×

Frika dhe stresi lexohen permes gjakut

Frika dhe stresi lexohen permes gjakut

· 2 · 730

  • Postime: 12163
  • Gjinia: Femer
dreamm
ne: 03-05-2012, 11:35:49
Çfarë mund të na thotë një rruazë e kuqe gjaku për personin? Më shumë se sa mund të imagjinohet, të paktën sipas ekspertëve ‘të leximit të gjakut’. Ata thonë se gjaku na tregon për zakonet e të ngrënit, nevojat tona, frikën dhe stresin. ‘Në fakt në gjak, rrëfejnë ekspertët, ose në qelizat që e përbëjnë atë është e shkruar ekzistenca e një personi’. Mjafton të dish të lexosh rruazat e kuqe të gjakut të tipit Ph, të cilat janë të lidhura me mirëqenien.

Mikrobiologu amerikan, Robert Young i njohur për studimet e tij për dietën alkaline në një prezantim në Romë do të bëjë një test gjaku të një vullnetari përmes së cilit do të tregojë qelizat e kuqe dhe domëtheniet e tyre. Ai përmes analizës zbulon zakonet e keqia të të ngrënit dhe stresin e një personi. Po ashtu nëpërmjet gjakut mund të evidentohet frika e një individi. Eksperti do të tregojë sesi një dhimbje në një zonë të veçantë të trupit lidhet me frikën që ndiejmë. Young ka shtuar se trupi ynë flet për ne, fytyra, veshët, duart, zëri, sjellja na tregojnë sesi të largojmë problemet sesi të triumfojmë.


http://www.shqiperia.com/lajme/lajm/nr/16035/Frika-dhe-stresi-lexohen-permes-gjakut

  • Postime: 22774
  • Gjinia: Mashkull
M A X
#1 ne: 01-12-2019, 15:15:48
 

Shpesh frika, ndjenja e fajit dhe kujtimet e pakëndshme bllokojnë veprimin tonë dhe ekuilibrin e brendshëm, është e rëndësishme të rritemi dhe të njohim veten më mirë në mënyrë që të kapërcejmë këto negativitete.

Për të arritur këtë qëllim, ne jemi munduar të hartojmë një tabelë me rregullat themelore për t’u ndjekur:

– Mos u lidhni me asnjë shkollë të mendimit ose doktrinë, sepse ato janë vetëm interpretime dhe për këtë arsye jo të vërteta absolute. Ato që formojnë mësimin e vetëm të vërtetë janë përvojat e jetës, ndërsa politika, filozofia dhe feja janë vetëm metoda që na ofrojnë njohuri.

– Mbani mendimet tuaja të lira nga gjithçka mbi të gjitha nga frika dhe paragjykimet e panevojshme: jini të hapur për çdo formë të diturisë kjo do t’ju ndihmojë të jetoni më mirë si ngjarje të gëzueshme, ashtu edhe të dhimbshme.

– Aplikoni sa më shumë atë që quhet “prania mendërisht” në një situatë, sepse ndihmon të jeni plotësisht të pranishëm dhe të jetoni të tashmen. Ne e dimë mirë që për ta ushqyer këtë duhet të jemi të vetëdijshëm për jetën tonë. Duhet të jetojmë dhe vlerësojmë të gjitha ndjesitë, emocionet, të gjitha bukuritë që na ofron natyra.

– Jetoni sikur të jeni duke u përballur me një aventurë dhe si e tillë, gjithmonë duhet të përpiqeni të kapërceni të gjitha fatkeqësitë dhe provat që lindin. Mos harroni se vështirësia dhe negativiteti na izolojnë dhe pavarësisht nëse i tejkaloni apo jo ato, ju gjithmonë duhet të jepni më të mirën.

– “Zakonet na fshehin realitetin” dhe për këtë arsye jetojmë në mënyrë që kjo të mos ndodhë. Por, le të mahnitemi sikur të ishim fëmijë të përjetshëm nga gjithçka që natyra na bën të njohim dhe jetojmë dhe mbi të gjitha të vlerësojmë magjinë e heshtjes në mënyrë që të ruajmë Unin, si dhe të bisedojmë me veten tonë.

– Jini gjithmonë vetvetja dhe mos vishni kurrë maska për të kënaqur ose për t’u pranuar nga të tjerët, tregoni gjithmonë personalitetin tuaj për atë që jeni vërtet!

– Mos harroni se gjithçka që jeni ose dëshironi të jeni, varet vetëm dhe gjithmonë nga vetja juaj dhe se si lidheni me gjithçka rreth jush. Sa më e vërtetë dhe më e lirë të jeni, aq më shumë do të jeni në gjendje të evoluoni dhe të jetoni të lumtur.

– Imagjinoni çdo ditë sikur të ishte një festë dhe për këtë arsye çdo ditë do të duhet të jetë unike dhe e papërsëritshme. Në gjithçka që bëjmë ne duhet të bëjmë përpjekjen maksimale, sikur të ishte një gjë e shenjtë.

– Duhet të nxjerrim arsye gëzimi edhe nga ngjarje të dhimbshme për të qenë gjithmonë të gatshëm për të gjetur paqen tonë të brendshme, edhe kur momenti është i pafavorshëm. Në ato momente do të jetë e mjaftueshme të kujtojmë bukurinë që na rrethon, për të gjetur forcën për të reaguar me pozitivitet.

– Asnjëherë mos harroni se çdo gjë që bëjmë në kurriz të të tjerëve me kalimin e kohës do të na prekë edhe ne vetë, pasi të gjithë jemi të lidhur me njëri-tjetrin sikur të ishim kaq shumë gjethe të një peme të madhe, dhe ne këmbejmë dhe ushqehemi me të njëjtën pemë nëpër degë. / meb.al