Jasharajte - Shqiptaria

×
Albanian Forums, Zerion Zeri yt Zeri Info, Forumi Shqiptar Al Virtual, Diskutime, Biseda, Chat Njofje, Informatika, Teknologjia, Gazeta Tema, Gazetat Shqiptare, Bota Sot, www Channel Albania, Telegrafi Kosovo, Ballkani Web, Gazeta Lajme shqip, Lajmet e Fundit Shqiperia Kosova, Dita, Panorama, Kryeartikull, Faqja Kryesore, Video Shqip, Muzike Shqipe, Njoftime, Lajmerime, Temat Online, Gazetat, Kosovare, Shtypi Ditor, Sporti Shqiptar, Dashuria, Pyetje Pergjigje, Keshilla, Ndihme, Webmaster Shqiptar, Familja, Shqiptaria, Muzika, Receta Gatimi, Imazhe, Vipat-shqiptar, Aktualiteti
Media Sociale
Mesazhe Private
Shqiptaret duke lexuar tema interesante dhe te ndryshme
Tema re

Jasharajte

Jasharajte

· 2 · 5672

  • Postime: 22
  • Karma: +0/-0

ne: 05-03-2011, 22:57:09
Altin Kajtazi

Jasharët kishin tri fuqi: Mençurinë, Forcën dhe Fatin

Mençuria - e Jasharëve ishte arti i luftës se ndritshme për atdhe, nga ky kuptim arti i flijimit mori dimensione të ndritshëm për Kosovën, duke luftuar të keqen deri ne vetëflijim. Lufta e tyre ishte e pathyeshme, për te mos thyer një besë qe e kanë dhënë, andaj edhe duhet te jetojmë të lirë, se kjo tokë është e shqiptarëve.

Forca - e Jasharëve ishte qëndrueshmëria deri në vetëflijim e familjes së ndritur, kënga e tyre ishte dritë lirie për gjeneratat që do vijnë. Në gjirmën e tyre ishte qëndresa e kthyer në buzëqeshje të fëmijëve, që përmbyten botën shterpë, për ta kthyer në botë e re të Jashareve të Rilindur, histori kjo e papërsëritshme për jetë dhe mot!

Fati - i Jasharëve ishte elegjiak i dhembjes njerëzore, me humbjen fizike të Adem Jasharit, që u mbyllë kaptina e dhembjes dhe krenarisë Shqiptare! Këtu fillon etapa e re e kthimit të dinjitetit tonë kombëtar.

Jasharët, ne ketë stinë më dëborë, nga flaka e barotit shkrinë fushat dhe malet tona të bukura, sollën guximin për te luftuar, armë kjo më e fortë e shqiptarëve nder shekuj!
Flijimi i Jashareve u bë në atdheun e tyre denbabaden, në kullën e te parëve tanë, duke mbrojtur shtëpinë nga armiku i neveritshëm! Edhe të vdekur nuk e lëshonin dot truallin e tyre! Jasharët nuk e donin ikjen, ata e donin qëndresën, e donin lirinë e Shqiptarisë. Sa herë vjen Marsi, shqiptarët e gjallë i kujtojnë të rënët në Flakadanët e përmotshëm të Prekazit legjendar! Te mendosh vdekjen për atdhe, domethënë te jesh i pranishëm me të!
Jasharët nuk e menduan vdekjen, por luftuan të pavdekshmen, e ndritur me vdekjen e tyre krenare, që është krenari të vdesësh për atdhe!

Adem!

Ti je dashuria jonë! Je krenaria e Shqiptarisë! Trimëria jote na bëri të fuqishëm, që të gjallët sot jetojnë të Lirë! Të rënët janë e ardhmja jonë!
Sot kur ne përkujtojmë Jasharët, e kujtojmë sakrificën e tyre të bërë për Fëmijët tanë, ngase ata nuk menduan asgjë tjetër përpos Lirisë!
Jasharët e deshën me krenari atdheun! Gjyshërit dhe stërgjyshërit e Jasharëve i mësuan ata se dashuria për atdheun nuk fitohet pa luftë! Ju luftën e mësuat, nga ideali juaj i zjarrtë!
Ne vijmë tek t’i te përulemi për rrugën e drejtë që e nise dhe e mbarove përjetësisht! Zemra jote e pranojë të vërtetën e amshuar! Vendi yt nuk u çlirua nga të tjerët! Goditjet Tua, mposhtën gjakpirësit më dëshmorët e vet!

Hamzë!

Emri yt ishte jehonë, ishte këngë e kthyer në forcë, qëndresë, në kullën denbabaden. E deshe pushkën e deshe edhe këngën shqiptare! Ishe i fortë para vdekjes! Ishe edhe i bukur! Rave në altarin e lirisë, që na të jemi të lirë! Kushtrimi i yt doli nga gjoksi i vendosur thellë në rrënjët Tokës tënde Ilire!

Nënëmadhe Zahide!

Rite dy trima të pavdekshëm! Atyre dhe neve na tregove rrugën e trasuar ilirike, ilirisht! Luftëtarët i mësove që ta mbrojnë Flamurin, Shqipërinë! Fjalët tua janë të bekuara! Djemtë t’u i mësove me mençuri, urtësi, siç të mësuan edhe ty Nënëmadhe të parët tu! Armiku gjakpirës deshi ta fshijë historinë tënde ilirishte nga faqja e dheut! Por ti Nënëmadhe ishe e pathyeshme! Dhe ti bashkë më vëllanë, burrin, djemtë, nipat, mbesat rrokët armët që kishin një gjuhë –flakadan lirie.

Bacë Shabani!

Festën e Flamurit e festove çdo mot! E kishe edhe një Festë tjetër Flamuri! E kishe ditëlindjen e djalit-uratë natyre!
Në Prekazin e Ahmet Delisë, në familjen e Bacë Shabanit u shtua edhe
një pushkë lirie. Ti u mësove djemtë ballin e oxhakut, ju tregove atyre që armikun duhet shikuar nëpërmes nishanit! Kjo ishte dëshira e vetme e jote – të vdesësh ilirisht për shqiptari! Bijtë tu amanetin tënd e çuan në vend! Familja jote është krahu ynë!

Fëmijë të Jasharëve!

Ne kullën e Jasharëve lufta u bë edhe nga fëmijët të etur për liri! Lirinë ata e kishin të madhe! Armët i kishin bukë dhe ujë! Fjalët e bacë Ademit, ishin kushtrim për ta. Ne kullën e Jasharëve, që nga Blerina e deri të bacë Shabani, flitej shqip. Luftohej shqip. Krenaria e tyre është krenaria jonë. Lindja e tyre ishte fitorja jonë!!!


  • Postime: 11
  • Karma: +5/-0
  • Gjinia: Femer

#1 ne: 08-05-2013, 14:42:37
Jasharajt kreanaria kombëtare!!

Temat e fundit