By pass-i Fierit - Shqiptaria

×
Albanian Forums, Zerion Zeri yt Zeri Info, Forumi Shqiptar Al Virtual, Diskutime, Biseda, Chat Njofje, Informatika, Teknologjia, Gazeta Tema, Gazetat Shqiptare, Bota Sot, www Channel Albania, Telegrafi Kosovo, Ballkani Web, Gazeta Lajme shqip, Lajmet e Fundit Shqiperia Kosova, Dita, Panorama, Kryeartikull, Faqja Kryesore, Video Shqip, Muzike Shqipe, Njoftime, Lajmerime, Temat Online, Gazetat, Kosovare, Shtypi Ditor, Sporti Shqiptar, Dashuria, Pyetje Pergjigje, Keshilla, Ndihme, Webmaster Shqiptar, Familja, Shqiptaria, Muzika, Receta Gatimi, Imazhe, Vipat-shqiptar, Aktualiteti
Media Sociale
Mesazhe Private
Shqiptaret duke lexuar tema interesante dhe te ndryshme
Tema re

By pass-i Fierit

By pass-i Fierit

· 1 · 1293

  • Postime: 28589
  • Karma: +48/-5
  • Gjinia: Mashkull

ne: 23-12-2011, 15:57:21
Qeveria miratoi sot vendimin për ratifikimin e marrëveshjes së huasë mes Shqipërisë dhe Bankës Evropiane për Rindërtim dhe Zhvillim (BERZH) për financimin e by pass-ve të rrugës së Fierit dhe të Vlorës, raporton agjencia e lajmeve NOA.al.

Vendimi për ratifikimin e marrëveshjes pritet të shkojë së shpejti në Parlament, ku pas miratimit do t’i hapë dritën jeshile tenderimit për fillimin e këtij by pass-it.

Gjatë mbledhjes së qeverisë, kryeministri i cilësoi bypass-et shumë të rëndësishme për këto dy qytete dhe zonat përreth.

“I hartuar nga studiot më të mira, me garantimin e tij, infrastruktura rrugore e bregdetit jonian bëhet më e përshtatshme” tha kryeministri.

Ai u ndal në këtë vendim duke e cilësuar një zhvillim madhor.

By-passi i Fierit, një investim prej rreth 50 milion euro, fillimisht kalonte afër Apolonisë, por për shkak të rrënojave arkeologjike projekti i parë u bllokua, dhe projekti i dytë prej 22 km, iu paraqit kreditorëve, të cilët e miratuan me dashamirësi.

Sipas kryeministrit i një rëndësie shumë të madhe është dhe by pass-i i Vlorës, i cili kushton rreth 40 milion euro, pasi e anashkalon tërësisht Vlorën, Rradhimën dhe zonën e urbanizuar të bregdetit të saj për t’u bashkuar me rrugën e Llogorasë, jashtë zonave të banuara, pra mbi Dukat.

“Këtë bypass e kemi integruar dhe në fonde të tjera kështu që financimi për bypass-in e Vlorës është siguruar 100 %. Me garantimin e këtij by pass, infrastruktura rrugore e bregdetit jonian bëhet më e përshtatshme, ndaj dhe do të kalojë në Parlament. Projekti për këtë by pass është gati dhe është bërë nga studio shumë të mira dhe del edhe një rrugë tjetër, e cila shpëton ngushticën e madhe që krijohet në zonën Vlorë –Rradhimë, ngushtice  e cila pa këtë by pass do të bëhej shumë problematike”, tha kryeministri.

Sipas tij turizmi në Vlorë po shkon drejt Rradhimës, Orikumit, Karaburunit duke e bërë zonën nga përtej Ujit të Ftohtë e deri në Orikum zonën të ndërtuar më mirë nga pikëpamja urbanistike.

Kryeministri tha se bypass-i nuk zgjidh përfundimisht trafikun në bashkinë e Vlorës, sepse bashkia është fuqizuar dhe dy projektet e saj, ai i shëtitores dhe projekti i Unazës janë tejet të domosdoshëm.

“Vlora e ka jetike Unazën. Ndërtuam rrugën Trans-Ballkanike, rrugë e përmasave, më të gjera në vend dhe që ka zgjidhur shumë punë për sa i përket trafikut, por nga ana tjetër përtej Kuz Baba-së me sa di unë ka një projekt dhe duhet të ulemi me bashkinë e Vlorës që ta shqyrtojmë se çfarë duhet të bëjmë. Qyteteve duhet t’u ndërtojmë unazat. Për sa i përket tunelit ishte shumë e domosdoshme, pavarësisht se ka dhe një rrugë tjetër, por ajo rrugë, e cila kalon sipër është një rrugë problematike dhe bëmë shumë mirë me tunelin, por tani duhet të shqyrtojmë Unazën, e cila në krahun tjetër çliron në mënyrë përfundimtare trafikun e atij qyteti, i cili gjatë verës ka rritje  të fluksit turistik nga mbarë bota”, u shpreh kryeministri.

mit/NOA

Temat e fundit