E vetëshpallura shenjtore Eleonorë ben vetëvrasje - Teologjia

×
Albanian Forums, Zerion Zeri yt Zeri Info, Forumi Shqiptar Al Virtual, Diskutime, Biseda, Chat Njofje, Informatika, Teknologjia, Gazeta Tema, Gazetat Shqiptare, Bota Sot, www Channel Albania, Telegrafi Kosovo, Ballkani Web, Gazeta Lajme shqip, Lajmet e Fundit Shqiperia Kosova, Dita, Panorama, Kryeartikull, Faqja Kryesore, Video Shqip, Muzike Shqipe, Njoftime, Lajmerime, Temat Online, Gazetat, Kosovare, Shtypi Ditor, Sporti Shqiptar, Dashuria, Pyetje Pergjigje, Keshilla, Ndihme, Webmaster Shqiptar, Familja, Shqiptaria, Muzika, Receta Gatimi, Imazhe, Vipat-shqiptar, Aktualiteti
Media Sociale
Mesazhe Private
Shqiptaret duke lexuar tema interesante dhe te ndryshme
Tema re

E vetëshpallura shenjtore Eleonorë ben vetëvrasje

E vetëshpallura shenjtore Eleonorë ben vetëvrasje

· 4 · 1724

  • Postime: 28589
  • Karma: +48/-5
  • Gjinia: Mashkull

ne: 16-11-2011, 00:00:47
Vetëvritet me armë zjarri tip pistoletë TT, e vetëshpallura shënjtorja Eleonorë. Ngjarja e rëndë ka ndodhur mbrëmjen e sotme rreth orës 19:15 në zonën e Selitës në kryeqytet.

Trupi i pajetë i të ashtuqujaturës shënjtore është gjetur nga vajza e saj, në katin e parë të ndërtesës, që ndodhet brenda sektit fetar.

Kanë qenë forcat e komisariatit numër 1 dhe më pas ato të komisariatit numër 2, që ka mbërritur menjëherë në vendngjarje, të cilët kanë gjetur në banesën e të ndjerës një letër për Zotin dhe besimtarët e sektit të saj, të cilën e kishte shkruar para se ajo ti jepte fund jetës.

Në letrën e të vetëshpallurës shenjtore thuhej: “Më mirë të vras veten se të le tokën e shenjtë”.

Nga hetimet paraprake mësohet se ndërtesa e misionit ‘Eleonora’ vitet e fundit ka pasur probleme pronësie me familjen Vorpsi dhe ky fakt dyshohet të jetë edhe motivi i vrasjes së gruas.

Mësohet se në momentin e aktit të vetëvrasjes, në sektin e të ndjerës ka qenë i pranishëm roja i institucionit fetar i cili ka dëgjuar edhe krismat e armës së zjarrit. Ndërkohë policia po bën ekzaminimet dhe verifikimet në vendin e ngjarjes, ndërsa trupi i pajetë i besimtares është dërguar në institutin e mjekësisë ligjore.

KONFLIKTI PËR PRONËSINË
Eleonora Bregu, e vetëquajtura Shenjtorja Eleonorë, prej vitesh kishte ngritur Misionin Shenjtëror Eleonorë’ në zonën e Komunës së Parisit, ku ka pasur probleme të vazhdueshme me pronarët e tokës. Sekti fetar i quajtur  ‘Eleonorë’, sipas të ndjerës bënte mirë dhe u jepte njerëzve shpresë.

Nga ana tjetër familja Vorpsi pretendon pronësinë e truallit, ku është ndërtuar sekti, mbi bazën e dokumentacionit që ajo disponon. Sipas familjes Vorpsi e ndjera e ka ndërtuar ndërtesën në mënyrë të paligjshme.

PRECEDENTI
Pak vite më parë e vetëshpallura Shenjtore u bë protagonistë e një skandali tjetër, ku njoftoi në polici se disa persona kishin tentuar ta helmonin në gjumë. Kallëzimi u hetua nga policia dhe rezultoi i rremë.
(el.me/BalkanWeb)

  • Postime: 12726
  • Karma: +31/-8

#1 ne: 16-11-2011, 11:11:45
nje mashtrues me pak
kjo e mbante veten edhe per shenjetore...se dinte kjo qe Zoti te quan te pafe nese ti i merr jeten vetes....jeten ta dha zoti e ai ka te drejten sublime edhe te ta marri,,..

  • Postime: 12285
  • Karma: +336/-221
  • Gjinia: Femer

#2 ne: 16-11-2011, 13:16:17
nje mashtrues me pak
kjo e mbante veten edhe per shenjetore...se dinte kjo qe Zoti te quan te pafe nese ti i merr jeten vetes....jeten ta dha zoti e ai ka te drejten sublime edhe te ta marri,,..


fiks nje hale me pak

  • Postime: 28589
  • Karma: +48/-5
  • Gjinia: Mashkull

#3 ne: 16-11-2011, 16:11:04
Eleonora, Sharlatan qoftë kujtimi i saj!
Ia ka shkrepur vetes në një gjest çmendurie më shumë se revolte. Nuk i ka munguar guximi për ta shpallur veten të dërguar të Zotit dhe shenjtore, por i ka munguar guximi për ta parë jetën në sy, për ta kuptuar dhe për të qenë e kthjellët me të vërtetën se ligjet e drejta dhe vullneti për t’iu bindur atyre janë të shenjta: pak më shumë të tilla se e teka për t’u vetëshpallur e shenjtë.

Megjithatë e ka lënë këtë tokë me një gjest padurimi, i zëshëm siç qe edhe gjesti i shenjtërimit të vetes pa ndërmjetës, mbështetur po në padurimin e përhumbjen e ca të tjerëve që u bënë pelegrinë të marrëzisë së saj.

Eleonora Bregu e vetëshpallur “shenjtorja Eleonorë”, ka vrarë dje veten me një pistoletë TT. Fjalët e fundit, të hedhura në “një letër drejtuar Zotit”, pikërisht nga ajo që dje kreu sakrilegjin e dytë ndaj Tij, marrjen e jetës që sipas një njeriu të Zotit vetëm Ai ta jep e vetëm ai mund të ta marrë. Blasfeminë e parë e kreu vite më parë, kur u shfaq si ndërmjetësja mes tokësorëve dhe qiellit: me letrat, xhonglimet, xhinglat, fjalët, yshtjet, altarin, tempullin, pasuesit dhe vetësigurinë që, shpeshherë vetëm injoranca mund ta ketë. Ishin vitet ’90, në fund të fundit, dhe shqiptarët sugjestionoheshin nga gjithkush e gjithçka: kapterë që luanin Rockefeller-in; jevga nën shajninë e Marie Antoinette-s së financave, e fondacione me themele të ngritura në rërë.

Ç’ishte një Eleonorë më shumë në këtë Disney Land, ku fati luante Mickey Mouse me një popull të trumhazur që kërkonte Arkën e tij të Noes sa për trupin e sa për shpirtin? Ishin vitet ’90. Shpirti i atyre viteve, ndërkohë që një klasë parvenysh këmbehej me një tjetër, e kërkonte shpëtimin nëpërmjet marionetave që iu ofroheshin të “pafatëve” e të “pamundurve” si shenjë se Zoti i rrjeshëm nuk i kishte harruar as ata.

Shpërfaqen ca të vërteta te gjesti i fundmë i Eleonorës së vetëquajtur ‘shenjtore’. E para është pakti i saj me faktin se gënjimit (iluzionit) i kishte kaluar kohë dhe për të dalë prej tij kërkohej një exit po aq dramatik sa dhe hyrja. Njerëzit që hyjnë mes nesh përmes një blasfemie hata si ajo e të vetëshpallurit “e dërguar e Perëndisë”, nuk mund të dalin prej skene me një vdekje në shtrat, në qetësi dhe të rrethuar nga njerëzit e dashur.

Në plan të dytë, vetëvrasja e Eleonorës është një largim nga fryma e keqe e viteve ’90; një përmbyllje e tranzicionit shpirtëror të shqiptarëve; një dalje nga emergjenca dhe një hyrje në një ekzigjencë që e gjen besimin te krijimi i të mirave materiale nëpërmjet punës dhe jo mashtrimeve.

Me Eleonorën, ndjesë pastë megjithatë, është varrosur përfaqësuesja më e zëshme e tufës së sharlatanëve që e heqin veten sa për të dërguar të Perëndisë e sa për shërimtarë. Nuk pritet ringjallja e saj, por kjo nuk do të thotë se fryma e sharlatanizmit nuk do të vazhdojë të jetojë në trupa e mendje të tjera. Këto përsëritje ndodhin pa pasur nevojë për një “letër dërguar Zotit”.   

Shkruan:
Alfred Lela

Temat e fundit