploruar vende të ndryshme.

Në story një ditë më parë ai ka ndarë edhe foton e automjetit të tij tip “Chevrolet”, që u raportua edhe nga autoritetet vendase si tregues i mjetit me të cilin po udhëtonin tre shtetasit e huaj.

Rusja e arrestuar Svetlana Timofeeva mban në instagram emrin Lana Sator, e cila po ashtu ndjek të njëjtin model në rrjetet sociale. Ajo prezantohet si eksploruese dhe viziton vende të ndryshme. Ajo ka edhe një blog të saj të vendosur me link ku shkruan për udhëtime të ndryshme që bën,

Ditën e djeshme ajo ka postuar foto të ndryshme të shkrepura në uzinën e armëve në Gramsh duke përshkruar fortësinë e dyerve në tunelet e vjetra.

Më 3 maj të vitit 2018, ajo ka shkruar një artikull për bazat e braktisura ajrore në Europën lindore ku përmendet edhe Shqipëria.

“Disa besojnë se baza ndodhet nën një mal respektivisht mes Bosnjes dhe Kroacisë dhe emigrantët kalojnë nëpër bunker. Por kjo nuk është kështu. Të gjithë migrantët vijnë përgjatë mbetjeve të pistave. Meqë ra fjala ne i takuam atje rreth 10 persona të arratisur nga Iraku. Disponim i mirë, anglishte e shkëlqyer dhe qëndrim pozitiv. Edhe pse aftësi jashtëzakonisht të ulëta të fshehta.

Fatkeqësisht, as mbetjet e avionëve nuk janë ruajtur në këtë bazë ajrore, megjithatë, ka një avion monumental aty pranë me një lëndinë të shkëlqyeshme përreth, në të cilën është mirë të vendosesh për natën me tenda. Prandaj, shkuam në Shqipëri, në një tjetër bazë ajrore nëntokësore të braktisur sepse ne prisnim vula betoni të hapur”, thuhet në artikullin që mban emrin Lana Sator.

Rusi i dytë i cili po ashtu gjendet lehtësisht nga postimet ku tre personat e arrestuar kanë bërë tag njëri tjetrin ka postuar tre Story të ndryshme ndërsa në bion e tij në instaram shkruan: “Shumë kurioz për të qëndruar në shtëpi”.

Policia ka dyshime se ata janë të përfshirë në spiunazh, ndërsa dyshimet shtohen akoma më shumë nga forma e kundërpërgjigjes së njërit prej tre të rinjve ndaj ushtarëve të shqiptarë në momentin kur ata janë afruar për t’i komunikuar se po lëvizin në një zonë të ndaluar.

Rusët dhe ukrainasi i kanë mohuar akuzat duke theksuar se shkrepin foto vetëm për t’i postuar në profilet e tyre në instagram ku kanë foto edhe nga udhëtimet e bëra më herët në zona të ngjashme./lapsi.al

20
Pyetper / Cdo te thote blogere?
« ne: 21-08-2022, 14:50:09 »

22
Historia / Skemat piramidale në Shqipëri
« ne: 10-08-2022, 01:21:03 »
Une jam i bindur qe po mos te kishin ndodhur ato piramidat Shqipëria do ishte ne BE sot. Po nejse, e di qe ne histori dhe per te shkuarën nuk flitet me Sikur!

23
Dhe ashtu bene e tani duan te gjithë vetem te ikin. Secili qe fola kete verë kerkonte te gjente nje rrugë për te ikur nga ai vend. Vërtet shume situatë dëshpëruese.

24
Na u ka merzit dhe Netflix. S'ka asgjë interesante.

25
Café Zerion ツ / Cfare keni veshur ne keto momente?
« ne: 10-08-2022, 00:56:29 »
Rrobat e gjumit

Faqe: [1] 2 3 4 5 6 ... 1019