Korea e Veriut nis testin bërthamor ! - Bota Sot

×
Albanian Forums, Zerion Zeri yt Zeri Info, Forumi Shqiptar Al Virtual, Diskutime, Biseda, Chat Njofje, Informatika, Teknologjia, Gazeta Tema, Gazetat Shqiptare, Bota Sot, www Channel Albania, Telegrafi Kosovo, Ballkani Web, Gazeta Lajme shqip, Lajmet e Fundit Shqiperia Kosova, Dita, Panorama, Kryeartikull, Faqja Kryesore, Video Shqip, Muzike Shqipe, Njoftime, Lajmerime, Temat Online, Gazetat, Kosovare, Shtypi Ditor, Sporti Shqiptar, Dashuria, Pyetje Pergjigje, Keshilla, Ndihme, Webmaster Shqiptar, Familja, Shqiptaria, Muzika, Receta Gatimi, Imazhe, Vipat-shqiptar, Aktualiteti
Media Sociale
Mesazhe Private
Shqiptaret duke lexuar tema interesante dhe te ndryshme
Tema re

Korea e Veriut nis testin bërthamor !

Korea e Veriut nis testin bërthamor !

· 3 · 203

  • Postime: 27109
  • Karma: +11/-5
  • Gjinia: Mashkull

ne: 04-10-2006, 22:02:41
Zyrtarët e Koresë së Veriut kanë konfirmuar dje se do të kryejnë një test atomik për raketat e prodhuara së fundmi në vend. Në një deklaratë të Ministrisë së Jashtme koreane thuhet, se testi është pjesë e përpjekjeve për përmirësimin e sigurisë në sfondin e rritjes së armiqësive me SHBA. Shtetet e Bashkuara e kanë kërcënuar Korenë e Veriut se nëse do të kryejë këto teste do të përballet me sanksione të forta. Në testet e mëparshme Koreja e Veriut ka hedhur raketa balistike, që mund të arrinin edhe në territorin amerikan. Megjithatë paralelisht do të vazhdojnë edhe përpjekjet për shmangien e armëve bërthamore nga gadishulli korean. Testimin e këtyre raketave e kanë kundërshtuar edhe fqinjët e Koresë së Veriut, Koreja e Jugut, Japonia dhe Kina.

  • Postime: 27109
  • Karma: +11/-5
  • Gjinia: Mashkull

#1 ne: 10-10-2006, 12:06:02
Koreja e Veriut realizon provën bërthamore

Qeveria koreane: Prova bërththamore u bë e mundur nëntokë, në kufi me Korenë e Jugut

   
Koreja e Veriut e bëri realitet kërcënimin e saj. Dje ushtarakët në Penian dhanë sinjalin për një provë bërthamore në nëntokë, por kjo provë ka pasoja të paparashikueshme për konfiguracionin e sigurisë në Azinë verilindore.
Këtë herë çështja nuk mbeti tek kërcënimi. Prej ditës së hënë, bota e di se Koreja e Veriut posedon armë bërthamore dhe bashkësia ndërkombëtare ndodhet para një problemi të madh. Ministri i Jashtëm koreanojugor, Ban Ki Moon, kur të marrë postin e Sekretarit të Përgjithshëm të OKB-së do të ketë një detyrë të vështirë sapo të marrë postin e tij.
Bisedimet
Në mënyrë të veçantë tronditje ka shkaktuar kjo provë bërthamore edhe tek bisedimet gjashtëpalëshe të shteteve pjesëmarrëse, para së gjithash tek Kina. Ky vend ofroi peshën e vet diplomatike dhe synonte të paraqiste veten si anëtar mjaft i përgjegjshëm i bashkësisë ndërkombëtare. Por të gjitha paralajmërimet e Pekinit nuk e bënë vëllain e vogël nga Peniani të heqë dorë nga prova bërthamore. Bisedimet gjashtëpalëshe kanë vuajtur qysh në fillim nga kontradikta themelore të interesave mes pjesëmarrësve. Për SHBA-në dhe Japoninë një Kore e Veriut, që posedon armë bërthamore, është e papranueshme. SHBA-të e kanë kategorizuar Korenë e Veriut tek aksi i së keqes dhe synojnë ndryshimin e regjimit atje. Për Kinën dhe Korenë e Jugut një Kore që ka armë atomike është e keqja numër dy. Më shumë se çdo gjë tjetër ata i tremben shpërbërjes së shtetit terrorist stalinist- me flukse të refugjatëve dhe rreziqe të pakalueshme për sigurinë. Për këtë arsye Kina ka sabotuar rezolutat e ashpra të Kombeve të Bashkuara dhe nuk ka pranuar vendosjen e sanksioneve.

  • Postime: 27109
  • Karma: +11/-5
  • Gjinia: Mashkull

#2 ne: 10-10-2006, 12:09:22
Ivanov: Bomba, fuqi shkatërruese, e përafërt me bombën e Hiroshimës
 
Ministri rus i Mbrojtjes, Sergei Ivanov, tha se bomba kishte një fuqi shkatërruese nga pesë deri në 15 kilotonë, që është e përafërt me përmasat e bombës që u hodh mbi qytetin japonez të Hiroshimës në vitin 1945. Kina ka dënuar provën bërthamore të Koresë së Veriut, duke i kërkuar Penianit të ndalojë veprime të tjera që mund të përkeqësojnë situatën. SHBA e ka përshkruar provën si akt-provokativ dhe ka riafirmuar angazhimin për të mbrojtur aleatët në rajon. Ndërkohë, shefi i Politikës së Jashtme të BE-së, Havier Solana, gjithashtu i është bashkuar dënimit në arenën ndërkombëtare. Ai tha në një konferencë për gazetarë se veprimi i Koresë së Veriut ishte kërcënim për gjithë botën. Agjencia shtetërore e lajmeve në Korenë e Veriut e përshkroi këtë provë si një fitore, që do të forconte sigurinë e vendit.
 

Temat e fundit