×

Kolesteroli - Çrregullimet e kolesterolit

· 4 · 606

Kolesteroli - Çrregullimet e kolesterolit

· 4 · 606

  • Postime: 20998
  • Gjinia: Mashkull
M A X
ne: 23-11-2011, 15:13:10
Çrregullimet e kolesterolit, rreziqet e tij
Nga Gazeta Standard

Të gjithë na ka rënë rasti që të dëgjojmë shpesh mbi kolesterolin dhe mbrojtjen ndaj tij. Në media, sidomos gjatë reklamimit të produkteve ushqimore, theksohet niveli i ulët i kolesterolit si një avantazh diferencues i produkteve të ndryshëm ushqimor. Megjithatë, shumë prej nesh ende nuk e dinë se çfarë është në të vërtetë ai dhe se çfarë rreziqesh paraqet.
Hiperkolesterolomia, si një term që përdoret gjerësisht kësaj çështjeje në fushën e mjekësisë, i referohet niveleve të kolesterolit në gjak, të cilat janë më të larta se normalja. Në vetvete, kolesteroli është një molekulë e cila lëviz në gjakun e trupit të njeriut dhe përbën një nga molekulat më të rëndësishme të trupit tonë pasi është pjesë përbërëse e hormoneve dhe steroideve tona. Rreth 75 – 80% e sasisë së kolesterolit që gjendet në trupin tonë, është krijuar gjatë jetës së njeriut. Pjesa tjetër duhet të merret nga jashtë nëpërmjet ushqimeve me bazë mishi.
Që të mos shqetësohemi dhe të themi se kemi sasi normale të sasisë së kolesterolit në gjak, duhet që të regjistrojmë jo më shumë se 200 mg për decilitër gjak (mg/dL). Sasia nga 200 deri në 239 mg/dL kolesterol mund të konsiderohet si një kufi i pranueshëm, por që duhet mbajtur nën kontroll. Një sasi më e madhe se 239 mg/dL regjistrohet si sasi e lartë e kolestrolit në gjak dhe në këtë rast kemi të bëjmë me hiperkolesterolomi.
Ky çrregullim ndahet në dy kategori të mëdha: lipoproteina me densitet të ulët (LDL) i quajtur edhe si kolesteroli i “keq” si dhe lipoproteina me densitet të lartë (HDL), i quajtur kolesteroli i “mirë”. Dietat, ushtrimet fizike, alkooli dhe sëmundje të caktuara ndikojnë tek të dy tipet e këtij çrregullimi. Nëse konsumoni shumë ushqime, ka shumë mundësi që të rrisni nivelin e kolesterolit të tipit LDL. Ushtrimet fizike dhe rënia në peshë nga njëra anë rrit kolesterolin e tipit HDL dhe ul atë të tipit LDL.
Hiperkolesterolomia rrit rrezikun e sëmundjeve të zemrës. Nivelet e larta të qarkullimit të kolesterolit krijojnë disa depozita në enët e gjakut. Këto depozita mbushen me yndyrën e trupit dhe pak nga pak fillojnë të rriten duke shkaktuar bllokimin e venave dhe ulin ritmin e qarkullimit të gjakut. Nëse gjendja arrin deri në bllokimin e venave atëherë është e sigurt që do të pasohet nga një atak kardiak. Nëse bllokimi ndodh në enët e gjakut që shkojnë në tru atëherë ka shumë rrezik që një pjesë e trurit të vdesë.
Ka edhe një sindromë tjetër që quhet hiperkolesterolomia familjare. Kjo sindromë prek personat që kanë në mënyre të vazhdueshme nivele të larta të LDL. Edhe kjo sindromë shkakton bllokim të arteries koronare, gjë që çon domosdoshmërisht në atak kardiak. Në përgjithësi, tek meshkujt një atak i tillë ndodh në moshën 40 – 50 vjeçare. Afërsisht 85% e meshkujve me këtë çrregullim kanë deklaruar se kanë pësuar një atak të tillë para moshës 60 vjeçare. Për femrat, një atak i tillë vonon rreth 10 vjet.
 
« Editimi i fundit: 16-01-2012, 14:19:00 nga M A X »
  • M'pelqe
    Kot fare
    Super

  • Postime: 20998
  • Gjinia: Mashkull
M A X
#1 ne: 16-01-2012, 14:19:06
Sipas një studimi të ri, konsumimi i të paktën 7 kokrrave arrë në ditë do të largojnë kolesterolin e keq, apo sic quhet ndryshe LDL, duke parandaluar kështu sëmundjet kardiovaskulare.

Studimi sqaron se arrat kanë në përbërjen e tyre sasi të konsiderueshme polifenoli, i njohur si antioksidant që e mbron trupin nga radikalet e lira.

Sipas këtij studimi të Universitetit Scranton, në Pensilvani, i drejtuar nga profesor Joe Vinson, polifenoli është i pranishëm edhe tek disa fruta të tjera të thata. Në krye të klasifikimit mbeten arrat, ndërsa pas tyre vijnë stikat, arrat braziliane, lajthitë, bajamet, kikirikë dhe arrat maqedonase.

"Arrat kanë nivelin më të lartë polifenolit, në dy eksperimente të realizuara", thotë profesor Vinson. Këto nivele të larta të një antioksidanti e bëjnë arrën një ushqim anti-kolesterol, thonë hulumtuesit.
(ma.ar/BalkanWeb)
  • M'pelqe
    Kot fare
    Super

  • Postime: 20998
  • Gjinia: Mashkull
M A X
#2 ne: 11-04-2019, 08:45:42
 

Kolesteroli është substancë yndyrore në trup, e cila është vitale për funksionin normal trupor.
Ka dy lloje të kolesterolit – LDL (njohur si kolesteroli i keq) dhe HDL (njohur si kolesteroli i mirë).
Sasitë e mëdha të kolesterolit të keq mund ta rrisin rrezikun e problemeve serioze shëndetësore, siç është ngushtimi i artereve, sulmi i zemrës, sulmi në tru, etj.
Megjithatë, nivelet e kolesterolit mund të ulen duke i bërë disa ndryshime të thjeshta në ushqim.

Produktet arrore
Ekspertët shëndetësorë rekomandojnë të hani produkte arrore, sepse hulumtimet tregojnë se ato e zvogëlojnë kolesterolin, e posaçërisht arrat, kikirikët dhe bajamet.

Këto përmbajnë vitaminë E, e cila ka ndikim në kolesterol.

Soja
Nuk është ushqimi i preferuar i secilit, por soja është dëshmuar se e zvogëlon kolesterolin – 25g proteinë soje në ditë mund ta zvogëlojë kolesterolin për 5%, sipas ekspertëve.

  • M'pelqe
    Kot fare
    Super

  • Postime: 20998
  • Gjinia: Mashkull
M A X
#3 ne: 14-05-2019, 18:33:40
11 ushqimet që ulin kolesterolin
Ndryshimi i ushqimeve që hani mund të ulë kolesterolin dhe të përmirësojë yndyrnat në gjak. Duke shtuar në dietë ushqime që ulin LDL-në, (pjesëzat e dëmshme të kolesterolit  që kontribuojnë në bllokimin e arterieve dhe ngushtimin e tyre (arterioskleroza), është mënyra më e mirë për të arritur një dietë të ulët të kolesterolit. LDL është quajtur ndryshe edhe kolesteroli i keq.

Ushqime të ndryshme ulin kolesterolin në mënyra të ndryshme. Disa ofrojnë fibra të tretshëm, që lidh kolesterolin dhe prekursorët e tij në sistemin e tretjes dhe i largon ato nga trupi para se të futen në qarkullim. Disa ju japin yndyrna plo-të-pangopura (yndyrna të buta), të cilat ulin direkt LDL-në. Dhe disa përmbajnë sterolë bimore dhe stanole, të cilat bllokojnë trupin nga absorbimi i kolesterolit.

Tërshëra. Një hap i parë i lehtë për të ulur kolesterolin është të hani një tas me tërshërë ose drithëra të ftohta me bazë djathi për mëngjes. Kjo ju jep 1 deri në 2 gramë fibra të tretshëm. Shtoni një banane ose disa luleshtrydhe për një tjetër gjysmë grami. Udhëzimet aktuale të të ushqyerit rekomandojnë marrjen e 20 deri 35 gramë fibra në ditë, me të paktën 5 deri në 10 gramë që vijnë nga fibra të tretshëm.
2. Elbi dhe drithërat. Ashtu si tërshëra, elbi dhe të gjtiha llojet e drithërave mund të ndihmojnë në uljen e rrezikut të zhvillimit të sëmundjeve të zemrës, kryesisht nëpërmjet fibrave të tretshme që ato sigurojnë.

3. Fasulet. Fasulet janë veçanërisht të pasura me fibra të tretshëm. Ato gjithashtu marrin kohë për tu tretur, çka do të thotë se do ndiheni të plotë për më gjatë pasi i keni konsumuar . Kjo është arsyeja që fasulet janë një ushqim i dobishëm për njerëzit që përpiqen të humbasin peshën. Me kaq shumë zgjedhje – nga fasulet deri te thjerrëzat, bizelet e zeza dhe më gjerë – dhe kaq shumë mënyra për t’i përgatitur ato, fasulet janë një ushqim shumë i gjithëanshëm.

4. Patëllxhanet dhe bamjet. Këto dy perime me kalori të ulët janë burime të mira të fibrave të tretshme.

5. Arrat. Një studim ka treguar se bajamet, arrat dhe kikirikë janë të mira për zemrën. Duke ngrënë 2 arra në ditë, mund të ulni pak LDL-në, me rendin prej 5%. Arrat kanë lëndë ushqyese shtesë që mbrojnë zemrën në mënyra të tjera.

6. Vajrat vegjetale. Përdorimi i vajrave vegjetale të lëngëta si: kanola, luledielli, saffloëer etj në vend të gjalpit apo dhjamit gjatë gatimit ose në tryezë, ndihmojnë në uljen e LDL-së.

7. Molla, rrushi, luleshtrydhet, frutat dhe agrumet. Këto fruta janë të pasura me pektin, një lloj fibër i tretshëm që ul LDL-në.

8. Ushqime të fortifikuara me sterola dhe stanole. Sterolet dhe stanolet e nxjerra nga bimët rrisin aftësinë e trupit për të absorbuar kolesterolin nga ushqimi. Kompanitë janë duke i shtuar ato në ushqime duke filluar nga margarina, lëngu i portokallit dhe çokollata. Ato gjithashtu gjenden edhe si shtesa ushqimore. Marrja e 2 gram steroleve bimore ose stanoleve në ditë mund të ulë kolesterolin LDL me rreth 10%.

9. Produktet e sojës. Ushqimi i sojeve dhe i ushqimeve të bëra prej tyre, si tofu dhe qumështi i sojeve, u mbrojtën një herë si një mënyrë e fuqishme për të ulur kolesterolin. Analizat tregojnë se nëse konsumoni 25 gramë proteina soje në ditë (2 1/2 gota qumësht soje) mund të ulin LDL nga 5% në 6%.

10. Peshk yndyror. Konsumi i peshkut dy ose tre herë në javë mund të ulë LDL në dy mënyra: duke zëvendësuar mishin, i cili ka yndyrna të ngopura LDL, dhe duke dhënë yndyrna omega-3 të uljes së LDL. Omega-3 redukton trigliceridet në gjak dhe gjithashtu mbron zemrën duke ndihmuar në parandalimin e fillimit të ritmeve anormale të zemrës.

11. Shtesat e fibrave. Shtesat ofrojnë mënyrën më pak tërheqëse për të marrë fibra të tretshëm. Dy lugë çaji në ditë të psiliumit, e cila gjendet në laksativa formuese, sigurojnë rreth 4 gram fibra të tretshëm.

Një “portofol dietik i ushqimeve të uljes së kolesterolit” kryesisht vegjetarian zvogëlon ndjeshëm LDL, trigliceridet dhe presionin e gjakut. Përbërësit kryesorë të dietës janë shumë fruta dhe perime, kokrra të plota në vend të atyre shumë të rafinuara dhe proteina kryesisht nga bimët. Shtoni margarinë të pasuruar me sterole bimore;elb, psilium, bajame dhe patëllxhan, të gjitha të pasura me fibra të tretshëm; proteina soje; dhe bajame.

Natyrisht, kalimi në një dietë të uljes së kolesterolit merr më shumë vëmendje sesa një dietë e përditshme e zakonshme. Kjo do të thotë zgjerimin e shumëllojshmërisë së ushqimeve. Një mënyrë “e natyrshme” për uljen e kolesterolit dhe parandalon rrezikun e problemeve të muskujve dhe efekteve anësore që pllakosin disa njerëz që marrin statina.

Po aq e rëndësishme, një dietë që është e rëndë në fruta, perime, fasule dhe arra është e mirë për trupin përtej uljes së kolesterolit. Ajo mban presionin e gjakut në kontroll. Ndihmon arteriet të qëndrojnë fleksibël dhe të përgjegjshëm. Është e mirë për kockat dhe shëndetin e tretjes, për vizionin dhe shëndetin mendor. https://shendeti.com.al/11-ushqimet-qe-ulin-kolesterolin/
  • M'pelqe
    Kot fare
    Super