×

Kosova, model i tolerancës islamike

Kosova, model i tolerancës islamike

· 14 · 2530

  • Postime: 22599
  • Gjinia: Mashkull
M A X
ne: 23-12-2008, 13:52:33
Kosova është jashtë mase proamerikane dhe marrëdhëniet e saj me Izraelin janë të shkëlqyera

KOSOVA, model i tolerancës islamike

(City Journal)

Më 17 shkurt 2008, Kosova deklaroi pavarësinë nga Serbia, duke u bërë vendi më i ri në botë dhe një prej më të pazakonshmëve. Shumica e qytetarëve të saj janë myslimanë, një veçanti në Europë. Më tej, ndryshe nga vendet me mazhorancë myslimane, Kosova është jashtë mase proamerikane dhe marrëdhëniet e saj me Izraelin janë të shkëlqyera. Asnjë vend arab nuk e ka njohur akoma ekzistencën e vendit të ri dhe vetëm Arabia Saudite ka thënë se do ta njohë. Ndoshta kjo nuk është për t'u habitur, përderisa kosovarët ndryshojnë në mënyrë më rrënjësore nga vëllezërit e tyre në botën arabe, sesa çdo vend tjetër islamik në Tokë.

Pjesa më e madhe e kësaj diference është ndoshta e panjohur për vëzhgues të largët. Kosova shtrihet në ish-Jugosllavinë, në Gadishullin Ballkanik të Europës, një cep i largët i Europës Juglindore, të cilin relativisht pak udhëtarë e rriskojnë. Mjegulla e luftës në të vërtetë asnjëherë nuk u daravit pasi armët e luftëtarëve pushuan në vitin 1999. Mëritë që ushqenin palët ndërluftuese dukeshin misterioze për shumë perëndimorë, të cilët shpesh nuk e kuptonin se pse fuqitë perëndimore parasëgjithash u përfshinë në konflikt. Megjithatë, pavarësisht anonimatit të tyre, kosovarët sot qëndrojnë si një refuzim ndaj nocionit se myslimanët do të jenë përgjithmonë të prangosur me sundim autoritar dhe të lidhur përjetë në luftë me "tjetrin" modern pluralist.

Rreth 90 përqind e 2 milion banorëve të Kosovës janë shqiptarë etnikë; 7 përqind janë serbë. Prej shqiptarëve, rreth 3 përqind janë katolikë dhe gjithë të tjerët janë të paktën nominalisht myslimanë; ndërkohë, serbët janë të gjithë kristianë ortodoksë. Kundër këtij sfondi, shumë vëzhgues i interpretuan luftt ballkanike që e copëtuan Jugosllavinë gjatë viteve Nëntëdhjetë si një rishfaqje e pashmangshme e urrejtjeve të vjetra në një vakuum ideologjik paskomunist.

Por e vërteta është se nacionalistët serbë, të udhëhequr nga diktatori komunist Sllobodan Millosheviç, e formësuan qëllimisht nacionalizmin e tyre etnik si një ideologji për të zëvendësuar komunizmin, duke kërkuar që të mbajnë pushtetin dhe të kapnin sa më shumë territor të ishte e mundur ndërsa federata jugosllave shpërbëhej. Më 29 qershor të vitit 1989, vetëm pak muaj përpara se Muri i Berlinit të binte, Millosheviçi u mbajti një fjalim të fortë turmave të nacionalistëve serbë në fshatin kosovar të Fushë Kosovës. Saktësisht 600 vjet më parë, në Fushën e Mëllenjave të ndodhur aty afër, turqit kishin mundur sundimtarin serb Car Llazarin në një betejë epike, duke i dhënë fund sovranitetit të mbretërisë mesjetare serbe dhe duke filluar absorbimin e saj në Perandorinë Otomane. "Askush nuk do t'ju rrahë më ju", i premtoi Millosheviçi audiencës së tij.

Konflikti etnik ishte relativisht i ri për zonën. "Kishte pasur shumë beteja dhe lufta në Kosovë gjatë shekujve", shkruan historiani Noel Malcolm në librin e tij Kosovo: A Short History, "por të paktën 100 vitet e fundit apo diçka e tillë asnjëra prej tyre nuk kishte karakterin e një konflikti "etnik" midis shqiptarëve dhe serbëve. Anëtarë të këtyre dy popullsive luftuan sëbashku si aleatë në betejën e Kosovës në vitin 1389 - në të vërtetë, ata ndoshta luftuan si aleatë në të dyja anët e asaj beteje".

Sidoqoftë, Millosheviçi e përdori mërinë e lashtë, së bashku me të tjerat njëherazi reale dhe imagjinare, për të ndezur nacionalizmin serb - "një ideologji totalitare", siç e quan shkrimtari serb Filip David. Tri muaj pas fjalimit të tij në Fushë Kosovë, Millosheviçi revokoi autonominë politike të Kosovës dhe imponoi një sistem të ngjashëm me aparteidin ndaj shumicas shqiptare të saj. Pasuan më pas tri luftëra në republikat shkëputëse të Sllovenisë, Bosnjes e Kroacisë dhe një e katërt spastrimi etnik në Kosovë, në një kohë kur Shtetet e Bashkuara dhe NATO nuk qenë të gatshme të toleronin më asnjë destabilizim të dhunshëm në Europë. NATO bombardoi objektivat jugosllave për 2 muaj e gjysëm në vitin 1999, derikur Millosheviçi kapitulloi dhe ia lëshoi kontrollin e Kosovës NATO-s dhe Rusisë.

Megjithëse nacionalizmi shqiptar është më pak ideologjik se nacionalizmi serbe, ai gjithashtu mund ta shprehë veten nëpërmjet shpërthimesh të shëmtuara të dhunës. Shqiptarët etnikë u kthyen në Kosovë nën mbrojtjen e NATO-s në vitin 1999, disa u lëshuan kundër civilëve, shtëpive dhe kishave ortodokse serbe. Një tjetër valë dhune antiserbe shpërtheu në vitin 2004, duke pasuar zhurmat se fëmijë shqiptarë qenë mbytur në lumin Ibër pasi qenë ndjekur nga serbë.

Por kjo dhunë, ashtu si lufta e vitit 1999, rriti tensionet etnike, jo ato fetare. Ato qenë përleshje jo midis myslimanëve dhe kristianëve, por midis shqiptarëve dhe serbëve - dhe megjithëse, sërish, shumica e shqiptarëve janë myslimanë dhe të gjithë serbët janë kristanë ortodoksë, dallimi është vendimtar. Shqiptarët myslimanë dhe shqiptarët katolikë të Kosovës shkojnë për bukuri me njëri tjetrin; në fakt, gjatë luftës, ata luftuan krah për krah dhe në sulmet e mëvonshme turmat e shqiptarëve etnikë dogjën kisha serbe sepse ato qenë serbe, jo sepse qenë kristiane. Kishat katolike nuk u prekën - sepse kongregacionet e tyre qenë fetare. (Kjo nuk është as një çështje ndjenje antiortodokse midis myslimanëve. Megjithëse asnjë shqiptar kristian ortodoks nuk jeton në Kosovë, 20 përqind e popullsisë vetë në Shqipëri është shqiptare ortodokse dhe marrëdhëniet midis tyre dhe mazhorancës shqiptarë myslimane janë jashtëzakonisht të mira).

Disa vëzhgues, veçanërisht në Serbi, ia kanë veshur dhunat në vitin 1999 dhe 2004 xhihadistëve islamistë. Ata që jetojnë e punojnë në Kosovë dhe ato që janë të ngarkuar me ruajtjen e paqes e hedhin poshtë pohimin. "Kemi qenë këtu prej një kohe të gjatë dhe nuk kemi parë asnjë dëshmi të faktit se kemi arritur në supozimin se ky nuk është një kërcënim i realizueshëm", thotë Zachary Gore, një nënoficer i ushtrisë amerikane i stacionuar në Kosovën lindore.

Lloji i Islamit të Kosovës mund të jetë më liberali në botë. Nuk pashë asnjë grua që të vishte veshje konservatore islamike - maksimumi një apo dy në ditë - nga sa kam parë në Manhattan. Nuk ekziston një aparteid gjinor as edhe në fshatrat e Kosovës. Alkooli rrjedh lirshëm në restorante, kafene dhe bare, ku do të shikoni po aq shumë vajza me veshje perëndimore sa do të gjenit në çdo vend europiano perëndimor. Përveç minareve në horizont, nuk ka asnjë dëshmi të dukshme se Kosova është edhe një vend me shumicë myslimane.

"Këtu njerëzit janë myslimanë, por mendojnë sikur janë europianë", thotë Xhabir Hamiti, një pedagog në Departamentin e Studimeve Islamike në Universitetin e Prishtinës në kryeqytetin e Kosovës. "Myslimanët këtu e identifikojnë veten si myslimanë të lehtë", më thotë një oficer policie amerikan. Siç e thotë Afrim Kostrati, një barist i ri: "Ne jemi myslimanë, por jo prej vërteti". Dhe Luan Berisha, një biznesmen, është dakord: "Nuk kemi qenë kurrë myslimanë praktikues si ato që janë në Lindje të Mesme... Para së gjithash, ne jemi shqiptarë, feja vjen e dyta".

Feja në Kosovë është një çështje private, jo publike. "Kurrë nuk flasim rreth saj", thotë Berisha. "Kam mësuar vetëm një vit më parë se një shok i ngushtë i imi është katolik dhe kemi qenë shokë për 10 vitet e fundit". Një grua myslimane më tregon sesa e befasuar qe kur mori pjesë në një konferencë në Britani rreth të rinjve që ndryshojnë botën. "U shokova kur gjeta se përfaqësuesja e Shteteve të Bashkuara qe një zonjë e mbuluar, me origjinë nga Iraku", thotë ajo. "dhe përfaqësuesja nga Kanadaja qe një zonjë tjetër, me origjinë nga Afganistan". Ajo vetë mbante fund.

Arsyeja për qëndrimin e qetë të Kosovës ndaj fesë qëndron në historinë e saj. Shqiptarët, përfshi ata në Kosovë, janë trashëgimtarët e ilirëve dhe grekëve të lashtë paganë; shumë më vonë, ata qenë kristianë përpara se shumica të konvertohej në Islam gjatë sundimit otoman. Feja e tyre mund të jetë lindore, por shqiptarët kulturalisht nga qenë europianë gjatë të gjithë historisë së shënuar. "Grekët vështirë se i shikonin si kristianë apo turqit si myslimanë dhe në fakt ata janë një përzierje e të dyjave dhe nganjëherë të asnjërës", shkruan për ta Lord Bajroni rreth 200 vjet më parë. "Ne shqiptarët", shkruan prifti katolik Dom Lush Gjergji, "trashëgimtarë të ilirëve, jemi kristianë që nga koha e Apostujve... Pa kristianizëm nuk do të kish pasur popull, gjuhë kulturë apo tradita shqiptare... Shqiptarët e konsiderojnë kristianizmin si pasuri të tyre, trashëgimi shpirtërore dhe kulturore".

Kosovarët myslimanë flasin njëlloj. Në fakt, ndjenja pasqyrohet në flamurin kombëtar shqiptar, i cili valëvitet anembanë Kosovës, pavarësisht mbështetjes minimale për një "Shqipëri të Madhe". Shqiponja e zezë dykokëshe e tij është vula e Gjergj Kastriotit Skënderbeut, i cili udhëhoqi rezistencën kundër Perandorisë Otomane në shekullin e Pesëmbëdhjetë. Ky hero kombëtar i një vendi me shumicë myslimane ishte katolik.

Në të vërtetë, një tjetër shenjë e identitetit kompleks fetar të Kosovës përfshin "kriptokatolikët", ata që u shtirën se po konvertoheshin në Islam nën otomanët. Varrezat e Kosovës mbajnë shumë varre me emra myslimanë të gdhendur, por që sërish kanë kryqin katolik. Edhe tani, trashëgimtarët e kriptokatolikëve janë të "pagëzuar", si të thuash, me emra myslimanë dhe më pas pagëzohen në kishë.

Shumë kosovarë po fillojnë të konvertohen "prapë" në kristianizëm. Pronari i kafenesë Gazi Berlajolli ia atribuon tendencën pjesërisht influencës amerikane. "Shumica e këtyre njerëzve qenë ateistë dhe agnostikë, por nuk duan të shikohen si myslimanë ateistë", shton Berlajolli. "Kështu që kishin nevojë të konvertoheshin në diçka tjetër. Ata duan të jenë që të vendosin fjalën "kristianë" në faqet e tyre në Facebook."

Megjithatë, është një grup i vogël radikalësh brenda Kosovës që do të donin ta transformonin islamin ballkanik në një varietet vahabist shumë më të ashpër të praktikuar në Arabinë Saudite. Disa sauditë dhe arabë të tjerë të Gjirit të financuar mirë erdhën në Kosovë pas luftës të vitit 1999 për të rindërtuar xhamitë e shkatërruara dhe për të imponuar vahabizmin ndaj vendasve të shkatërruar. Shumica e shqiptarëve etnikë në spektrin politik dhe fetar në Kosovë nuk i kanë qejf këto ndërhyrje, pjesërisht sepse xhamitë e dekoruara me stil otoman e shkatërruara nga forcat e armatosura serbe po zëvendësohen me monstruozitete me stil të rreptë vahabist, por edhe pse vështirë se ndonjë shqiptar po kërkon drejtim nga bota e prapambetur dhe autoritare arabe. "Ne nuk i quajmë vahabista këtu", më thotë një grua shqiptare nga familje e mirë. "I quajmë ata Binladensa, njerëzit e bin Laden". Në Kosovë, kjo fjalë nuk ështzë kompliment.

"Kurrë nuk i kemi pasur ata më parë", thotë një gazetar i ri shqiptar. "Dëgjojmë fjalë se po paguajnë njerëz"- të shkojnë nëpër xhami dhe të mbulojnë flokët, kaq. Nuk mund t'i konfirmoj fjalët, por ato janë gjerësisht të besuara dhe i kam dëgjuar nga pothuajse një dyzina njerëzish. Nëqoftëse janë të vërteta, kjo do të thotë se edhe një pakicë shumë e vogël që janë të gatshëm të adoptojnë shenjat e jashtme të Islamit konservator do ta bënin një gjë të tillë vetëm nëqoftëse paguhen. Nëqoftëse nuk janë të vërteta, fakti që kaq shumë e besojnë zbulon një përbuzje të gjerë për Islamin e ngurtë arabik dhe një besim se kultura shqiptare nuk do t'i përulet natyrshëm atij". "Ju duhet t'i shikoni sesi publiku i përgjithshëm i pret këta njerëz", thotë një nëpunës i të drejtave të njeriut të Kosovës. "Sigurisht që ata nuk pëlqehen. Nuk mendoj se do të arrijnë të kenë sukses".

Vahabitët po hasin rezistencë si nga komuniteti fetar i Kosovës, ashtu dhe nga atesitët dhe agnostikët e saj. "Po punojmë shumë fort që t'i ndalojmë këto lloj lëvizjesh", thotë Hamiti. "Këto lloj lëvizjesh janë të rrezikshme për të gjitha vendet, për të gjitha besimet, për të gjitha fetë. Islami tradicional që është kultivuar në këto zona është garancia më e mirë për të ardhmen. Nëqoftëse lejojmë të huajt të vijnë këtu dhe të na vënë në luftë me idetë e tyre. Atëhere situata do të dilte jashtë kontrollit".

Në mënyrë domethënëse, partia e vetme islamike e Kosovës mori vetëm 1.7 përqind të votave në zgjedhjet e fundit. As edhe gjatë luftës së vitit 1999, kur shqiptarët etnikë qenë të dëshpëruar për ndihmë, islamistët nuk qenë të mirëpritur në Kosovë. Në kontrast kjo me Bosnjen, e cila pranoi ndihmë nga muxhahedinët: pasi komuniteti europian vendosi një embargo armësh ndaj të gjitha palëve ndërluftuese në Jugosllavi, duke i lënë boshnjakët e keqarmatosur në mëshirë të fatit, rreth 1000 veteranë të rebelimit antisovjetik arritën në vend. "Në Kosovë", thotë Berisha, "ata erdhën për të na mbështetur dhe i refuzuam. Ky nuk është xhihad. Ne nuk po luftojmë për fe këtu. Ne po luftojmë për lirinë tonë, për veten tonë dhe për familjet tona".

Sigurisht ndihmoi fakti që NATO i ndali luftimet në Kosovë shumë përpara se të mund të egërsoheshin ashtu siç ndodhi në Bosnje. Megjithatë, natyra laike e Ushtrisë Çlirimtare të Kosovës ia vlen të përmendet. "Gjatë dy viteve që mbulova konfliktin në Kosovë, asnjëherë nuk pashë luftëtarë muxhahedinë si ato që pashë në Bosnje apo të dëgjoja luftëtarë të UÇK-së të aludonin ndonjëherë për ndonjë lloj angazhimi ndaj islamit", shkroi Stacy Sullivan tek Newsweek. "Shumica thonin se ofendoheshin nga aludime të tilla, mburreshin sesi kishin qenë katolikë përpara se të vinin otomanët e t'i konvertonin dhe thoshin se feja e tyre e vetme ishte shqiptaria".

Megjithatë, UÇK-ja qe një organizatë e errët me lidhje të supozuara me krimin e organizuar dhe gangsterizmin politik dhe u shkri në shtator të vitit 1999, pothuajse menjëherë pas ndërhyrjes së NATO-s. Shumë prej ish komandantëve të saj garuan në zgjedhjet e para të pasluftës në Kosovë dhe humbën bindshëm ndaj Lidhjes Demokratike të Kosovës, të drejtuar nga pacifisti Ibrahim Rugova. Kosova është pothuajse unike në histori për refuzimin e gjoja çlirimtarëve militantë të saj pas fitimit de facto të pavarësisë. Ndoshta ky pacifizëm qe saktësisht ajo çka Kosova kishte nevojë pas shuarjes së zjarreve të luftës. Ushtarët e huaj qenë në dispozicion për të ofruar siguri. Nacionalizmi etnik militant ose, më keq, sektarizmi fetar militant lehtësisht mund ta kish kthyer Europën në Irakun e Europës.

Një arsye e madhe për antipatinë kosovare ndaj Islamizmit radikal është, me një fjalë, Amerika, e cila ka qenë ylli polar politik për shqiptarët jashtë dhe brenda Kosovës qysh nga koha e ndërhyrjes së NATO-s në vitin 1999. Në vitin 2004, një sondazh i Gallup mati opinionin popullor të politikës së jashtme amerikane anembanë botës. Vetëm 10 vende e vlerësonin në mënyrë të favorshme politikën e jashtme amerikane dhe midis tyre Kosova kishte rezultatin më të larë, duke regjistruar një miratim prej 88 përqindësh. Kur një shqiptar etnik që takova qëlloi të bënte deklarimin e padiskutueshëm se Kosova qe një vend evropian, një tjetër ndërhyri. "Ne nuk jemi europianë", korrigjoi ajo. "Ne jemi amerikanë".

Në mënyrë të përsëritur, dëgjova se kosovarët qenë aleatët më të besueshëm të Amerikës në botë. Flamujt amerikanë valëviten kudo jashtë enklavave serbe - disa bile në hyrje të ndërtesave shtetërore - dhe shiten në kioska nëpër rrugë, bashkë me bluza që thonë faleminderit Shteteve të Bashkuara. Hoteli Victory ka ngritur replikën e dytë më të lartë të botës të Statujës së Lirisë në çatinë e tij dhe gjeta në një replikë tjetër në qytetin juglindor të Vitisë. Kosovarët janë fansa të George W. Bush, si për shkak se njohur pavarësinë e Kosovës, ashtu dhe pse thjesht është Presidenti. Pikturat murale në një fshat kosovar u thonë faleminderit Shteteve të Bashkuara dhe Bush. "Duhet të kishit parë fytyrën e Presidentit Bush kur erdhi në Shqipëri", thotë një shqiptar kosovar që punon me USAID-in. "Kudo në Europën Perëndimore ai u ndesh me protesta, por i gjithë populli i Shqipërisë doli për ta mirëpritur". Dhe Bill Clinton, i cili urdhëroi ndërhyrjen ushtarake të vitit 1999, trajtohet si idhull. Izeir Mustafa po punon për një statujë të ish-Presidentit, e cila shpejt do të ngrihet në një arter të madh trafiku - të quajtur Bulveradi Bill Clinton - që të çon nga aeroporti në qendër të Prishtinës. Shumë biznese janë emërtuar pas Clinton. Bile gjeta një ëmbëltore dhe disko bar të quajtur "Hillary", të stolisur me fotografitë e ish-Presidentit dhe të bashkëshortes së tij.

"Amerikanët janë miqtë tanë më të mirë në botë", më tha një kamerier në një prej restoranteve më të mirë të Prishtinës. "Britanikët janë të dytët".

"Faleminderit", i thashë. "E çmojmë shumë këtë. Disa njerëz nuk na duan".

"Njerëz të këqinj", tha ai.

Shqiptarët kosovarë, prej të gjitha vendeve, mbështesin gjithashtu fuqimisht Izraelin. "Kosovarët dikur identifikoheshin me palestinezët për shkak se në shqiptarët jemi myslimanë dhe e shikonim Serbinë dhe Izraelin si uzurpatorë të vendit", një kosovar i njohur i tha gazetarit Stephen Schwartz. "Pastaj shikuam në hartë dhe u zgjuam. Izraelianët kanë një popullsi prej 6 milionësh, ata qëndrojnë midis detit dhe 300 milion arabëve armiq. Shqiptarët kanë një popullsi prej 8 milionësh, qëndrojmë midis detit dhe 200 milion sllavëve armiq. Atëhere, pse duhet të identifikohemi me arabët?"

Berisha i bën jehonë ndjenjës. "Kemi shumë gjëra të përbashkëta me Izraelin", thotë ai. "Unë nuk do të bëhesha kurrë me anën myslimane për ta zhdukur Izraelin nga faqja e dheut. 90 përqind e Kosovës e ndjen kështu". Megjithëse ky numër tingëllon i lartë, nuk takova ndonjë që të thoshte se e ndjente ndryshe dhe Shachar Caspi, një pronar restoranti hebre izraelian që lëvizi nga Tel Avivi në Kosovë, është dakord. "Askush nuk më ka shkaktuar ndonjë problem apo të jetë kundër Izraelit", tha ai. "Asnjeri këtu nuk është radikal. Përkundrazi, njerëzit janë shumë të ngrohtë, janë shumë të mirë, e kanë marrë Islamin në një vend të mrekullueshëm, jo në një vend të dhunshëm. Kur dëgjojnë se jam izraelian, ata reagojnë shumë ngrohtësisht".

"Askujt nuk i bën përshtypje?", e pyeta. Duke pasur parasysh antisemitizmin e egër që infekton një pjesë të madhe të botës myslimane, qe e vështirë të besohej. "Përkundrazi, njerëzit e pëlqejnë faktin", tha ai. "Ata vijnë të flasin me ne, duan të jenë në kontakt me ne. Ata më thonë se gjatë Holokaustit i mbanin të mbijetuarit e tij nëpër bodrume dhe, anasjelltas, avioni i parë në vitin 1999 që u ul në Prishtinë për mbështetje humanitare që një avion izraelian".

Pak veta jashtë Shqipërisë dhe Kosovës dinë rreth heroizmit të zonës gjatë Holokaustit, por shqiptarët etnikë që takova e ngritën disa herë këtë argument. "Ne simpatizohemi shumë me njerëzit që kanë vuajtur të njëjtin fat si ne", thotë Berisha. "Ne qemë myslimanë edhe në Luftën e Dytë Botërore, myslimanë më të fortë se tani, por edhe atëhere i mbrojtëm hebrenjtë me jetët tona". Dhe Hamiti thotë, "Shqiptarët kudo janë të vetëdijshëm se hebrenjtë duan t'i ndihmojnë ata në këtë vetëdijshëm dhe hebrenjtë janë të vetëdijshëm dhe mirënjohës për shqiptarët që shpëtuan jetët e tyre gjatë Luftës së Dytë Botërore".

Pas përfundova udhëtimin tim në Kosovë mora pjesë në një konferencë në Tiranë të quajtur "Shqipëria, shqiptarët dhe Holokausti". Midis atyre që merrnin pjesë në të qenë Presidenti dhe Kryeministri i Shqipërisë. Dan Michman, kryehistoriani në muzeumin e Holokaustit të Jeruzalemit "Yad Vashem", ishte njëri prej folësve. "A është realisht e vërtetë se hebrenjtë patën koeficient mbijetese prej 100 përqindësh këtu gjatë pushtimit nazist?", e pyeta atë.

"Po", më tha ai. "Aktualisht, nëqoftëse shikoni brenda kufijve të "Shqipërisë së Vogël" - përjashton Kosovën dhe rajonet shqiptare të Malit të Zi dhe Maqedonisë - ka patur tri herë më shumë hebrej që jetonin këtu në fund të Holokaustit sesa kishte përpara se të fillonte luftëra". Shqiptarët, kristianë apo myslimanë, refuzuan që t'ua dorëzonin hebrenjtë autoriteteve naziste dhe ata qenë më të sigurtë midis shqiptarëve sesa qenë kudo tjetër në Europën e kontrolluar nga nazistët.

Në konferencë, kryeministri shqiptar Sali Berisha bëri një dënim të fuqishëm të radikalëve islamiste të cilin ka gjasa ta dëgjoni nga një kryetar shteti tjetërkund në Europë. "Izraeli do ta pranojë një shtet të pavarur palestinez", tha ai, "por Izraeli nuk mund të pranojë fondamentalistët midis palestinezëve, për shkak se ideologjia e tyre është identike me atë të nazistëve".

"Ekziston një diferencë midis Islamit dhe kulturës", thotë Hamiti. "Islami nuk është kultura".

Unë nuk kam parë dëshmi më bindëse se e ka të drejtë që politika dhe kultura e Kosovës, e cila ofron shpresën që myslimanëtz nuk kanë nevojë të jenë armiq të kristianëve, hebrenjve e Perëndimit, dhe se shoqëritë myslimane për nga natyra e tyre nuk u kundërvihen demokracisë dhe pluralizmit fetar. E vërtetë, myslimanët e Kosovës janë shumë ndryshe nga bashkëfetarët e tyre të Lindjes së Mesme. Ata shpesh e quajnë veten "kulturalisht kristianë" - sepse janë të zhytur në një rajon me shumicë kristiane dhe sepse dikur qenë vetë të tillë - dhe njeriu me bile më shumë saktësi mund t'i quajë ata "kulturalisht europianë". Por ata prapëseprap janë myslimanë dhe ndërsa lëvizjet xhihadiste në Lindje të Mesme mund të duken se janë një produkt i pashmangshëm i Islamit, në shumë aspekte ato janë thjeshtë një manifestim fetar i prapambetjes politike të botës arabe. Ndoshta shqiptarët etnikë të Kosovës - siç tha Mordechai Arbell, Presidenti i World Jewish Congress Institute, në konferencën e Tiranë - bile mund t'i "mësojnë botës sesi njerëzit mund të jetojnë në harmoni midis feve, kombeve dhe sesi mund ta shpëtojnë njëri tjetrin".

Michael J. Totten është një korrespondent i jashtëm i pavarur me qendër në Portland, Oregon. Shkrimet e tij dalin në New York Times, Wall Street Journal, dhe tjetërkund.

Përgatiti

ARMIN TIRANA
RD

  • Postime: 691
Anesti
#1 ne: 24-12-2008, 19:53:04
Pershendetje Max per kete postim.C'ka shkruhat eshte nje realitet.Por titulli stonon.Kjo nuk eshte tolerance,mos urreltja per kristanizmin vjen ngaqe ata e din se jane te konvertuar prej pushtuesit dhe kurre su bene musliman te vertete.Dhe ky nivel i ulet te injektimit islamik jep dhe tolerancen qe shikojme.Me pelqeu ajo shprehja nuk i quajme "vahabista por bilandista"e duhet te jene si keto te forumit.

  • Postime: 6969
  • Gjinia: Femer
kengaime
#2 ne: 24-12-2008, 20:45:21
Ti Anesti, gjithmone mundohesh te dijsh me shume se tjeret.
Nuk dij se a vjen nga Kosova, por nese vjen nga atje duhet ta dijsh qe ne Kosove ka musliman te vertete, te cilet nuk i urrejne fete tjera e as kristianizmin.
Nuk eshte kjo tolerance per shkak se ne paskemi qene me pare te krishtere........ne me pare kemi qene edhe pagan.
E kjo s'do te thote asgje, sepse te konvertuar me dhune ose jo, feja u praktikua me vite te tera........dmth i humbi rendesia se si erdhi.
Ne jetuam edhe me kojshi serb e asnjehere s'patem kontradita per shkak te fese e lere me qe jetojme me vllezerit tane.
Historia shumevjecare e popullit tone ka tregu qe populli shqiptar ne pergjithesi eshte popull tolerant.

Ti Anesti edhe nese ka tjere si ti ketu, mos harroni se, ne shumicen e shqiptareve te Kosoves me pare renditet kombi e me pas feja.

Njeherit shfrytezoj rastin e ju uroj Kershendellat te gjithe besimtareve te krishtere.........p aqja dhe miresia qofte gjithmone ne mesin tone.

  • Postime: 3780
  • Gjinia: Mashkull
Syrgjyn
#3 ne: 24-12-2008, 23:49:15
Shume falemnderit qe na e solle kete artikull, M A X. Eshte vertet interesant dhe terheqes.

Shkrimin origjinal ne anglisht mund ta lexoni te faqja e autorit ose te City Journal (bashke me versionin per printim). Une kam ndermend ta printoj dhe ta marr me vete ne pune qe t'ua jap amerikaneve ta lexojne. ;)

  • Postime: 3
  • Gjinia: Mashkull
Artan Gashi
#4 ne: 25-12-2008, 18:33:02
Citoje
Nuk dij se a vjen nga Kosova, por nese vjen nga atje duhet ta dijsh qe ne Kosove ka musliman te vertete, te cilet nuk i urrejne fete tjera e as kristianizmin.
Citoje

Ti Kengaime!

 E ke plotsisht gabim se paska musliman te vertet ne Kosov,muslimanet e vertet vijn nga shtetet Arabe e jo nga Kosova duhet te dish se qka shkruan sepse ne Kosov jan me shum se 50% Laraman.

Titulli i ksaj teme eshte gabim (Kosova, model i tolerancës islamike)
Kosova ska t'bej asgje me shtetet muslimane Arabe per mendimin tim sepse ne jemi ne Evrop e jo ne Azi ku dhe nga vjen feja muslimane.

-Ju mund te me pysni mua se sa tolerant eshte ky popull sepse pasi qe u pagezua familja Mehaj,Kabashi dhe Maksutaj mardhenjet qe kishim para pagzimit ishin ndryshe me te mira te aferm dhe shoqeri kurse tani as qe kemi Kontakte me disa shok apo familje te ngusht prej muajve qe dmth eshte nje urrejtje nje denim si te them se pse ne kemi marr fen Katolike fen e t'parve.
Po e ceku nje rast ku familja Kabashi e pagzuar ne zllakuqan ne korrik 08.nuk ishte e mirseardhur ne shtepin e ti nga vllai i ti. Jo qe nuk ishte i mirseardhur por ai vazhdoi edhe me shum ne media ku zhvillohet nje debat shum i ashper ne mes tyre ne gazete "express" ku dhe sot mund ta gjeni.
- Te njejten gje na ndjeku neve familjen Mehaj ku kishte kercnime te ndryshme nga ante ndryshme vetem se morem fen e t'parve tan fen Katolike kemi shum te aferm qe kan kputur te gjitha kontaktet me familjen Mehaj ky eshte nje realitet.
Por as qe jemi te brengosur per nje veprim te till qe ndermoren shoket dhe disa te aferm sepse ne jemi te lumtur qe morem fen Katolike fen e t'parve tan, e ju thoni "model i tolerances" keni plotsisht gabim.

Fjala "toleranc" nuk ka vend te duhur ktu per mendimin tim jem popull i vujtun e i pashkolluar sikur te ishim te aft e te shkolluar do ishim tash ne Evrop e jo ktu ku jemi. Po e shiqoni se qfar po ndodh me mitrovicen se si bashkesia nderkomtare po e copton Kosoven ktu ka nje dmth. te jesh musliman e te hysh ne Evrop do jet nje rrug e vshtir per ket popull te vujtun. E shiqoni se sa gjamija jan ndertuar pas lufte jan shumfishuar ne Kosov ti mendon kur je atje se je ne nje shtet Arab kush qendron pas ktyre ndertimeve te shumta...?

Pershendetje

  • Postime: 95
Sociologu03
#5 ne: 26-12-2008, 00:31:08
Ti Kengaime!

 E ke plotsisht gabim se paska musliman te vertet ne Kosov,muslimanet e vertet vijn nga shtetet Arabe e jo nga Kosova duhet te dish se qka shkruan sepse ne Kosov jan me shum se 50% Laraman.

Titulli i ksaj teme eshte gabim (Kosova, model i tolerancës islamike)
Kosova ska t'bej asgje me shtetet muslimane Arabe per mendimin tim sepse ne jemi ne Evrop e jo ne Azi ku dhe nga vjen feja muslimane.

-Ju mund te me pysni mua se sa tolerant eshte ky popull sepse pasi qe u pagezua familja Mehaj,Kabashi dhe Maksutaj mardhenjet qe kishim para pagzimit ishin ndryshe me te mira te aferm dhe shoqeri kurse tani as qe kemi Kontakte me disa shok apo familje te ngusht prej muajve qe dmth eshte nje urrejtje nje denim si te them se pse ne kemi marr fen Katolike fen e t'parve.
Po e ceku nje rast ku familja Kabashi e pagzuar ne zllakuqan ne korrik 08.nuk ishte e mirseardhur ne shtepin e ti nga vllai i ti. Jo qe nuk ishte i mirseardhur por ai vazhdoi edhe me shum ne media ku zhvillohet nje debat shum i ashper ne mes tyre ne gazete "express" ku dhe sot mund ta gjeni.
- Te njejten gje na ndjeku neve familjen Mehaj ku kishte kercnime te ndryshme nga ante ndryshme vetem se morem fen e t'parve tan fen Katolike kemi shum te aferm qe kan kputur te gjitha kontaktet me familjen Mehaj ky eshte nje realitet.
Por as qe jemi te brengosur per nje veprim te till qe ndermoren shoket dhe disa te aferm sepse ne jemi te lumtur qe morem fen Katolike fen e t'parve tan, e ju thoni "model i tolerances" keni plotsisht gabim.

Fjala "toleranc" nuk ka vend te duhur ktu per mendimin tim jem popull i vujtun e i pashkolluar sikur te ishim te aft e te shkolluar do ishim tash ne Evrop e jo ktu ku jemi. Po e shiqoni se qfar po ndodh me mitrovicen se si bashkesia nderkomtare po e copton Kosoven ktu ka nje dmth. te jesh musliman e te hysh ne Evrop do jet nje rrug e vshtir per ket popull te vujtun. E shiqoni se sa gjamija jan ndertuar pas lufte jan shumfishuar ne Kosov ti mendon kur je atje se je ne nje shtet Arab kush qendron pas ktyre ndertimeve te shumta...?

Pershendetje



Une mendoj se ne Kosove nuk ka tolerance fetare per arsye se toleranca fetare mund te realizohet atehere kur kemi me shume se nje komunitet te konsiderueshem fetar. Ne Kosove 95% jane muslimane dhe 5% jane pakica te tjera fetare. Katoliket ne Kosove jane me pak se 1% dhe si te tille ata nuk mund konsiderohen si paktor as per stabilitet dhe as per destabilitet.
Toleranca fetare realizohet atehere kur me shume se dy komunitete fetare kane mundesi dhe potenciale per te ndikuar tek nje pjese e madhe ne shoqeri, qofte ky ndimik negativ ose pozitiv.
Komuniteti katolik edhe sikur te doje qe ti vere flaken Kosoves nuk mund ti beje as gje, po dhe e anasjellta qendorn. Ndersa nqs komuniteti musliman ne Kosove do te angazhohej per destabilitet, intolerance, shtypie ndaj pakicave te tjera te jeni te sigurte qe kjo do te realizohej brenda pak minutave.

Ndersa ne lidhi qe Kosovaret kane mbajtur me disa spiuna qe per nje grusht lekesh te qelbura mundohen ti paraqesin muslimanet e Kosoves negativisht, mendoj se ata meritojne edhe me shume se kaq, sepse ata realisht nuk jane besimtare katolike, kjo vihet re dhe sot qe eshte festa e tyre me e madhe edhe ne kete dite ata bejne thirje per urrejtje dhe nuk kane as perjetimin me te vogel nga kjo feste per te reflektuar falje, harmoni, bashkim, vllazeri.

E si mund te trajtohet spiuni pervec se si spiun.

  • Postime: 345
  • Gjinia: Mashkull
yllipolar
#6 ne: 26-12-2008, 10:41:51
...Sa  shumë  paska  urrejtje  për  arabët  dhe  shtetet  arabe  tek  shqiptarovit  nuk  e  paskam  besuar. Krishterë  të  nderuar, mos  i  përzieni  çorbat  ju  lutem. Ktu  po  flasim  për  KOSOVEN  DHE  TOLERANCEN  FETARE  ISLAMIKE. Se  përndryshe  edhe  në  këtë  aspekt  jeni  humbës. Përndryshe  nëse  keni  harruar  po  ua  kujtoj  se  fetë  qiellore  vinë  andej  nga  lindja  që  ju  e  urreni  kaq  shumë. Tek  ata  "arab"  që  ju  po  i  theksoni  egzistojnë  dëshmi  qyshë  prej  kohës  së  Moisiut -  Musait a.s  ose  ose  Abrahamit - Ibrahimit  a.s  sesi  trashëgimia  kulturore-fetare  u  transferua  brez  pas  brezi  nga  Exhipti në  Arabi. (Shikone  librin e  Rahmetullah Kairanavit  NGADHNJIMI I SE  VERTETES). Ju  nuk  mund  t'a  mohoni  faktin  se  shumica  e  profetëve  erdhën  andej  nga  po  ajo  lindje  që  ju  po  ja  futni  kot  e  po  nënçmoni  duke  harruar  se  mund  t'a  fyeni  vetveten. Ajo  lindje  është  problem  i  madh  apsolutisht  për  kulturen  europjane  dhe  perëndimore  në  përgjithsi. Unë  kujtoj  një  studiues  të  artit, njëfar  Ernest Gombrih kur  thoshte  në  librin  e tij: "...Grekët  bënë  zbulimin  e  zbulimeve, zbulimin  e rakursit" -kur  fliste  për  artin  grek  dhe  më  tutje: "...Grekët  ishin  nxënës  të  exhiptasve..."... Por  exhiptasit  e  vjeter  ai  i  sheh  ngusht  të  lidhur  me  kulturat  e  lindjes...Me  artin  babilonas  për  shembull... Do  t'ishte  e  mirë  sikur  t'i  zgjeronit  pak  njohuritë  e  juaja  parasëgjithash  po  t'a  lexonit. (PO  në  tërë  këtë  muhabet  e  kam  parasyshë  arsyen  ndoshta  pse  nuk  i  futeni  shumë  historisë  së  krishterizmit  sepse  përndryshe  gjysma  e  Bibles  së  sotme  do  duhej të  mohohej (Dhjata  e Re), sepse  kshtu  kan  menduar  një  pjesë e  t'parve  tuaj).Unë  gjithashtu  nuk i  harroj   edhe vendet  si  Persinë  e vjetër, Indinë, Arabinë...Babilonin ë  e  vjetër e  ndoshta  edhe  kulturat  e largëta  si  Kina  nëse  veç  po  flasim  për  qytetrimin  në  botë  pa  dallim, etj  ,etj  sa  për  t'a  vërtetuar  pohimin  tim  se  lindja  është  djep  i  kultures  në  botë. Desha  t'ju  pyes  se  ku  i  mbështetni  dëshmitë e  jueja  kur  flisni  për  lindjen  dhe  kulturen e  lindjes, por  unë  po  harroj  se  ju  nuk  keni  p.sh: zingjirin  e transmetuesve  siç  e kan  ata  arabët  e pagdhendur, dhe  nuk  keni  shumë  burime  t'shumta  argumentesh  që  kanë  ata. Ju  flisni  për  perëndimin, sikur  atje  do  t'filloj të  lindë  dielli, (dhe  do të  lindë...), por  referojuni  kulturës  suaj  dhe  qytetrimit  tuaj  parasëgjithash, bile  do  t'ua  dinim  për  nder  e  leni  arabët  rehat... Më  detyruat  të  zgjerohem  kaq  shumë sa  që  harrova  s e jemi  duke folë  për  tolerancen  fetare  islame.  Ju  thoni  se:
"-Ju mund te me pysni mua se sa tolerant eshte ky popull sepse pasi qe u pagezua familja Mehaj,Kabashi dhe Maksutaj mardhenjet qe kishim para pagzimit ishin ndryshe me te mira te aferm dhe shoqeri kurse tani as qe kemi Kontakte me disa shok apo familje te ngusht prej muajve qe dmth eshte nje urrejtje nje denim si te them se pse ne kemi marr fen Katolike fen e t'parve.  "

 Ndoshta  është  e  vërtetë  se  kshtu  ka  ndodhur  me  këto  familje,  ju  besoj  këtyre  fakteve. Por  paramendoni  se  çfar  do  t'ndodhte  po  t'konvertoheshin  në  fe  të  tjera  në  ndonjë  vend  tjetër  të  botës,në Kinën komuniste  për  shembull, s'ka  dyshim   se  nuk  do  t'mbeteshin  me  kaq  ata  njerz  dhe  ato  familje. Ndërsa  poashtu  ata  do  t'ktheheshin  në  fenë  e  tyre  sikur   t'ktheheshin  në  paganizëm  zotrinj  e  zonja  të  nderuara. Ndoshta  po  gaboj  por  kur  po  i  referohem  historisë  ajo  po  më  thot  se  ilirët  të  parët  tan  ishin  pagan. Do  t'kisha  mar  si  shembull  nja  dhjetra  raste  të  përjashtimit  nga  vendet  e  punes, dhe  përjashtimit   nga  shkollat  e  tyre  disa  motra  muslimane, dhe  që  populli  nuk  reagoj  kushediseçfar  në  ndonjë  mënyrë  të  ashpër. Sepse  ishte  tolerant  përkundër  faktit  se ishte  padrejtsi. Por  e  di  se  do  t'futeshim  në  polemika  të  reja  duke  thënë  se  ajo  është  veshje  tradicionale  arabe (gjë  që  s'do  t'a  pranoja  sepse  kam  një  thes  argumentesh  me  vete).
 Nëse  flasim për  tolerancë  fetare  islamike, referojuni hapave  të  Bashkësisë  Islame  të  Kosovës  për  afrimin  me  komunitetet  e  tjera  fetare këtu  në  Kosovë. Apsolutisht   duhet  të  jeni  të  bindur  se  nëse  këto  çarje  mes  krerëve  tanë  janë  të  zvogluera  tek  njerzit  e  thjeshtë  janë  të  thelluera, kjo  është  logjika...

 Por  ju  keni  të  drejt  kur  thoni  se  jemi  të  pashkolluar kam  parasyshë  drejtshkrimin  tuaj  në  rend  të  parë...Dhe  neve  nuk  na  dhemb  fakti  aq  shumë  nëse  jemi  shumë  ekstremist  apo  shumë  tolerant, faktet  e tregojnë  të  vërteten. D.m.th sa  na  kan  injektuar  fe  brenda  nesh...Ne  kemi  vlerat  tona  si  komb. Vlerë  është  edhe  besimi  pa  përjashtim  çlloj  besimi. Kjo  s'mund  të  mohohet, pajtohem    pjesrisht me  at  shkrim  që  e ka  postuar  Maxi... Por  mos  harroni  se  një   kërkesë  e  ktillë  shtrohet  edhe  në  Kur-an kur  kërkohet  respekti  ndaj  pjestarëve të  feve  tjera...
« Editimi i fundit: 27-12-2008, 10:03:40 nga yllipolar »

  • Postime: 3080
  • Gjinia: Femer
Aida
#7 ne: 26-12-2008, 16:23:38
Kur e lexova per here te pare shkrimin qe sjolli MAX deshta te shkruaj edhe une dicka, por nuk e bera ne shenj respekti sepse tani jane festat e Krishtereve dhe nuk deshta te hapi debata.
Tash pasi lexova keta komentet e fundit sem rin zemra pa thene edhe une ca fjale.


Kengaime, koherat kane ndryshuar, dhe toleranca siq ka qene dikur nuk eshte me. Natyrisht ka edhe perjashtime, kemi edhe ne miq katolik e as qe vjen parasysh te vendojme ne pikepyetje miqesine dhe rrespektin e ndersjelle. Por mjafton te lexojsh temat e Teologjikut ketu dhe do ta shohesh realitetin e hidhur se tolerancen e morri era qe moti, e kjo fale disave qe vetem vjellin vrere dhe mbjellin urrejtje. Tipat e tille siq i kemi ne virtualiet, njejte i kemi edhe ne jeten reale.

Kush i ka fajet? I kane fajet gjith ata qe abuzojne ne emer te fese per perfitime personale me ndjenjat fetare e besimtareve (te cilesdo pale qofshin ata!).

Shkrimin e autorit nuk mundem ta quaj edhe aq real, si zakonisht para "mysafireve" ne nuk tregojme realitetin po prezantojme ate qe te tjeret duan ta ndegjojne dhe shohin.
Me kete nuk dua te them se Kosova eshte vater e terorizmit, se jemi armiq te SHBA-se etj, po dua te them se shume gjera ne shkrimin larte jane prezantuar pak ndryshe se qe jane.

Islami eshte NJE kudo ne bote, flas per Islamin burimor me bazat ne Kur'an dhe Sunnetin e Profetit s.a.v.s. Problemi eshte tek keqinterpretimi i fese i cili sjell pastaj rryma qe shkojne ne extremizem. Por keqinterpretime, extremizem i ka cdo fe, cdo ideologji, keshtu qe nuk duhet te kapemi vetem per fene Islame.

Po aq sa ka "musliman te moderuar" ne Kosove dmth kosovare qe jetojne jeten si perendimoret, po aq ka edhe kosovare besimtare te devotshem dmth qe shkojne ne xhami, respektojne rregullat e fese dhe ndalimet (psh. alkoholin) dhe poashtu kemi edhe femra me mbulesa. Imazhi i nje Kosoves perendimore nuk e mohoj qe eshte prezent, por po aq prezente jane dhe elementet tjera qe permenda, shkoni vizitoni pak Kosoven dhe do ta kuptoni ku e kam fjalen. Por mos valle ndikon ne tolerance nese dikusht nuk e pin alkoholin? Apo se ndonje femer ka vesh mbulesen?
Te qenit besimtar musliman ska ndikuar tek Kosovaret (nuk i mohoj perjashtimet) qe te jene tolerante, respektojne te tjeret etj, sepse edhe vete Kur'ani urdheron te polemizojsh me te tjere me fjale te urta dhe miresjellje. Vete ne Kur'an shkruan se "Ne fe nuk ka dhune".

Personalisht si problem i shoh ndikimet dhe imponimet nga jashte.
Realiteti eshte se perpiqet te mbahet nje tolerance, por deri kur do te mbahet nje Zot e din. Kosoven duhet ta lene te tjeret ashtu siq eshte, e vete populli duhet a zgjidhe rrugen dhe vendin e tij ne bote, e kete duke e bere pa imponime te jashtme.

Autori ka harruar te permende shoqatat e ndryshme te cilet jane vendosur ne Kosove, misionaret Protestante etj te cilet shtohen si kepurdha ne cdo qytet dhe jane te lire te punojne si ju don qejfi. Nderkohe shoqatat humanitare dhe bamirese muslimane jane shume me te kufizuara. Kjo shkaku frikes mos keqinterpretohet dhe krijohet imazh i gabuar se jemi extremista antiperendimor e antiamerikane. Ka shume e shume raste kur psh nje Kosovar ia ka shitur shpirtin nje organizate krishtere se psh i kan premtuar se ja dergojne femijun ne perendim per te bere nje operacion (di nje rast te tille), ose se shteti dhe rrethi jane thjesht shurdh dhe te verber ndaj halleve te popullit. Mos harroni se Kosova eshte shtet ku problemet si papunesia, skamja dhe varferia jane pjese e perditshmes e nje pjeses madhe te popullsise. Me nje fjale, Kosova eshte tani "toke pjellore" per imponime nga jashte.

Ne disa fshatra ca prifterinje kishin shpernda pako me embelsira per femije, gest shum i bukur dhe per tu pershendet meqe femijet ju gezohem embelsirave. Por shqetesuese ishte se ne cdo pako kishte nje kryq dhe bibel te vogel. Kjo ka ndodh ne fshatra me popullsi muslimane. A eshte e drejte kjo? Natyrisht qe muslimanet indinjohen, indinjohem edhe une vete si prind nese dikush abuzon me femijun tim dhe mundohet te ja laje trurin se "Vetem Krishti eshte shpetimtari yt!"- gje qe bie ne kundershtim me fene time.

Apo mos quhet e drejte qe kreret e besimtareve katolik ne vend qe te ftojne per nje dialog te mirefillte, per nje bashkejetese siq ka qene dikur, dhe siq duhet te jete pergjithmone, te ftojne ne falje, dashuri dhe tolerance, ata bejne ftese publike per konvertim ne "fene e te pareve"?!


Rasti me i fresket, ne Kohavision ku Shan Zefi beri thirje per konvertim, e kete e beri se qe i inspiruar meqe nga Prizreni e deri ne Prishtine si kurre me pare kane ndricuar rruget nga dekorimi dhe dritat per nder te festes se Krishtlindjeve.

Kjo tregon se ne nje shtet ku shumica e popullsise eshte muslimane, rrespektohet feja e pakices katolike, dhe ky rrespekt ka qene dhe DUHET te jete pergjithmone prezent. Por ky rrespekt per fat te keq shperblehet duke fyer ndjenjat fetare te muslimaneve.
Eshte pikepyetje se sa gjate pala muslimane do te heshte.
Keshtu qe besimtaret e cilesdo fe qofshin, duhet te vetedijesohen dhe nje here e pergjithmone ta kuptojne se bashkejetesa ne paqe funkcionon vetem kur ekziston rrespekti dhe toleranca e ndersjelle!

Nard, shkrimit tend nuk dua ti hy shume thelle. Ne rast se ke pasur experienca negative dhe diskriminime nga muslimanet shkaku i konvertimit tend, me vjen sinqerisht keq, sepse siq thash me larte: "Ne fe nuk ka dhune!"
Eshte e drejta jote te vetvendosish per besimin tend. Por pyete vehten me mire, mos kane qene reagimet negative te tjereve edhe si pasoje e deklaratave te ndryshme qe jane bere ne shtyp? Deklerata ku jan fyer ndjenjat fetare te bashkatdhetareve tu.

Feja eshte qeshtje shume personale dhe shpirterore, le te besoje kush doje ne cka doje, me rendesi mos imponojme njeri tjetrit bindjet po te bashkejetojme ne harmoni dhe paqe!

Pershendetje!

 

  • Postime: 56
ofthmani
#8 ne: 01-04-2009, 19:45:43
nardi krejt mekati i millosheviqit nuk e barazon mekatin e nje fjale e ajo fjale eshte jezusi djal i zotit kure e fol ti ket fjal qielli dhe toka dojn mu nda aq shpifje e madhe qe eshte per zotin e paster prej te metave

  • Postime: 720
  • Gjinia: Mashkull
h75
#9 ne: 02-04-2009, 18:39:31
Me pelqeu shkrimi i dhene nga Max,megjithese ketu jane qitur ne pah dhe ne menyre te stilizuar vetem anet e mira te qeshtjes dhe ne kete qeshtje shyqyr zotit, ane te mira ka me shume.
Shkrimi u drejtohet kryesisht te huajve kristian,eshte nje propagande e mire ne dobi te shqiptareve, ne menyre qe perkrahja per Kosoven te vie nga poshte- larte, nga baza. Kjo eshte perkrahja me e mire dhe me e fuqishme qe mund te siguroje nje vend nga nje vend tjeter.Dhe une do te deshiroja qe kete shkrim ta lexonin sa me shume nga ata te cileve u drejtohet.
Megjithate kjo eshte propagande, eshte marketing qe u drejtohet konsumatoreve te jashtem, ne kete rast atyre kristian. Eshte propagande qe u drejtohet te jashtmeve dhe nuk ka pasur nevoje te perkthehet, sepse ky shkrim megjithese flet per shqiptaret dhe tolerancen fetare qe ata kane,do te ishte gabim te u drejtohej shqiptareve. Nese ky shkrim do te u drejtohej shqiptareve, do te mund te kuptohej si thirrje  per tu bere nje popull lavir,popull me ndjenja te huaja, popull qe sillet sipas disponimit te te tjereve.Sjellja e tille nuk eshte e shendetshme,madje mund te behet edhe e rrezikshme.
Shqiptaret, te cilet shekujt e fundit jane me shumice muslimane, jane sjellur gjithmone mire me pakicen shqiptare te krishter. Shiptaret musliman kane bashkjetuar e bashkpunuar me shqiptaret e krishter edhe atehere kur mund te thuhet se nuk kishin interes e mund te silleshin edhe ndryshe. E kam fjalen per kohen kur ne fuqi kendejpari ishte perandoria osmane muslimane, e kur Amerika akoma nuk kishte lindur.Prandaj nuk kemi nevoje te sillemi ne menyren qe ne mendojme se do ta ia bente qejfin dikujt. Duhet te sillemi natyrshem siq jemi sjell gjithmone,dhe nuk duhet te i banalizojme vlerat tona.

E sikur te flasim pak per Kosoven dhe realitetin ketu,ajo qe bie ne sy eshte se ky vend eshte pa zot shtepie.Tani per tani eshte vend i te gjitheve dhe i askujt dhe ketu eshte normale qe shtete te ndryshme, permes organizatash joqeveritare te perzihen,perveq tjerash edhe ne qeshtjet e fese. E kjo ka rritur mostolerancen fetare njehere per njehere brenda te njejtes bashkesi fetare.E atje ku nuk ka zot shtepie e te paret vrapojne te vjedhin kete shtepi, nuk priten gjera me te mira.Ketej jane derdhur lumenje parash  per fene e rreth saj.Ta zeme, ne nje fshat ne Kosove ku lufta ka shkatrruar edhe shkollen edhe objektin fetar do te duhej qe te i jepej perparsi rregullimit te shkolles. Nese dikush nga jashte do te vinte te ndertonte objektin fetar do te duhej te i thuhej, jo faleminderit, ne akoma nuk e kemi shkollen, apo ne Kosove te hynin vagona me literature fetare dhe te jepej falas, ne kohen kur ne kishim mangesi ne cdo lloj literature.Ketej eshte hedhur lloj lloj fare, frutet e te cilave vetem kemi nisur te i shijojme, sidomos brenda perbrenda komunitetit musliman.E ata qe do te duhej te u thoshin, stop ketyre gjerave, ishin e jane te zene me dicka tjeter.
Do te ishte mire qe gjithkund ku jetojne shqiptaret te ekzistoj harmoni shoqerore e fetare,te kete pluralizem te mendimit e te besimit, te kete mireqenje te cdo lloji, e per kete duhet pune, por se a punojme ne ne kete drejtim, kjo le te mbetet me pikepyeje. E problemet ne shoqeri gjithmone duhet te diskutohen, e vetvetes gjithmone te ia themi te verteten,sepse vetem e verteta mund te jete piknisje per te arritur dicka.
pershendetje,


p.s. Sa i perket shkrimit te postuar nga "ofthmani", eshte shkrim ofendues per shqiptaret pavaresisht perkatesise fetare.Personit te tille, apo te panjeriut te tille duhet te i ndalohet hyrja aty ku flasin e "rrine" njerezit.

  • Postime: 56
ofthmani
#10 ne: 02-04-2009, 19:43:20
um fal hi 75 une asgje nuk kam than pos te vertetes edhe verteta nuk kam ndegju qe e ben naj kon te pa njeri une ndoshta e kam prek dikend me ket por um falni e kam borxh ta them te verteten

  • Postime: 2
omeripr
#11 ne: 02-04-2009, 22:39:21
ESALMU ALEJKOM vllazer musliman

  • Postime: 2
omeripr
#12 ne: 02-04-2009, 22:54:20
ESELAMU ALEJKOM Oftheman mos lyp falje vlla Musliman seketa komei leshue toka se qfar fialesh folin per ALL-LLAHUN.XH.SH. edhe keta menoin qe edoin Isen a.s qe keta ithoin hesus po vlla ai kurte zbret prei  qiellit te tret o vlla musliman komejav hiek kryt ketyneve qe bein shpifje e ithon se osht  diali i ...... komei lan pa kry  INSHALL-LLAH  bashk  me dexhallin se keta vlla jon njerz te humbur  edhe keta edin po nuk doin ta pranoin ....vllazri musliman cilin do  shtet preite humburve shikone seqaka ne to qe nuk ndiekin rrugen e kriusit faen e vetme te pranuar te  ALL-LLAHU.XH.SH. jan te shkatrruar  moralisht  fizikisht naga droga alkoholi prostitucioni martohen mashkulli me mashkull  femra me femer  jetoin me qe e nuk doin femij dhe ne fund doti arrij hidhrimi ne XHEHNEM INSHALL-LLAH  nese nuk pendohen
besimtare shqiptare
#13 ne: 27-02-2011, 05:48:14
Selamu Alejkum vllezer Ofthmani...dhe omeri pr ..nji mendimit jam me juve ..S.A..