Bëhuni gati për thatësirën e madhe - Shkenca

×
Albanian Forums, Zerion Zeri yt Zeri Info, Forumi Shqiptar Al Virtual, Diskutime, Biseda, Chat Njofje, Informatika, Teknologjia, Gazeta Tema, Gazetat Shqiptare, Bota Sot, www Channel Albania, Telegrafi Kosovo, Ballkani Web, Gazeta Lajme shqip, Lajmet e Fundit Shqiperia Kosova, Dita, Panorama, Kryeartikull, Faqja Kryesore, Video Shqip, Muzike Shqipe, Njoftime, Lajmerime, Temat Online, Gazetat, Kosovare, Shtypi Ditor, Sporti Shqiptar, Dashuria, Pyetje Pergjigje, Keshilla, Ndihme, Webmaster Shqiptar, Familja, Shqiptaria, Muzika, Receta Gatimi, Imazhe, Vipat-shqiptar, Aktualiteti
Media Sociale
Mesazhe Private
Shqiptaret duke lexuar tema interesante dhe te ndryshme
Tema re

Bëhuni gati për thatësirën e madhe

Bëhuni gati për thatësirën e madhe

· 1 · 565

  • Postime: 28220
  • Karma: +48/-5
  • Gjinia: Mashkull

ne: 23-10-2011, 00:23:01
Në fillim të këtij muaji, zyrtarët e ishullit Tuvalu u përballën me një problem mjaft të vështirë: Po i mbaron uji. Për shkak të një thatësire të egër dhe të gjatë, rezervat e ujit mund të zgjasnin vetëm për disa ditë

Bëhuni gati për thatësirën e madhe

Në fillim të këtij muaji, zyrtarët e ishullit Tuvalu, të Paqësorit të Jugut u përballën me një problem mjaft të vështirë: Po i mbaron uji. Për shkak të një thatësire të egër dhe të gjatë, rezervat e ujit në këtë vend prej 11.000 banorësh ishin reduktuar aq shumë saqë mund të zgjasnin vetëm për disa ditë. Ndryshimi i klimës luan një rol vendimtar: Për shkak se niveli i detit është rritur, uji i ishullit Tuvalu është bërë shumë i kripur dhe jo i pijshëm duke e bërë ishullin të varur vetëm nga uji i shiut. Por, një thatësirë e shkaktuar nga "La Nina" ka prerë drastikisht reshjet e shiut, duke e lënë ishullin kockë të thatë. "Situata është shumë e keqe", tha Pusinelli Laafai, sekretari i Përgjithshëm i çështjeve të brendshme të Tuvalu-së për "Associated Press" këtë muaj. "Është jashtëzakonisht e keqe".

Deri tani Tuvalu është mbajtur gjallë nga fqinjët e tij, Australia dhe Zelanda e Re, të cilët i kanë dhuruar paketa rihidratimi, si dhe aparatura dekripëzimi. Por, problemet ujore të arkipelagut sapo kanë filluar dhe kjo është pjesa e vetme e botës që do të përballet me thatësirën e madhe. Shumë vende të tjera ishullore si Maldivet dhe Kiribati do të përjetojnë prishjen e ujit të pijshëm si pasojë e rritjes së nivelit të detit. Teksasi dhe pjesa më e madhe e Jugperëndimit të Amerikës janë në prag të një thatësire të paeksperimentuar kurrë në histori. Edhe pas ditëve të stuhisë, reshjet totale të shiut për vitin 2011 në Houston janë shumë të pakta në krahasim me vitet e tjera.

Australia po eksperimenton për herë të parë një mot tejmase të thatë tashmë prej shumë vitesh dhe nuk është e qartë nëse vendi po përjeton një gjendje thatësire apo më keq akoma një mot të përhershëm të thatë, që mund të ndryshojë përgjithmonë jetën. "Impakti i ndryshimit klimaterik mbi rezervat ujore vazhdon të shfaqet në formën e eventeve ekstreme me intensitet shumë të lartë", thotë Peter Gleick, një nga ekspertët më të shquar të ujit në Shtetet e Bashkuara dhe kreu i OJQ-së Pacific Institute në Okland të Kalifornisë që studion çështjet e ujit. "Thatësira e jashtëzakonshme ekstreme e Australisë duhet të jetë një arsye më shumë që të gjithë ne të hapim sytë".

Volumi 7 i raportit të përhershëm të këtij instituti rreth përdorimit të ujit ka dalë këto ditë për të shërbyer si kujtesë e thatësirës së skajshme që po përjeton planeti, një impakt i madh i ndryshimit të klimës dhe kërcënon në mënyrë direkt dhe të paevitueshme rezervat e ujit të pijshëm...

Përgatiti: KLARITA BAJRAKTARI

Temat e fundit