Profile of Ωμέγα

×

Permbledhja

Ωμέγα
Admin
Send PM
Offline Offline
Posts:   938 (0.138 per day)
Data e regjistrimit:   18-04-2004, 18:00:00
Last Active:   17-11-2022, 14:43:06

Messages - Ωμέγα

1
Kontrata që qeveria është duke miratuar me ligj të veçantë për ndërtimin e Portit të ri Turistik të Durrësit ka zhveshur tërësisht mitin disavjeçar të propagandës të saj se “Shqipërisë më në fund i trokiti në derë fati dhe disa pasanikë nga Emiratet Arabe po vijnë të Rilindin Durrësin dhe portin e qytetit”.

Nëse lexon me kujdes planin financiar të projektit, kushtet e kontratës, përfitimet që rrjedhin nga statusi i veçantë “strategjik” dhe aktet se kush do të financojë dhe drejtojë kompaninë, kupton se në fakt po ndodh e kundërta: investitorit i ka trokitur fati dhe në një vend në zemër të Adriatikut një qeveri po e fton të vijë të investojë me risk shumë të ulët dhe fitime kolosale.

Po përse situata e asaj çfarë na është prezantuar është e kundërta?

Pikësëpari, nuk bëhet fjalë për ndërtimin e një porti turistik në Durrës dhe zhvendosjen e portit tregtar. Projekti zhbën tërësisht Portin mijëvjeçar dhe sjell ndërtimin e një kompleksi me pallate, dy hotele dhe një marinë të vogël me 280 vende e cila planfikohet tw ndwrtohet e fundit. 84 vende do të jenë për jahte të mëdha dhe 196 për varka dhe jahte të vegjël. Për analogji mund të bëjmë disa krahasime me koncesionet e dhëna në Shqipëri për marina turistike. Numri i vendeve të ankorimit në Portin e Kalasë së Turrës parashikohet të jetë 700, ndërsa në kontratën e parë me kompaninë Yldon në Durrës 500. Nëse i krahasojmë me porte të tjera afër me ne si në Kotor, Split dhe Greqi numri i vendeve të ankorimit është sërish më i ulët. Po ashtu projekti ndan ndërtimin e vendeve të jahteve për gjatësi mbi 40 metra dhe nën 40 metra. Standardi dhe konkurrenca që kanë disa nga marinat më të zhvilluara të Europës, në Antibes (jugu i Francës) apo Porto Cervo (Sardenja) është për gjatësi jahtesh mbi 170 metra.

Miti i dytë që rrëzohet është ai i rritjes së investimeve pasi projekti ka vlerë kolosale prej 2.1 miliard euro. Ky nuk është projekti i parë në Shqipëri që investon në shifra të miliardave euro. Kemi Statkraftin që ka kaluar vlerën 1 miliard euro, apo gazsjellësin Trans Adriatic. Edhe pse me një rëndësi strategjike më të madhe pasi lidhet me burimet e energjisë, qeveria nuk i ka dhënë të njëjtat lehtësi fiskale që po i jep kompanisë Eagle Hills. Nga ana tjetër, zhvendosja e portit të mallrave në Porto Romano do të kërkojë rreth 800 milion euro për t’u investuar nga qeveria, ose kompani private koncesionare të cilat do t’i nxjerrin paratë nga tarifat portuale.

Nëse ne na është prezantuar se kompania do të vijë të hedhë para në Shqipëri dhe mbas disa vitesh edhe mund të nxjerrë investimin e pastaj ndonjë fitim, jemi gënjyer. Në planin e biznesit thuhet se kompania do të ndërtojë fillimisht 4 mijë apartamente, parkingje, sipërfaqe tregtare dhe 1 hotel. Kjo fazë do të zgjatë 7 vjet dhe nga shitja e tyre (ku vetëm çmimi i banesave llogaritet 1500 euro/m2), do të arkëtohen 697 milion euro. Sipas tabelës të cash flow, angazhimi financiar për Eagle Hills në 3 vitet e para do të jetë rreth 140 milion euro, dhe më pas nga shitja e pasurive do të financohet investimi. Kaq të gëzuar duhet të ndihemi që po vjen një kompani që do të investojë në këto vlera sa t’i japim gjithë këto benefite?

860 mijë m2 të Portit të Durrësit do t’i kalojnë në pronësi të plotë kompanisë për vlerën 1 euro. Në çdo rast, nëse një zhvillues do të ndërtonte 1 pallat, do të blinte tokën e cila do të përbënte peshën kryesore të kostos ose do të hynte në marrëveshje me pronarin për të ndarë në përqindje pronën e zhvilluar. Në këtë rast nuk ndodh kjo. Kompania merr tokën për 1 euro, nis ndërtimin dhe njëkohësisht shitjen e pasurive të patundshme. Në fund të vitit do të ndajë 30% të fitimit me kompaninë Albania Seaports Development që është në pronësi të shtetit shqiptar. Sa i bie shtetit që të marrë pas 7 viteve që përfundon faza e parë sipas planit financiar? 12.6 milion euro. Po në fund të 20 viteve që përfundon gjithë projekti? 280 milion euro.

Një tjetër mit i krijuar është ai i shoqërive të huaja që do të sjellin një përvojë unike dhe do të bëjnë Durrësin si Dubain. Së pari, nuk është pyetur njeri nëse i pëlqen apo jo qyteti artificial dhe pa histori i Dubait, përballë vlerave kulturore dhe historike që ka Durrësi. Së dyti, edhe nëse të gjithë unanimisht do të pëlqenin atë model zhvillimi urban, plani i biznesit i firmës Eagle Hills thotë se do të nënkontraktojë punimet tek bizneset lokale, në kontratë zotohet të zbatojë standardet e ndërtimit të ligjit shqiptar dhe jo ndonjë nivel europian apo qoftë edhe të nomeklaturave të ndërtimit të firmës Emmar.

Kompania thotë se 80 milion euro të kapitalit do ta sigurojë nga bankat dhe do të pranojë financimin nga palët e treta. Sa do të jetë financimi nga palët e treta dhe sa nga xhepi i saj? A do të kalohen filtra për këto financime m.q.s. në mes ndodhet një kompani Offshore, ku mund të hyjnë para nga grupe kriminale, por edhe financues të terrorizmit ndërsa në Shqipëri do të figurojë sikur vijnë nga shoqëria Eagle Hills? Asnjë fjalë për filtra të kapitalit në kontratë.

Së fundi, Eagle Hills te kompania që do të ketë në bashkëpronësi me shtetin do të ketë 3 antarë në Bord duke përfshirë dhe Kryetarin, ndërsa pala jonë 2 antarë dhe zëvendëskryetarin. Drejtori Ekzekutiv do të emërohet nga Eagle Hills. Pra hapësirat e çdo qeverie për të vepruar në këtë marrëveshje pas miratimit nga Parlamenti do të jenë shumë të kufizuara për të ndryshuar kontratën në anën por interesit publik. Prandaj, të gjithë ata antarë të Kuvendit që e ndiejnë se kanë përgjegjësi për këtë vend duhet të lexojnë mirë kontratën, dokumentat dhe planin financiar dhe pastaj të vendosin për fatin e Portit.

Ola Xama

2
Shqiptaret ne Malin e Zi / Kush është Dritan Abazoviç?
« ne: 19-08-2022, 15:02:45 »
”Jam kryeministër që merr vendime të vështira. Sot ndoshta bashkoheni të gjithë në urrejtje. Heren tjeter bashkohuni ne dashuri. Le të flasim për gjëra reale jo halucinacione e bash për këtë duhet të bashkohemi… Pres diskutimin dhe përpjekjen e sotme për të shpjeguar pse erdhi iniciativa për rrëzimin tim, kush është frymëzuesi dhe çfarë fshihet pas saj”.

Abazoviç tha se pas saj nuk qëndron as rruga europiane, as dëshira për të përzier kartat politike.

”Që në ditën e parë u ka shqetësuar fakti që jam pjesëtar i një kombi pakicë [shqiptar]. Unë jam kryeministër që merr vendime të vështira, që mbrojti interesat kombëtare edhe pas 30 gushtit 2020, që ruajti kursin e politikës së jashtme”, ka thënë kryeministri i Malit të Zi, Dritan Abazoviç, në seancën ku po votohet një mocion mosbesimi ndaj tij.

Seanca ka filluar pak minuta pas orës 11:00, kur është paraparë të mbahet.

”Jam kryeministër që merr vendime të vështira. Sot ndoshta bashkoheni të gjithë në urrejtje. Heren tjeter bashkohuni ne dashuri. Le të flasim për gjëra reale jo halucinacione e bash për këtë duhet të bashkohemi… Pres diskutimin dhe përpjekjen e sotme për të shpjeguar pse erdhi iniciativa për rrëzimin tim, kush është frymëzuesi dhe çfarë fshihet pas saj”.

Abazoviç tha se pas saj nuk qëndron as rruga europiane, as dëshira për të përzier kartat politike.

3
Tema Interesante / Kush vuan në burg, krimineli apo polici?
« ne: 18-08-2022, 13:45:06 »
 

A e dini se për kriminelët që qendrojnë në burg paguajmë më shumë para sesa për policët që i ruajnë ata?! Po po, paguajmë më shumë para për ata që janë fajtorë e që i kanë sjellë dëme shoqërisë. E dini sa? Jo pak, por mbi dyfish më shumë. Një polic që punon në institucionet e vuajtjes së dënimit, në burg, paguhet 46 mijë lekë në muaj, ose afro 552 mijë lekë në vit. Po t'i konvertosh në valutën europiane, nuk janë më shumë se 4 mijë e 600 euro.

E dini sa paguan shteti shqiptar mesatarisht për një të burgosur në vit? Mbi 10 mijë euro! Në muaj paguan 834 euro, aq sa është paga e një mjeku që shëron njerëz, paga e një aktitekti që strehon njerëz, e një avokati që mbron njerëz, apo e një pedagogu që edukon brezat e rinj për t'u bërë njerëz më të nevojshëm për shoqërinë.

Paguajmë mijëra euro në vit për ata që kanë trafikuar lëndë narkotike, fëmijë, vajza e gra. Paguajmë mijëra euro për ata që kanë vrarë, dhunuar, marrë peng apo plagosur njerëz. Paguajmë për ata që janë pasuruar nëpërmjet korrupsionit, nëpërmjet vjedhjes, abuzimit dhe keqpërdorimit të detyrës apo postit të punës. Rezultati?! Sot trajtohet më mirë një i burgosur që ka dëmtuar shoqërinë, sesa një polic që e ka arrestuar dhe që e ruan atë brenda qelive për të mos u arratisur.

Për shkak të kësaj situate, sot kemi më pak policë në institucionet e vuajtjes së dënimit. Janë larguar, kanë gjetur një punë si roje kullash ndërtimi ku paguhet më shumë dhe nuk ka orare të tejzgjatura. Disa kanë emigruar jashtë vendit e disa të tjerë janë zhytur në kredi për të mbajtur familjen e për të arsimuar fëmijët.

Neve nuk na duhet një qeveri që më shumë kujdeset për kriminelët, sesa për profesionistët e këtij vendi. Ne na duhet një qeveri që paguan më shumë mjekun, dhe jo ata që i sjell nëpërmjet atentateve mjekut pacientë në spital. Ne duhet të paguajmë më shumë mësuesin, pedagogun që i edukon të rinjtë e jo ata që i rekrutojnë për t'i bërë shpërndarës droge apo vrasës me pagesë.

Nuk jemi vonë për ta bërë këtë, thjesht na duhen njerëzit e duhur, politikanët e duhur. Na duhen ligjvënës që kujdesen për shoqërinë, për familjen, për të rinjtë, e jo për kriminelët e trafikantët që u sigurojnë vota në çdo fushatë elektorale. Ndaj, ky është një moment reflektimi, nga i cili duhet të kuptojmë se kush punon për qytetarin e kush punon për kriminelin.
Kodi: [Zgjidh]
https://www.facebook.com/100068850204856/posts/pfbid0TZdKuRvSdvKFieqhU7g8MEBg7L22EeuuQoo2JsU87Eyb9WZrMSFBnNxLT7oh5yzTl/

4
Mjafton të mos lejosh përdorimin e barnave që regjistrohen e përdoren në BE apo Amerikë dhe ja arrin qëllimit. Jo menjëherë por ashtu, dalëngadalë. Nga pak e për ditë.😡

Po çfarë katil-qeverie është kjo more që bën çdo gjë të ndalojë barnat që përdor perëndimi nëpër farmaci?!

Po çfarë kancer-politike është kjo more që më kollaj gjen kokainë në.treg sesa antibiotikë që prodhon e përdor perëndimi?!

Pse more zuzarë barnat që blejmë në çdo fshat të humbur të Greqisë,Austrisë e kudo në Europë bëjnë derman menjëherë, ndërsa ato që blihen në mes të Tiranës, për të njëjtin çmim, nuk bëjnë efekt!?

Po çfarë maskarenj-pushtetarë janë këta që për vete i marrin barnat në Europë, kurse popullsinë e vrasin me barna fallso, pa din e pa iman?!

Po çfarë xhelatë-zyrtarë janë këta që quajnë kondrabandë përpjekjen për të sjellë ilace nga europa për derman njerzor?!

Po pse more kaq e vështirë qenka ti hidhni në kosh të gjitha shpikjet e politikës vrastare të regjistrimit e tregëtimit të barnave?! 

Çfarë regjistrimi i bëni ju barnave që i prodhojnë e provojnë njerëzia në perëndim, o kriminelë!?

Çështja e barnave nuk është më punë korrupsioni jo!

Është krim kundër njerëzimit!
****
Halli na ka bërë të merremi me këtë gjë prej vitesh. Çdo vit e më keq ka shkuar kjo punë. E kemi provuar në lëkurë.
Farmacistët mbledhin supet dhe rrudhen me keqardhje kur thonë "ska", "është zhdukur nga qarkullimi"....

Mjekët gjithashtu...☹️

Ylli Manjani
Ahhhh..!

5
Historia Shqiptare / Hebrenjtë në Shqipëri
« ne: 17-08-2022, 15:27:37 »

6
Diskutime / Pornografia po na dëmton brezin e të ardhmes!
« ne: 13-08-2022, 19:08:49 »
Brezi i të rinjve po rritet me një model të gabuar që po i ofron shoqëria, media dhe rrjetet sociale. Programe dedikuar pornografisë, ekspozimit të trupit fermëror, çuna me lekë që joshin vajzat, makina të shtrenjta, argëtim në lokale nate dhe promovimi i disa personazheve që nuk kanë bërë asgjë në jetë, përveç se reklamohen e ofendohen me njeri-tjetrin në rrjete sociale.

Sot Kozaku njihet më shumë se Konica, Noizy njihet më shumë se Noli, Moziku më shumë se Migjeni dhe Enca më shumë se Vaçe Zela. Dikur Rilindasit kishin një ndikim të jashtëzakonshëm në shoqëri. Ata frymëzuan një popull të tërë të mbajë gjallë atdhedashurinë, traditën, kulturën tonë autoktone, gjuhën dhe lidhjet me njeri-tjetrin. Sot Rilindasit shihen si ca statuja që të rinjtë i fotogafojnë kur shkojnë në eskursion dhe kaq.

Kur vendin e Rilindasve e merr llumi i shoqërisë, ata të cilët të japin shembull rrugën e shpejtë se si të bësh para nëpërmjet pornografisë dhe drogës, është një shqetësim i madh kombëtar. Nëpërmjet influencuesve, sot shumë vajza lënë shkollën për të shkuar në Dubai, shumë djem lënë shkollën për të shkuar në Belgjikë, Hollandë apo me gomone në Angli. Këta të rinj shembullorë paragjykohen nga ai llumi i shoqërisë që kanë më shumë para, pa studiuar e pa punuar asnjë ditë.

E pra ky nuk është modeli me të cilin meritojnë të rriten fëmijët tanë. Ky nuk është modeli që adoleshentët duhet të kalojnë fazën e pjekurisë. Ky nuk është modeli që të rinjtë të zgjedhin rrugën për të ecur në jetë. Ky nuk është modeli që na garanton një shoqëri të shëndetshme dhe një brez të rinjsh që janë gati t’i japin diçka shoqërisë.

Ndaj mbështetsim nismën e marrë nga Fabian Zhilla  për të ndaluar promovimin në media të këtyre personazheve antipatikë. Media është pushteti i katërt që informon, edukon dhe zbavit shoqërinë, por që po kontribuon për promovimin e pornografisë dhe jetës së lluksit, e cila bëhet me para që burimin e kanë në punët e paligjshme. Ne kemi nevojë për një shoqëri të shëndetshme, të mirëedukuar e që do të jenë profesionistët e së ardhmes, jo palaçot e së tashmes.

Firmosni peticionin online për të zgjuar AMA-n nga gjumi, e t’u vendosi rregulla strikte mediave kombëtare, lokale dhe atyre online.  => https://chng.it/ZJwrysf9k2

7
Pyetper / Si behet kafja amerikane?
« ne: 03-08-2022, 02:08:50 »

8
Tema Aktuale / Hesht Edi!
« ne: 03-08-2022, 01:09:06 »
Duhet përsëritur atë që e kam shkruar dikur: ka raste kur fjalët nuk kanë asnjë kuptim, kur dhembja shkon përtej dhembjes dhe kur duhet t’i dorëzohemi asaj po aq sa edhe familjarët e vajzës që erdhën të pushonin e të çmalleshin me vendlindjen, e ku atdheu ua morri më të shtrenjtën që kishin. 

Dhe përderisa në heshtje e jetojmë dhembjen e atyre që e humbën më të dashurën e vet, do duhet vetvetes t’ia shtrojmë pyetjet që nuk ia kemi shtruar në kohën e duhur. Si për shembull atë se ç’njerëz janë ata që i drejtojnë gomonet vrastare dhe, si u bë Shqipëria vend ku çdokush mund të të vret e thuajse askush nuk të mbron.

Po pra, tragjedia rrëqethëse që ndodhi në Himarë, mund edhe të na ndihmojë t’i gjejmë përgjigjet e duhura, si për shembull atë se drejtuesit e gomoneve që i vrasin fëmijë tanë janë të njëjtë me shumë nga ata që i kemi votuar ne, janë të njëjtë si burrështetasit që e kriminalizuan vendin, të cilëve ua besuam jetën e na dhanë vdekjen, si ata që kërkojnë dënimin e vrasësve tanë, por pasi që vetë e vranë Shqipërinë.

Dhe sot kur e jetojmë këtë dhembje rrëqethëse dhe të paimagjinueshme, tani kur përballemi me këtë tragjedi -  të ta vrasin fëmijën në plazh, aty ku ke shkuar të pushosh e ku ke besuar se je më i mbrojtur se kudo qoftë në tjetër vend -  duhet kërkuar përgjegjësi para së gjithash nga vetvetja. Sepse vetëm kështu do mund të shohim se përtej dhembjes që përjetojmë sot, qëndron mëkati ynë kolektiv i dekadave të fundit, i dekadave gjatë të cilave i përkrahëm ata që përfitojnë edhe nga vdekja edhe nga jeta jonë, ata që na vijnë për ngushëllime me buqete lulesh atëherë kur na i vrasin fëmijët. (Kim Mehmeti)

9
Tema Aktuale / Hesht Edi!
« ne: 03-08-2022, 01:07:45 »
Kronikë e një vrasje të paralajmëruar

Mirupafshim në gjëmën  e radhës.

Ngjarja tragjike në Himarë ku humbi jetën një fëmijë  nga një oficer policie i pa përgjegjshëm është kronikë e një vrasje të paralajmëruar. Nuk është krimi i  parë që ndodh në det për këtë vit. Druaj se nuk është as i  fundit. Vetëm 24 orë më parë drejtori i përgjithshëm i policisë, nisur nga rastet e mëparshme me anë të një qarkoje kërkonte më shumë kontroll për “gangsterët e detit”.
Gjëmat ndodhin sepse jemi përballë mendësisë  - Hëmo sa të kalojë kjo situatë.
Të ngasësh jet-ski në det duhet të lejohet vetëm në një perimetër të caktuar dhe të qartë si për pushuesit  ashtu edhe vozitësit.
Të ngasësh jet-ski në det duhet të kesh licensë.
Nëse publiku beson te policia nuk ka nevojë për policë shtesë për të kontrolluar dhe verifikuar zbatimin e ligjshmërisë. Mjafton një telefonatë në polici dhe ajo duhet automatikisht të ndërhyjë.
Nuk ka nevojë në një vend normal ku sundon ligji për “masa shtesë”, aq më pak për “masa drastike”,  për “urdhëra të rreptë”, për urdhëra për të parë zbatimin e urdhërit, për "angazhim maksimal", për “aksion” për “dron edukues” apo për më shumë “ndërgjegjësim”. Thjesht gjithsecili të bëj detyrën e tij. Dhe detyra nis nga secili prej nesh.
Agresori sot është punonjës i policisë, me histori jo fort të këndshme në polici dhe për më tepër tenton edhe të largohet nga skena e krimit.
Krimi në Himarë u krye me skaf! Për të drejtuar skafin duhet kurs 6 mujor dhe patentë nga kapiteneria e Durresit! (Është intersant të mësohet se kush është pronari dhe me shumë gjasë - ndonjë person me precedent penal)
Tre figura krimi nga një oficer policie:
1-Drejtim mjeti pa dëshminë përkatëse.
2-Vrasje nga pakujdesia.
3-Tentative për tu larguar nga vendngjarja.

Kjo është policia që nuk duam. Kjo është edhe sfida që nuk po e fiton dot policia. Një polici e shtetit dhe jo e partisë, një polici që njeh ligjin dhe jo urdhërin, një polici ku respektohet karriera dhe jo “lidhjet e shkurtra” me bandat dhe politikën. Nëse vendoset “rendi brenda rendit” është më e thjeshtë që të sigurohet rendi dhe qetësia e pushuesve dhe e të gjithëve.
Përtej problemeve të policisë duhet të shohim problemet me veten. Krimet më të mëdha dhe më të rënda ndodhin në sezonin e pushimeve. Dikush humb jetën për një parkim, dikush për një pse më pe, një tjetër pse muzika është e lartë…
Pa respektuar veten dhe jetën në komunitet nuk mund të ketë rend dhe qetësi. Nuk mund të ketë një polic pranë çdo problemi që del. Nuk mund të ketë një zjarrëfikëse për çdo zjarr që ndezim. Nëse muzika kthehet në makth për banorët - zgjidhjet teknologjike dhe ligjore sot ekzistojnë. Nëse të krisur me jet ski vozitin në afërsi të pushuesve - duhet të mjaftojë një telefonatë dhe një shembull i mirë për pronarin e “jet ski” dhe për vozitësin pa leje. Kaq duhet të mjaftojë. NJE SHEMBULL!
Urdhërat dhe masat e marra si konfini pas të vjelit kanë po aq  efekt sa ka urdhëri i oficerit ndaj ushtarit një ditë para lirimit.
Siguria në plazhe nuk arrihet me urdhëra të datës 1 gusht. Siguria dhe qetësia në plazhe arrihen nëse nuk punohet me aksion nuk punohet me urdhëra të rreptë dhe me masa drastike.
Si ndodh që është mbushur bregdeti me adoleshentë që pa asnjë minutë përgatitje marrin dhe ngasin  motorrë uji?!
Sa mjete motorrike janë sekuestruar gjatë këtyre viteve?
Ku janë sot ata që kanë kryer krime me mjete motorrike në ujë?
Sa patenta janë lëshuar dhe nga cili institucion?
Mbi çfarë bazash dhe përgatitjesh profesionale?
Sa mjete janë kolauduar dhe sa kanë mbetur për shkak të amortizimit?
Sa pronarë të tyre janë ndëshkuar/gjobitur? Sa “dronë edukues” janë ngritur për të parë kontrollin e territorit?
Sa gjoba janë vënë për prishësit e qetësisë në plazhe dhe kudo?
Cilat janë pikat e nxehta në vite që prodhojnë  ngjarje të rënda?
Çfarë masash janë marrë që të mos përsëriten?
Rendi dhe qetësia nuk mund të vihen vetëm as nga qytetarët dhe as nga policia. Rendin dhe qetësinë e garanton një bashkëpunim dhe besim që qytetari duhet të ketë te policia. Besim që është tronditur prej rasteve që nuk është koha dhe vendi për t’i përsëritur.
Nëse nuk ndryshon qasja ndaj problemeve, sërish deri në gjëmën e radhës do të flasim për shkarkime, inspektime, urdhëra të rrepta dhe masa shtesë. Sërish do të kemi dy realitete, një në terren dhe tjetrin në shkresat dhe lajmet televizive.
Lajmi i fundit është se drejtori i përgjithshëm ka dhënë urdhër për ngritjen e një grupi të posaçëm për të verifikuar zbatimin e porosive të dhëna nga ai vetë!
Dmth policia nuk zbaton porositë e DPPSH.(Drejtorit të Përgjithshëm të Policise Shtetit!!!) Në këtë rast ose ikën policia, ose ikën drejtori. Te dy nuk mund të bashkëjetojnë!

Ky stil menaxhimi dhe qasje ndaj problematikës nuk garanton aspak mos përsëritjen e ngjarjeve dhe krimeve të tilla. Thjesht i shërbejnë daljes momentale nga situata dhe i ngjajnë njeriut që  fsheh mbeturinat nën tapet për të krijuar iluzionin e pastërtisë…

Lutfi Dervishi

10
Tema Aktuale / Hesht Edi!
« ne: 03-08-2022, 01:04:50 »
Hesht kur nuk ke ndjeshmërinë për të kuptuar dëshpërimin që kaploi sot të madh e të vogël! Hesht kur nuk gjen dot fuqinë për të pranuar fajin e për të marrë veprime të ashpra që zgjidhin problemin! Hesht Edi se sot jemi në zi! Madje shpalle nesër zyrtarisht ditë zie se jeta e vogëlushes për nga padrejtësia si iku e trauma që shkaktoi te ne është dhimbje që preku çdo zemër të shëndetshme.

Hesht Edi se sot nuk vdiq thjesht një fëmijë, por vdiq edhe më shumë besimi i popullit te mundësia që ky vend mund të ndryshojë!

Sipas teje ne as kur na vrasin nuk kemi të drejtë të flasim?!

Ti nuk hesht Edi se ti e di që nuk të ndodh gjë. Ndaj guxon dhe sillesh keq dhe në ditë si kjo. Sot normalisht populli duhet të të kërkonte llogari. Por, ti e di që nuk ndodh. E di ti se bashkë me ata të tjerët e keni lidhur në 700 zinxhirë. Keni ngritur një sistem të lig balte që ju ruan nga çdo reagim. Nuk hesht se e di që nëse ndokush nga ne ngrihet e t'i sjell njerëzit te dera ti dhe tellallët e tu që janë kudo do nisni të thoni: "Ata që u ngritën bëjnë politikë me të vdekurit".
Pastaj ata që janë si ty por që sot ndodhen në opozitë të trembur se mos u ikën monopoli i opozitarizmit do vazhdojnë ison e do thonë: "I ka ngritur Edi këta që të shfryjnë revoltën popullore". E kështu ti Edi dhe ata si ty përballë teje na mbani ne nën sundim. Na shtypni. Na vrisni. Pastaj na kërkoni dhe të heshtim duke na thënë ne se po merremi me politikë.

Hesht TI Edi se sot jemi në zi.

Nga Adriatik Lapaj

13
Influencer / Blogger / Meriton Mjekiqi (info foto video)
« ne: 03-08-2022, 00:52:12 »
 

 

14
Influencer / Blogger / Meriton Mjekiqi (info foto video)
« ne: 03-08-2022, 00:51:38 »
Beach boy vere 2022
 

15
Influencer / Blogger / Antonela Berisha (info foto video)
« ne: 03-08-2022, 00:48:12 »
 

 

16
Influencer / Blogger / Antonela Berisha (info foto video)
« ne: 03-08-2022, 00:47:49 »
 

17
Influencer / Blogger / Antonela Berisha (info foto video)
« ne: 03-08-2022, 00:47:31 »
 

 

18
Influencer / Blogger / Antonela Berisha (info foto video)
« ne: 03-08-2022, 00:46:57 »
 

19
Influencer / Blogger / Antonela Berisha (info foto video)
« ne: 03-08-2022, 00:46:39 »
 

20
Vipat Shqiptare / Dafina Dauti (Lajme, Info, Foto, Video)
« ne: 03-08-2022, 00:39:30 »
 

21
Vipat Shqiptare / Dafina Dauti (Lajme, Info, Foto, Video)
« ne: 03-08-2022, 00:39:19 »
 

22
Influencer / Blogger / Dafina Begolli ( info foto video)
« ne: 03-08-2022, 00:37:48 »
 

23
Influencer / Blogger / Dafina Begolli ( info foto video)
« ne: 03-08-2022, 00:37:38 »
 

24
Influencer / Blogger / Dafina Thaqi (info foto video)
« ne: 03-08-2022, 00:36:13 »
 

25
Influencer / Blogger / Dafina Thaqi (info foto video)
« ne: 03-08-2022, 00:35:09 »
 

Faqe: [1] 2 3 4 5 6 ... 29