×
Hyrja
Profili

Nibiru - Planeti i Armagedonit apo gjepur astronomike

Nibiru - Planeti i Armagedonit apo gjepur astronomike

· 7 · 6444

  • Postime: 27104
  • Gjinia: Mashkull
Berni
ne: 19-02-2009, 10:35:21
Shkaku i vërtetë i ndryshimit të klimës, aktivitetit vullkanik, intensifikimit të aktivitetit sizmik etj.., është afrimi i planetit Eris me sistemin tonë diellor.

Shkencëtari Cristian Negureanu dërgoi këtë shpjegim për sa i përket çështjes së Planetit X apo Nibiru.

Shkaku i vërtetë i ndryshimit të klimës, aktivitetit vullkanik, intensifikimit të aktivitetit sizmik etj.., është afrimi i planetit Eris me sistemin tonë diellor, ndërmjetësi i quajtur 2003 - UB - 313 dhe i njohur në Antikitet me emra të ndryshëm si: Nibiru, Marduk, Nemesis, Hercolubus, Planeti i Zotit, Planeti i Perandorisë, Planeti i Kryqit apo Planeti i Kuq.

Më poshtë jepet një dokument i shkurtër i kontaktit të parë (më të fundit) me Eris-in:

Për herë të parë, ky planet është vrojtuar më 21 tetor të vitit 2003, me anë të teleskopit 1.22 Oschin, nga pika e vëzhgimit në Malin Palomar në Kaliforni. Është zbuluar nga Michael E. Brown, Chad Trujillo dhe David L. Rabinovitz, më 5 janar të vitit 2005, bazuar në foto të bëra në datën e sipërpërmendur.

Vëzhgime të tjera të publikuara në tetor të vitit 2005, treguan një satelit të quajtur Dysnomia (Gabriel). Planeti Eris/ Nibiru, i cili i afrohet tokës periodikisht një herë në 3600 vjet, sjell ndryshime të klimës, si ngrohja globale me gjithë pasojat e saj natyrore - shkrirjen e akujve, zhdukjen e gjelbërimit, tharjen e kores së tokës, pakësimin e oksigjenit etj. Efekti i shkrirjes së akujve, për shkak të ujërave të ëmbla, do të jetë fundi i sistemit natyral termo - saline, që lejon qarkullimin e rrymave të ftohta drejt veriut dhe ngrirjen e zonave të shtrira në veri-perëndim të Europës dhe veri-perëndim të Shteteve të Bashkuara.

Shkurtimisht, ja ku është procesi që ndodhi gjatë dy periudhave të fundit, në të cilat "Planeti i Zotit" ka kaluar midis Marsit dhe Jupiterit, e cila është edhe pika më e afërt me Tokën:

7,200 vjet më parë, përmbytja e njohur si "Përmbytja e Noah", papritur solli ndryshime në temperaturë, stuhi të forta dhe orteqe uji nga Antarktida të dala nga "Burgu i akullt". Dr. John T. Hollin në Universitetin Maine (SH.B.A) mendon se copa të mëdha dalin periodikisht nga akujt e Antarktidës duke krijuar një rrjedhë të madhe.

3,600 vjet më parë, gjatë eksodit të çifutëve nga Egjipti, në mes të mijëvjeçarit të dytë, planeti tokë pësoi përmbytje të mëdha. "Një trup qiellor, që kohët e fundit hyri në sistemin tonë diellor- një kometë e re - u afrua shumë me tokën, duke shkaktuar zhdukjen e mundshme të shtresës së akullt.

Situata aktuale -shkrirja e akujve është intensifikuar

Ndryshimet klimatike dhe gjeologjike do të rriten sepse planeti Eris/Nibiru nuk i është afruar akoma Plutonit, pika e tij më e afërt me Tokën. Kjo supozohet të ndodhë midis viteve 2012 - 2014.

Sot, fenomene të ngjashme (ngrohja globale dhe aktivizimi vullkanik) gjithashtu ndodh edhe në planetet e tjera nga sistemi ynë diellor për shkak Eris/Nibiru. Ja disa shembuj:

- Hëna e Neptuni po ngrohen, Plutoni po përjeton një nxehtësi të jashtëzakonshme (sipas Institutit për të Rejat Teknologjike në Massachusetts, 9 tetor, 2002).

- Shpërthimi vullkanik në satelitin e Jupiterit (sipas Astronomia Icarus, nëntor 2002).

- Ngrohja e Marsit (sipas lajmeve të ABC, 7 dhjetor, 2002).

- Ngrohja e Saturnit (28 janar, 2007)

Shkencëtarë të Universitetit të Kalifornisë, Los Anxhelos (UCLA) - departamenti i fizikës dhe astronomisë dhe ato të Universitetit të Bostonir, vunë re se temperatura e zonës më të lartë të atmosferës së Saturnit është më e lartë se sa është llogaritur. Megjithatë, profesor Allan Aylward nga UCLA, gjykon të nevojshme riegzaminimin e hipotezave kryesore që kanë të bëjnë me atmosferën planetare dhe të zbulohet arsyeja e ngrohjes në to. Gjithashtu, vuri re një proces të ngjashëm në Mars, duke përfunduar: "Të studiosh aspektet në atmosferat e tjera planetare, do të na ndihmojë të zbulojmë sa më shumë mbi të ardhmen e Tokës".

Librat e përmendur, përfshijnë gjithashtu përshkrime të tjera të fenomeneve të rrezikshme, si aktivizimi i vullkaneve, aktiviteti sizmik në rritje, uragane të tmerrshëm, rryma të fuqishme, ndërrimi i poleve e kështu me radhë, që ndodhen 7200 vjet dhe 3600 vjet më parë respektivisht, procese që janë gjithmonë e më të shpeshta sot në Tokë.

Ja ku janë disa argumente që tregojne se Eris është Nibiru:

Numri i sateliteve të tij. Zecharia Sitchin thotë për ta në punën e sipërpërmendur: "Katër satelitë kanë një lëvizje rrotulluese shumë të shpejtë, duke futur në vorbull dhe 3 satelitë të tjerë - Erën e Tërbuar, Erën që vërtitet dhe Erën Sunduese, duke përdorur satelitet e tyre si sulmuese, ai (Nibiru) çoi përpara erërat, të shtatë erat të gatshme për të luftuar".

Shkrimet sumeriane thonë se një satelit i planetit Nibiru godet një planet tjetër, Tiamat, duke krijuar "Qiellin" (Brezi Asteroid midis Marsit dhe Jupiterit) dhe Tokën në fillim të sistemit tonë diellor. Profesor Mr. Brown ka provuar kohët e fundit në gazetën "Natyra" se planeti 2003 - EL 61 provoi një përplasje me një tjetër trup qiellor në fillim të sistemit tonë diellor. Në rreshtat në vijim do të hedh dritë mbi lidhjen midis Eris (emri i dytë ishte 2003 UB - 313) dhe shkrimeve të Antikitetit, atëherë kur planeti shpesh quhej Nibiru:

Në vitin 2003, viti kur për herë të parë u vu re (komunikatë zyrtare), revista "Skenca dhe Jeta" prezantoi trajektoren vezake të një planeti tjetër në sistemin tonë diellor, IDENTIKE, me trajektoren e planetit Nibiru/ Marduk, paraprakisht i prezantuar nga Z. Sitchin.

Në vitin 2005, disa muaj mbasi u zbulua, astronomë të shquar nga 19 vende të mbledhur në Qendrën Astronomike të Vatikanit, u lidhën me anë të internetit me Qendrën Astronomike në Malin Tucson (Arizona, USA) - një nga më të fuqishmet në Botë.

Në 1 gusht të vitit 2005, gazetat në mbarë botën shkruajtën: "Trupit qiellor iu dha përkohësisht emri 2003 - UB - 313". Shkencëtarët, që i dhane emrin planetit Nibiru, ishin shumë të vetëdijshëm për shkrimet sumeriane, si psh "UB" nënkuptonte grupin prej shtatë planetesh (3 + 1 + 3 = 313 = 7) të përbërë nga Marsi, Jupiteri, Saturni, Urani, Neptuni, Plutoni dhe Nibiru. Grupi tjetër është i përbërë nga planetet që mbeten (2 + 0 + 0 + 3 = 2003 = 5), që do të thotë: Dielli, Mërkuri, Venusi, Toka dhe Hëna. Asnjë nga "12" nuk ishte koincidencë - totali i numrave në emrin e dytë. Sumarianët i njihnin 12 trupat qiellorë! Në të njëjtën mënyrë Z. Sitchin shkroi në librin e tij "Dymbëdhjetë Planetët" që "UB është e përbërë nga shtatë pjesë, e quajtur giparu në gjuhën akadiane. Nuk ka asnjë dyshim që është origjina e besimit të lashtë në 'shtatë qiejt".

Zona e Erisit, 2,400 km +/- 97 km, e matur duke përdorur pamje nga teleskopi Gungez, u bë publik në fund të prillit 2006.

Në librin tim të titulluar "Bibla dhe Ufot", në vitin 1991, bazuar në të dhënat nga Apokalipsi/Zbulime, kam dhënë dimensionet e një stacioni të mundshëm planetar:ishte 2,400 km.

Libri i fundit i Biblës përmban detaje mbi planetin Eris (kapitulli 21: 2,12,16) i quajtur "Jeruzalemi i Ri" (ERIS/ SALEM), bashkë me diametrin dhe zonën:

a) diametri : 12,000 x 200 m = 2,400 km.

b) zona : 2,400 km (gjatësi ) x 2,400 km (gjerësi ) x 12 (nivele katesh) = 69,120,000 km2.

Shkrimet e lashta shpallen gjithashtu kometat - si aspekte (kometat provokojnë shkatërrime të mëdha) të Eris/ Nibiru, më shumë mundësi të shkaktuara prej njërit nga satelitet e tij:

a) Shkrimet sumeriane, 7,200 vjet më parë: "Një planet lëviz shumë shpejt, në një orbitë eliptike, e ngjashme me një kometë" (Z. Sitchin, Planeti i dymbëdhjetë).

b) Drita e tij (Yahweh/ Anu - lideri i planetit të Zotit - A/N) është si drita e diellit, një flakë që digjet dhe ndjek hapat e Tij." (Habacuc 3 : 4 - 5).

c) 3,600 vjet më parë: "Një kometë […] u afrua shumë me Tokën, nga mesi i mijëvjeçarit të dytë para lindjes së krishtit". (I. Velikovsky, Fjalët në konflikt).

Situata aktuale:

a) Profesor Mr. Brown ka deklaruar se planeti 2003 - EL - 61 mund të kalojë tërheqjen e Neptunit, duke transformuar veten në një kometen më të ndritshme të parë ndonjëherë, të paktën 6000 herë më të ndritshme se kometa Halle Boop.

b) Eris pritet të kalojë midis Marsit dhe Jupiterit, pikës më të afërt me Tokën, gjatë 2012 - 2014. Kjo është arsyeja kryesore pse NASA ka lançuar mjete hapësinore në 27 shtator të vitit 2007, që do të arrijë në destinacion, në Brezin Asteroid, në vitin 2011.

Shpjegimi logjik i procesit të ngrohjes në Tokë dhe të planeteve të tjera në sistemin tonë diellor, vërteton se është ai i parashikuar nga I. Velikovsky, në librin e tij që nga viti 1950: "Dy trupa qiellorë janë tërhequr njeri me tjetrin. Pjesa më e madhe e brendësisë së Tokës, u shtynë në periferi. Toka, me lëvizjen e saj rrotulluese të çrregullt, filloi të ngrohej".

Disa pamje të paraqitura nga NASA (PAD - Pamja Astronomike e Ditës ) na tregon qartë që në rrugën e saj drejt Tokës, Stacioni Planetar Eris/ Nibiru po rritet:

Në 25 prill të vitit 2007, u komunikua zyrtarisht zbulimi i planetit Gliese 581c, që me shumë mundësi i ngjan Tokës. Aktualisht është Ylli i Errët, që po orbitalizon planetin 581.

Është e mundur të provohet egzistenca e një sistemi yllor dyjor në të cilin /Stacioni/Planeti Eris/ Nibiru është lidhja fizike apo e sistemit diellor dhe sistemit Ylli i Errët, midis botës njerëzore dhe botës Anunnaki/ Elohim.

Besoj se një edukim psikologjik i racës njerëzore është në zhvillim. Disa të dhëna:

1) Strehimet Norvegjeze - përgjatë me strehat nëntokë të ndërtura në Norvegji, (Google dhe YouTube: Një letër nga një politikan norvegjez për 2012) u inaugurua zyrtarisht një depo me qindra miliona vende për të mbrojtur njerëzimin në rastin e një katastrofe, në 26 shkurt 2008.

Kryeministri i Norvegjisë, Jens Stoltenberg, gjithashtu një militant ekologjist, Wangari Maathai (Kenya) - Çmimi Nobel për Paqen, Jose Manuel Barroso - Presidenti i Komisionit Europian morën pjesë në inaugurim.

Dy deklarata për ngjarjen:

Jens Stoltenberg: "Diversiteti biologjik rrezikohet nga forcat e natyrës dhe nga veprimet e njerëzve; Bunkerët në policinë tonë të sigurimit". Lajmërojnë se kryeministri norvegjez vendos të parat "forcat e natyrës."

Jose Manuel Barroso: "Shpresojmë dhe punojmë për më të miren, por duhet të jemi gati për më të keqen". Asnjë koment tjetër.

2) Bunkeret në hënë. Shkencëtarët punojnë në një "Arka e Noeut", e cila do të vendoset poshtë tokës së hënës. Strehat duhet të përmbajnë informacione për ADN, embrionet, shkrirjen e metaleve, bimët që rriten dhe e gjithë kjo është thelbësore për jetën dhe civilizimin, nëse një katastrofë do të ndodhte në tokë dhe vidhet egzistenca e njerëzimit. Detaje: Telegraf, Dielli (10 mars, 2008).

3) Në shkrut, 2008, erdhi gjithashtu lajmi se shtepia kinematografike "Sony Pictures" bleu të drejtat e një shkrimi të ri të regjizorit Roland Emmerich. Titulli i filmit është "2012" dhe do të dalë në verën e 2009.

Titulli "2012" i referohet datës kur, sipas kalendarit Maya, bota që njohim s'do të jetë më. "Apocalipsi" është një film përsa i përket shkatërrimeve, i ngjashëm me filmin "The Day After Tomorow", sukses ndërkombëtar i vitit 2004. Filmi i dalë në maj të vitit 2004, mbasi gazeta "The Observer" nxori një raport të Pentagon për ndryshimet dramatike të klimës, në shkurt 2004.

4) Në 28 shkurt, 2008, një tjetër lajm u përhap në të gjithë botën. Titulli ishte diçka e ngjashme me: "Astronomët japonezë besojnë në egzistencën e një planeti të tillë në sistemin diellor". Disa ide:

Puna ishte koordinuar nga profesori japonez Tadashi Mukai dhe shkencëtari amerikan Patrick Lykawka. Ato do të publikohen në prill të këtij viti, në gazetën astronomike të botuar nga Shoqëria Amerikane për Astronominë.

Përgatiti

KLARITA BAJRAKTARI RILINDJADEMOKRATIKE

  • Postime: 83
  • Gjinia: Mashkull
shkambi
#1 ne: 23-02-2009, 08:07:00
po shume informacion interesant besoj se burimet e ketij informacioni jane te besueshme por nje gje  e till te mos ndodh edhe pse kronologjia e ngjarjeve zhvillohet ne ate drejtim ju uroj shume sukses ne punen tuaj te metejshme dh e shpresoj se edhe ne te ardhmen do na sjellni keso tema interesante....
SELMANI LINDA
#2 ne: 11-07-2009, 13:01:44
planeti x dhe reziku qe i knaoset tokes jane te besushme mirepo ajo sdo te ndosh sepse me 27 gusht te 2009 e dimese planeti mars behet hene dhe ajo sdo te ndosh sepse marsi planeti i ngjajshem i tokes e ndalon dhe asnje far reziku sdo i kanoset tokes per  reth nje ndryshimi klimatik stuhive te forta qqe do nsdodhin por per planetin mars thuhet se eshte planeti i madh dhe ne te cili pas disa viteve do te kete kushte jetesore sa per me shume materali kerko ne youtube video mars toka e dyte  tema faliminderint shume ......lexo me shum marsi toka e dyt... :) :S hmmmmm:

  • Postime: 26634
  • Gjinia: Mashkull
M A X
#3 ne: 01-12-2009, 02:15:37
  Nibiru/Planeti i Armagedonit apo gjepur astronomike

Ata që merren me teori konspirative janë të bindur se një planet "i ligë" do të shkatërrojë Tokën në vitin 2012, dhe teksa përgatitemi të shohim një film të Hollivudit në lidhje me këtë temë, histeria me shumë gjasa do të rritet. David Morrison, një shkencëtar astrobiolog që punon për faqen e NASA, "Pyet një ekspert", bën thirrje për një kthim në realitet.

Të panjohur për shumicën prej nesh, një grup i vogël, por i zëshëm teoricienësh komploti është i bindur se një planet i ligë është gati për të hyrë në sistemin diellor dhe për t'i sjellë kështu fundin Tokës.

Ata thonë se, ky planet kërcënues, në një orbitë 3.600-vjeçare u zbulua nga Mesopotamianët e lashtë, të cilët i vunë emrin Nibiru, dhe ai ishte i njohur edhe nga Majat, të cilët nga ana e tyre e lidhën me fundin e "numërimit të gjatë" të kalendarit të tyre, pikërisht në dhjetor 2012. Në faqet e internetit, në forume dhe emisione radiofonikë, ata ngulin këmbë se NASA është vënë prej kohësh në gjurmim të Nibiru - por që ky informacion është duke u mbajtur i fshehtë nga publiku si pjesë e një komploti mbarëbotëror.

Ata thonë se, heshtja zyrtare nuk mund të ruhet edhe për shumë gjatë, megjithatë, për shkak se nga 2009, Nibiru do të jetë i dukshëm për syrin, pa teleskop, në hemisferën jugore. Ata gjithashtu thonë se boshti i tokës është tashmë duke u luhatur dhe gjatësia e ditës po ndryshon nën ndikimin e kësaj. Mua vetë më shkruante kohët e fundit një besimtar "Pse po gënjen. Është duke ardhur, dhe të gjithë e dinë".

Filluan të më mbërrijnë pyetje në lidhje me këtë tregim fantastik në dhjetor 2007 përmes faqes së NASA: "Pyesni një Astrobiolog". Normalisht marr deri në dhjetëra pyetje në javë nga publiku, që kanë të bëjnë kryesisht me jetën në univers - por në 6 muajt e kaluar, vetëm trafiku për Nibirun është rritur në 20-25 mesazhet një javë, duke filluar nga "Unë nuk mund të vë gjumë në sy", apo "Unë jam vërtetë i frikësuar", ose "Unë nuk dua të vdes", e deri tek më abuzivët, "ju jeni duke vënë familjen time në rrezik" dhe "në qoftë se NASA e mohon, atëherë ajo duhet të jetë e vërtetë".

Si një shkencëtar, unë jam i magjepsur, por dhe i habitur nga lumi i pyetjeve nga njerëzit, të cilët janë të frikësuar me të vërtetë dhe, me sa duket, të paaftë për të dalluar faktet astronomike nga sajesat. Ata shikojnë video në YouTube dhe vizitojnë faqe interneti Ëeb pa patur asgjë në kutinë e tyre të veglave të skepticizmit, ose thënë sipas Carl Saganit, nuk kanë asnjë detektor "marrëzirash". Tani, një film që po ka shitje të jashtëzakonshme biletash, i quajtur "2012" ka dalë dhe është shumë e qartë një dëshirë e etshme për të bërë biznes dhe fituar para mbi frikërat e njerëzve (ndoshta për të kontribuar gjithashtu për të rritur frikërat e tyre).

Mendimi im është se vetëm një pjesë të vogël e njerëzve besojnë vërtetë se, Armagedoni po vjen në dhjetor të vitit 2012. Por, pranimi pa asnjë kritikë që ata i bëjnë kësaj historie më shqetëson shumë, si një paralajmërim për rreziqet e analfabetizmit tonë shkencor.

Ne po përballemi me probleme monumentale me ngrohjen globale dhe humbjen e habitatit, e megjithatë një pakicë e konsiderueshme e amerikanëve mendon se bota u formua më pak se 10.000 vjet më parë dhe mohon se evolucioni është i mundur.

Pavarësisht gjithë irritimit që shkakton, gjithnjë besoj se, Nibiru do të kthehet në një moment shumë domethënës. Ata që e mbështesin teorinë janë të bindur se do të jetë i dukshëm për syrin pa teleskop dhe efektet e tij në rrotullimin dhe orbitën e tokës do të jenë gjithashtu të ndjeshëm. Kur asgjë nga këto të mos ketë ndodhur, shpresoj se do ta kuptojnë se u duhen mjete më të mira për të dalluar faktet nga sajimet.

RD

  • Postime: 260
reklamat
#4 ne: 01-12-2009, 05:04:17
"Planeti i lige". Lol sa per te qeshur jane keta gazetaret. Nejse qe ti permbahemi temes, nqs kishte dicka te vertete per kete planetin e lige "nibirun" atehere te gjithe telescopet e botes perfshi dhe ata amatore do te ishin ne gjendje ta shikonin ate duke u nisur nga permasat gjigande te tij.
gezim dautaj
#5 ne: 18-03-2011, 19:48:14
ju lutem keto jane pune te perendise ne jemi duke e zhvilluar luften psikike lexoni kuraanin  aty do i kuptoni qe te gjitha nese keni trurin e zhvilluar sado pak

  • Postime: 26634
  • Gjinia: Mashkull
M A X
#6 ne: 08-06-2011, 01:35:55
**********
 

Per here te pare vrojtohet lindja e nje planeti

Nisur nga InfoZRubrika Astronomi

Postimi i fundit 26-05-2020, 13:12:29
nga InfoZ
Zbulohet planeti me katër diej

Nisur nga erlehtaRubrika Astronomi

Postimi i fundit 18-10-2012, 08:48:02
nga erlehta
Kepler 22-b, planeti i ngjashëm me Tokën

Nisur nga BerniRubrika Astronomi

Postimi i fundit 20-12-2011, 15:13:23
nga M A X
Planeti Venus

Nisur nga M A XRubrika Astronomi

Postimi i fundit 09-10-2011, 18:08:49
nga M A X
Zbulohet planeti që ngrohet nga dy diej

Nisur nga M A XRubrika Astronomi

Postimi i fundit 16-09-2011, 23:57:34
nga M A X