×
Hyrja
Profili

Zbulohet njeriu 2-milionë vjeçar

Zbulohet njeriu 2-milionë vjeçar

· 1 · 2118

  • Postime: 27104
  • Gjinia: Mashkull
Berni
ne: 31-05-2010, 15:18:16
Një fosile e re e zbuluar pak kohë më parë, pritet të ndryshojë tërësisht të dhënat e deritanishme për paraardhësit tanë

Mendohet se ka përdorur mjete, me shumë gjasa edhe zjarrin; bëhet fjalë për specien më të vjetër të gjenezës njerëzore, Homo, sipas studiuesit Darren Kurno. Specia e re që ka marrë emrin Homo Gautengensis është zbuluar pas fosileve 800 mijë deri në 2 milionë vite e vjetër, që përbëjnë njëkohësisht edhe qenien më të vjetër njerëzor. Në fillim skeleti u mendua se ishte pjesë e një Homo Habilisi, qenia e parë Homo, deri tani, kur studiuesit dalluan se bëhet fjalë për një qenie të ndërmjetme mes majmunit dhe njeriut, ose për njeriun më të vjetër të zbuluar ndonjëherë.

Skeleti u zbulua nga Profesori Li Berger i Universitetit të Uituotersrand, teksa eksploronte sisteme tunelesh në rajonin e quajtur Sterkfontein të Afrikës së Jugut, afër Johanesburgut, në një zonë të njohur si “Zemra e Njerëzimit”. Zbulimi duket se ishte aq i rëndësishëm sa Jakob Zuma, presidenti i Afrikës së Jugut, ka vizituar universitetin për të parë fosilet dhe një kampanjë madhore mediatike me dokumentarë televizivë është planifikuar. Profesori Filip Tobias, një anatomist i njohur i njerëzve dhe antropolog i këtij universiteti, që ishte ndër tre ekspertët e parë që identifikuan Homo Habilisin, si një specie të re njerëzore në vitin 1964, e përshkroi zbulimin e fundit si “fantastik” dhe “ekzaltues”. Edhe pse i papërfshirë drejtpërdrejt në gërmime dhe në kërkimet e mëvonshme mbi fosilet, ai është një ndër shkencëtarët e paktë të përzgjedhur jashtë grupit kërkimor, që është lejuar të shohë skeletet. Ai tha se “të gjesh një skelet dhe jo thjesht një grumbull dhëmbësh apo një kockë krahu është e rrallë. Është tjetër gjë të zbulosh një nofull të poshtme me disa dhëmbë, e është krejtësisht tjetër gjë të zbulosh se si kjo nofull bashkohej me kafkën e nga të gjitha këto bashkohen më poshtë me shtyllën kurrizore, kockat etj. Zbulimet e bëra nga Dr. Berger dhe skuadra e tij janë fantastike”. Fosilja e re e skeletit u zbulua krahas një numri tjetër të fosileve gjysmë të plotësuara, të ngjeshura brenda një guri në brendësi të shpellës së njohur si shpella Malapa. Mbrojtja nga elementet e tjera kimike që ekziston brenda kësaj shpelle mendohet se ka luajtur një rol të rëndësishëm në ruajtjen e fosileve kaq mirë të mirëmbajtura.

Gazeta Standard