Si marrin frymë peshqit nën ujë? - Zoologji

×
Albanian Forums, Zerion Zeri yt Zeri Info, Forumi Shqiptar Al Virtual, Diskutime, Biseda, Chat Njofje, Informatika, Teknologjia, Gazeta Tema, Gazetat Shqiptare, Bota Sot, www Channel Albania, Telegrafi Kosovo, Ballkani Web, Gazeta Lajme shqip, Lajmet e Fundit Shqiperia Kosova, Dita, Panorama, Kryeartikull, Faqja Kryesore, Video Shqip, Muzike Shqipe, Njoftime, Lajmerime, Temat Online, Gazetat, Kosovare, Shtypi Ditor, Sporti Shqiptar, Dashuria, Pyetje Pergjigje, Keshilla, Ndihme, Webmaster Shqiptar, Familja, Shqiptaria, Muzika, Receta Gatimi, Imazhe, Vipat-shqiptar, Aktualiteti
Media Sociale
Mesazhe Private
Shqiptaret duke lexuar tema interesante dhe te ndryshme
Tema re

Si marrin frymë peshqit nën ujë?

Si marrin frymë peshqit nën ujë?

· 1 · 1520

  • Postime: 27109
  • Karma: +11/-5
  • Gjinia: Mashkull

ne: 07-05-2011, 00:48:57
 

Sikurse të gjitha kafshët, edhe peshqit kanë nevojë për oksigjen që të jetojnë. Për këtë arsye, ata janë të pajisur me velëza, dy të çara në anë të kokës, që i lejon të thithin oksigjenin që përmban uji. Peshku, me velëzat e mbyllura, e gëlltit ujin me gojë.


Më pas, uji përshkon fletët brenda velëzave, ku oksigjeni ndahet veç dhe thithet nga enët e gjakut, për të dalë më pas nga velëzat e hapura. Këto organe hapen e mbyllen ritmikisht në të njëjtën mënyrë sikurse te qeniet e gjalla në tokë alternohen lëvizjet e frymëmarrjes.

Mbrojtja e velëzave

Fleta kockore që mbulon çdo velëz quhet “kapakth” dhe shërben për të mbrojtur fletët e velëzave.

Si marrin frymë gjitarët e detit?

Balenat dhe delfinët kanë një sistem frymëmarrjeje të ngjashëm me atë të gjitarëve të tjerë: ata janë të pajisur me mushkëri prandaj dhe u duhet të thithin oksigjen nga ajri.

Për këtë arsye, ata dalin rregullisht nga uji dhe marrin frymë me flegrat e vendosura pranë majës së kokës. Delfinët shpesh thithin oksigjen gjatë kërkimeve të tyre karakteristike.

Në sa mënyra notojnë peshqit?


Peshqit lëvizin duke lëkundur horizontalisht trupin dhe fletët. Lëvizjet e bishtit i ndihmojnë për t’u shtyrë përpara. Ngjalat i tkurrin muskujt në mënyrë të alternuar dhe lëvizin me dredha.

Duke ndërruar radhën e tkurrjeve ato lëvizin edhe mbrapsht.

Notimi i gjitarëve të detit

Gjitarët e detit notojnë me shpejtësi falë lëvizjeve vertikale të bishtit që i jep një shtytje të fuqishme përpara. Ndërsa duhet përmendur se raja noton duke lëkundur krahët e gjera të gjoksit.
« Editimi i fundit: 09-11-2020, 20:54:56 nga M A X »

Temat e fundit