×
Hyrja
Profili

Vendet e punës që do të zënë robotët!

Vendet e punës që do të zënë robotët!

· 3 · 390

  • Postime: 26634
  • Gjinia: Mashkull
M A X
ne: 29-09-2019, 23:14:11
 

Zhvillimi i teknologjisë po avancon me hapa marramendës, sidomos kur vjen fjala tek inteligjenca artificiale dhe robotika. Por kjo ka nxitur shqetësimet se disa punë që sot i mbulojnë njerëzit, në të ardhmen mund të mos ekzistojnë më për ta, sepse do të zëvendësohen nga robotët. Dyqane në disa qytete amerikane kanë nisur ndërkohë të eksperimentojnë me zëvendësimin e kasiereve me makina që marrin paratë dhe kthejnë vetë kusurin. Burimi: https://shqip.info/2019/07/22/vendet-e-punes-qe-do-te-zene-robotet/
« Editimi i fundit: 23-10-2019, 12:05:09 nga M A X »

  • Postime: 26634
  • Gjinia: Mashkull
M A X
#1 ne: 23-10-2019, 12:07:08
 

Përdorimi gjithnjë e më shumë i inteligjencës artificiale dhe automatizimi në vendet e punës po krijon sfida dhe përfitime për bizneset, institucionet dhe vetë qeverinë. Një grup ligjvënësish amerikanë diskutuan (të martën) ditët e fundit mbi ndikimin e inteligjencës artificiale tek punësimi dhe e ardhmja e vendeve të punës.

Falë inteligjencës artificiale makinat kanë filluar të jenë autonome, makineritë mund të njohin fytyrat e njerëzve dhe madje njerëzit mund të komunikojnë me sistemet e telefonave inteligjentë, si Siri. Erik Brynjolfsson është me Institutin Teknologjik të Masaçusets.

“Javën e kaluar, Siri u përpoq të futej në një bisedë që po zhvillonim me miqtë për normat e interesit.”

Makineritë moderne të pajisura me inteligjencë artificiale, shkurtimisht AI, nuk përdorën më vetëm për detyra të automatizuara, por gjithashtu edhe për veprime komplekse si loja e shahut, krijimi i simulimeve ushtarake ndërsa kuptojnë të folurën e njeriut.

Makineritë intelgjente prodhojnë proteza të avancuara për individët që kanë humbur gjymtyrët. Arthur Lupia me Fondacionin Kombëtar të Shkencës thotë se po prodhohen makineri edhe më të sofistikuara.

“Exo-skeletet i ndihmojnë njerëzit të transportojnë objekte shumë të mëdha dhe menaxhojnë situata të pamundura. Por kjo paisje e së ardhmes, nuk është exo-skelet vetëm për trupin por edhe për mendjen.”

Sipas shkencëtarëve të gjithë mund të përfitojnë nga inteligjenca artificiale, ndërsa ligjvënësja Hailey Stevens thotë se njerëzit shtrojnë pyetje.

“Ndërsa shtohet prania e robotëve me inteligjencë artificiale shtrohet pyetja: Si mund të arrihet siguria e punonjësit përkrah robotëve ? A do të përdoret inteligjenca artificiale për të vëzhguar punonjësit sikurse veprojnë disa kompani sot?”

Shqetësimi kryesor për shumë punonjës është nëse makinat inteligjente do të mbyllin vendet e punës. Sipas ekspertëve shumë pak punë do të automatizohen plotësisht nga kjo teknologji.

“Ndërsa makinat inteligjente tejkalojnë aftësitë e njeriut në shumë veprime të një detyre të veçantë, njerëzit i tejkalojnë makineritë në shumicën e detyrave të tjera njohëse.”

Por vendet e punës do të kenë transformime rrënjësore, thotë profesori Erik Brynjolfsson. Sfida është që asnjë punonjës të mos mbetet prapa në këtë proces.

Sipas ekspertëve, shumica e fëmijëve të sotëm në shkollat fillore kur të rriten do të punojnë në detyra të ndryshme që ende nuk ekzistojnë. Ata theksojnë nevojën për reformimin e arsimit për të zhvilluar aftësi që makineritë nuk mund të fitojnë si dhe aspekte krijuese dhe ndërpersonale. /VOA

  • Postime: 609
  • Gjinia: Mashkull
Ωμέγα
#2 ne: 10-02-2020, 01:06:10
Ne fakt ky eshte rreziku me i madh qe kanoset njerezimit. Ndoshta robotet nuk do behen aq inteligjente sa te na sundojne ala Matrix, por nje pjese te madhe te vendeve te punes mund te na zevendesojne. Sidomos punet e krahut. Me te sigurte jane ato qe kane pune qe kerkojne intelekt dhe social skills.